Bintu Sodiq

Бу болаларни кўриб, кўзларим очилди Тўлиқ кўрсатув: https://youtu.be/8Hb32dK3Hag 🌸 “Садафдаги дур” кўрсатувининг янги сони эътиборингизга ҳавола этилди. Кўрдингизми? @BintuSodiq

🔥 “Севги сийратдан бошланади!" Bintu Sodiq канали рабиъул аввал ойи муносабати билан ҳар йилги анъанага кўра Пайғамбаримиз Муҳаммад соллаллоҳу алайҳи васалламнинг муборак сийратларига бағишланган танлов бўлишини хабар берган эдик. 📌 Танлов шартлари: 1. Жавобларни фақат 1 та пост (1 та хабар)да юборасиз. 2. Жавоб юборишдан олдин юқорига исм-фамилия ва телефон рақамни ёзиб қўйинг. 3. 2–3 қисмга бўлиб юборилган жавоблар қабул қилинмайди. 4. Энг тўғри ва энг тез жавоб йўллаган иштирокчи ғолиб бўлади. ✍️ Жавоблар @Bintu_Sodiq_tanlov_bot орқали қабул қилинади. ✨ Ушбу танлов — мавлид ойи муносабати билан Пайғамбаримиз алайҳиссаломнинг муборак сийратларини ўрганиш учун бир имконият. 1. Расулуллоҳ соллаллоҳу алайҳи васалламнинг нечта набиралари бўлган? 2. Пайғамбаримиз алайҳиссаломнинг оналари Омина қаерлик бўлган? 3. "Асадуллоҳ" (Аллоҳнинг арслони) лақабини олган саҳобий ким? 4. Биз Пайғамбаримизнинг исмларига доимо қўшиб айтадиганимиз “соллаллоҳу алайҳи васаллам” жумласи қандай маънони англатади? 5. Расулуллоҳ соллаллоҳу алайҳи васаллам амакилари билан Шомга борганларида неча ёшда эдилар? 6. Расулуллоҳ соллаллоҳу алайҳи васалламнинг таҳорат сувлари ва икки кавушлари соҳиби ким? 7. Расулуллоҳ соллаллоҳу алайҳи васалламнинг биринчи байроқдорлари ким бўлган? 8. "Жаннатда, олдимда сенинг кавушингнинг дупурини эшитдим". Расулуллоҳ соллаллоҳу алайҳи васалламнинг бу гаплари кимга тегишли бўлган? 9. Расулуллоҳ соллаллоҳу алайҳи васаллам билан Каъбанинг ичига кирган саҳобалар кимлар эди? 10. Байтуллоҳ калитлари соҳибини топинг. 11. Расулуллоҳ соллаллоҳу алайҳи васалламнинг Хадийжа онамиздан бўлмаган фарзандлари ким эди? 12. Расулуллоҳ соллаллоҳу алайҳи васалламнинг қабрларини ким қазиган? 13. Расулуллоҳ соллаллоҳу алайҳи васалламнинг сўнгги сўзлари нима бўлди? 14. Расулуллоҳ соллаллоҳу алайҳи васаллам кимнинг ҳужрасида вафот этдилар? 15. Видолашув ҳажида «Бу кун сизга динингизни мукаммал қилиб бердим» ояти нозил бўлганда қаттиқ йиғлаган саҳоба ким эди? 16. Табук ғазотида Расулуллоҳ алайҳиссалом одамларни эҳсон қилишга чақирдилар. Улар орасида эҳсон қилувчиларнинг энг пешқадами ким эди? 17. Табук ғазотида туяси юравермагач, пиёда юриб, лашкарга етиб олган саҳоба. 18. “Аллоҳнинг қиличи“ лақабини олган саҳоба ким эди? 19. Расулуллоҳ соллаллоҳу алайҳи васаллам бошчилигида ўттиз минглик қўшин билан Румга қарши ғазот нима деб аталади? 20. Расулуллоҳ соллаллоҳу алайҳи васаллам қурбонликдан омон қолган икки инсоннинг ўғилларидирлар. Бу икки инсон кимлар? 21. Расулуллоҳ соллаллоҳу алайҳи васалламнинг оталари Абдуллоҳнинг онасининг исмини топинг. 22. Расулуллоҳ алайҳиссаломга иккинчи нозил қилинган оятлар қайси сура оятлари эди? 23. Расулуллоҳ алайҳиссалом билан курашиб, сўнгра Исломни қабул қилган қурайшлик паҳлавон. 24. Мадиналиклардан биринчи бўлиб мусулмон бўлган киши ким? @BintuSodiq

⏰ Эслатма! 🔥 “Севги сийратдан бошланади!” танловига тайёрмисиз? Айнан 1 соатдан сўнг — 🕘 1⃣0⃣:0⃣0⃣да саволлар каналимизга жойланади! 📚 Саволлар Пайғамбаримиз соллаллоҳу алайҳи васаллам ва саҳобалар ҳаётидан тайёрланган. 🏆 Энг кўп тўғри жавоб берган иштирокчи ғолиб бўлади! Азизлар, билим синовига тайёрланинг! 🌸 Зеро, СЕВГИ сийратдан бошланади! @BintuSodiq

Ўзбекчиликка тўғри келмайдиган мавзуларни кўтариб чиқиб, ток-шоу қилиш ҳам бизга бегона. На динимизда, на урфимизда ҳамма нарсани кўчага олиб чиқиб, фош қилиш йўқ. Ўзгаларнинг, айниқса, оила сирини яшириш шариатимизда қаттиқ буюрилган. ✍️Одинахон Муҳаммад Содиқ @BintuSodiq

🌐 Сиз кирадиган ҳар бир ижтимоий тармоқ — сиз ҳақингизда ўрганади ва сизни бошқаради. 👉 Видеони кўринг ва виртуал дунёнинг яширин сирларини очинг! 📽 "Ижтимоий Дилемма" – бизларни замонавий дунёнинг ижтимоий-ахлоқий муаммолари билан таништиради. #InternetParhez @BintuSodiq

Расулуллоҳ соллаллоҳу алайҳи васалламнинг бу мўъжизалари ҳақида билармидингиз? @BintuSodiq

🎥 “СИР ЭМАС” — ҳомиладорлик семинари онлайнда! Мутахассислар токсикоз, гигиена, она хулқи ва фарзанд тарбияси ҳақида энг муҳим саволларга жавоб берди. 🌿 Соғлом ва қобилиятли авлод учун қимматли билимдан барҳаманд бўлинг! 📍 Онлайн рўйхат: 📞 +998 90 825 45 98 📩 @bintusodiq_admin @BintuSodiq

🔥“Севги сийратдан бошланади!" 📣Сийратга доир билимларимизни синаймиз. Азизлар! 🌸 Bintu Sodiq канали рабиъул аввал ойи муносабати билан ҳар йилги анъанага кўра Пайғамбаримиз Муҳаммад соллаллоҳу алайҳи васалламнинг муборак сийратларига бағишланган “Севги сийратдан бошланади!" номли танловни эълон қилади. 🗓 17 сентябрь, чоршанба 🕘 10:00 📚 Танлов саволлари Пайғамбаримиз соллаллоҳу алайҳи васаллам ва саҳобалар ҳаётидан тайёрланган бўлиб, савол-жавоб тарзида ўтказилади. ✍️ Жавоблар @Bintu_Sodiq_tanlov_bot орқали қабул қилинади. 🏆 Биринчи ва энг кўп тўғри жавоб берган иштирокчи ғолиб деб топилади. ✨ Ушбу танлов — нафақат билим синови, балки мавлид ойи муносабати билан Пайғамбаримиз алайҳиссаломнинг сийратларини яқиндан ўрганишдир. Зеро, СЕВГИ сийратдан бошланади! 📌 Танлов саволлари чоршанба куни соат 10:00 да каналга жойланади. @BintuSodiq

Каналимизнинг севимли кузатувчилари, илмга чанқоқ мухлислари!🌹 📖 «Ҳадис ва ҳаёт» китоби, 19-жуз — “Оламларга раҳмат Пайғамбар” қисмидан тайёрланган тестларимиз бугун ўз ниҳоясига етади. 🕗 Сўнгги тест саволлари соат 20:00 да каналимизга жойланади. ❓ Тайёрмисизлар? ✨ Шу билан ушбу мавзу бўйича тестларимиз якунланади ва сийратга доир танлов эълон қилинади. Агар танлов қизиқ бўлса, каналимизни кузатиб боришда давом этинг! 🌹 Барча севимли, илмга чанқоқ иштирокчиларимизга қалбан миннатдорлик билдирамиз! Олган илмларингиз манфаатли, амалларингизда фойдали бўлсин! 🤲 Аллоҳим, барчамизни Пайғамбаримиз соллаллоҳу алайҳи васалламнинг суюкли умматларидан қилсин! @BintuSodiq

Евроосиё аёллар гуманитар академиясида ўқув йили бошланди! Кеча, 13 сентябрь куни Евроосиё аёллар гуманитар академиясида очиқ эшиклар куни бўлиб ўтди.

🎙Тадбирда академия ректори, социология фанлари номзоди Сергей Юрьевич Зязин, исломшунос олима, “Ҳилол нашр” нашриёти директор ўринбосари, Muslimaat.uz сайти раҳбари, Хадичаи Кубро аёл-қизлар ўрта махсус Ислом таълим муассасаси ўқитувчиси ва Евроосиё аёллар гуманитар академияси маслаҳатчиси Одинахон Муҳаммад Содиқ янги ўқув йили бошланиши билан барча йиғилганларни қутлаб, нутқ қилдилар.

Тадбир давомида меҳмонларга ўқув дастури ва ўқитувчилар ҳақида маълумотлар бериб ўтилди. Шунингдек, янги ўқув йили режалари билан ҳам таништирилди. Талабалар иштирокида гўзал чиқишлар илиқ кутиб олинди. Беш йиллик таълимни муваффақиятли якунлаган биринчи аёллар офлайн гуруҳи битирувчиларини тақдирлаш маросими тадбирга янада ҳаяжон, қувонч ва хурсандчилик бағишлади. Тадбир доирасида 190 та сертификат, диплом, фахрий ёрлиқ ва ташаккурномалар топширилди. Талабаларга касбий малака ошириш дипломлари ҳам тақдим этилди.

Эслатиб ўтамиз, академия доирасида талабалар учун қўшимча таълим дастурлари тўрт тилда: рус, қирғиз, ўзбек, озарбайжон тилларда олиб борилмоқда

.

🔔Ўқув йили бошланди! Ўқитувчиларга, талабаларга ва ота-оналарга куч-қувват, соғлик-саломатлик, фаровонлик ва фойдали таълим тилаймиз!