Allaev Uz

Франциянинг Free мобил оператори ўз абонентларига обунага бепул ВПН хизмати қўшиб бериб бошлабди. Бунақасини олдин ҳеч ўқимаган эдим. Яқинда ёшлар даврасида бўлиб қолиб, Тик ток сабаб бизда ВПНлар қанчалик оммалашганини билиб олгандим. Жуда кўп ёшлар тик ток учун ҳар ой абонент тўлови тўлаб пуллик ВПН ишлатишар экан. #biznes #vpn

АҚШ доллари расмий курси 12 300 Сўмдан пастга тушди. Янги расмий курс 12 285.16 Сўм. #kurs

Қонунчилик палатаси Исломий молия ҳақидаги қонунни биринчи ўқишда қабул қилибди. Ўзбекистонда исломий банк фаолиятини йўлга қўйишга қаратилган қонун лойиҳаси ишлаб чиқилди. Лойиҳа асосида Солиқ ва Фуқаролик кодекслари ҳамда 8 та қонунга ўзгартириш ва қўшимчалар киритилмоқда. Унда исломий банк, молия операциялари ва стандартлари ҳамда инвестициявий депозит тушунчаларини қонунчиликка киритиш таклиф этилмоқда. Шунингдек, исломий банк фаолиятини амалга ошириш ҳуқуқини берувчи лицензияни жорий қилиш, лицензияни олиш бўйича аниқ талаблар ҳам шакллантирилади. Реклама бурчаги: Сизда бўлса ҳозирнинг ўзида Asaxiy га қадриятларга мос инвестиция киритиш ва пассив даромадга эга бўлиш имкон бор. Имкон ҳақида маълумот олиш учун @asaxiymedia аккаунтига “инвестиция” сўзини жўнатинг 😊 #bank #investitsiya #moliya

"Юрак касали билан вафот этганлар статистикаси тўғри эмас. Чунки ким уйида вафот этса сабабини юрак қон томири деб ёзиб беришади. Ҳақиқий ўлим сабабини эса экспертиза хулосаларидан кейин билиш мумкин. Бунга эса доим ҳам рухсат беришмайди яқин қариндошлар" Инфаркт ва юрак касалликлари бўйича мутахассислар билан Қўштирноқ подкастида суҳбат. Албатта кўринглар. ▶ https://youtu.be/-BC8MXe8wLs #podcast

Audio kitob. "Katta o'yin. Ikki imperiya to'qnashuvi". So'z boshi. Audio kitobni Hamza Jumayev o'qidilar. Qog'oz kitobni xarid qilish: https://asaxiy.uz/product/piter-hopkirk-katta-uiin-ikki-imperiya-tuknashuvi #audio #kitob

Технологик нуқтаи назардан, дунёдаги барча сотувларни иккита катта стратегик йўналишга бўлиш мумкин: "биз мавжуд талабга хизмат кўрсатамиз" ёки "биз талабни ўзимиз яратамиз". Бу иккиси ўртасидаги фарқни тушуниш — бутун бизнес-моделингизнинг тақдирини ҳал қилади. Талабга хизмат кўрсатиш Бу — сотувларнинг энг кенг тарқалган ва тушунарли шакли. Мижоз аллақачон дейлик Тошкентда ҳаво 45 даражага чиққанда кондиционер сотиб олишга қарор қилди. Унинг миясида эҳтиёж шаклланган. Сизнинг вазифангиз — у "Google"га кирганида ёки дўконга келганида айнан сизнинг кондиционерингизни таклиф қилиш. Бунда сотув — бу аниқ технологиялар ва воситалар тўплами: - Яхшироқ реклама бериш. - Фойдалироқ чегирма таклиф қилиш. - Рақобатчилардан устун жиҳатларини кўрсатиш. - Хизмат сифати - Тўғри нарх Бу худди балиққа тўла кўлда қармоқ ташлашга ўхшайди. Сизнинг вазифангиз — энг яхши ўлжа ва энг яхши қармоқни танлаш. Талабни яратиш Энди тасаввур қилинг, уй бекаси уйига робот-чанютгич олиш ҳақида умуман ўйламаган. Сизнинг вазифангиз — унинг онгида шу эҳтиёжни "экиш" ва "ўстириш". Буни қилишнинг фақат битта йўли бор: контент. Талабни фақат контент орқали яратиш мумкин. Бу блог, видео, ижтимоий тармоқлардаги постлар, тренинглар ёки ҳатто индивидуал лекциялар бўлиши мумкин. Машҳур "Kirby" чанютгичларини сотиш жараёни ҳар доим сизнинг уйингиздаги кир ва чанглар ҳақидаги бутун бошли лекция ва қизиқарли спектаклдан бошланган. Бу — балиқ овлаш эмас. Бу — қўриқ ерни ўзлаштириб, унга уруғ экиб, парваришлаб, ҳосил олишга ўхшайди. Бу узоқроқ ва қийинроқ, лекин ҳосили ҳам салмоқлироқ бўлади. Тўсатдан қилинган харидлар-чи? Дўкондан 15 дақиқа олдин ҳеч нарса олмоқчи бўлмаган одамнинг янги сумка билан чиқиб келиши ҳам "талабга хизмат кўрсатиш"дир. Фақат бу ерда талаб "сумка сотиб олиш" эмас, балки "пул сарфлаб, лаззат олиш" эди. Ҳар қандай бизнес мавжуд талабга хизмат кўрсатишдан бошланиши мумкин. Аммо ўз бозорини яратадиган, одамларнинг фикрини ўзгартирадиган ва узоқ йиллар давомида етакчилик қиладиган буюк брендлар — булар доим талабни ўз контенти орқали ярата олган компаниялардир. #biznes #savdo #marketing

АҚШ доллари курси 12 344.62 Сўмгача (-82.22) пасайди. #kurs

2025 йилнинг биринчи ярмида энг кўп солиқ тўлаган савдо корхоналари. Korzinka биринчи ўринда. Uzum учинчи ўринга чиқиб олибди. #biznes #soliq

Ҳаётда биз билан бўладиган воқеалардан кўра, биз уларга берадиган маъно муҳимроқ.

2002-йилда Дубровка театридаги намойишлардан бири терактга айланиб кетади. Жангарилар Чеченистонлик радикаллашган гуруҳ аъзолари эди. Уларнинг бу терактдан асосий мақсади Россия ҳукуматини Чеченистон билан тинчлик музокараларини бошлашга мажбур қилиш эди. 3 кун давом этган қамал давомида, Россия хавфсизлик кучлари махсус операция ўтказиб, кўплаб асирларни озод қилишди, лекин, афсуски, воқеа натижасида 129 киши ҳалок бўлди. Аммо ҳалок бўлган одамларни жангарилар ўлдирмаган. Воқеа ўзи қандай юз берганини батафсил видеода билиб олинг: https://youtu.be/XCMwGMICzQo?si=tIpXorqOsIjOaJQV

Hamkorlarimizdan biri Tilmoch AI 150 000 AQSH dollari investitsiya jalb qilibdi. Investitsiya jarayonida startap 1.5 mln AQSH dollariga baholangan. Bu raundda AloqaVentures 60 000 $, Yoshlar Ventures 50 000 $ va IT Park Ventures 40 000 $ investitsiya kiritishgan. #biznes #startap

Тарихда биринчи маротаба сунъий интеллект амалдор бўлди. Албанияда янги виртуал вазир тайинлашди. Бу ҳафта жаҳон бошқарувида тарихий воқеа юз берди: Албания дунёда биринчи бўлиб сунъий интеллектни ҳукумат аъзоси — вазир этиб тайинлади. Унинг исми Диелла (албанча “қуёш нури”) ва у ҳатто анъанавий либосдаги ёш аёл қиёфасига ҳам эга. Диелланинг вазифаси нима? Унинг асосий масъулияти — барча давлат харидлари ва тендерларини инсон омилидан тўлиқ холи қилиш. Мамлакат бош вазирининг сўзларига кўра, асосий мақсад давлат харидларида “100 фоиз сотилмайдиган” ва “100 фоиз шаффоф” тизим яратиш. Қолаверса, Диелла аллақачон “e-Albania” рақамли платформаси орқали фуқароларга хизмат кўрсатиб, ўзини кўрсатиб улгурган тажрибали "номзод". Назарий жиҳатдан ҳаммаси мукаммал: сотилмайдиган, қариндоши йўқ, фақат рақамларга асосланадиган вазир. Лекин бу "қуёш нури" ортида жиддий саволлар бор. Аввало, Диелланинг жиноий жавобгарлиги йўқ. Агар унинг хатоси сабабли мамлакат миллиардлаб зарар кўрса, ким жавоб беради? Уни "ишга олган" Бош вазирми? Шунингдек, давлат харидларида баъзан энг арзон нарх эмас, балки маҳаллий ишлаб чиқарувчини қўллаб-қувватлаш ёки стратегик аҳамиятга эга қарор қабул қилиш муҳимроқ. СИ бундай нозик жиҳатларни тушуна оладими? Яна бир хавотир, Диелланинг аниқ белгиланмаган ваколатлари ҳақида кетмоқда. Масалан, унга "бутун дунёдан талантларни ёллаш" ҳуқуқи ҳам борлиги айтилмоқда. Бу қандай ишлайди ва кимнинг манфаатларига хизмат қилади? Албания бир неча йилдан бери Европа иттифоқига кириш учун ҳаракат қилиб келади. Лекин, коррупцияга қарши кураш масаласида мамлакат доимий ЕИдан эътирозлар эшитиб келади. Бу қадам бош вазир Эди Раманинг шунчаки технологияга қизиқиши эмас. Бу — кўп йиллардан бери Европа Иттифоқи томонидан танқид қилинадиган коррупцияга қарши курашда радикал қадам ташлаш орқали Брюсселга кучли сиёсий сигнал юборишдир. Эди Раманинг сайловларда асосий ваъдаси ҳам 2030 йилгача мамлакатни ЕИга олиб кириш бўлган. Албания тажрибаси — бу бир вақтнинг ўзида ҳам коррупцияга қарши курашнинг янги усули, ҳам Европа Иттифоқига йўналтирилган кучли сиёсий пиардир. Диелла ҳақиқатан ҳам порахўрликни йўқ қила оладими ёки у шунчаки муаммоларни яширадиган рақамли фасад бўлиб қоладими — буни вақт кўрсатади. Лекин бошқарув тарихининг янги саҳифаси айнан шу кичик Болқон давлатида очилгани аниқ. #siyosat #ai

Yandex Uzbekistan чакана савдога AI ечимлар билан кириб келмоқда 🛒📈 Ўзбекистонда чакана савдо (ритейл) босқичма-босқич рақамли трансформациянинг янги босқичига ўтмоқда. Бугун Yandex Uzbekistan ушбу йўналишдаги янги қадамини эълон қилди — Yandex Retail/tech. Бу савдо тармоқлари учун мўлжалланган технологиялар мажмуаси бўлиб, AI таҳлиллари, ақлли омборлар, мижозлар учун иловалар ва ҳатто компьютер кўришига асосланган «Ақлли дўкон» лойиҳасини ўз ичига олади. 🤖 Бу нега керак? Чунки анъанавий бошқарув моделлари эндиликда мижозлар талабига жавоб бера олмаяпти. Масалан, «Ақлли дўкон» технологияси сизнинг дўконингиздаги ҳар бир савдо майдонида нималар бўлаётганини “кўриш” имконини беради. Дўконларнинг рақамли нусхалари эса маҳаллий чакана савдо субъектларига етишмаётган муҳим жиҳат — жараёнлар шаффофлигини таъминлайди. Компания маълумотларига кўра, бу технология операцион самарадорликни 30% га ошириши ва айланмани камида 2% га кўпайтириши мумкин. Ўзбекистон бозори учун бу муҳим сигнал: чакана савдода рақобат энди фақат мижоз ва нарх учун эмас, технологиялар учун ҳам бўлади. Ким биринчи бўлиб самарали ечимларни жорий этса — ўша бозорда ўйин қоидаларини белгилайди.

АҚШ доллари расмий курси 12 426 сўмгача (-20,52) пастлади. #kurs @allaevuzb

Қизиқарли факт, Исроил XXI асрда бир уруш доирасида олтита давлат ҳудудида ҳарбий амалиёт (ҳужум) қилган илк давлатга айланибди. 7 октябръ воқеаларидан бери Исроил Фаластин, Эрон, Ливан, Сурия, Яман ва Қатар ҳудудида ҳарбий амалиётлар қилган. Ҳатто XXI аср боши билан умумий урушларни олса ҳам бунақа катта натижа дунё полицияси бўлган АҚШда бор холос. Аср бошидан бери турли урушлар доирасида ёки терроризмга қарши кураш мақсадида АҚШ Афғонистон, Эрон, Ироқ, Сомали, Яман, Покистон ва Ливия ҳудудида (7та мамлакат) тўғридан тўғри ҳарбий амалиётлар қилган. Яна қайсидир давлатга кириб қўйса, Исроил бу борада АҚШга етиб олади. #siyosat

Аутизмли болани ўстириш мураккаб жараён. Parda podcast нинг навбатдаги сонида аутизмли фарзандини ривожлантираётган ва ижобий натижаларга эришган Фарангиз ҳикояси билан бўлишган. Тўлиқ видео: https://youtu.be/sqNgzwoaP1Y #podcast

АҚШ доллари расмий курси 12 447 сўмгача (+86,49) кўтарилди. #kurs @allaevuzb

Бир оила — бутун Сурия сиёсатининг акси. Суриядаги янги ҳокимиятнинг келажагини тушуниш учун унинг раҳбари Аҳмад аш-Шараа (ал-Жоланий) оиласининг ўзига хос портретига назар солиш кифоя. Бу оила — сўнгги 50 йиллик Сурия тарихидаги барча зиддиятли мафкураларнинг ажойиб йиғиндисидир. Оила аъзолари билан танишинг: * Ота: Иқтисодчи, социалист ва араб миллатчилиги (носирчилик) тарафдори. * Катта Ўғил (Аҳмад аш-Шараа): Янги давлат раҳбари, собиқ жиҳодчи, яқин-яқингача Асад режими ва Россиянинг ашаддий душмани. * Кичик Ўғил (Маҳер аш-Шараа): Шифокор. Бир акаси Россия билан урушаётган бир пайтда, у кўп йиллар Россияда яшаган, рус аёлига уйланган ва рус тилида бемалол сўзлашади. У бугунги кунда Россияга энг яқин оила аъзоси ҳисобланади. * Амаки (Фаруқ аш-Шараа): Эски Баас партияси аъзоси. У 21 йил давомида айнан Асадлар даврида Сурия Ташқи ишлар вазири, кейинчалик эса Башар Асаднинг вице-президенти бўлган. Бу оддий оилавий дарахт эмас. Бу — янги Сурия режими қанчалик мураккаб эканининг ёрқин далили. Бир томондан, давлат тепасига келган Аҳмаднинг ўзи Россиянинг душмани эди. Иккинчи томондан, айнан унинг Россияга мойил укаси Маҳер бугун Дамашқда Россия делегациясини кутиб олиб, икки давлат ўртасидаги алоқаларни қайта тиклаш учун масъул бўлмоқда. Бугундан ташқари, амакининг Асад режимидаги юқори лавозими бу оиланинг илдизлари эски тизим билан ҳам чамбарчас боғлиқ эканидан далолат беради. Бу бир оиланинг портрети эмас. Бу — Суриянинг келажаги қанчалик зиддиятли, кутилмаган ва олдиндан айтиб бўлмас бўлиши мумкинлигининг кичик бир моделидир. #siyosat

Хива хонлигида 19-аср бошида қабул қилинган фармон давлатнинг тил тарихида бурилиш ясаган: барча ҳужжатлар туркий тилга ўтказилиб, форсий ёзув батамом тўхтатилган. Натижада кейинги юз йиллик давомида туркий тилдаги ниҳоятда бой ҳужжатлар мерос бўлиб қолди. Бугун эса ўзбек тилида тўлиқ юритиладиган журналлар кам учрайди. Айниқса, илмий-оммабоп журналлар — ноёб артефактга тенг хазинадир. Шу маънода “Ватан” журнали замонамиз учун олтиндек қимматли манба сифатида алоҳида аҳамият касб этгани боис қурултойчиларнинг асосий суҳбат мавзуси ҳам айнан шу журнал атрофига қурилди. 🔗 Подкастни томоша қилинг: https://youtu.be/tdkLYGerSkg #podcast