Kun.uz | Online

Toshkentdagi bog‘chada 5 yoshli bolakay e’tiborsizlik sabab 2-qavatdan tushib ketdi Bolaning ahvoli og‘ir bo‘lgani sababli jonlashtirish bo‘limiga joylashtirishgan, ahvoli yaxshilanganidan so‘ng jonlantirish bo‘limidan chiqarilgan. 👉 @kunonline

🔻AQSH dollarining rasmiy kursi yana jiddiy pasaydi Markaziy bank 3-iyuldan xorijiy valutalarning o‘zbek so‘miga nisbatan yangi qiymatini belgiladi. 🇺🇸 USD 12 591,71 soʻm (–84,40) 🇷🇺 RUB 160,18 soʻm (–1,38) 🇪🇺 EUR 14 821,70 soʻm (–153,86) 👉 @kunonline

Xo‘jaobodda profilaktika inspektori pichoqlandi Andijon viloyati Xo‘jaobod tumanida oila a’zolariga pichoq bilan tahdid qilayotgan 65 yoshli erkak, chaqiruvga asosan voqea joyiga yetib kelgan profilaktika inspektori Abdurasul Abduvaliyevni pichoq bilan jarohatladi. IIB xodimi shifoxonaga olib ketilayotgan vaqtda vafot etdi. Qotil qidirilmoqda. IIV uning qayerdaligi haqida ma’lumotga ega fuqarolardan zudlik bilan xabar berishni so'radi. 👉 @kunonline

Rohat aylanma yo‘lida avtomobil harakati vaqtincha yopiladi 2025-yil 2-iyul kuni Toshkent shahar Yashnobod tumanidagi Rohat aylanma yo‘lida avtomobil harakati vaqtincha yopilishi sababli, ushbu hudud orqali harakatlanuvchi 26, 54, 110, 119, 128, 174-sonli avtobus yo‘nalishlarining harakati quyidagicha o‘zgartiriladi: ➡️ Shaharning markaziy qismi tomon: THAY – Ohangrabo – Uysozlar – Uysozlar-2 – Izzat – Shohimardon – Ohangaron shox ko‘chasi orqali. ⬅️ Qaytish yo‘nalishi: Shohimardon – Katta Yangiobod – Shohsanam – Tolqariq – THAY ko‘chalari orqali. 👉 @kunonline

Qoʻyliq bozori yaqinidagi chorraha va koʻprikda katta tirbandliklar kuzatilmoqda 2-iyul kuni tongda boshlangan tirbandliklar Food cityʼdan Qoʻyliq bozori tomonga, undan esa Muxtor Ashrafiy koʻchasiga (Risoviy bozor) qadar choʻzilgan. Kun.uzʼga murojaat qilgan fuqarolarga koʻra, ular bir necha soatdan buyon ushbu tirbandlikda qolib ketmoqda. 👉 @kunonline

Voronejda Rossiya huquq-tartibot organlari xodimlari ozarboyjonlik taniqli tadbirkor Yusuf Xalilovni qo‘lga olish uchun uning uyiga bostirib kirishdi 👉 @kunonline

Shahin Shixlinskiyni qo‘lga olish bo‘yicha amaliyot «Boku Plaza» savdo markazi oldida o‘tkazilgan U bilan birga o‘g‘li ham ushlangan. 👉 @kunonline

Yekaterinburgdagi ozarboyjonliklar diasporasi rahbari Shahin Shixlinskiy qo‘lga olindi 👉 @kunonline

Surxondaryoda Bobotog‘ kanaliga suv chiqaruvchi quvur yorilib ketdi Jarqo‘rg‘on tumanida nasos stansiyasi orqali Amu Zang kanalidan Bobotog‘ kanaliga suv chiqaruvchi 2840 millimetrli quvurda yoriq yuzaga keldi. Mas’ullar avariyani bartaraf etdi, hodisa oqibatida tan jarohati olganlar yo‘q. 👉 @kunonline

Tramp Ilon Maskni deportatsiya qilishini istisno etmayapti

«Bilmadim. Bu masalani ko‘rib chiqamiz», – degan u shu haqdagi savolga.

AQSH prezidenti DOGE’dan Ilon Maskni tekshirishni so‘rashi mumkinligini bildirgan. 👉 @kunonline

Tramp va Mask yana bahslashib qoldi AQSH prezidenti Donald Tramp va milliarder Ilon Mask ijtimoiy tarmoq orqali yana “dahanaki jang”ga kirishdi. Bu yana Maskning respublikachilar qabul qilishga harakat qilayotgan budjet bo‘yicha qonun loyihasini tandid qilgani fonida yuz berdi. Mask o‘ziga tegishli X tarmog‘ida agarda bu qonun loyihasi qabul qilinadigan bo‘lsa, ertasi kuniyoq Amerika partiyasini tuzishini yozib qoldirdi. Prezident Donald Tramp esa bunga o‘zining Truth Social tarmog‘i orqali javob qaytardi. Tramp “elektromobillar yaxshi, biroq hammani unga egalik qilishga majburlamaslik” kerakligini ta’kidladi.

“Ilon, ehtimol, tarixdagi istalgan kishidan ham ko‘proq subsidiya olgan bo‘lishi mumkin. Agar subsidiyalar bo‘lmaganda Ilon do‘konini yopib, Janubiy Afrikaga — uyiga qaytishiga to‘g‘ri kelgan bo‘lardi”, — deya yozdi Tramp.

👉 @kunonline

Toshkentdagi «Stroy gorod» qurilish bozori vaqtincha yopildi Toshkent tumanlararo iqtisodiy sudining hal qiluv qaroriga muvofiq, joriy yilning 27-iyunidan «O‘rikzor»dagi qurilish mahsulotlari bozori (savdo kompleksi) aniqlangan yong‘inga qarshi kamchiliklar va qonunbuzarliklar to‘liq bartaraf etilguniga qadar ish faoliyati vaqtincha to‘xtatilgan. 👉 @kunonline

RF fuqarolari Bokuda Ozarboyjon kuchishlatar tuzilmalari xodimlari tomonidan qo‘lga olinishi aks etgan kadrlar Qo‘lga olish oddiy politsiyachilar yoki davlat xavfsizlik kuchlari tomonidan emas, Uyushgan jinoyatchilikka qarshi kurash bo‘yicha bosh boshqarma xodimlari tomonidan amalga oshirilgan. Qo‘lga olinganlardan ayrimlarining yuzida kaltaklash va qon izlari qolgan. 👉 @kunonline

Ozarboyjon IIV «rossiyaliklarning ikkita uyushgan jinoiy guruhi» a’zolari qo‘lga olingani haqida xabar berdi Report nashri vazirlikka asoslanib xabar berishicha, bu guruhlar Erondan kontrabanda mahsulotlari va giyohvand moddalar olib kirish hamda sotish, shuningdek, kiberjinoyatlar bilan shug‘ullangan. Qo‘lga olish videosida kamida 10 kishi ko‘ringan, ularning barchasi yosh yigitlar. 👉 @kunonline

Udmurtiya rahbari Aleksandr Brechalovnning ma’lum qilishicha, shifoxonaga yotqizilgan 35 kishidan 10 nafarining ahvoli og‘ir 👉 @kunonline

Hujum oqibatida uch kishi halok bo‘lib, o‘nlab kishilar jarohatlangan 👉 @kunonline

Ijevskka dronlar hujum qildi Ijevsk yirik sanoat shahri bo‘lib, unda bir nechta harbiy-sanoat kompleksi obyektlari, xususan, Kalashnikov kompaniyalar guruhi korxonalari faoliyat yuritadi. 👉 @kunonline

🔻AQSH dollarining rasmiy kursi pasaydi Markaziy bank 2-iyuldan xorijiy valutalarning o‘zbek so‘miga nisbatan yangi qiymatini belgiladi. 🇺🇸 USD 12 676,11 soʻm (–18,86) 🇷🇺 RUB 161,56 soʻm (–0,04) 🇪🇺 EUR 14 975,56 soʻm (+97,56) 👉 @kunonline

Ichki reyslarga ro‘yxatdan o‘tish yanada osonlashdi Vazirlar Mahkamasi qaroriga ko‘ra, 1-iyuldan yo‘lovchilar mahalliy yo‘nalishlardagi parvozlarga shaxsini tasdiqlovchi hujjatlarning elektron variantidan foydalangan holda ro‘yxatdan o‘tishi mumkin bo‘ladi. Bu tartib qanday ishlaydi? Aeroportda ro‘yxatdan o‘tishdan oldin yo‘lovchi my.gov.uz sayti/mobil ilovasi yoki “Ijtimoiy karta” mobil ilovasidagi shaxsiy kabinetiga kirib, shaxsiy ma’lumotlar sahifasiga o‘tadi va elektron shaklda shaxsni tasdiqlovchi hujjatlarni ro‘yxatdan o‘tish joyidagi xodimga ko‘rsatadi. Shuni ta’kidlash lozimki, faqat my.gov.uz sayti/mobil ilovasi yoki “Ijtimoiy karta” mobil ilovasidagi joriy ma’lumotlar shaxsni tasdiqlovchi hujjat sifatida qabul qilinadi, shuning uchun ro‘yxatdan o‘tish paytida shu kabi hujjatlarning nusxalari, fotosuratlari, pasport/IDning skanerlangan variantlari yoki shaxsiy ma’lumotlar bo‘lgan veb-sayt sahifasining "skrinshot"lari qabul qilinmaydi. 👉 @kunonline

Haj ziyoratida 8 nafar o‘zbekistonlik vafot etdi “Dunyo” axborot agentligi xabar berishicha, joriy yilgi Haj mavsumida kuzatilgan jazirama natijasida va surunkali kasalligi bo‘lgan to‘rt nafar o‘zbekistonlik Saudiya Arabistonida vafot etdi. Shuningdek, Haj mavsumiga noqonuniy yo‘llar bilan borgan yana to‘rt nafar vatandosh ushbu mamlakatda olamdan o‘tgan. 👉 @kunonline