Allaev Uz

АҚШ доллари расмий курси 12 171 сўмгача (-86,10) пастлади. #kurs @allaevuzb

АҚШ Президенти Дональд Трамп "Truth Social" ижтимоий тармоғидаги саҳифасида қуйидаги постни ёзиб қолдирди: "Шу ой бошида мен Ўзбекистон Президенти ҳурматли Шавкат Мирзиёев билан суҳбатлашган эдим. Бугун мен Президент Мирзиёевни "Boeing" билан УЛКАН битим имзолангани билан табриклайман! "Uzbekistan Airways" 8 миллиард доллардан ортиқ маблағ эвазига 22 та 787 Dreamliner самолётини харид қилади. Бу Қўшма Штатларда 35 000 дан ортиқ иш ўринларини яратади. Президент Мирзиёев - бир сўзли инсон ва биз бошқа кўплаб масалалар устида биргаликда ишлашда давом этамиз! Бу масалага эътиборингиз учун ташаккур". Таъкидлаб ўтиш керакки, ҳозирда миллий Uzbekistan Airways авиакомпаниясида 7та Boeing 787 Dreamliner бор. Ҳаво йўллари Dreamliner га эга Марказий Осиёдаги ягона авиакомпания. #prezident #aqsh

Айни дақиқаларда Тошкент дунёнинг ҳавоси энг ифлосланган шаҳри бўлиб турибди. Ишончим комил, хоҳиш бўлса, бугунги бирдан кескин ифлосланиш сабабини топса бўлади. #ekologiya

Bugun sog'liq va uzoq umr man uchun kun mavzusi bo'ldi. Ertalabdan bir klubda shu mavzu bo'yicha kitob muhokamasi bo'ldi. Endi bo'lsa, mavzuga doir bir kitobning mualliflik huquqini qo'lga kiritdik. Muzokaralar 6 oy oldin boshlangan ediyu, bugun bitgani qiziqarli. Taniqli kardiolog, olim va yozuvchi Erik Topolning "Super Agers: An Evidence-Based Approach to Longevity" (Super-eyjerlar: Uzoq umr ko'rishga ilmiy dalillarga asoslangan yondashuv) kitobi uzoq umr ko'rish va "super-eyjer" deb ataluvchi, ya'ni yoshi ulug' bo'lishiga qaramay, aqliy va jismoniy salomatligini a'lo darajada saqlab qolgan insonlar fenomenini ilmiy nuqtai nazardan tahlil qiladi. Kitob uzoq umr bilan bog'liq asossiz da'volar va mo'jizaviy tabletkalarga qarshi chiqib, buning o'rniga ilmiy dalillar va so'nggi texnologik yutuqlarga asoslangan holda sog'lom qarish strategiyasini taklif etadi. Umid qilaman, sog'liq masalasida hamma uchun foydali kitob bo'ladi. Kitob 2026-yilning so'nggi kvartalida o'zbek tilida chiqishi ko'zlangan. #kitob

АҚШ доллари расмий курси 12 257 сўмгача (-92,74) пастлади. #kurs @allaevuzb

Айтганча, Фаластин давлатини Ўзбекистон Ислом Каримов даврида 1994 йил расман тан олган. #siyosat

Буюк Британия, Канада, Австралия расман Фаластин давлатини тан олишди. Эрта БМТ саммитида яна бир қатор давлатлар тан олиши кўзланган. #siyosat

"Заправка операторлари кешбекларини йиғиб, машина ҳам олишган." Plossla бу сафарги подкастда меҳмон бўлган солиқ ва бугалтерия соҳаси мутахассиси Санжар Аслонов билан ҚР-cод ли чекларни талаб қилиш ва кешбекларни йиғиб бориш ҳақида қизиқарли суҳбат қилишибди. Тўлиқ сонни кўриш учун линк: https://youtu.be/oS1HKAC08RY #podcast #soliq

Бир ака боласига ChatGPT ни ишлатишни таъқиқлаб кўйганини фахр билан айтиб берди. Бироз тушунтиришга ҳаракат қилдим, етиб бормагач "хўп, сиз ҳақсиз" дан яхши гап тополмадим. Биз хоҳлаймизми ёки йўқми, бир ҳақиқатни тан олишимиз шарт: бизнинг фарзандларимиз сунъий интеллект (AI) билан бирга яшайдиган биринчи авлод бўлади. AI улар учун худди бизга интернет ёки смартфон каби оддий, ажралмас воқеликка айланади. Шундай экан, асосий савол энди "улар AI дан фойдаланадими ёки йўқми?" деган савол эмас. Бу муҳокама аллақачон эскирди. Ҳақиқий саволлар қуйидагича: улар сунъий интеллектдан ҚАНДАЙ фойдаланади ва бу қандай шароитларда юз беради? Бу иккиси ўртасида улкан фарқ бор. Биринчи ҳолатда, бизнинг фарзандларимиз AI нинг пассив истеъмолчиларига айланиши мумкин. Улар хорижий корпорациялар яратган, алгоритмлар таклиф қилган контентни томоша қилади, ўйинларни ўйнайди, маҳсулотни харид қилади ва тавсияларга эргашади. Улар технологиянинг қулайликларидан фойдаланади, лекин унга бутунлай қарам авлод бўлади. Уларнинг ҳаётини технология ҳал қилади. Иккинчи ҳолатда эса, улар AI нинг онгли ва фаол фойдаланувчилари, ҳатто яратувчиларига айланиши мумкин. Улар AI ни нафақат кўнгилхушлик ёки истеъмол учун, балки ўқиш, ижод қилиш, муаммоларни ечиш ва янги қиймат яратиш учун кучли восита сифатида ишлатиши мумкин. Худди кимдир интернетни рилс учун, яна кимдир янги ғояни амалга ошириш учун ишлатаётгандек. Бизга AI дан фойдаланиб иқтисодий қиймат яратадиган авлод керак, уни онгсиз истеъмолчиси эмас. Бу бугунги ота-она олдидаги асосий вазифалардан. Фарзандларимизни СИга тайёрлаш — бу уларга шунчаки дастурлаш ёки промпт ёзишни ўргатиш эмас. Бу — уларга танқидий фикрлашни, технологияни бошқаришни ва уни ўз манфаатлари учун ишлата олишни ўргатиш демакдир. Ишлатмаслик, болани узоқ тутиш учун миллионта сабаб топиб бериш мумкин. Лекин, реаллик шундаки, бугун бола AI ни ўрганмаслиги аввало ўзининг келажаги учун, бунақалар миллионлаб бўлганда миллатнинг келажаги учун ёмон. #tarbiya #ai

Дам олиш кунида "дам олиш" сўзи бор. Манга ўхшаб "Манчестер Юнайтед"нинг ўйинини кўриб асабни тамом қилгандан кўра, маза қилиб кино кўрган яхши. Шу учун ҳам сизга кино тавсия қиламан. Apple Original томонидан олинган "F1" 2025 йилнинг энг шов-шувли филмларидан биридир. Брэд Питт ўйнаган бу спорт драма мияни унча қийнамасдан шунчаки маза қилиб кўрадиган яхши филм. Хуллас, #тавсую

Бизда Бухорода “бошидан ўтмаганнинг қошидан ўтма” деган мақол бор. Рақобатда, айниқса маркетингда соҳангиздаги гигантлар билан беллаша олмайсизми? Унда бор эътиборни маҳсулотга қаратинг! Тасаввур қилинг, сиз эндигина кичик бир ресторан очдингиз. Сизнинг қаршингизда эса улкан фаст-фуд гиганти турибди. Унинг телевизор, билборд ва интернетдаги рекламаларига сарфлайдиган бир кунлик бюджети сизнинг бир йиллик айланмангизга тенг. Сиз у билан "кимнинг овози баландроқ чиқади" ўйинида рақобатлаша оласизми? Албатта, йўқ. Бу худди енгил вазнли боксчининг супероғир вазндаги чемпион билан куч синашишига ўхшайди. Натижа олдиндан маълум. Маркетинг бюджетида гигант билан пойга ўйнаш — бу шунчаки пулни ҳавога совуриш демакдир. Хўш, ечим нимада? Агар рақибнинг қуроли билан енга олмасангиз, жанг майдонини ўзгартиринг. Жанг майдонини маркетингдан маҳсулотга кўчиринг. Сизнинг вазифангиз — Nest One нинг тепасидан бутун Тошкентга энг баланд овозда бақириш эмас. Сизнинг вазифангиз — шу шаҳардаги энг мазали таомини тайёрлаш. Сизнинг рекламангиз бўлмаслиги мумкин, лекин сизда бир марта овқатланган одам нариги томонга нисбатан қулайлик ва сифатни ҳис қилиши керак. Ҳозир ҳис қилмаяптими, фокус келажакда ҳис қилишига қаратилиши керак. Рақобатдаги бизнесдан фарқни яратиш ва уни яхшилаш тўғри ечим. Қониқиш ёки идеал ҳолатда "wow" эффекти дунёдаги энг кучли ва энг арзон маркетинг қуролини ишга туширади: "сарафан" маркетинг. Сизнинг мазали таомингиздан таъсирланган мижозлар сизнинг энг содиқ "элчи"ларингизга айланади. Улар сиз ҳақингизда дўстларига, ҳамкасбларига, ижтимоий тармоқларга ёзиб, сиз сарфлай олмаган рекламани текинга қилиб беришади. Бунда сиз рекламага кетадиган пулни тежаб, уни янада муҳимроқ нарсага — маҳсулотни янада яхшилашга (сифатлироқ масаллиқ, яхшироқ сервис, тезроқ етказиб бериш) сарфлайсиз. Бу эса янада кўпроқ "wow" эффектини, у эса янада кўпроқ "элчи"ларни келтиради. Бу — тўхтатиб бўлмайдиган занжир. Рақобатчининг шовқинли рекламасидан қўрқманг. Ўзингизга савол беринг: "Менинг маҳсулотим шу қадар яхшими-ки, уни бир марта синаб кўрган одам дўстларига тавсия қилмасдан туролмайди?" Агар жавобингиз "йўқ" бўлса, демак сиз ҳали ҳам маркетингга эмас, маҳсулотга кам эътибор беряпсиз. Буни сўнгги тўрт йилда ҳар куни бошидан ўтказган, рақобатда яшаб қолиб, ривожланишни ҳам эплаган тадбиркор, яъни бошидан ўтган одам сифатида айтяпман. #biznes #marketing

Audio kitob. "Katta o'yin. Ikki imperiya to'qnashuvi". 1-bob, 3-bo'lim 1. So'z boshi 2. Muqaddima 3. 1-bob, 1-bo'lim 4. 1-bob, 2-bo'lim Audio kitobni Hamza Jumayev o'qidilar. Qog'oz kitobni xarid qilish: https://asaxiy.uz/product/piter-hopkirk-katta-uiin-ikki-imperiya-tuknashuvi #audio #kitob

АҚШ доллари расмий курси 12 349 сўмгача (+35,16) кўтарилди. #kurs @allaevuzb

Тақиқланган материаллар рўйхати Ўзбекистон Республикаси Олий суди томонидан экстремизм ва терроризм ғоялари билан йўғрилган деб топилган, республика ҳудудига олиб кириш, тайёрлаш, тарқатиш ва намойиш этиш тақиқланган материаллар рўйхати (2025 йил 2 сентябрь ҳолатига) Ҳавола: https://api-portal.gov.uz/uploads/76/2025/09/18/106b2a17-af78-6bfe-00df-07d9b741abc9_media_.pdf

Audio kitob. "Katta o'yin. Ikki imperiya to'qnashuvi". Muqaddima. 1. So'z boshi 2. Muqaddima 3. 1-bob, 1-bo'lim 4. 1-bob, 2-bo'lim Audio kitobni Hamza Jumayev o'qidilar. Qog'oz kitobni xarid qilish: https://asaxiy.uz/product/piter-hopkirk-katta-uiin-ikki-imperiya-tuknashuvi #audio #kitob

АҚШ доллари расмий курси 12 314 сўмгача (+60,44) кўтарилди. #kurs @allaevuzb

"Yurak kasalliklari irsiy ham bo‘ladi, sizning ota-onangizdan hamma oila a’zolaringizga o‘tishi mumkin. Faqat yurak kasalliklari emas, qandli diabet, qon bosimi oshishi, insult ham irsiyat suradi" Qo‘shtirnoqda Yurak kasalliklari, infarkt haqida juda muhim suhbat. ▶ https://youtu.be/-BC8MXe8wLs #podcast

Audio kitob. "Katta o'yin. Ikki imperiya to'qnashuvi". 1-bob, 2-bo'lim. 1. So'z boshi 2. 1-bob, 1-bo'lim Audio kitobni Hamza Jumayev o'qidilar. Qog'oz kitobni xarid qilish: https://asaxiy.uz/product/piter-hopkirk-katta-uiin-ikki-imperiya-tuknashuvi #audio #kitob

АҚШ доллари расмий курси 12 254 сўмгача (-30,89) пастлади. #kurs @allaevuzb

Audio kitob. "Katta o'yin. Ikki imperiya to'qnashuvi". 1-bob, 1-bo'lim. 1. So'z boshi Audio kitobni Hamza Jumayev o'qidilar. Qog'oz kitobni xarid qilish: https://asaxiy.uz/product/piter-hopkirk-katta-uiin-ikki-imperiya-tuknashuvi #audio #kitob