Yoshlar ishlari agentligi

Iste’dodli o‘g‘il-qizlarimiz ta’lim, ilm-fan, madaniyat, san’at, sport va boshqa sohalarda erishayotgan katta yutuqlari bilan ham Yangi O‘zbekistonimiz ravnaqiga munosib hissa qo‘shayotgani ta’kidlandi. O‘quvchi va talabalarimiz joriy yilda xalqaro fan olimpiadalarida 51 ta oltin, 101 ta kumush, 126 ta bronza medalini qo‘lga kiritib, o‘z bilim va salohiyatini butun dunyoga namoyish qildi. 🕊Telegram 📱Instagram 📺YouTube 🔹 Linkedin 🌍Veb sayt

🇺🇿“Eng muhim yutuqlarimiz haqida so‘z yuritganda, azm-u shijoatli sportchilarimizning nufuzli xalqaro musobaqalarda erishgan g‘alabalarini mamnuniyat bilan ta’kidlash o‘rinlidir”, – dedi davlatimiz rahbari.

Avvalo, O‘zbekiston futboli uchun 2025-yil chinakam tarixiy yil bo‘ldi. Milliy terma jamoamiz ilk bor Jahon chempionatiga yo‘llanmani qo‘lga kiritdi. Mohir shaxmatchilarimiz jahon kubogida munosib ishtirok etdi. Ayniqsa, navqiron grossmeysterimiz Javohir Sindorov jahon kubogining eng yosh sohibi bo‘lgani barchamizga yuksak g‘urur bag‘ishlaydi. O‘tgan haftada 9-17 yoshli shaxmatchilar o‘rtasida rapid va blits yo‘nalishlari bo‘yicha jahon chempionatida yurtimiz vakillari 5 ta oltin, 2 ta kumush va 5 ta bronza medalini qo‘lga kiritib, umumjamoa hisobida 1-o‘rinni egalladi. Jasorat va matonat sohibi bo‘lgan sportchilarimiz bu yilgi yoshlar o‘rtasidagi Paraosiyo o‘yinlarida 125 ta oltin, 77 ta kumush va 52 bronza medalini qo‘lga kiritib, ishtirokchi davlatlar orasida eng yuqori natijani qayd etdi. 🕊Telegram 📱Instagram 📺YouTube 🔹 Linkedin 🌍Veb sayt

🇺🇿O‘zbekiston Respublikasi Prezidenti Shavkat Mirziyoyev Oliy Majlis va O‘zbekiston xalqiga Murojaatnomasini quyidagi havol orqali jonli efirda kuzatishingiz mumkin! 👉https://t.me/shmirziyoyev?livestream

🇺🇿Bugun O‘zbekiston Respublikasi Prezidenti Shavkat Mirziyoyev Oliy Majlis va O‘zbekiston xalqiga Murojaatnomani taqdim etadi. Murojaatnomaning to‘g‘ridan-to‘g‘ri translyatsiyasini soat 11:00 dan boshlab: “O‘zbekiston 24”, “O‘zbekiston” (surdotarjima bilan), “Mahalla”, “Madaniyat va ma’rifat”, “O‘zbekiston tarixi”, “Mening yurtim”, “Sevimli”, “Milliy”, “Zo‘r TV”, “Renessans TV”; “Toshkent” va “Dunyo bo‘ylab” (ruscha tarjimasi bilan); “Yoshlar” va “Uzreport TV” (inglizcha tarjimasi bilan) telekanallarida; Prezident matbuot xizmatining Telegram, Facebookdagi sahifalari hamda YouTubedagi rasmiy kanalida tomosha qiling. ⚡️Murojaatnomada yoshlarimiz uchun katta imkoniyatlar va yangiliklar e’lon qilinishi kutilmoqda! 🕊Telegram 📱Instagram 📺YouTube 🔹 Linkedin 🌍Veb sayt

⚡️Yosh xotin-qizlar, sun’iy intellekt mutaxassislari va yosh olimlar diqqatiga! Yoshlar tashabbuslarini qo‘llab-quvvatlash, ularning fikrini eshitish va muammolariga yechim topish maqsadida navbatdagi ochiq muloqot yosh xotin-qizlar, sun’iy intellekt mutaxassislari va yosh olimlar ishtirokida tashkil etiladi. 💬 “Yoshlarni eshitamiz” shiori ostida o‘tadigan ushbu muloqot 29-dekabr kuni soat 15:00 da poytaxtimizdagi Yoshlar ijod saroyida boshlanadi. Muloqot barcha uchun ochiq. Quyidagi havola orqali ro‘yxatdan o‘tib, oflayn va onlayn ishtirok etish mumkin. 🔹Ro‘yxatdan o‘ting va takliflaringizni “Yoshlar murojaati” boti orqali jo‘nating. Har bir taklif va tashabbus biz uchun muhim. Manzil: Toshkent shahridagi Yoshlar ijod saroyi #YoshlarbilanMuloqot 🕊Telegram 📱Instagram 📺YouTube 🔹 Linkedin 🌍Veb sayt

⚡️“Birga ro‘yxatdan o‘tamiz – birga kelajakni yaratamiz” Bugun poytaxtimizdagi “Zakovat Arena” majmuasida aholi va qishloq xo‘jaligini ro‘yxatga olish tadbiri doirasida yoshlar festivali bo‘lib o‘tdi. Festivalning rasmiy ochilish marosimida Milliy statistika qo‘mitasi, O‘zbekiston mahallalari uyushmasi hamda Yoshlar ishlari agentligi rahbariyati ishtirok etdi. Unda aholi va qishloq xo‘jaligini ro‘yxatga olish jarayonida jamiyatning barcha qatlamlari, xususan yoshlarning faol va mas’uliyatli ishtiroki muhim ekani alohida ta’kidlandi. Festival doirasida vazirlik va idoralar o‘rtasida “Zakovat” intellektual o‘yini ham tashkil etildi. 63 ta jamoa ishtirok etgan qizg‘in bellashuv yakunlariga ko‘ra: 1-o‘rin — Raqamli texnologiyalar vazirligi; 2-o‘rin — “O‘zbektelekom” AK; 3-o‘rin — Ichki ishlar vazirligi. 🎁 G‘olib va sovrindor jamoalar qimmatbaho sovg‘alar bilan taqdirlandi. 🕊Telegram 📱Instagram 📺YouTube 🔹 Linkedin 🌍Veb sayt

⚡️Yoshlar ishlari agentligi va “Adolat” SDP o‘rtasidagi hamkorlik yanada mustahkamlandi Bugun Adolat sotsial-demokratik partiyasining “Yosh adolatchilar” qanoti Respublika kengashining V hisobot-saylov konferensiyasi doirasida yoshlar masalalariga oid muhim tashabbuslar muhokama qilindi. Konferensiyada Yoshlar ishlari agentligi direktori Alisher Sa’dullayev hamda “Adolat” SDP Siyosiy Kengashi raisi, Qonunchilik palatasidagi partiya fraksiyasi rahbari Robaxon Maxmudova so‘zga chiqib, yoshlar masalasi davlat siyosatining ustuvor yo‘nalishlaridan biri ekanini, yoshlar esa islohotlarning muhim harakatlantiruvchi kuchiga aylanib borayotganini ta’kidladilar. Shuningdek, Yoshlar ishlari agentligi va “Adolat” SDP o‘rtasida imzolangan hamkorlik memorandumi iqtidorli yoshlarni qo‘llab-quvvatlash, barcha yoshlarga teng imkoniyatlar yaratish hamda yoshlar siyosatini samarali amalga oshirishda muhim qadam bo‘ldi. 🕊Telegram 📱Instagram 📺YouTube 🔹 Linkedin 🌍Veb sayt