YURIST MASLAHATI

Мактабларда мактаб маслаҳатчиси лавозими учун танловга аризалар tanlov.uzedu.uz орқал қабул қилинаётган экан. Жараён икки босқич (тест ва суҳбат) дан иборат. Мазкур босқичдан ўтганлар маслаҳатчи ловозимида иш бошлаши мумкин. 👉 @yuristlar_maslahati 👈

ИИВ “Имарат” можаросини ўрганишни бошлади “Дарё”да кўплаб фуқароларнинг Imarat Development раҳбари Марат Ҳамдамовдан пулларини қайтариб ололмаётгани ҳақидаги мурожаати эълон қилингач, ҳуқуқни муҳофаза қилувчи органлар вазият юзасидан суриштирув ўтказишни бошлади. Батафсил — https://daryo.uz/uz/XEwMQPZDg Саволингизни: @yuristgamurojaat гa қолдиринг 👉 @yuristlar_maslahati 👈

❗️Аёл тадбиркорларга имтиёзли кредит берилади. 2026 йил 1 январдан бошлаб “HAMROH” тадбиркор аёлларни қўллаб-қувватлаш дастури доирасида: ✔️ тижорат банклари томонидан таъсисчилари таркибида аёллар улуши 50 фоиз ва ундан юқорини ташкил қилган ва (ёки) раҳбари аёл киши бўлган кичик ва ўрта тадбиркорлик субъектларининг камида 10 та иш ўрни яратишни назарда тутувчи лойиҳаларига Марказий банкнинг асосий ставкасидан 10 фоиз пункт юқори ставкагача базавий ҳисоблаш миқдорининг 25 минг бараваригача миқдорда кредит ажратилади; ➖ “Бизнесни кафолатлаш миллий компанияси” томонидан тижорат банклари кредитларининг 70 фоизгача бўлган қисмима кафолат (кафиллик) тақдим этилади.

«Қаттиқ ҳайфсан» ёки «огоҳлантириш» деган жазо йўқ! Раҳбарлар қандай жазолашга ҳақли? Амалиётда кўплаб иш берувчилар ходимни жазолашда қонунда йўқ чораларни ўйлаб топишади (масалан, "строгий выговор" ёки "тушунтириш хати олиш билан чекланиш"). Бундай буйруқлар судда осонгина бекор қилинади. Ўзбекистон Республикаси Меҳнат кодексининг 312-моддасига кўра, меҳнат интизомини бузганлиги учун иш берувчи ходимга фақат қуйидаги интизомий жазо чораларини қўллашга ҳақли: 1️⃣Ҳайфсан; 2️⃣Жарима — ўртача ойлик иш ҳақининг ўттиз фоизидан кўп бўлмаган миқдорда. Истисно: Ички меҳнат тартиби қоидаларида ходимга ўртача ойлик иш ҳақининг эллик фоизидан кўп бўлмаган миқдорда жарима солиниши ҳоллари назарда тутилиши мумкин. Муҳим шарт: Ходимнинг иш ҳақидан жаримани ушлаб қолиш иш берувчи томонидан ушбу Кодекснинг 269 ва 270-моддалари талабларига риоя этган ҳолда амалга оширилади; 3️⃣Меҳнат шартномасини бекор қилиш (ушбу Кодекс 161-моддаси иккинчи қисмининг 4 ва 5-бандлари бўйича). Қонунчиликда ушбу рўйхат қатъий белгиланган. Яъни иш берувчи ходимнинг ойлигини 100% қирқиб қолиши, уни пастроқ лавозимга ўтказиб жазолаши ёки "навбатчиликка қўйиш" каби чораларни қўллаши мумкин эмас. Шунингдек, жазо чораларини қўллашда кетма-кетлик шарт эмас (албатта олдин ҳайфсан, кейин ишдан бўшатиш шарт эмас), қилмишнинг оғирлигига қараб тўғридан-тўғри ишдан бўшатиш ёки жарима қўллаш мумкин. Сизга нисбатан ноқонуний жарима ёки "йўқ жазолар" қўлланилганми? Изоҳда ёзиб қолдиринг. Саволингизни: @yuristgamurojaat гa қолдиринг 👉 @yuristlar_maslahati 👈

ЧУСТ СУДИДА "КАБЕЛ" БАҲОНАСИ ЁХУД ҲИМОЯ ҲУҚУҚИНИНГ ОЧИҚЧАСИГА ТОПТАЛИШИ ❗️ Ўзбекистон Республикаси Конституциясининг 29-моддасига кўра, ҳар кимга малакали юридик ёрдам олиш ҳуқуқи кафолатланади. Бугун, ФИБ Чуст туманлараро судида бўлиб ўтган ҳолат — суд тизимидаги бюрократия ва инсон ҳуқуқларига беписандликнинг яққол кўринишидир. Соат 11:00 га белгиланган суд мажлиси, ҳеч қандай изоҳсиз 1,5 соат кечикиб, соат 13:30 да бошланди. Судга ҳурмат сақлаб кутган тарафларга нисбатан суд томонидан ҳурмат кўрсатилдими? Йўқ. Меҳнат низоси бўйича ўзини ҳимоя қилаётган 2 нафар фуқаро судьядан қонуний ҳақларини талаб қилишди: "Илтимос, адвокатимиз (ишончли вакилимиз) видеоконференцалоқа орқали уланишни кутиб турибди, иштирокини таъминлаб беринг." Судьянинг жавоби ва ҳаракати кишини ҳайратга солади: "ВКС сими ишламаяпти" деган важ билан, адвокат иштирокисиз, даъвогарларнинг эътирозига қарамай суд давом эттирилди. Энг ачинарлиси: Бу биринчи ҳолат эмас! Аввалги суд мажлисида ҳам худди шу сценарий — адвокатсиз суд ўтказишга уриниш бўлган эди. Бу тизимли тарзда ҳимоя ҳуқуқини чеклаш эмасми? Ўзбекистон Республикаси Фуқаролик процессуал кодексининг 223-моддаси 1-қисми 10-бандида аниқ ёзилган: Суд мажлисини юритишда техник воситалардан, шу жумладан видеоконференцалоқа тизимидан фойдаланилганда техник носозликлар келиб чиққанда иш муҳокамаси кейинга қолдириши мумкин. Агар "сим ишламаса", суд мажлиси қолдирилиши ва техник носозлик бартараф этилиши шарт эди. Техник муаммо — фуқаронинг ҳимояланиш ҳуқуқидан маҳрум қилинишига асос бўла олмайди! Савол туғилади: Меҳнат низоси каби нозик масалада фуқарони малакали юридик ёрдамсиз қолдиришдан ким манфаатдор? Биз, албатта, кейинги суд мажлисида судьяни рад этиш ҳуқуқимиздан фойдаланамиз. Судлар — фуқарода қўрқув эмас, балки адолатга бўлган ишонч уйғотувчи маскан бўлиши шарт. 👉 @yuristlar_maslahati 👈

ЧУСТ СУДИДА "КАБЕЛ" БАҲОНАСИ ЁХУД ҲИМОЯ ҲУҚУҚИНИНГ ОЧИҚЧАСИГА ТОПТАЛИШИ ❗️ Ўзбекистон Республикаси Конституциясининг 29-моддасига кўра, ҳар кимга малакали юридик ёрдам олиш ҳуқуқи кафолатланади. Бугун, ФИБ Чуст туманлараро судида бўлиб ўтган ҳолат — суд тизимидаги бюрократия ва инсон ҳуқуқларига беписандликнинг яққол кўринишидир. Соат 11:00 га белгиланган суд мажлиси, ҳеч қандай изоҳсиз 1,5 соат кечикиб, соат 12:30 да бошланди. Судга ҳурмат сақлаб кутган тарафларга нисбатан суд томонидан ҳурмат кўрсатилдими? Йўқ. Меҳнат низоси бўйича ўзини ҳимоя қилаётган 2 нафар фуқаро судьядан қонуний ҳақларини талаб қилишди: "Илтимос, адвокатимиз (ишончли вакилимиз) видеоконференцалоқа орқали уланишни кутиб турибди, иштирокини таъминлаб беринг." Судьянинг жавоби ва ҳаракати кишини ҳайратга солади: "ВКС сими ишламаяпти" деган важ билан, адвокат иштирокисиз, даъвогарларнинг эътирозига қарамай суд давом эттирилди. Энг ачинарлиси: Бу биринчи ҳолат эмас! Аввалги суд мажлисида ҳам худди шу сценарий — адвокатсиз суд ўтказишга уриниш бўлган эди. Бу тизимли тарзда ҳимоя ҳуқуқини чеклаш эмасми? Ўзбекистон Республикаси Фуқаролик процессуал кодексининг 223-моддаси 1-қисми 10-бандида аниқ ёзилган: Суд мажлисини юритишда техник воситалардан, шу жумладан видеоконференцалоқа тизимидан фойдаланилганда техник носозликлар келиб чиққанда иш муҳокамаси кейинга қолдириши мумкин. Агар "сим ишламаса", суд мажлиси қолдирилиши ва техник носозлик бартараф этилиши шарт эди. Техник муаммо — фуқаронинг ҳимояланиш ҳуқуқидан маҳрум қилинишига асос бўла олмайди! Савол туғилади: Меҳнат низоси каби нозик масалада фуқарони малакали юридик ёрдамсиз қолдиришдан ким манфаатдор? Биз, албатта, кейинги суд мажлисида судьяни рад этиш ҳуқуқимиздан фойдаланамиз. Судлар — фуқарода қўрқув эмас, балки адолатга бўлган ишонч уйғотувчи маскан бўлиши шарт. 👉 @yuristlar_maslahati 👈

❗️Қурилиш материалларини ишлаб чиқариш корхоналарининг кредит фоиз харажатларини компенсация қилиш тартиби. Президентининг қарори, 01.12.2025 йилдаги ПҚ-365-сон Саволингизни: @yuristgamurojaat гa қолдиринг 👉 @yuristlar_maslahati 👈

#Кадровик

❗️ “ЯММТ” ИДАК орқали иш берувчиларга тижорий хизматлар кўрсатилади

Ҳукумат қарори (763-сон, 03.12.2025 й.) билан “Ягона миллий меҳнат тизими” идоралараро дастурий-аппарат комплекси орқали иш берувчиларга тижорий электрон хизматлар кўрсатиш”нинг маъмурий регламенти тасдиқланди. 🔰 Регламентга кўра, талабгорлар “ЯММТ” ИДАК орқали кўрсатиладиган тижорий электрон хизматлардан ўз хоҳишига кўра ихтиёрий фойдаланишлари мумкин. ⛔️ Бунда меҳнат фаолиятига оид маълумотларни “ЯММТ” ИДАКга иш берувчиларнинг ўзи томонидан бепул равишда шакллантирилиши чекланмайди. ✅ “ЯММТ” ИДАК дирекцияси (ваколатли орган) томонидан талабгорларга қуйидаги тижорий электрон хизматлар кўрсатилади: 🔹 ходимлари билан меҳнат шартномаларини тузиш, бекор қилиш ва уларга киритилган ўзгартириш ва қўшимчалар ҳақидаги маълумотларни “ЯММТ” ИДАКга киритиш; 🔹 ходимларининг аввалги иш жой(лар)и тўғрисида меҳнат дафтарчасидаги ёзувларни “ЯММТ” ИДАКга киритиш орқали электрон меҳнат дафтарчасини шакллантириш; 🔹 “ЯММТ” ИДАКда ташкилотнинг тузилмасини шакллантириш. 📝 Талабгор электрон тижорий хизматлардан фойдаланиш учун ўрнатилган тартибда ЯИДХПдан рўйхатдан ўтади ва сўровнома тўлдиради. ⏳ Ваколатли орган 3 иш кунида сўровномани кўриб чиқади. 🗒 Шундан сўнг, тегишли ҳужжатлар талабларга мувофиқ бўлганда, “ЯММТ” ИДАКда меҳнат фаолиятига оид электрон маълумотларни шакллантирилади ва QR-кодли маълумотнома расмийлаштирилади. Саволингизни: @yuristgamurojaat гa қолдиринг 👉 @yuristlar_maslahati 👈

Қурилиш бизнесидагилар учун яхши янгиликлар бор! Куни кеча Президентининг 01.12.2025 йилдаги ПҚ-365-сонли "Қурилиш материаллари саноатини ривожлантириш чора-тадбирлари тўғрисида"ги қарори қарори қабул қилинди. Мазкур соҳадаги бизнес эгаларини қандай янгиликлар кутмоқда? ➖ қора металлар ва қора металлар прокати (ТИФ ТН бўйича коди — 7210) маҳсулотлари олдиндан ҳақи тўланмасдан, аккредитив очилмасдан, банк кафолати расмийлаштирилмасдан ва экспорт контрактини сиёсий ва тижорат таваккалчиликларидан суғурта қилиш бўйича полис мавжуд бўлмасдан хорижий валютага экспорт қилиш бўйича имтиёзлар татбиқ этилмайдиган товарлар сифатида тавсиф этилмайди. ➖ 2026 йил 1 июлдан бошлаб шаҳарсозлик ҳужжатларини экспертиза қилиш ваколатига эга ташкилотлар томонидан лойиҳа-смета ҳужжатларини шаҳарсозлик экспертизасидан ўтказишда уларнинг қурилишда фойдаланиладиган қурилиш материаллари ҳажмининг камида 25 фоизини экологик тоза, ресурстежамкор ва энергосамарадор қурилиш материаллари ташкил этишига оид талабни текшириш амалиёти жорий қилинади. ➖ 2026 йил 1 январдан бошлаб маҳаллий саноат корхоналарига улар томонидан ишлаб чиқарилган маҳсулотларни Ўзбекистон ҳудудида оммавий ахборот воситалари (телевидение, радио, газета ва журналлар, онлайн реклама, билборд, интернет тармоғидаги хорижий ахборот ресурсларида, шу жумладан, ижтимоий тармоқлар, савдо майдончалари ва мобил иловаларда жойлаштириш) орқали тарғибот ва ташвиқот қилиш харажатларини Савдога кўмаклашиш жамғармаси маблағлари ҳисобидан қоплаб беришга рухсат этилсин. Бунда: мазкур харажатларнинг 50 фоиздан 100 фоизгача қисми, бироқ бир календарь йилда 250 миллион сўмдан кўп бўлмаган қисми қоплаб берилади; ➖ Қурилиш материаллари ишлаб чиқариш лойиҳаларининг бизнес-режасидаги иш ўринларини яратиш ва маҳсулотлар реализациясидан тушум каби кўрсаткичлар бажарилишининг ўртача миқдори 2025-2026 йилларда 30 фоиздан ва 2027-2028 йилларда 50 фоиздан юқори бўлган қурилиш материаллари ишлаб чиқарувчиларига «Тадбиркорликни ривожлантириш компанияси» акциядорлик жамияти томонидан ажратилаётган компенсация ёрдами қайта тикланади ва тўлаб берилади. Саволингизни: @yuristgamurojaat гa қолдиринг 👉 @yuristlar_maslahati 👈

❗️ДИҚҚАТ: ТАДБИРКОР ВА ФУҚАРОЛАРНИНГ МУЛКИЙ ҲУҚУҚЛАРИ ХАВФ ОСТИДА (Сизнинг овозингиз керак! Лойиҳа ҳозир муҳокамада!) Ҳурматли юртдошлар, тадбиркорлар ва ҳамкасблар! Айни дамда regulation.gov.uz порталида муҳокамага қўйилган бир қонун лойиҳаси барчамизни сергак тортишга мажбур қилмоқда. Гап Марказий банк томонидан ишлаб чиқилган ва "Суд ҳужжатлари ва бошқа органлар ҳужжатларини ижро этиш тўғрисида"ги Қонуннинг 54-моддасига ўзгартириш киритишни кўзловчи 7390-ID рақамли лойиҳа ҳақида кетмоқда. ⚠️МУАММО НИМАДА? Таклиф қилинаётган ўзгаришга кўра, гаровга қўйилган мулкни суд орқали сотишда мажбурий баҳолаш талаби бекор қилинмоқчи! Бу нимага олиб келади? Агар мажбурий баҳолаш бўлмаса, судья мулкни сотувга чиқаришда 3-4 йил олдинги кредит шартномасида кўрсатилган эски (арзон) нархни асос қилиб олиши мумкин (янги таклиф этилаётган лойиҳа мазмуни айнан шунга ишора қилмоқда). Мулк нархи йиллар давомида ошган бўлса ҳам, у арзон гаров баҳосида сотилиб кетади. Қарздор (тадбиркор ёки фуқаро) ўртадаги катта фарқдан қуруқ қолади. Ваҳоланки, Президентимизнинг 2024 йил 30 августдаги ПФ-132-сонли Фармони (42-банд)да аниқ вазифа қўйилган: "Гаровдаги мулкни бозор қийматида савдога чиқариш...". Ушбу лойиҳа эса "мажбурий баҳолаш"ни олиб ташлаш орқали мулкни реал бозор нархида эмас, қоғоздаги эски нархда сотишга йўл очмоқда. Бу Фармон талабларига мутлақо терс! 📣 НИМА ҚИЛИШ КЕРАК? Лойиҳа муҳокамаси 2025 йил 14 декабрга қадар давом этади. Бизда ҳали вақт бор! Барча ҳуқуқшунослар, тадбиркорлар ва бефарқ бўлмаган фуқаролардан ушбу лойиҳага ўзларининг фикрларини ва таклифларини билдиришларини сўраймиз. Қандай фикр қолдириш мумкин? 1️⃣ regulation.gov.uz сайтига киринг. 2️⃣ Қидирув жойига 7390 рақамини ёзинг. Ёки ушбу лойиҳа ҳаволаси (https://regulation.adliya.uz/project/7390/21321?contentLang=oz)га кириб, "Фикр ва мулоҳазалар" бўлимида ўз фикрингизни ёзиб қолдиринг. Таклифимиз аниқ: 54-моддадаги "суд томонидан мажбурий тарзда баҳолашдан ўтказилади" деган норма САҚЛАБ ҚОЛИНИШИ ШАРТ! Токи мулк бир неча йиллар олдинги эмас, айнан бугунги кундаги реал бозор нархида савдога чиқсин. Бефарқ бўлманг, эртага сизнинг ҳам мулкингиз хавф остида қолиши мумкин! Ушбу постни бошқа гуруҳ ва каналларда тарқалишига максимал даражада ҳиссангизни қўшинг. Адвокат Мухриддин Шамсиддинов #Қонунчилик #RegulationUz #ТадбиркорҲуқуқи #АдвокатФикри #ЖамоатчиликНазорати #7390_ID 👉@yuristlar_maslahati 👈

❗️Tadbirkorlarning barqarorlik reytingida imkoniyatlar kengaymoqda Endilikda, qonunlarga rioya etib faoliyat yuritayotgan tadbirkorlik subyektlari jami 147 balldan (asosiy mezonlar 100 ball, qo‘shimcha 47 ball) 96 ballni qo'lga kiritib, AAA reyting ko‘rsatkichiga ega bo‘lish imkoniyati oshdi. Yangi mezonlar: 👀Foyda solig‘i bo‘yicha hisoblangan soliq summasi soha, hudud, tadbirkorlik toifasi o‘rtachasidan oshishi – 10 ball 👀Raqamli markirovkalash qoidalariga (ONKM, 2D-skanerlar) rioya etilishi – 5 ball 👀Dala cheti mavjud bo‘lgan qishloq xo‘jaligi korxonalari va fermer xo‘jaliklari tomonidan ekinlar ekilganligi to‘g‘risidagi ma’lumotlar «e-Fito.uz» tizimiga kiritilgan va samarali deb baholangan bo‘lsa – 10 ball 👀Ekologik markirovkalash sertifikatining mavjudligini baholashda tadbirkorlik subyekti mazkur sertifikatga ega bo‘lsa – 2 ball 👀Qayta tiklanuvchi energiya manbalari qurilmalarining nominal quvvati 0,1 MVt va undan ortig‘ini o‘rnatganda – 5 ball. Qayta tiklanuvchi energiya samaradorligi: ☀️50 % va undan yuqori bo‘lsa – 5 ball; ☀️30–50 %gacha bo‘lsa – 3 ball; ☀️10–30 %gacha bo‘lsa – 1 ball beriladi. 👉 VMQ-662-son 21.10.2025-yil Ma'lumot uchun. Reyting ma’lumotlarini real vaqt rejimida Soliq mobil ilovasi hamda soliq to‘lovchining shaxsiy kabinetida ko‘rish imkoniyati yaratilgan. Саволингизни: @yuristgamurojaat гa қолдиринг 👉 @yuristlar_maslahati 👈

#Намуна_ҳужжат 12 ёшга тўлмаган икки нафар боласи бор аёлнинг 4 кунлик қўшимча таътил олиш ҳақидаги аризасидан намуна. Саволингизни: @yuristgamurojaat гa қолдиринг 👉 @yuristlar_maslahati 👈

⚡️Қишлоқ хўжалиги тоифасидаги ери бор фуқароларга жиддий огоҳлантириш Президент фармонига кўра, Қишлоқ хўжалигига мўлжалланган ер эгаларига ва фойдаланувчиларига ўзининг ер участкаларига бўлган эгалик қилиш ва фойдаланиш ҳуқуқларини 2027 йил 1 январга қадар халқ депутатлари туман (шаҳар) Кенгашлари қарори асосида ижара ҳуқуқига ўзгартириш имконияти берилмоқда. Бу нима дегани 2021 йилгача туман ҳокимлари томонидан қишлоқ хўжалигига мўлжалланган ерлар исталган шаклда: доимий фойдаланиш, вақтинча фойдаланиш, ижара шаклида бериб юборилган. Энди мазкур шаклда берилган барча ерлар ижара шаклига ўтказилади. Ҳужжат ҳоким қарорига ва кадастр ҳужжатларига қараб қўйинг ижарадан бошқа шаклда бўлса, ҳаракатни бошлаш керак. Агар домий фойдаланиш ижарага ўтказилса ижара муддати қандай бўлади? Қишлоқ хўжалигига мўлжалланган ерларга эгалик қилиш ва фойдаланиш ҳуқуқи ижара ҳуқуқига ўтказилган ҳолларда ижара муддати ижара шартномаси тузилган санадан бошлаб қуйидагича этиб белгилансин: ➖ Ўзбекистон Республикаси фуқаролари ва улар муассислигидаги юридик шахслар учун — 30 йил; ➖ чет эл инвестициялари иштирокидаги корхоналар учун — 25 йил. Саволингизни: @yuristgamurojaat  гa қолдиринг 👉 @yuristlar_maslahati  👈

❗️ Хотин-қизларнинг тадбиркорлик лойиҳалари молиявий қўллаб-қувватланади

📝 Фармонга кўра, 2026 йил 1 январдан “НAMROН” тадбиркор аёлларни қўллаб-қувватлаш дастури (Дастур) доирасида хотин-қизларнинг тадбиркорлик лойиҳаларини молиявий қўллаб-қувватлашга қаратилган қуйидаги қўшимча инструментлар жорий этилади: 🔹 тижорат банклари томонидан таъсисчилари таркибида аёллар улуши 50 фоиз ва ундан юқорини ташкил қилган ва (ёки) раҳбари аёл киши бўлган кичик ва ўрта тадбиркорлик субъектларининг камида 10 та иш ўрни яратишни назарда тутувчи лойиҳаларига Марказий банкнинг асосий ставкасидан 10 фоиз пункт юқори ставкагача БҲМнинг 25 минг бараваригача миқдорда кредит ажратиш; 🔹 “Бизнесни кафолатлаш миллий компанияси” АЖ томонидан тижорат банклари кредитларининг 70 фоизигача бўлган қисмига кафолат (кафиллик) тақдим этиш. ✅ Дастур доирасида: 🔸 Тикланиш ва тараққиёт жамғармаси мазкур Фармонда назарда тутилган маблағларни Компанияга йўналтириш учун “Тадбиркорликни ривожлантириш компанияси” АЖга Марказий банкнинг асосий ставкасида 3 йиллик имтиёзли давр билан 7 йил муддатга ажратади; 🔸 Компания кредитларни молиялаштириш учун маблағларни тижорат банкларига Марказий банкнинг асосий ставкасидан 4 фоиз пункт юқори ставкагача 3 йиллик имтиёзли давр билан 7 йилдан ошмаган муддатга жойлаштиради. Саволингизни: @yuristgamurojaat гa қолдиринг 👉 @yuristlar_maslahati 👈

#Кадровик Ўриндош ҳодимни ишдан бўшатишда унинг розилиги шарт эмас

Мен 1.5 ставка шифокор бўлиб ишлайман. Ярим ставкамни менинг розилигимсиз олиб куйишлари мумкинми?  Жавоб учун олдиндан катта раҳмат

МКнинг 432-моддасига асосан ўриндошлик асосида ишлаш ходимнинг ўзининг асосий ишидан ташқари алоҳида меҳнат шартномаси шартлари бўйича асосий ишидан бўш вақтида бошқа мунтазам ҳақ тўланадиган ишни бажаришидир. МКнинг 435-моддасига асосан Ўриндошлик асосида ишга қабул қилиш меҳнат шартномаси асосида амалга оширилади ва иш берувчининг буйруғи билан расмийлаштирилади. Асосий иш тўғрисида иш берувчи билан меҳнат шартномасини тузган ходимнинг ички ўриндошлиги чоғида ходим билан ўриндошлик асосида ишлаш тўғрисида алоҳида меҳнат шартномаси тузилади. Бу дегани иш берувчи сизни ишга олаётганда 1 ставкага олган. Сабаби 1.5 ставка ишга ола олмайди. Шунда 1 ставка асосий, қолган 0.5 ставка ўриндошлик асосида бўлади. Энди савол туғилади шу 0.5 ставкани иш берувчи сизнинг розилигингизсиз олиб қўйса бўладими? МКнинг 441-моддаси 1-қисми биринчи бандига кўра мазкур ишга ўзи учун асосий иш жойи бўлган ходим қабул қилинган тақдирда, иш берувчи бу ҳақда ўриндошни меҳнат шартномаси бекор қилингунига қадар камида икки ҳафта олдин ёзма шаклда огоҳлантиради ёхуд мутаносиб миқдорда пулли компенсация тўлаган ҳолда ўриндошлик асосида ишловчи шахс билан тузилган меҳнат шартномасини бекор қилиш мумкинлиги белгиланган. Яъни мазкур ишга асосий ишчи қабул қилинган тақдирда иш берувчи ходимни ё 2 ҳафта олдин ёзма равишда огоҳлантиради ёки мазкур 2 ҳафталик муддатга сизга пуллик компенсация тўлаб беради. Бу ҳолатда аризангиз ҳам, розилигингиз ҳам талаб қилинмайди. Яна бир нарсани айтиб ўтиш керакки, МКнинг 442-моддасига асосан меҳнат 441-моддасида назарда тутилган қўшимча асослар бўйича бекор қилинганида ходимга ишдан бўшатиш нафақаси икки ҳафталик ўртача иш ҳақи миқдорида тўланади. Яъни бу вазиятда сизга ишдан бўшатиш нафақаси ҳам тўланиши лозим. Саволингизни: @yuristgamurojaat гa қолдиринг 👉 @yuristlar_maslahati 👈

❗️Pedagog kadrlarga malaka toifasini toʻgʻridan-toʻgʻri berish tartibiga o'zgartirish kiritildi (attestatsiyadan oʻtkazilmasdan) Vazirlar Mahkamasining 2025-yil 24-noyabrdagi tegishli qarori bilan: ➖ Vazirlar Mahkamasining 2021-yil 17-sentabrdagi 572-son qarori bilan tasdiqlangan “Maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari pedagog kadrlarini attestatsiyadan oʻtkazish tartibi toʻgʻrisidagi nizom”ga tegishli oʻzgartirishlar kiritilgan. ➡️ Unga koʻra, quyidagi pedagog kadrlarga malaka toifasi toʻgʻridan-toʻgʻri (attestatsiyadan oʻtkazilmasdan) beriladi: 👉 Maktabgacha va maktab taʼlimi vazirligi tomonidan roʻyxati tasdiqlanadigan sport musobaqalarining: ➖ xalqaro hamda respublika bosqichida 3-oʻrinni egallagan tarbiyalanuvchisini tayyorlagan maktabgacha taʼlim tashkilotlarining jismoniy tarbiya yoʻriqchilariga — ikkinchi malaka toifasi; ➖ xalqaro hamda respublika bosqichida 2-oʻrinni egallagan tarbiyalanuvchisini tayyorlagan maktabgacha taʼlim tashkilotlarining jismoniy tarbiya yoʻriqchilariga — birinchi malaka toifasi; ➖ xalqaro hamda respublika bosqichida 1-oʻrinni egallagan tarbiyalanuvchisini tayyorlagan maktabgacha taʼlim tashkilotlarining jismoniy tarbiya yoʻriqchilariga — oliy malaka toifasi; 👉 belgilangan tartibda tasdiqlanadigan xalqaro va respublika miqyosidagi sport hamda ommaviy jismoniy tarbiya tadbirlarining respublika, hududiy va jismoniy tarbiya-sport tashkilotlari kalendar-rejalariga kiritiladigan, shuningdek, ryespublikasi hududida oʻtkaziladigan xalqaro va respublika miqyosidagi rasmiy sport yoki ommaviy jismoniy tarbiya tadbirlari roʻyxatiga kiritilgan sport musobaqalarining: ➖ xalqaro hamda respublika bosqichida 3-oʻrinni egallagan oʻquvchisini tayyorlagan taʼlim tashkilotlari jismoniy tarbiya fani oʻqituvchilariga — ikkinchi malaka toifasi; ➖ xalqaro hamda respublika bosqichida 2-oʻrinni egallagan oʻquvchisini tayyorlagan taʼlim tashkilotlari jismoniy tarbiya fani oʻqituvchilariga — birinchi malaka toifasi; ➖ xalqaro hamda respublika bosqichida 1-oʻrinni egallagan oʻquvchisini tayyorlagan taʼlim tashkilotlari jismoniy tarbiya fani oʻqituvchilariga — oliy malaka toifasi; 👉 jismoniy tarbiya fani olimpiadasi, “Besh tashabbus olimpiadasi”, olimpiya, noolimpiya va milliy sport turlari boʻyicha uch bosqichli umumrespublika sport musobaqalarining: ➖ respublika bosqichida 3-oʻrinni egallagan oʻquvchisini tayyorlagan taʼlim tashkilotlarining jismoniy tarbiya fani oʻqituvchilariga — ikkinchi malaka toifasi; ➖ respublika bosqichida 2-oʻrinni egallagan oʻquvchisini tayyorlagan taʼlim tashkilotlarining jismoniy tarbiya fani oʻqituvchilariga — birinchi malaka toifasi; ➖ respublika bosqichida 1-oʻrinni egallagan oʻquvchisini tayyorlagan taʼlim tashkilotlarining jismoniy tarbiya fani oʻqituvchilariga — oliy malaka toifasi; 👉 shuningdek, xalqaro matematika (IMO), fizika (IPhO), kimyo (IChO), biologiya (IBO) informatika (IOI) olimpiadalarida: ➖ oltin, kumush yoki bronza medalni (birinchi, ikkinchi va uchinchi oʻrinni) qoʻlga kiritgan sovrindor oʻquvchini tayyorlagan taʼlim tashkilotlarining pedagog kadrlariga — oliy malaka toifasi. Саволингизни: @yuristgamurojaat гa қолдиринг 👉 @yuristlar_maslahati 👈

#Намуна_ҳужжат Ходимнинг интизомий жазо ҳақидаги буйруқ билан танишишни рад этганлиги ҳақидаги далолатномадан намуна. Саволингизни: @yuristgamurojaat гa қолдиринг 👉 @yuristlar_maslahati 👈

Ўқитувчилардан ортиқча тўланган пул қайтариб олинаётган бўлиши мумкин. Ходимга ортиқча тўланган иш ҳақи (шу жумладан меҳнат тўғрисидаги қонунчилик ёки меҳнат ҳақидаги бошқа ҳуқуқий ҳужжатлар нотўғри қўлланилганда) ундан ундирилиши мумкин эмас. (МК 269-4-қ) Юқоридаги хатга асосан ўқитувчилардан тўланган устама суммасини қайтариб олинаётгани ҳақида хабар беришмоқда. Саволингизни: @yuristgamurojaat ga қолдиринг 👉 @yuristlar_maslahati 👈

Қўшилган қиймат солиғидан тушган тушумларнинг Тошкент шаҳри маҳаллий бюджетига 5 фоизи, қолган ҳудудлар маҳаллий бюджетларига эса 20 фоизи йўналтирилади (Президент қарори билан тасдиқланадиган рўйхатдаги йирик солиқ тўловчилар бундан мустасно). Шунингдек, маҳаллий бюджетларга ажратилган ушбу маблағларнинг камида 50 фоизи туман ва шаҳарлар бюджетларига ўтказилиши шарт. Ҳукуматнинг умид қилишича, ушбу механизм ҳудудлардаги масъулларда тадбиркорлик субъектларининг ҚҚСга ўтишидан манфаатдорлигини оширади.

#Кадровик Жуда қизиқ савол юборишибди. Мазмунига кўра корхона раҳбари ходим билан меҳнат шартномасини томонларнинг ўзаро келишувига кўра 20 ноябрдан бекор қилишни келишиб, қўшимча келишув тузишган. Бироқ ходим 14 ноябрдан касал бўлиб шифохонага ётган. Иш берувчида савол шартномани қандай бекор қилсам бўлади деган. Шу жараёнда иш берувчи меҳнат кодексининг бошқа моддасига чалғиб қолган. Чунки, ходимнинг вақтинча меҳнатга қобилиятсизлик даврларида иш берувчининг ташаббуси билан меҳнат шартномасини бекор қилиш мумкин эмас. МК 163-м 1-қ. Эътибор беринг, иш берувчининг ташаббуси билан, яъни МКнинг 161-моддаси билан меҳнат шартномасини бекор қилиб бўлмайди. Бироқ МКнинг 157-моддаси томонларнинг ўзаро розилиги билан меҳнат шартномасини бекор қилиш мумкин. Вазирлар Маҳкамасининг қарори, 31.05.2024 йилдаги 314-сонли қарори билан тасдиқланган низомнинг 9-бандига асосан Вақтинчалик меҳнатга лаёқатсизлик нафақаси меҳнат лаёқати йўқолган биринчи кундан бошлаб у тиклангунга қадар ёки Ўзбекистон Республикаси Президенти ҳузуридаги Ижтимоий ҳимоя миллий агентлиги ҳамда унинг ҳудудий бўлинмалари томонидан ногиронлик белгилангунга қадар, ҳатто бу даврда ходим билан меҳнат шартномаси бекор қилинган ҳолларда ҳам берилади. Яъни касаллик нафақаси бунда гарчи меҳнат шартномаси 20 ноябрда бекор қилинса-да, касаллик даврининг бутун даврига тўланади. Саволингизни: @yuristgamurojaat гa қолдиринг 👉 @yuristlar_maslahati 👈