Еўрарадыё | Еврорадио

Незалежныя медыі — гэта вам не Tinder! Медыйшчыкі Надзея Белахвосцік, Паўлюк Быкоўскі і Павел Свярдлоў расказваюць, як працуюць гранты і чаму яны не робяць незалежныя СМІ “залежнымі”. На чым зараблялі незалежныя медыі ў Беларусі — і як выжываюць цяпер? Адкуль грошы ў медыяў, якія абслугоўваюць Лукашэнку? Колькі атрымліваюць беларускія дзяржаўныя медыі — і ці жыруюць у параўнанні з імі незалежныя СМІ ў эміграцыі? Усё гэта абмяркоўваем тут: https://www.youtube.com/watch?v=xbeT4ZXhZE4

Лукашэнка сабраўся павялічыць экспарт у Афрыку да 1 млрд долараў. Ці рэалістычны гэта план? Што Беларусь наогул можа прапанаваць Афрыцы? На якім узроўні маем гандаль сёння? Каментуе эканамічны аглядальнік Андрэй Махоўскі: https://youtu.be/ODs8gPwbUa4

Выбух газу адбыўся ў доме на вуліцы Косарава ў Гомелі. Жыхароў эвакуіруюць. Выбух быў такой моцы, што амаль знёс апорную сцяну.

Бабарыка тры хвіліны адказваў пра Крым — вы, напэўна, ужо пра гэта ведаеце з усіх беларускіх медыя. Але міма ўвагі прайшло яго тлумачэнне сваіх асцярожных адказаў літаральна на ўсе пытанні (не толькі пра вайну і Крым):

"Мы абсалютна ўпэўненыя ў тым, што сёння дзеля таго, каб якімсьці чынам, па-першае, не спыняць гэты працэс [вызвалення палітвязняў], трэба ўсё ж для нас быць максімальна стрыманымі".

Як вызваленне лідараў “бабарыканцкаў” можа змяніць расклад сілаў у беларускіх дэмсілах? Пра гэта і не толькі ў эфіры @euroradio пагаворым з палітолагам Паўлам Усавым. https://www.youtube.com/watch?v=nKaghYjAFZg

Праваабаронцы паведамілі пра 127 фігурантаў "справы Гаюна". @viasna96 удакладняе, што гутарка пра тых, чые прозвішчы вядомыя. Агульны лік праходзячых па справе большы. "Беларускі Гаюн" — маніторынгавы праект, які адсочваў ваенную актыўнасць расійскіх і беларускіх войскаў. Яго стварыў Антон Матолька. Сёлета ў пачатку лютага сілавікі атрымалі доступ у чат з ботам праекта. Пасля гэтага праект аб'явіў аб спыненні працы.

Беларускія палітвязні, якіх 13 снежня дэпартавалі ва Украіну, ужо знаходзяцца на шляху да Польшчы. Увечары яны плануюць быць у Варшаве. Пра гэта паведамляе прадстаўнік каманды Віктара Бабарыкі Іван Краўцоў. @euroradio таксама мае такую інфармацыю з уласных крыніцаў.

Каго глядзець/слухаць сёння на @euroradio? Трымайце анонс эфіраў на сераду (час пазначаны беларускі): 13:00 — палітычны аналітык Павел Усаў 14:00 — эканамічны аглядальнік Андрэй Махоўскі 14:30 — Надзея Белахвосцік, Паўлюк Быкоўскі і Павел Свярдлоў — пра тое, як працуюць гранты і чаму яны не робяць незалежныя СМІ “залежнымі” Глядзіце стрымы на ютуб-канале Еўрарадыё, задавайце пытанні!

ЕС і ЗША распрацавалі план падтрымкі Украіны пасля заканчэння вайны. Пра гэта паведамляе The New York Times са спасылкай на свае крыніцы. Галоўнае з дакумента: • давядзенне колькасці ўкраінскай арміі да 800 тыс. вайскоўцаў у мірны час (цяпер па розных падліках — 900 тысяч) • Еўрапейскія сілы бяспекі могуць працаваць ва Украіне — ахоўваць неба і мора • ЗША будуць дапамагаць выяўляць магчымыя правакацыі Расіі, каб не дапусціць новай вайны

У Беларусі растуць складскія запасы на фоне падзення эканомікі. У чым небяспека?

Вось, напрыклад, Мінскі трактарны завод. Паводле плана ён павінен быў вырабіць каля 32 тысяч трактароў і прадаць 28 тысяч. Фактычна ж прадаў толькі 17 тысяч.

Чытаць тут: https://euroradio.fm/u-belarusi-rastuc-skladskiya-zapasy-na-fone-padzennya-ekanomiki-u-chym-nebyaspeka A гэтая спасылка адкрыецца і без VPN

Мільярд ад поўдня. Ці зможа Беларусь нарасціць экспарт з Афрыкай?

Афрыка не заменіць Еўрасаюз, не заменіць украінскі рынак і тым больш расійскі.

Чытаць тут: https://euroradio.fm/milyard-ad-poudnya-ci-zmozha-belarus-narascic-ekspart-z-afrykay A гэтая спасылка адкрыецца і без VPN

Ва Украіне знайшлі метэазонд з беларускімі цыгарэтамі. Верагодна, ён мусіў трапіць у краіну ЕС, але вецер парушыў планы кантрабандыстаў.

Чый Крым? Гэтае пытанне Віктару Бабарыку задаў украінскі журналіст Уладзімір Золкін. Беларускі палітык адказваў цягам трох хвілін. Спойлер: не адказаў.

Важныя падзеі і сэнсы аўторка, 16 снежня, у праграме ЕЎРАЗУМ: 01:01 Размова з Трампам — мара ці рэальнасць Лукашэнкі? 12:07 Навіны спорту 14:55 Куды паедзе беларускі калій і калі? 23:50 Навіны шоу-бізу 27:11 Ці зламаюць Літву амерыканцы?

Нямецкі палітык сказаў, што ў Беларусі ўжо 360 000 расійскіх салдат. Праўда? Супольнасць чыгуначнікаў сказала @euroradio, што такой колькасці дакладна няма — бо "мы б заўважылі". Але распавялі пра тое, колькі цяпер у Беларусі расійскіх вайскоўцаў: https://euroradio.fm/nyamecki-palityk-skazau-shto-u-belarusi-uzho-360-000-rasiyskikh-saldat-prauda Спасылка, якая працуе без VPN

Чаму памер запасаў прадукцыі на складах — гэта куды больш сур'ёзная праблема, чым можа падавацца? У эфіры @euroradio патлумачыў эканамічны аглядальнік Андрэй Махоўскі. Цалкам глядзіце тут: https://youtu.be/4fNCYH4lJ4I

Арына Сабаленка — найлепшая тэнісістка свету другі год запар. WTA дае такі тытул пасля галасавання прадстаўнікоў міжнародных медыя, на гэтых выбарах Сабаленка атрымала сімвалічную для Беларусі лічбу 80%. Увесь год яна захоўвала першае месца WTA. За 2025 яна атрымала каля 15 млн долараў прызавых. А таксама пачала кар'еру як селебрыці: тусавалася на афтэрпаці "Оскара" і хадзіла на вечаровае шоу Джымі Фэлана.

Прапаганда ізноў пачала выкарыстоўваць блогераў. Гэтым разам — дзеля прасоўвання сярод маладзейшай аўдыторыі так званага Усебеларускага народнага сходу. Часам смешна: Какабай заклікаў дасылаць пытанні, якія турбуюць аўдыторыю перад УНС, але ані ў яго інстаграме, ані ў тэлеграме гэтага відэа няма. І куды дасылаць?