📝 Usmle In Arabic 📝

. . بعد 2024 اذا كليتك غير معترف بها ومحصلة Accreditation من WFME فلايمكنك التسجيل بعد 2024 للمعادلة الامريكية الا لو قمت ببعض الخطوات التي ساشرحها لاحقا . طيب ... كليتي موجودة ضمن الكليات المعترف بها قبل 2024 وأريد ان اتجنب سحب الاعتراف بكليتي بعد 2024 ... ماذا يجب عليا ان افعل؟ يجب عليك التوكل على الله اولا واخيرا ثم تبدا في التجهيز لامتحان Step 1 او Step 2 (أحدهما كافي لتجنب سحب الاعتراف) قبل 2024 بحيث تحاول قدر الامكان اجتياز الامتحان قبل 2024 ان شاء الله وهذا اضمن واحوط شئ بالتالي يمكنك اكمال باقي الخطوات وباقي الامتحانات حتى بعد 2024 لانه سيسري عليك مايسري قبل 2024 اي انك لن تتاثر بسحب الاعتراف بكليتك ويمكنك اكمال الامتحانات بعد 2024 ان شاء الله . هل في أمل في حصول الجامعات الليبية على الإعتراف قبل 2024 ؟ للأسف اقولها بكل حرقة انه صعب بل مستحيل للاسف لانه لاوجود لاي عمل حقيقي على الموضوع والموضوع محتاج ميزانية ولجنة خاصة لذلك تكون هيئة مستقلة وليست تابعة لوزارة انما هيئة مستقلة لها مخصصات مالية ودكاترة وفنين يشتغلوا على الموضوع وهذا غير موجود للاسف واغلب المسؤولين في الكليات في ليبيا ليس لديهم اي معرفة بموضوع سحب الاعتراف في 2024 ولايعرفون تفاصيل كيفية الحصول على الاعتراف للأسف ... وكان هناك بعض البوادر قبل سنوات للبدء في الموضوع لانه تم التنبيه منذ 2013 لكن للاسف لاوجود لاي امل بالتالي الموضوع تحصيل حاصل وتوكل على الله ثم دير الي عليك . ماذا يمكنني ان افعل لتجنب سحب الاعتراف؟ حاول التوكل على الله ثم النجاح في امتحان Step 1 او Step 2CK وطبعا حاليا الستيب 1 اسهل خاصة انه حيصبح Pass/Fail مع بداية سنة 2022 ان شاء الله . سمعت انه يمكنني فتح حساب ECFMG ومافيش داعي انه ندخل امتحان الUSMLE وعادي نقدر نديره الامتحان بعد 2024 فما صحة هذا الكلام؟ كلام غير صحيح وغير واقعي بالمرة وربما يقول هذا الكلام من لم يقم بدخول او التسجيل في الامتحان شوف معاي وافهم لما تفتح اكاونت في موقع ECFMG حتعبي بيانات شخصية وتدفع مبلغ حوالي 160$ (سعر 2022) الي هو تعبي بيانات شخصية ماليهاش علاقة بكلية الطب الي تقرا فيها بعدها بعدها حيديرولك Notary cam وياخدولك موعد يديروا معاك مقابلة فيديو توريهم شكلك واسمك وباسبورك ومعلوماتك بحيث يتاكدوا انها صح لكن ماليهمش علاقة بكلية الطب الي انت جاي منها ولاحيتاكدوا منها بتاتا ... عملية ماليهاش علاقة يعني ممكن تجيب عيل ثالثة اعدادي وتخليه يفتح اكاونت عادي جدا . الخطوة الي بعد النوتاري والي هي لازم تديرها انه تقدم على الامتحان Apply for exam وتعبي فورم لذلك وهنا تعبي بيانات الكلية وهل انت طالب او متخرج ... لو انت طالب حيقولك لازم تبعت الدبلومة والشهادة لما تتخرج ولو انت متخرج لازم تبعتهم ولو انت طالب في كل مرة بتاكد على التسجيل . هنا مرحلة التسجيل الحقيقية والتاكد من كليتك وهل هي معترف بها او غير معترف بها ... هنا حتدير Application for the Exam and for ECFMG certification . هنا تختار حاجة اسمها Eligibility period والي هي فترة 3 شهور الي انت متوقع انك حتدير فيها امتحانك مثلا: اليوم 26-12-2021 جيت سجلت وكملت النوتاري ودخلت وتبي تعبي بيانات الكلية وتكملها بعدها لما تكمل النموذج وتعبي بياناتك صحيحة ومنها بيانات الكلية بشكل كامل ... بعدها حتوصل رسالة للكلية انه فلان (عبد السميع) سجل في ECFMG ويريد عمل امتحان Step 1 مثلا ... هنا ياتي دور الكلية بانها توافق على فلان (انه طالب طب عندها مش واحد ثالثة اعدادي جاي يلعب) بعد ذلك خلال اسبوع او اسبوعين حيوصلك التاكيد (طبعا انت خلاص مختار المدة الي حتدير فيها الامتحان والي هي تكون خلال 3 شهور حسب اختيارك اثناء عمل اللابلكشن) يعني مثلا شهر 3 -4-5 من سنة 2022 او 4-5-6 وهكذا ويفتحلك فقط مدة حوالي سنة من تاريخ تسجيلك . خلال السنة هذه لازم تختار 3 شهور يكون في احدهما الامتحان الحقيقي (تحدده بالضبط عن طريق موقع البرومترك) . يحقلك تعمل extension لمرة واحدة ول3 شهور بقيمة 100$ يعني لو اخترت شهر 7-8-9 بعدين لقيت الامور صعبة فتبي تاجل 3شهور بحيث ممكن تختار 10-11-12 فهنا حتدفع 100$ والتاجيل مرة واحدة او تلغي الامتحان وتعاود كل الابلكشن من الاول . فلهذا احسبها كويس كويس .. عندك سنة 2022 و2023 توكل على الله وحاول تنجح في الامتحان بالاخص ستيب 1 حتى تتفادى مشكلة سحب الاعتراف . ممكن انك تحاول بمخاطرة تفتح اكاونت وتحجز الامتحان في نهاية 2023 وتخلي موعد امتحانك في منتصف او نهاية 2024 لكن طبعا خلي بالك مخاطرة ايضا والاضمن والأحوط انه تنجح في 2022 او 2023 ان شاء الله وبتالي بعدين حتى بعد 2024 تقدر تكمل باقي الامتحانات وباقي الخطوات وبدون ان تنطبق عليك سحب الاعتراف كما قمنا بمراسلة ECFMG شخصيا بذلك

سحب الإعتراف بكليات الطب في ليبيا في عام 2024 🌏✍️ . لازم كل طالب طب ودكتور في اي مكان في العالم بالأخص في ليبيا انه يقرأ هذا البوست .... والبوست هذا ابراءا للذمة والضمير وبهذا نكون وضحت كل مايتعلق بهذا الموضوع المهم جدا 📝... وبيني وبين نفسي وصلت المعلومة لطلبة الطب والدكاترة في بلدي وباقي البلدان . من المعلوم انه هيئة ECFMG هي الهيئة الرسمية للمصادقة على شهادات كليات الطب في أمريكا وعدة دول في العالم والتي مسؤولة ايضا على اجراء امتحانات المعادلة الامريكية USMLE وهي امتحانات يتم اجراءها للخريجين وطلبة الكليات الطبية حول العالم وذلك للتقدم للحصول على رخصة مزاولة الطب في امريكا وعدة دول ستقوم بسحب الاعتراف بكليات الطب مالم تتحصل على اعتراف رسمي منها بحلول بداية عام 2024 وهو ماسيحدث للاسف في ليبيا نتيجة لانعدام ادنى مقومات العمل على هذا الموضوع الخطير والمهم لطلبة وخريجي كليات الطب في ليبيا ... بالتالي شهادتك لن تكون معترف بها خارج ليبيا في كثير من الدول واهمها امريكا وكندا وبالتالي لايمكنك الحصول على فرصة تدريب . ماذا يحدث؟ لا شئ ... لايوجد هناك جهود مذكورة للحفاظ على الاعتراف ولم يتم حتى لحظة كتابة البوست عمل خطوات عملية حقيقية ولم يتم التواصل مع ECFMG من قبل الهيئة المعنية بذلك في ليبيا . ماذا يعني هذا ؟ ماذا بعد 2024؟ يعني ان الدول التي تصادق شهادتها عبر ECFMG ومنها امريكا وكندا وغيرها من الدول الاخرى التي تعتمد على ECFMG ستتوقف عن قبول طلبة الطب او المتخرجين قبل او بعد 2024 للدخول على امتحانات المعادلة الامريكية USMLE . ماهي ال USMLE ؟ هي مجموعة امتحانات من جزئين Step 1 وهو امتحان لمواد سنة اولى وثانية وثالثة طب وامتحان اخر Step 2CK يدرس فيه مواد رابعة وخامسة طب واجتياز هذه الامتحانات ضروري وذلك للحصول على شهادة المعادلة من ECFMG التي تؤهلك للتقديم على التدريب في امريكا ومن ثم مزاولة مهنة الطب هناك اي أنها امتحانات رخصة مزاولة الطب او معادلة شهادة كلية الطب . ماهي ECFMG ؟ هي جهة رسمية معتمد عالميا في عدة دول منها أمريكا وكندا خصوصا ومنها بريطانيا عن طريق EPIC ومنها جنوب افريقيا وعدة دول اخرى لمعادلة شهادات كلية الطب . لماذا تريد سحب الاعتراف بنا وماذا يعني؟ نظرا لكثرة كليات الطب في العالم وعدم وجود معايير حقيقية وصحيحة لها ... فلهذا وضعت ECFMG شروطها خاصة للاعتراف بكليات الطب بعد 2024 واي كلية لاتستطع تنفيد الشروط سيتم سحب الاعتراف بها ويمنع خريجيها او طلبتها من التقديم على امتحانات المعادلة الامريكية وبالتالي لايمكنهم التدريب في امريكا وبعض الدول التي تعتمد على ECFMG . هل الامر سيؤثر على الخريجين قبل 2024 او فقط الطلبة؟ الاثنين سواء الخريجين قبل 2024 او الطلبة الذين سيتخرجون بعد 2024 . ماذا يعني ايضا؟ يعني عدم قدرتك على السفر واكمال تدريبك في الدول التي تعتمد على معادلة الشهادة عبر ECFMG يعني لاتستطيع التقديم للتدريب في امريكا وكندا وبعض الدول التي قد تتاثر بذلك والتي تقدم تدريب طبي عالي الجودة على مستوى العالم . ماذا احتاج لكي استطيع معادلة شهادتي بشكل كامل والحصول على شهادة معادلة او مايسمى بعملية ECFMG Certification التي تؤهلني للتقديم على التدريب في امريكا او مايعرف بالماتش؟ تحتاج اجتياز امتحانات Step 1 وكذلك Step 2CK وكذلك امتحان اللغة الطبية OET ثم تحتاج ورقة التخرج وهي الدبلومة او الحائطية الي هي الشهادة الانجليزية + كشف الدرجات وورقة انتهاء الامتياز اي Transcript التي يتم اعطائها لك عند التخرج من الكلية ثم بعد ذلك يمكنك التقديم على ECFMG certification والحصول على شهادة المعادلة الامريكية التي تحتاجها للعمل والتقديم على التدريب في امريكا . أريد الدخول لامتحان الUSMLE قبل 2024 فكيف اعرف هل كليتي حاليا معترف بها ويمكنني الدخول للامتحان قبل 2024؟ يمكنك معرفة هل جامعتك معتمدة حاليا من ECFMG ويحقلك التقديم على امتحانات المعادلة الامريكية USMLE قبل عام 2024 بهذه الخطوات: 1- ادخل على موقع world directory of medical schools https://search.wdoms.org 2- ابحث عن كلية الطب التي تدرس فيها 3- اضغط على اسم كلية الطب 4- اضغط على sponsor notes 5- لو لقيتهم كاتبين ECFMG يبقى خلاص تقدر تدخل لامتحانات الUSMLE قبل 2024 6- لو لقيت مش مكتوب ECFMG يبقى للاسف يعني ان كليتك غير معترف بها من قبل ECFMG ولايمكنك عمل امتحانات الUSMLE حتى قبل 2024 وهنا يستوجب منك التواصل مع كليتك والتنسيق مع المسؤول فيها العميد ان يقوم بمراسلتهم لكي يمكنكم الدخول لامتحانات الUSMLE قبل 2024 وهذا ممكن وحصل في جامعة الزنتان كمثال حصلوا على اعتماد لعمل الامتحانات قبل 2024 لكن بعدها لايمكن للكليات الليبية وخريجيها او طلبتها الدخول لامتحانات المعادلة

وأخيرا 🤓 الاعلان عن درجة النجاح اللازمة في امتحان USMLE Step 1 لما بعد 2022 بنظام Pass/Fail . تم الاعلان قبل قليل بعد اجتماع USMLE Management Committee حول اختيار الدرجة اللازمة لاجتياز امتحان USMLE Step 1 وهو الامتحان الاول للمعادلة الامريكية حيث سيتحول منذ يوم 26 يناير 2022 الى نظام Pass/Fail بدون الدرجات الثلاثية . كان هناك تكهنات حول الدرجة اللازمة للنجاح وهل حيكون في زيادة والان تم التقرير ان الدرجة حتكون 196 بدلا من 194 كما كان سابقا . الان منذ يوم 26 يناير 2022 سيصبح سكور Step 1 لاقيمة له حيث ستظهر النتيجة بشكل Pass في حالة النجاح كما هو الصورة في الاسفل (يعطيك نسبة كل موضوع في الامتحان بدون درجة) او لا قدر الله في حالة Fail حيكون معاها سكور في حالة الرسوب لاقدر الله . لهذا بدءا من ذلك سيكون سكور امتحان Step 1 لاقيمة له . سابقا كان يستعمل كFilter للمتقدمين للتدريب في امريكا والان لايمكن ذلك وبالتالي البروجرام ستعمل على طرق تقييم اخرى للمتقدمين للتدريب في امريكا (سكور ستيب 2 والرسرش والخبرة الكلينيكية وسنة التخرج حيث الافضلية للمتخرجين حديثا) . وقد يقول قائل من راسه انه الي نجح قبل 26 يناير سيظهر السكور بالتالي افضلية على الي عنده Pass خاصة لو سكور عالي وهذا خطأ لانه Not fair المقارنة بالتالي ستلجأ البرامج لطرق تقييم اخرى للمتقدمين ... لكن في حالة كان سكور ضعيف هنا ستكون في موضع ضعف لانه البروجرام يقدر يشوف الدرجة . للاسف المدة الاخيرة كان هناك سباق محموم من الطلبة والدكاترة على عمل الامتحان ظنا منهم انه بسكور افضل وهذا معتقد خاطئ تم تنفيه مرات ومرات في عدة انترفيوهات ودراسات على الموضوع اوضحت انه لايمكن الاعتماد بعد الان على سكور ستيب 1 كفلتر . لهذا حاليا ندعوا الزملاء والطلبة الى التوكل على الله والدراسة والتجهيز للامتحان (متوقع زيادة الطلب على الامتحان في السنة القادمة اكثر من ذي اي وقت وقد يصبح اكثر طلبا من البلاب ! ) . نقطة اخرى بخصوص ليبيا وبعض الدول .... للاسف سيتم سحب الاعتراف بالجامعات الليبية بعد 2024 بالتالي لن يمكنك الدخول للامتحان بعد 2024 في حالة لم تقم بالتسجيل واجتياز الامتحان (اجتياز الامتحان احوط واضمن) . وللاسف ليس هناك اي امل في الحصول على الاعتراف قبل 2024 ولايوجد اي مؤشرات لذلك ... فلهذا انصح الزملاء بالتوكل على الله والبدء مبكرا للتجهيز للامتحان خاصة انه السكور المطلوب للنجاح هو 196 والي يعتبر سكور بسيط جدا جدا (نسبة نجاح الناس في اليوسملي في امريكا بلغت 98% في سنة 2020) . فلهذا ندعوا الطلبة والدكاترة للتوكل على الله وأن يبدوا التحضير للامتحان مبكرا ويحاولوا النجاح فيه حتى يستطيعوا تلافى سحب الاعتراف في عام 2024 . وفقنا الله واياكم ولاتنسوا والدتي من دعائكم لها بالشفاء العاجل ان شاء الله . المصدر: https://www.usmle.org/change-step-1-passing-standard-begins-january-26-2022 د.محمد الشريف للمزيد من التفاصيل : https://t.me/usmle_in_arabic

فيديو جديد Pancreatic Enzymes Test رابط الفيديو في قناة اليوتيوب 👇🏽👇🏽 https://youtu.be/oXAgDCxuLeM

الدكتور عبدالله مازن يقدم كورس قراءة تحاليل مرض السكر Diabetes and glucose Interpretation الكورس مجاني 🧩الموعد يوم الاربعاء الساعة 8 مساءا بتوقيت بغداد ومكة المكرمة 🧩مدة الكورس ساعتين اونلاين عبر ZOOM 🧩سيحصل المشتركين على ملف PDF للتحاليل للتسجيل بالكورس يرجى الانضمام للقناة ادناه وقراءة التفاصيل 👇🏽👇🏽👇🏽👇🏽 https://t.me/Glucoselabcourse

https://youtu.be/-vvV01CmQyM فيديو مهم ومفيد عن اساسيات اصوات القلب و وال Sound split

سادس خطأ عملته : إنى أخرت ف حل ال Uworld بال Timed mode ، جزء كبير من النجاح ف المعادلة الأمريكية إنك تتعود على ال Exam taking strategy وإنك تحل صح ف أقل وقت ممكن ، لذلك نصيحتي اول روند لازم تكون Timed Tutor وتانى روند تكون Timed only without tutor . وأوعى تأخر ال Timed mode لقبل الإمتحان ، هيحصلك مشكلة كبيرة أثناء الإمتحان ف الوقت !! سابع خطأ عملته : إنى كنت بذاكر مع نفسي من أول التحضير ، وإكتشفت فكرة ال Study partners بعد سنة من المذاكرة ، لأن بصراحة من غير Study partner ممكن بسهولة جدا توقف مذاكرة ، لكن لما يبقى معاك حد بيذاكر معاك هتلاقي نفسك مكمل ومتشجع علطول. لكن نصيحتى إستخدم Study partner within limits ، بالكتير 3 ساعات يوميا وباقي اليوم ركز مع نفسك ، صديق المذاكرة خليه للتشجيع وإنه يحطك على ال Plan ، لكن مش هيدخل الامتحان يحل مكانك ، إعرف الفرق بين النقطتين !! تامن خطأ عملته : إنى كنت بركز ف الأول على Low yield stuff ، مكنتش عارف إيه المهم وإيه الأقل أهمية ، ويمكن ساعتها عشان مكنش فيه فيديوهات زى BnB وكنت بشتغل من كابلان وفديوهات د/نجيب فده ضيعلى وقت كبير ، لكن حاليا الموضوع بقى أكثر وضوحا والناس فهمت من أين تُؤكل الكتف . تاسع خطأ : ده أنا موقعتش فيه لكن انا بكتبه عشان ناس كتير بتقع فيه وهو إنهم بيحجزوا الامتحان قبل ما يجيبوا ع الأقل 230 ف ال NBME ، ده خطأ قاتل ، ذاكر واحجز لما تعدى ال Border line اللى محدده لنفسك ، لأن الاسكور القليل اللى هتجيبه هيلزق فيك لحد يوم الماتش وممكن يكون سبب ف إنك متقدرش تعمل ماتش وتاخد نيابة ف امريكا ، فمتضيش الطريق كله عشان خطوة متسرعة غير مدروسة زى دى . وحاليا Step one هتبقى Pass fail ، فمتحجزش امتحانك الا لما تبقى pass ف ال NBME او ال UWSA . عاشر خطأ : ال Uworld ده بنعتبره Learning tool ، متفرحش ولا تتغر لو جبت فيه أسكور عالى لأن ممكن تكون فاكر الاجابات من المرة السابقة ، ومتزعلش لو جبت اسكور قليل لأنك لسه بتتعلم ، الحاجة الوحيدة اللى ممكن تعملك Assessment هيا ال NBME او ال UWSA او ال Free 120 ، لذلك كلنا بنفضل نتعلم لحد يوم الامتحان . وأهم شيء يكون عندك صبر وخليك على يقين أن الله لا يُضيع أجر من احسن عملاً . هتوقف لحد هنا وهكمل ف البوست الجاي طريقة التحضير لامتحان Step one وال Resources اللى ممكن تستخدمها وإيه المهم وإيه الأهم والمفروض يتعمل ف فترة التحضير! أتمنى تكونوا إستفدتم!! د.احمد الهواري @usmle_in_arabic

#الطريق_إلى_أمريكا 4 : البوست الرابع من سلسلة الطريق إلى أمريكا هتكلم فيها عن تجربتي فى إمتحان Step one USMLE ، أنا إمتحنت ف 26 نوفمبر 2019 ، قد يكون هناك التغييرات حاليا من حيث ال Predictivity لإختبارات ال NBME ، لكن ف العموم معظم الكلام هتلاقيه مناسب لكل الأزمنة . مبدئيا القصة بدأت من يوم ما تركت نيابة الجامعة ف مارس 2017 ، بعدها اخدت حوالى 4 شهور بقرأ ف التجارب السابقة الخاصة بالبلاب و المعادلة الأمريكية والمفاضلة بينهما ، وإستقر بي الحال فى أول يوليو 2017 إنى هبدأ أذاكر معادلة أمريكية وكنت عرضت ف بوست سابق المقارنة دى وقولت ليه أنا فضلت المعادلة الأمريكية عن البلاب. كنت قرأت تجارب كتير للمعادلة الأمريكية لناس خلصت ف 6 شهور وناس خلصت ف 9 شهور ، وجابوا 260 وأسكورات خرافية ، أنا طبعا قولت ف نفسي ليه لاء ؟ هل دول أفضل منى ؟ بالتأكيد لاء ، لكن وللأسف إتعلمت شيء مهم من التجربة دى وهيا إنى أشتغل طبقا لقدراتي مش طبقا لقدرات غيري ، ممكن فعلا يكون غيرك أفضل منك ، او أذكى منك أو عنده ذاكره احسن منك ، أو ممكن يكون غيرك كداب ومش بيحكي تجربته بمصداقية ويكون كان بيذاكر من قبل ال 6 شهور بتوع ال Dedicated period of studying أو ممكن يكون ال Start point عنده أفضل منك ، عادى جدا ممكن يكون دكتور كان عنده Basic science قوي وبالتالى فترة التحضير بتاعته بتكون اقصر منك وبيجيب أسكور أحسن منك. كل ده وارد لذلك أول نصيحة حابب أوصلها من البوست ده متخليش الإنترنت يخليك تستعجل على نفسك ، حط خطتك ف التحضير للمعادلة طبقا لقدراتك مش طبقا لقدرات واحد تاني غيرك ، متخليش واحد يقولك المعادلة الأمريكية ف 6 شهور أو ف سنتين او ف سنة ونصف ...الخ ، لكن قول لنفسك أنا عندى معلومات اد ايه ، ومطلوب منى فترة أد إيه عشان أعمل Improvement لل Weak points بتاعتي وهكذا ، واشتغل طبقا للإسترتيجية دى عشان تقدر تنجح . مشوار المعادلة طريق طويل وعايز حد عنده نفس طويل ويقدر يقوم بعد ما يقع ومييأسش من أول محاولة فاشلة!! المهم هكمل حكايتي ، مشيت على كلام الناس اللى قالولى هتخلص step one ف 6 شهور ، والحقيقة أنا بعد 6 شهور مكنتش حتى خلصت ال First round Uworld وده بسبب التجارب اللى قرأتها مكنتش مطابقة لقدراتي ، وفى الحقيقة والواقع أنا عملت Step one ف سنتين وأربع شهور ، بدأت ف يوليو 2017 وخلصت ف نوفمبر 2019 واسكوري كان Average بالظبط كان 240 . فيه ناس بتخلص ف فترة أقل ؟ طبعا فيه. وبأسكور أفضل منى ؟ أكيد طبعا. ولذلك أنا لا أنكر إنى عملت أخطاء ، وعشان كده أنا بكتب التجربة دلوقت ، ولما أوضح الأخطاء دى ، اللى بعدى هيحاول يتجنبها قدر الإمكان . أول خطأ عملته زى ما قولت فوق إنى إتبعت تجارب مش مطابقة لقدراتي وده أدى بيا إلى الإحباط لفترة لأني كنت متوقع إن معدل ذكائي مثلهم أو ذاكرتي مثلهم أو أنا مش أقل منهم . تاني خطأ عملته إنى عملت ال Uworld offline لمدة سنة كاملة وأجلت حل ال Online version ، و بعدها إكتشفت إن أسالة كتير اتشالت واسالة كتير جديدة نزلت ، رغم إن كان معايا الفلوس ، ولذلك ده كان خطأ قاتل . ولهذا إذا كان معاك فلوس إبدأ اليوورلد اونلاين من أول يوم تحضير للمعادلة ، لكن لو مش معاك فلوس ممكن تعمله مرة اوفلاين ومرة تانية أونلاين. تالت خطأ عملته : هو إنى أخرت عمل ال Self assessment لبعد سنة ونصف من فترة التحضير ، كل ما تبدأ تختبر نفسك بدري كل ما تكتشف أخطاءك بدري وتبدأ ف علاجها بدري ، وده بيختصر مدة ال Preparation جدا . رابع خطأ عملته : هو إنى كنت بعمل Gaps أثناء ال Preparation وده خطأ قاتل الحقيقة ، كل ما تعمل Gap هتبدأ بعدها من اول وجديد وهتنسى كل اللى ذاكرته ، ولكن طبيعة شغلى كانت إسبوعين شغل واسبوعين ف البيت ، فده كان عاملى لخبطة جامدة ، لكن قدرت بعدها اتجنب الخطأ ده وبدأت اخد الكتب معايا الشغل الفترة الأخيرة من التحضير للامتحان. خامس خطأ عملته : إنى كنت بكتب Notes كتير جدا ف ال First aid وده خلاني مش عارف أمسك الكتاب اقرأ منه ، كنت مقسم الكتاب صفحة بيضا وصفحة فيها الكتابة وده مش صح ، ميزة ال First aid إنه كتاب بيجمع كل المعلومات اللى ف Step one بشكل مختصر ولما حضرتك تملى الكتاب ب Notes يمين وشمال المعلومات المهمة هتضيع وسط الكلام اللى مش مهم اللى بتضيفه وبالتالى مش هتعرف تراجعه ف اسبوع قبل الامتحان ، ولذلك جيت ف الفترة الأخيرة رميت الكتاب اللى مليان نوتس واشتريت كتاب جديد وضفت فيه فقط المعلومات اللى أنا شايفها غاية ف الأهمية . لذلك إحرص إنك تضيف معلومات ذات قيمة ف كتابك ومتضفش بشكل عشوائي !!

#الطريق_إلى_أمريكا 3 : البوست التالت من سلسلة الطريق إلى أمريكا ، هنتكلم فيه عن بداية التحضير للمعادلة الأمريكية وهبدأ منين ؟ وده كان أشهر سؤال شوفته على البوستين اللى فاتوا ، هرد ع السؤال ده من وجهة نظري اللى ممكن تختلف معاها ولك كامل الحرية طبعا : السؤال الأول : Step one قبل Step two CK ولا العكس ؟ الإجابة : ف رأيي الشخصي أفضل تعمل Step one قبل Step two CK لأسباب : أولا : إستيب وان أصبحت Pass fail بداية من عام 2022 فالمذاكرة فيها هتكون أقل من لو كانت بإسكور ، وبالتالى هتبني من خلالها Basic كويس هتقدر عن طريقها يكون مستواك أفضل وإنت بتحضر لل Step two ck . عادة ف طريق المعادلة الأمريكية الإستيب اللى بتيجي الأول بتخدم ف الإستيب اللى بعدها بمعنى لو عملت إستيب تو قبل وان ، هتلاقي نفسك ف استيب وان بتجيب أسكور أعلى لأنها جت بعد استيب تو . والعكس لو عملت استيب وان قبل تو ، هتلاقي نفسك بتجيب ف استيب تو أسكور أعلى لأنها جت بعد استيب وان . ويبقى سؤال مهم : بعد ما بقت إستيب وان pass fail ، أصبحت الأنظار هتلتفت لإسكور إستيب Two ck ، ولهذا كل مجهودنا هنرميه ف Step two ck . ولهذا لازم وحتما ولابد إنك تعمل استيب وان قبل تو ، هتاخد Basic science كويس ، هتدخل استيب تو وانت معاك كل ال Pathogenesis of diseases ، هتقدر من خلال المعلومات دى إنك تحصل أسكور عالى ف Step two ck. وده المطلوب. ثانيا : دايما الإستيب اللى بتيجي ف الآخر بيكون الأسكور فيها أعلى لأن رهبة الإمتحان راحت من عليك ، معتدش خايف من حاجة ، إنت حفظت شكل البرومترك سنتر ، حفظت شكل الموظفين هناك ، عرفت هتتعامل ازاى مع ال breaks ، مفيش خوف ولا رهبة من نظام الامتحان ، لذلك حتى لو بصيت على ال Average score of step one هتلاقيه من 230 ل 245 وال average score ل step two ck كان ما بين 245 ل 260 ، الناس ف العادة كانت بتجيب ف ال ck اعلى من استيب وان لأنهم بيكونوا إتعودوا ع المذاكرة ونظام الامتحان ، ولهذا دايما نصيحتي إبدأ من ال Step one وليس من ال CK . لذلك خد خبرة ف امتحان Step one اللى أصبح pass fail وبعدها ركز كل مجهودك ف إنك تعمل اسكور كويس ف امتحان ال CK ، وبإذن الله هتحصل أسكور ممتاز لو مشيت بالشكل ده . النقطة التانية اللى هتكلم فيها ف البوست ده لو إنت خريج جديد تبدأ إزاى ؟ ولو إنت خريج قديم تبدأ أزاى ؟ وأقصد بكلمة خريج جديد إنك متخرج سنة 2021 مثلا ، وأقصد بكلمة خريج قديم إن عدى عليك 5 سنوات من سنة التخرج ف رأيي الشخصى لو إنت حديث التخرج خد Part time job ، أعمل فلوس معقولة تكفى إمتحاناتك و الأولوية هتكون للمذاكرة والتحضير للامتحانات لكن لو إنت خريج قديم فرأيي الشخصي هتضيع وقت كبير لو قعدت ف مصر عشان تمتحن ولسه بعد كده مطلوب منك Research ف امريكا وانك تعمل شبكة علاقات كويسة بالدكاترة هناك عشان تقدر تحصل على ماتش ، وعشان كده أظن أفضل إنك تسافر من دلوقت وتدور على Unpaid research position ف اى جامعة هناك ف امريكا ومع شغلك ف الريسيرش ذاكر للمعادلة الامريكية وهتبقى ضربت عصفورين بحجر واحد ، لكن عشان تكون مخلص كلية من اكتر من 5 سنوات وعايز كمان حوالى 3 سنوات تحضير للامتحانات وبعدها محتاج 3 او سنتين ريسيرش ، كده هتعمل ماتش وانت معدى على سنة التخرج اكتر من 10 سنوات وده هيصعب الموضوع جدا جدا . لذلك نصيحتي إنك تراسل الجامعات إنك ممكن تجيلهم unpiad research وبعدها ممكن بسنة بتتحول ل Paid وتقدر تكمل حياتك هناك وانت researcher لحد ما تعمل ماتش إن شاء الله . الموضوع فيه تفاصيل تانية ، هكمل ف بوست قادم إن شاء الله . أتمنى تكونوا إستفدتم. د.احمد الهواري @usmle_in_arabic

5- إستيب تو CK ب 1080$ 6- لو هتعمل Uworld سنة لإستيب تو ب 546$ 7- لو هتاخد عدد 3 من ال NBME لإستيب تو كل واحد ب 60$ ، يعنى توتال 180 $ 8- امتحان ال OET ب 450$ (ده لو هتنجح من أول مرة) فيه ناس بتعيده مرتين تلاتة. 9- ال Pathway وال ECFMG Certification ب 900$ 10- الماتش بتقدم بحوالى 3500$ ف ال Average (ده لو هتمتش من اول مرة) ومش هتقدم مرتين أو تلاتة. 11- ده غير طبعا لو هتعمل Observerships او Electives أو هتعمل سنة ريسيرش ، كل الكلام ده ممكن يكلفك ع الأقل 10 الالاف دولار أو اكتر لو هتقيم سنة ف امريكا . وبالتالى كلنا متفقين إن المعادلة الأمريكية مرهقة ماديا ، وعشان كده الناس متخوفة منها ، لكن فيه ميزة وهيا إنك مش بتدفع كل الكلام ده من البداية ، يعنى أنا لما بدأت مكنش معايا حتى تمن إمتحان استيب وان ، وبالتالى إستلمت شغل التكليف وبدأت أوفر كل شهر 2000 ل 3000 جنيه وعلى ما خلصت مذاكرة أول استيب ف خلال سنتين كان إتوفر معايا فلوس الامتحان وكنت عملت ال Uworld مع ال NBME . وهكذا ف تانى استيب. لذلك إنت إبدأ ولما تجيب إسكورز كويسة هتيجي لخطوة دفع الفلوس زى الماتش او الريسيرش او ال Observerships ، ولو كانت إسكوراتك مشجعة هتلاقي ألف من يساعدك وقتها من عائلتك لأنك ساعدت نفسك أولا!! نقطة مهمة أخرى : المعادلة الأمريكية صعب تعملها مع نيابة جامعة ، هو فعلا فيه ناس مشيت ف الطريقين مع بعض لكن أخدوا وقت طويل ، يعنى بدل ما يخلص ف سنة ، خلص ف 3 سنين ، فلو ناوى على معادلة أمريكية خد Part time job عشان تنجز و لما تبقى عند خطوة الماتش تكون مازلت Fresh graduate . نقطة أخيرة : المعادلة الأمريكية كل ما تبدأها بدري كل ما يبقى أفضل ، يعنى لو طالب أفضل من لو خريج ، ولو حديث التخرج أفضل من لو دفعة قديمة ، فلو بتفكر تذاكر وتمتحن متتأخرش ، لأن كل يوم بيعدى بيتحسب عليك و ال Year of graduation بيفرق جدا وقت الماتش ، فخد قرارك وإبدأ علطول. ومش معنى كلامي إن الناس ال Old graduates مستحيل ياخدوا ماتش ، إطلاقا ، لكن بيحتاجوا حجات تانية كتير عشان يقدروا ينافسوا ال Fresh graduates زى سنتين تلاتة ريسيرش مع Connections قوية ، مع اسكورز عالية ، مع USCE ، كل ده مش من السهل الحصول عليه ، عشان كده بنقول فرصتك وانت Fresh graduate بتكون أفضل من لو Old graduate ، فلو ناوى على طريق أمريكا حاول تبدأ بدري قدر الإمكان!! أنا هتوقف لحد كده دلوقت ، وهكمل ف بوست آخر إن شاء الله باقي المعالم اللى ف طريق المعادلة الأمريكية ، وزى ما قولت ف الأول التجربة مكتوبة بشكل شخصي ، يعنى ممكن يكون ليك رأي مخالف ، عادى جدا ، أنا بحترم وبقدر ده وربنا يكتب ليكم الخير جميعاً. أتمنى تكونوا إستفدتم. د.احمد الهواري @usmle_in_arabic

#الطريق_إلى_أمريكا 2 : البوست التانى من سلسلة الطريق إلى أمريكا ، هتكلم فيه عن عدة نقاط وأتمنى يكون مفيد ليكم جميعاً : أول سؤال : ليه أختار ال USMLE ؟ مميزات وعيوب ؟ ليه مش ال Plab ؟ وليه مش المانيا ؟ وليه مش استراليا ؟ الرد ع السؤال ده هيكون فيه نوع من التحيز وده طبيعي إن كل واحد يمدح ف المسار اللى اختاره لنفسه ، يعنى اللى عامل ماستر مصري أكيد هو سعيد بده ولما تسأله هيقولك نيابة الجامعة هيا ال Top ، وبرضو اللى راح انجلترا أكيد هو سعيد ومرتاح للإختيار ده ولو سألته هيقولك إنجلترا هيا أفضل بلد ف الوجود ، ومفيش حد يقدر يلوم التاني ، دى حياتك وعيشها زى ما تحب ، لذلك أنا هحاول أكون موضوعي قدر الإمكان ف الرد ع السؤال ده . أنا هتكلم بشكل شخصي لتجربتي ومتحاولش تطبق كلامي بالحرف لو ظروفك غير ظروفي ، كل واحد يقدر ياخد الجزء اللى يفيده ف التجربة ويترك الشيء اللى مش مناسب ليه ، لكن ف العموم أنا لما خلصت الإمتياز كان قدامي حاجة من 3 : إما نيابة الجامعة ، وإما المعادلة الامريكية وإما البلاب ، لكن المانيا مكنتش ف الحسبان لأني كنت كاره إنى أتعلم لغة جديدة (وده رأي شخصي) ، وكذلك أستراليا لم تكن ف الحسبان ( مدورتش ف الطريق من الأساس) . بالنسبة لنيابة الجامعة والتعيين أنا مكنش عاجبني التعليم ف الجامعة وحاسس إن مفيش سيستم وإن مهما كبرت ممكن بسهولة جدا تفشل ف المسار ده لأن مفيش حد بيساعدك ويحفزك إنك تنجح ، بعض زمايلي ممكن يختلفوا معايا لكن الإختلاف ف الرأى لا يُفسد للود قضية! ولذلك المقارنة كانت دايما بين حاجتين إما البلاب وإما المعادلة الأمريكية ، وعشان أكون صريح معاكم الطريقين ممتازين لكن كانت الأفضلية من وجهة نظري لل USMLE لأسباب : الأول : إن المعادلة الأمريكية هتديك أقوى Knowledge من الناحية العلمية ، وبالتالى حتى لو ربنا مقدرش ليك السفر ، بالمعلومات اللى اخدتها من المعادلة الأمريكية هتقدر تشتغل وتنجح ف أى مكان ، فكنت عايز شهادة لما أخدها تفيدني علميا حتى لو كملت ف مصر لأن ظروف السفر مش مضمونة. التاني : ماديا طريق المعادلة الأمريكية بيوفرلك أعلى Salary كطبيب ف العالم ، لكن قدام ده فيه عيب وهو إن طريق المعادلة الأمريكية هو اكتر طريق ممكن يرهقك ماديا لحد وقت الماتش وهنتكلم عن تكلفة المعادلة الأمريكية ف نهاية البوست. التالت : المعادلة الأمريكية هتوفرلك أفضل وأقوى Training ف العالم . وميزة ده عن البلاب إنك بمجرد ما بتاخد ماتش بتدخل ف ال Training system علطول ، على خلاف البلاب لأنك بتبدأ Service job وبعدها ال Training وده بيستهلك وقت كبير . الرابع : إن أمريكا دولة فيها أكتر من 49 ولاية ، لذلك فرصة إنك تلاقي نيابة كبيرة جدا خاصة لو معاك CV قوي وفيه Scores معقولة ، مع شوية ريسيرش و Connections ، على خلاف بريطانيا دولة أصغر شوية وبالتالى الإحتياجات بتكون أقل. الخامس : إن أمريكا مجتمع مهاجر ، فيه العربي والأوروبي و الهندى والباكستاني والصيني ، فالعنصرية فيها أقل من دول أخرى ، لأن لو رجعت بالزمن 100 سنة ورا هتلاقي معظم الموجودين حاليا كانوا مهاجرين فمفيش حد ليه أفضلية على الآخر ، والمجتمع اللى بالشكل ده أنا شايف إنك سهل تندمج فيه وتعيش جواه ، على خلاف بريطانيا الشعب هناك أبا عن جد هو بريطاني فلو إختلفت معاه هيقولك إنت جاي تعمل إيه عندنا ، دى بلدنا وإنت ضيف ولو عشت 100 سنة هناك هيفضل إسمك ضيف مش صاحب بلد. السادس : لو ربنا مقدرش ليك السفر لأمريكا ، ممكن تشتغل بالمعادلة ف أماكن تانية كتير زى قطر (وإن كانت مش متاحة دلوقت للمصريين) و الجامعة الأمريكية ف بيروت و الإمارات (نزلوا إعلان نيابات أطفال ف مارس الماضي وكانوا طالبين معادلة أمريكية) وحتى بريطانيا (ف مارس الماضى كان اللى معاه Step one + step two ck + CS) ممكن يسجل ف ال GMC ، باللإضافة لنيوزيلاندا ، ده غير إنك بالمعلومات اللى أخدتها من المعادلة الأمريكية ممكن تشتغل بيها بشكل ممتاز ف مصر !! وعشان أكون موضوعي لازم أوضح العيوب اللى معظم الناس بتتخوف منها واللى أهمها التكلفة المادية : المعادلة مكلفة ماديا لكن ميزتها إنك مش بتدفع الفلوس دفعة واحدة ، ممكن تدفع على فترات وده مش بيعمل مشكلة إلى حد كبير ، وعشان نوضح النقطة دى خلونا نتكلم عن التكلفة المادية للمعادلة الأمريكية من البداية إلى وقت الماتش : 1- حساب ال ECFMG والنوتاري كام (لما عملتهم ف 2019) كان سعرهم 125 $ لكن ممكن يكون زاد حاجة بسيطة دلوقت. 2- استيب وان 1080$ 3- لو هتعمل Uworld سنة لإستيب وان 546$ 4- لو هتاخد عدد 3 من ال NBME لإستيب وان كل واحد ب 60$ ، يعنى توتال 180.

ثانيا : تكلفة المعادلة الأمريكية ؟ ثالثا : التحضير لإستيب وان ؟ وحاول تشوف ال Update ف التحضير لأني إمتحنت ف نوفمبر 2019 ، فأكيد فيه Self assessment نزل جديد حاول تشوف أنهو Predictive ، لكن أنا هتكلم In general . رابعا : التحضير لإستيب تو CK خامسا : التحضير لل OET سادسا : طريقة المذاكرة عن طريق ال Study partners والمميزات والعيوب ، وهل الكورسات مهمة للمعادلة الأمريكية ؟ سابعا : ال Year of graduation وأهميته ف طريق المعادلة الأمريكية وهل ممكن تكون Old graduate وتاخد ماتش ؟ وإزاى تتغلب على ال Factor بتاع ال YOG وإيه الحجات اللى ممكن تزودها ف ال CV ف الحالة دى ؟ ثامنا : هتكلم عن ال Administrative process من بداية عمل أكونت ال ECFMG لحد ما تبقى ECFMG Certified. تاسعا : مش هتكلم عن الماتش لأني مدخلتش ف الخطوة دى ومعنديش تجربة إلى الآن وكذلك معلوماتي محدودة جدا ف مجال ال Research فمش هقدر أفيد ف النقطة دى أيضا . لكن لو أعرف حاجة جديدة مش هتأخر عن حد إن شاء الله . بالتوفيق للجميع بإذن الله . د.احمد الهواري @usmle_in_arabic

#الطريق_إلى_أمريكا 1 : فى السلسلة دى أنا هحاول أتكلم بإستفاضة عن ال USMLE من بداية الطريق لحد ما تكون ECFMG Certified ، فى حجات بعد ال Certification مش هقدر أتكلم فيها حالياً زى الماتش والنيابة وكده ، دى حجات More advanced to me ، لكن أنا هتكلم لحد ما وصلت دلوقت وإن شاء الله تكون سلسلة مفيدة للجميع : مبدئياً قبل ما أتكلم عن كيفية التحضير للإمتحانات و كيفية المذاكرة و ال Resources بتاعت كل step و إزاى تختار بين الطرق المختلفة زى البلاب أو معادلة امريكية او الماني أو استراليا أو حتى المسار المصري او الخليج ..الخ لازم تعرف إزاى توصل لمعلومة خاصة بأي طريق من الطرق دى كلها ، وعشان كده حابب يكون ده أول بوست ، لأن ده الفيصل اللى هيخليك تعرف توصل للى إنت عايزه بطريقة سهلة وبرضو من غير ما ترهق الشخص اللى حابب يساعدك بأسألة كتير ممكن لو عملت سيرش بسيط عنها هتوصل للى عايزه بكل بساطة . خلونا ناخد المعادلة الأمريكية كمثال : فيه أسألة عامة زى مثلا إزاى أبدأ تحضير للمعادلة الأمريكية ؟ طيب هيا المعادلة الأمريكية كام step ؟ طيب إيه الفايدة اللى هتعود عليا من عمل المعادلة الأمريكية ؟ طيب هل لازم أتعلم إنجليزي كويس عشان أمارس الطب ف امريكا ؟ طيب النيابة كام سنة ف امريكا ؟ طيب ينفع اخد معادلة امريكية مع نيابة الجامعة ؟ ...الخ أسالة من النوعية دى صعب حد يجاوبك عليها ، لأنها قُتلت بحثا واتجاوب عليها عشرات بل مئات المرات على الفيسبوك أو اليوتيوب وغيرها من مواقع التواصل ، وبالتالى لو واحد لسه جديد ف موضوع المعادلة الأمريكية أول حاجة مفروض تعملها إنك تعمل الأول General search عن الحاجة اللى إنت عايزها وليكن هتكتب ف ال Search على فيسبوك USMLE ، هتلاقي عشرات الجروبات على فيسبوك ، إبدا اعمل Join ليهم كلهم وبعدها إتبع الخطوات دى : 1- المعادلة فيها Step one و Step two Clinical Knowledge (CK) و Step 3 و إزاى تحصل على US visa و إزاى تحصل على Research position in US و US observerships and electives و US social life وفى الآخر هتلاقي جروبات للماتش وال Interviews وهكذا .. كل دى حجات الناس بتسأل عنها ، خد فكرة عن كل حاجة ف الأول ، يعنى إنت كمبتدأ ف طريق المعادلة هتحتاج تفتح الجروبات دى تقرأ ع الأقل 5 تجارب لناس أخدت Step one و اقرأ تجارب ناس عملت Step two ck واقرا تجارب ناس عملت step 3 واقرا شوية عن ال Observerships واقرا شوية عن إزاى تحصل على فيزا أمريكا وانواع الفيز المختلفة و إقرأ شوية عن التكلفة المادية من أول ما تبدأ تقول بسم الله ف المعادلة لحد الماتش ، الجروبات موجودة على فيسبوك ، والتجارب مكتوبة بالفعل ، بعد ما تقرأ كل ده هيتبقى معاك سؤال ف كل Item من دول ، هتيجي لواحد عدى المرحلة دى هتبدأ تسأله بشكل منظم ، إزاى أعمل كذا ؟ أو أنا ذاكرت كذا وكذا ولسه مستوايا مش بيتحسن ؟ وبالتالى سؤالك هيكون ليه معنى ، والشخص اللى بتسأله هيحس إنك سعيت ومنتظر زقة بسيطة عشان توصل ، لكن لما تكون شخص مكسل تبحث على حاجة General بنفسك ، صعب تلاقي حد ياخدك ويوصلك للمرحلة ال Specific إلا لو كنت غالي عنده أوي ودي حاجة نادرة إنك تلاقيها الأيام دى !! 2- وبالتالى بعد ما تعمل General search عن كل Item وكل Step من خطوات المعادلة الامريكية ، هتدخل ف المرحلة ال Specific وهتلاقي فى حجات مش عارف تعملها خاصة ال Administrative processes زى مثلا إزاى أعمل النوتارى كام عشان أسجل لإمتحان استيب وان ، أو إزاى أعمل خطوة ال Varification لحساب ال ECFMG من الجامعة أو إزاى أقدم على ال Pathway عشان التقديم ف الماتش ، الحجات دى بتكون صعب تعملها لوحدك لأول مرة ، فأحيانا بتحتاج حد يدلك ، دايما أنا كنت بستخدم اليوتيوب ، الحجات دى مشروحة بإستفاضة هناك ، لكن ف العموم حتى لو مش عايز تدور ع اليوتيوب ، لو سألت حد من زمايلك مش هيتأخر عنك لأن فعلا دى حاجة Specific وطالما وصلت للخطوة دى يبقى إنت إنسان تستحق المساعدة!! 3- الطريقة دى هتخلى اللى قدامك يحس إنك فعلا شخص بتقدر قيمة الوقت ، وإنك بحثت وسعيت وعايز بس حد يوجهك للأصح ، لكن الأسألة من نوعية هو ايه ال NBME و نعمله إمتى وازاى دى مش منطقية إطلاقا ، وعشان كده نادرا ما بتلاقي حد يرد على الأسالة من النوعية دى . لكن فى العموم ده كان أول بوست عايز أكتبه ف طريق المعادلة الأمريكية ، والهدف منه إننا نحاول ننتقى إيه نوعية الأسالة اللى مفروض تتسأل وإيه الأسالة اللى ممكن توصلها بنفسك عن طريق سيرش الفيسبوك ، وإن شاء البوستات القادمة هتكلم عن موضوعات مختلفة منها أولا : نيابة الجامعة ولا المعادلة الأمريكية ؟ هل ينفع نجمع بينهم ؟

1st step for applying in ECFMG & USMLE ملحوظة : لو انت بتدرس فى أى كلية طبية تقدر تسجل دلوقتى ع طول بعدها بأذن الله هتقدر تمتحن ال USMLE في اي وقت بعد 2024 بس لازم تسجل الخطوة دى قبل 2024 لأان نظام اعتماد الجامعات للمعادلة الامريكيه اتغير وفيه جامعات كتير جدا مش هتكون معتمدة .. > دا رابط فيديو شرح طريقة التسجيل : https://youtu.be/TQCftIe3ZL0 .. لذلك انصحك ببدء خطوات التسجيل من الآن دى الروابط اللى ف الفيديو : 1. دا الرابط اللى تعرف تشوف جامعتك فيه معتمدة حاليا ولا لا الى ماقبل 2024 wdoms.org 2. دا رابط ال ECFMG : ecfmg.org 3. دا رابط ال Notarycam : notarycam.com/ecfmg لتفاصيل اكثر تابع قناتنا على تلقرام @usmle_in_arabic

@usmle_in_arabic 2021 Kaplan USMLE step 1 lecture notes ( all volumes in one book) original pdf

@usmle_in_arabic 2021 Kaplan USMLE step 1 lecture notes ( all volumes in one book) original pdf