ግጥም ብቻ 📘

    ግጥም ነው ምትመስዪው!   ---------------------------------------              ከፊደል ማሳ ላይ ቃላት ለሚቃርም ካገኘም ከትቦ እያደር ሚያርም÷ በአርኬው መባቻ  በመድፋት አባዜ ከሃሳብ ባህር ላይ ሰጥሞ በትካዜ÷ በብዕሩ እንባ ስንኞች ሲቋጥር ቤቱን በመዘንጋት ቤት ለመምታት ሚጥር÷ እቴ አትሞኚ ከቁብ ለማይቆጥርሽ በፍቅር አጊጠሽ አምሮብሽ ቢያይሽ÷ በቃላት ስደራ የተሽቀረቀረ በታሪክ ፍሰቱ ጎልቶ የዳበረ÷ ግጥም ነው ምትመስዪው መምቻና መድፊያው ፍፃሜው ያማረ::                       By @Abuugida @getem @getem @getem

ምን ይሻለዋል -------------------- ሂድልኝ ሂጂልኝ ብለን ተለያይተን ከማነቀው ህይወት አንቺም እኔም ገብተን ይሄንን ልቤን ግን ቆይ ምን ይሻለዋል አንቺን ሲያስብ ጊዜ እንባ ይቀድመዋል @getem @getem @paappii

መተላለፍ ------------------------------ “ሰው ሀገር ነው" በሱኝ ሀገሬ ነህ ብዬ፣ አንተ ስር ተገኘሁ ነገሬን ጣጥዬ፡፡ ሰወሬ 'ማይመች የቸገረ ነገር፣ አንተ አኔጓ ታቅፈህ ትመኛለህ ሀገር። By ሜሮን ጌትነት @getem @getem @paappii ''ሌላ አዉነት የለኝም'' ሚለዉን የሜሮን ጌትነት ግጥም ገዝታቹ እያነበባቹ

‎ቆርጦልኝ ነበረ ነግሬሽ የልቤን ወድሻለሁ ብዬ ‎የምትወጂኝ መስሎኝ ስጠብቅሽ ቀረሁ ካደርኩበት ውዬ ‎ነካክተሽ ነካክሽ ልቤን አደረግሽው የፍቅርሽ ምርኮኛ ‎የማትወጂኝ ከሆን ለምን ቀሰቀስሽው ይቅር እንደተኛ ‎ ‎አይቀርም አንድ ቀን ያፈቀረሽ ልቤ የጎኑን ማግኘቱ ‎ህይወት ይቀጥላል ምን ልቤ ቢደክም አንቺን በማጣቱ ‎አገኘሽኝ እንጂ ሆኜ ያንቺ ወዳጅ ‎ከፍቅርሽ አለም ውስጥ ‎ሳላውቀው ገብቼ እንደ ባህር ሰርጓጅ ‎ ‎ግን ... ‎ ‎ያሳሰበኝ ፍቅር ‎ካንቺ ስር ያዋለኝ እንዲህ እንደከረረ ‎ሌላ ሲያይሽ ጊዜ ቀንቼ ነበረ ‎አፈቀርኩሽ ያልኩት ‎የኔ ያልኩትን ሰው በሌላ ሲታቀፍ ‎እንዴት ብዬ ልለፍ ‎ ‎የመነጠቅ መንፈስ ‎ውስጤን እንገብግቦት አላመጣሁሽም ‎እውነቱን ስነግርሽ ‎ቀንቼ ነው እንጂ አላፈቀርኩሽም ‎ ‎አልልሽም ይህን ቃሌን ድፍረት የለኝ የምልበት ‎ያጠፋዋልና የወንድነት ልኩን ይህን ያልኩሽ እለት ‎ ‎እንደገባኝ ቢሆን ከዚህ ሁሉ ነገር ‎ቅናት መንፈስ እንጂ አልነበረም ማፍቀር ‎ ‎ ዮርዳኖስ @JorDanos7 @getem @getem @getem

የማመንታት ፍቅር ልሂድ ወይስ ልቅር (ያለበት) ጓዝሽን ጠቅልለሽ በስንብትሽ እለት ደግሞ ተመልሶ ከበቃኸኝ በኃላ ካልበላሁ ማለት (ምን ይሉታል አሁን) ተፍተሺኝ አንቅረሽ ጥላቻን አፍቅረሽ ባፍንጫሽ ወጥቼ ለፍቺያችን ድግስ የወይን ጠጅ ጠጥቼ (ችርስ ተባብለን) ወይ መተሽ አትመጪ ወይ ቀርተሽ አትቀሪ ድንገት ትገኛለሽ ለፍቅር ከፊቴ ስትደነቀሪ By @Absari_seven @getem @getem

ዛሬ ሌላ ሰው ነኝ። ያኔ ትንሽ ሆኜ- በእድሜዬ ለጋ - በበሓሪ ችኩል፣ አፍንጫ አሽትቻለሁ፣ ቀድሞኝ ከበሰለው - ለመታየት እኩል። ልጅነትን ሳልፈው- ሌላን ማየት ትቼ - ራሴን ዐየሁ እና፣ ገደብ ሰራሁለት፣ ጉጉቴ ልክ አልፎ -ስጎድል እንዳይቀና። ልልሽ የፈለግሁት- አንቺ ላታስቢኝ አትበይ “ረስተኸኛል”፣ የሰርግሽን ፎቶ- ከልቤ ሳደንቀው እራሴም ገርሞኛል። ምክንያት፣... ያኔ ወጣትነት - ኩራት የኮፈሰኝ፣ ትእቢት ላንዳፍታ - ወስዶ የመለሰኝ፤ እልህ እየጋተ - ምላጭ የሚያስውጠኝ፣ “ዛሬ ብቻ” ባይ ኅዝብ - አስሶ እሚመርጠኝ፤ ዛሬ... አንቺ የኖርሽውን - ዘመን የኖርኩ እኔ፣ እራሴን ያስተማርኩ - በሕይወት ጠመኔ፤ አንቺ “ፈልጉኝ” ባይ - እኔ ራሴን መሪ፣ አንቺ ላይሽ ፋኖስ - እኔ ውስጤ በሪ፤ ከመንገድሽ እሩቅ - መንገዴ ወስዶኛል፣ ሺህ ግዜ አግብተሽ - ሺህ ግዜ ብትፈቺ ምን ያናድደኛል? በርቺ 😐 @eyadermoges @getem @getem @getem

ላውሊያ ንጉስ ለጠቋሪት ደጋሽ ዚያራ: ላይ ካድመሽ ህልሜን ግራ አጋባሽ የፅልመት እጆቼን ለኑሮሽ: ከነዳሽ በኔ ጉሜ: ይዘሽ ተፋሽው ልብሽን ካድመሽ: አገባሽው የልደት: ቀንሽን ድቤው ስራ አልፈታ: ከህልሜ አለው ጋንታ ላንቺ ኑሮ ሰቶ እኔን እሚያፋታ::                                                by አለምሰገድ ወልዴ @getem @getem @getem

ራሱ’ንደማይጠጣ - የውሃ ማሰሮ፣ መሆን ላልተቻለው - ክው ያለ ጉሮሮ፤ አስመሳይ ደጋጎች - ውሃ ሰጡት’ና፣ የሞት ሞቱን ሲኖር - ችግሩ እንደጠና፤ ጉሮሮ ማሰሮ - ተመሳስሎባቸው፣ ያጠጡትን ቀድተው - መውሰድ ላቃታቸው፤ ረሃብ አንጎራጉሮ - ለለመደው ውሃ፣ ሰጥቶ ተቀባዮች አስቀየመልሃ! (የሞገሴ ልጅ) @eyadermoges @getem @getem @getem

የአንተም ልብ ድንጋይ የኔም ልብ ድንጋይ ... (ለዚያ ነው መሰለኝ ) በተጋጨን ቁጥር በፍቅር የምንጋይ። By meron ghetnet @getem @getem @paappii

ቃል ከአፋቸው ሳይወጣ ፍቅር ተሰናብቶ መለያየት መጣ ቻው እንኳን ሳይሉኝ ሁሉም አገለሉኝ እኔ ብቻ ሆነ እኔን የወደደው እሱስ ተራው ደርሶ መች ይሆን ሚሄደው By @Absari_seven @getem @getem

ስወደው ነው የጠላሁት ሳፈቅረዉ ነው የሸሸሁት የጠላሁትን እሹሩሩ የተካንኩበት እንደጦረኛ ገፊዬን ማቅረቡ’ን ሳዉቅበት በል……. ወደድኩሽ ባልክበት አፍህ ጠላሁ በል ናፈቀሺኝ ያለአንደበትህ - ላይ ታበል እሾህን በእሾህ ፍቅርን በመጥላት እየወደዱ በመገፋፋት እናስቀጥለዉ ሰይጣኔን ሰይጣንን መስለህ ግፈፈዉ አይነ ጥላዬን ናና እንሸዉደዉ። ትዝታ ወልዴ✍️ @getem @getem @Tizita21

‎የሴትነት እጣ ክፍልሽ ‎ ምን ቢደብቅ ማፍቀርሽን ‎አይንሽ አጋልጦሻል ‎ አላምነውም ምግባርሽን ‎ ‎የወንድነት ወጌን ‎ ምን ባስቀድም አንደበቴን ‎መጠራጠር ሰርክ ልማድሽ ‎ አላመንሽም እኔነቴን ‎ ‎ እወድሻለሁ ‎ ‎ ብትሸሸጊው ያንቺን ስሜት ‎  አይንሽ ሁሉን ይነግረኛል ‎  አትደብቂኝ....ወደሽኛል ‎ ‎ ‎ዮኒ ‎     ኣታን @yonatoz @getem @getem @getem

በህይዋት መንገድ ላይ በኑሮ ትሩፋት ማስተዋል ከሌለ በጥልቀት በስፋት በእብዶች መንደር ውስጥ ጤነኞች ከሌሉ ጤነኞች ለእብዶች እብዶች ይሆናሉ። @getem @getem @paappii

ቢታነፅ ቢወቀር! (በእውቀቱ ስዩም) እኔም አንድ ሰሞን ልክ እንደ ሰለሞን "ሁሉም ከንቱ ከንቱ ንፋስን መከተል ላይጥሉ መታገል: ላይከብሩ መባተል" እያልሁ አጨልሜ በራሴ ለግሜ: እፈላሰፍ ነበር! ከዚያ አንቺን አገኘሁ በጓሮ በር በኩል: ሰለሞኔን ሸኘሁ መፈጠሬን ወደድሁ ንፋስ አሳድጄ እንደ ቆቅ አጠመድሁ ከፀሀይዋ በታች: ግልገል ፀሀይ ፈጠርሁ ለኦናው አምፖሌ: ብርሀን አበደርሁ ማቅ የነበረው ጨርቅ: ሸማ ሆኖ ቆየኝ "ከንቱ የነበረው: "አንቱ" ሆኖ ታየኝ! ለካስ... ጠቢብ ቢያስተምረው መከራ ቢመክረው አካሉና ልቡ: ቢታነፅ ቢወቀር ሰው አቅሙን አያውቅም: ካልወደደ በቀር! @getem @getem @paappii

ወራቱ ቀኑ ጠዋቱ ምሽቱ ፤ እንደከርሞው ነው እንደትናንቱ ፤ ጣዕሙም ጠረኑም አልተቀየረም ፤ ለእኔ አዲስ ዓመት አዲስ አይደለም ፤ ያው ነው አበባው ያው ነው ዘፈኑ ያው ነው ደመራው ያው ነው እጣኑ ፤ አልተቀየረም እጣና ዕድሌ አልዳነም ጎኔ አልሻረም ቁስሌ ፤ ዛሬም እንዳምናው . . . ጭጋግ አጥልቷል ፍዝ ነው ቀኔ ፤ በአበባ ብቻ የሚሻር ዘመን አላውቅም እኔ። By Tewodros kassa @getem @getem @paappii

ወደግራ ወድቆ ፍቅራችን ዳመራው የትዝታሽ ጭሱን  ናፍቆት ሰማይ ጠራው እሄዳለሁ ብዬ ሶዶ ወይ ጉራጌ አንቺ የሌለሽበት መስቀል እንዴት ላክብር እንደምን አድርጌ By @Absari_seven @getem @getem

በቀል የእግዚአብሔር ነው ብለን ብንተዋቹ ትሳፈጡን ጀመር ሞኝነት መስሏቹ አይ አለማወቅ አይ አለመረዳት አልገባቹም መሰል ተንቆ መረሳት [ ጥሩቤል ] @ebuhbhr @getem @getem @getem

የራበህም ብላ የጠማህም ጠጣ ፣        ከዚህ የተሻለ ምንም ቀን አይመጣ ፤        ላገኝ ነው በማለት ሞትኩኝ በሰቀቀን ፣        ሔዶ ሔዶ አለቀ የምጠብቀው ቀን ፤      በእውቀቱ  ስዩም @getem @getem @paappii

ላንቺ ብፅፍ ግጥም ቆረጥኩኝ የሴት ጥም እንደው ባየሺልኝ 1 አንቺ ስትሄጂ ናፍቀሺኛል ብልሽ በስንኜ በኩል የእንስት ጋጋታ ህይወቴን ሞላልሽ የምን በትዝታ ሰክሮ መንገዳገድ ሀሳብ ውሎ ይግባ በብዕሬ መንገድ (ይህንን አትርሺ) ሰው በቃል ይረሳል ሰው በቃል ይፈርሳል ሰው በቃል ይሰራል ባለቀሰበትም ድንኳን ይሞሸራል By @Absari_seven @getem @getem

እላለሁ ተከዳው እላለሁ ተካድኩኝ እላለሁ ተሰበርኩ እላለሁ ወደኩኝ እዘረዝራለሁ ሆነብኝ ያልኩትን ረሳሁት መሰል አንተን ያረኩትን [ ጥሩቤል ] @ebuhbhr @getem @getem @getem