arabic.uz (hikmatlar)

Эслатма 📜Дунё сени Қуръон ўқиш ва тадаббурга ажратилган саноқли дақиқалардан иборат вирдингдан чалғитиб қўйишига йўл қўйма! Қуръон оятлари қалбингга ҳаёт беради ва дунёнинг ҳақирлигию охират мукофотининг улуғлигини кўрсатиб беради. Шунинг учун ўзингга зулм қилма ва Ваҳий нуридан маҳрум бўлма.. Унга қарши эмас, балки ёрдамчи бўл.. Бу ишда Аллоҳдан ёрдам сўра ва ожизлик қилма! @arabicuz iOS | Android Instagram | Facebook | Twitter | Tiktok | Youtube

13235. Абу Масъуд Ансорий розияллоҳу анҳудан ривоят қилинади: «...Сўнг Расулуллоҳ соллаллоҳу алайҳи васаллам: «Ким бир яхшиликка далолат қилса, унга худди ўшани қилганнинг ажридек ажр бордир», дедилар». Имом Муслим ривояти. @arabicuz iOS | Android Instagram | Facebook | Twitter | Tiktok | Youtube

13234. Ибн Аббос розиялллоҳу анҳумодан ривоят қилинади, у зот айтади: “Аёлим мен учун безаниб, зийнатланганини яхши кўрганимдек, мен ҳам унинг учун ўзимга қарашни яхши кўраман”, деди. Аллоҳ таоло айтади: “Ва уларнинг бурчлари муқобилида маъруф ила ҳақлари ҳам бордир”, Бақара сураси, 228 – оят. Байҳақий “Сунани Кубро”да, ибн Абу Шайба “Мусаннаф”ида ривоят қилганлар. @arabicuz iOS | Android Instagram | Facebook | Twitter | Tiktok | Youtube

13233. Нафл ибодатларни муҳофаза қилинглар! Чунки улар бузилса, шайтон фарз ибодатларга кириб боради ва уларда сизни заифлаштиради. “Саҳиҳи Бухорийнинг шарҳи”дан Нафл ибодатлар (ихтиёрий намозлар, рўзалар ва бошқалар) фарз ибодатлар (беш вақт намоз, Рамазон рўзаси кабилар) учун ҳимоячи ва қўрғон вазифасини ўтайди. Агар банда нафлларни тарк қилса, бу ҳимоя бузилади ва шайтон фарз ибодатларга кириб бориб, ундаги хушуъ ва ихлосни камайтиришга ҳаракат қилади. @arabicuz iOS | Android Instagram | Facebook | Twitter | Tiktok | Youtube

Эълон 📚 «Саодатга етакловчи ҳикматлар» китобининг 1,2,3 ва 4 тўпламлари сотувда Ушбу китобларда турли мавзудаги ҳикматлар, ривоятлар, дуо, зикр ва саловотлар жой олган. Муаллиф: Анвар Аҳмад Нашриёт: «Sano-standart» Сана: 2025 йил. 📱Китобларни сотиб олиш учун @kitoblarda_admin ёки 932967766 рақамига боғланишингиз мумкин. @arabicuz

13232. “Одамлардан Аллоҳга бир томонлама ибодат қиладиганлари ҳам бор”, Ҳаж сураси, 11 – оят Ибн Аббос розияллоҳу анҳумодан ривоят қилинади: «Одамларнинг Аллоҳга бир ёқлама ибодат қиладигани ҳам бор: Киши Мадинага келар эди. Агар хотини ўғил туғса ва бияси қулунласа, «Бу яхши дин экан», дер эди. Агар хотини туғмаса ва бияси қулунламаса, «Бу ёмон дин экан», дер эди». Имом Бухорий ривояти. @arabicuz iOS | Android Instagram | Facebook | Twitter | Tiktok | Youtube

13231. Расулуллоҳ соллаллоҳу алайҳи васаллам: «Агар бирортангизга мусибат етса, бас, менга етган мусибатни эсласин. Чунки у (менинг ўлимим) мусибатларнинг энг улканидир», дедилар. Ибн Можа, Доримий ва Байҳақийлар ривоят қилган. Изоҳ: Чунки Расулуллоҳ соллаллоҳу алайҳи васаллам вафот топишлари билан само билан ер орасидаги алоқа узилди. Авваллари бирор муаммога дуч келинса Жаброил алайҳиссалом тушишлари кутилар эди. Вафот топишлари билан алоқалар тўхтаган. Шу узилиш мусибати олдида ҳар қандай мусибат кичик бўлиб қолади. @arabicuz iOS | Android Instagram | Facebook | Twitter | Tiktok | Youtube