🩹氣象巴打🕯大埔，𨂾過🙏🏼

📢 #氣象巴打公告 基於樺加沙將對本港帶來嚴重威脅，本青奴會於今日18時30分起進入⛑ #民防應變狀態 ，屆時將暫停接收所有 #實時天氣報料 ，以儘量騰出空間發佈災害資訊。

🏙 #實時天氣報料 1315 將藍跨灣大橋

🌇 #實時天氣報料 0600石硤尾公園超強台風來襲前日出

🌀 #風暴情報 - 2518 樺加沙 現時樺加沙正在通過巴士海峽，由於南部環流正與呂宋磨擦中，預料樺加沙會有一段短時間向偏西移動。

🏫❌ #停課情報 - 2518 樺加沙 教育局於今日下晝宣布: 9月23日至24日(共2日)所有學校（包括中學、小學、特殊學校、幼稚園、幼稚園暨幼兒中心及夜校）將會停課，2026年度小一入學自行分配學位的紙本申請將暫停，截止日期延至9月30日。

🏙 #實時天氣報料 1228 柴灣IVE望東區醫院

🏙 #實時天氣報料 1037 金鐘

🌌 #實時天氣報料 0230 維港星空（開咗夜攝）

🏙 #實時天氣報料 1552 旺角

🏙 #實時天氣報料 1535 風雨下的 啟德體育館

🏙 #實時天氣報料 1500 馬灣 風驅急雨灑高城 雲壓輕雷殷地聲

⛑ #防災情報 - 2518 樺加沙 熱帶氣旋 2518 樺加沙幾續喺菲律賓以東嘅西北太平洋成長緊，並於9月20日由強烈熱帶風暴急劇增強至超強颱風，現時各大預報模式（傳統 + 人工智能）均預計樺加沙將會繼續增強並路徑巴士海峽直入南海。 根據現時預測，樺加沙將會於9月22日晚間進入南海，並於9月23日深夜至24日早上以超強颱風程度在香港以南約100公里近距離掠過，中心風力可能仍達時速200公里，這樣會對港澳地區構成極之嚴重嘅威脅。 🤔打唔打得成風？ 相信唔洗我多講就知打唔打得成風啦~各大民辦氣象組織都喺個風仲有1500公里遠，兼仲未掛1號波嗰陣就預計打8號嘅機會極高。 由於現時預測樺加沙喺南海嘅移速可能會稍快，所以我地預計天文台好可能會喺星期二中午就要考慮改掛8號，因為預計星期二下午開始，本港嘅天氣將會顯著轉壞，風力亦可能急速增強。 🏚 災害影響評估 我地參照返2018年山竹嘅破壞紀錄，預計於樺加沙過後，本港會出現嘅災後情況作出評估： 🚍 陸上公共交通 - 我地預計風暴過後嘅24至48小時(星期四，五)，部份道路可能因塌樹或山泥傾瀉破壞等原因而出現不同程度道路中斷，導致部份公共交通未能於短時間恢復；鐵路方面，部份路面路段可能會因障礙物或路軌受損原因而需要暫停服務，現時我地預計較大風險嘅係港鐵東鐵線、輕鐵線、山頂纜車。 ⛴ 海上公共交通 - 我地預計風暴過後嘅一週內，部份渡輪/街渡(外島航線較為嚴重)可能會因為碼頭/船隻受損等情況而未能回復服務。 🛩 航空交通 - 我地預計風暴過後嘅24至48小時(星期四，五)，由於香港機場需要實施航班重新編配，故此機場航班可能出現較多延誤或取消情況。 🌊 風暴潮影響 - 由於正值天文潮，所以預計本港沿岸地區都會出現海水暴漲，導致低窪地區可能出現嚴重水浸；風暴潮亦容易造成提岸受損；海水亦有可能湧入沿岸房屋/停車場等。 ⚡️ 電力供應 - 猛烈風力可能會引致架空電纜受損，可能會令鄉村地區出現停電；另一方面，風暴潮或暴雨可能導致電錶房水浸，所以唔排除市區亦有部份大廈屋苑出現停電，大廈停電會同時導致電梯及供水暫停，我地預計風暴過後停電的回復要視乎電力設備的受損情況。 🥬 食物供應 - 由於打風影響運輸，我地預計風暴過後嘅一週內，食物價格會較平時高，供量有可能稍見不足。 ⚠️要注意啲乜？ 1️⃣ 各位應該開始做定一啲防風措施，例如固定/搬走室外容易吹走嘅物件，固定棚架/廣告板等。 2️⃣ 通渠! 儘快疏通渠道/清理渠口垃圾。 3️⃣ 儲糧! 儲備未來三日糧食及食水。 4️⃣ 儲電! 將尿袋或流通充電設備充滿電。 5️⃣ 配置收音機，用以如果發生停電事件時，仍能接收風暴信息。 6️⃣ 駛走地下停車場車輛，將車輛駛往高地/高層停車場。 7️⃣ 升高電器，居住於低窪地區居民，應將電器升高。 8️⃣ 考慮疏散! 居住於外島，沿岸鄉村地區嘅居民，應考慮預早疏散至安全地方。 ✴️ 所有相關嘅防災措施，應不遲於下星期一入夜前完成 🈲 由於呢個風非同小可，奉勸各位由星期二晚間至星期三全日切勿外出，更不應靠近岸邊追風逐浪!! 我地會繼續留意樺加沙到底會為我地帶嚟乜野影響。 各位亦應該繼續密切留意各專業/民辦網站嘅最新風暴消息。 #災害影響評估

🌀 #風暴速報 - 2518 樺加沙 香港天文台已將樺加沙升格為超強颱風，現時佢距離香港仲有約1500公里

🏙 #實時天氣報料 1500 馬灣 殘雨如何妨樂事 聲淅淅 點斑斑

⚠️ #預警整備狀態 鰂魚涌嘅炸彈發見事件基本解決，該區交通開始陸續回復，因此本青奴於今日15時15分解除 #民防應變狀態 。 但隨著樺加沙對本港嘅威脅增加，本青奴將於同一時間進入 #預警整備狀態 。 在 #預警整備狀態 下，本青奴會暫停海外 #實時天氣報料 ，本地嘅 #實時天氣報料 會維持。 稍後氣象巴打會逐步增加 #風暴情報 及 #防災情報 。 由於下星期樺加沙將可能以強颱風或以上級別迫近，可能對本港構成相當威脅，氣象巴打勸籲各位巴打絲打，應該開始做定相關嘅防災措施，並不遲於下星期一晚前完成，以保障生命安全及減少損失。 氣象巴打會繼續密切留意風暴動向，並於稍後綜合各機構嘅預測，進行災害影響評估。

💣🚍 #公共交通情報 - 20/09/2025 02:45 鰂魚涌發現大型戰時炸彈，警方會於今日02時開始進行拆除工序，屆時相信一帶道路將要封閉。 由於拆除工序需時，氣象巴打預計明早經過工地現場的公共交通將受到嚴重影響: 🚉 電車筲箕灣至北角段 🚍 途經英皇道的巴士線 🚇 港鐵公司表示，與警方研究炸彈發現位置與地鐵設施有一定安全距離，所以拆彈行動不會影響鐵路安全運作，明早會照常服務。 各位明早需要途經發現大型戰時炸彈位置的返工返學人士，請密切留意最新交通消息。