Islom.uz

Диний таълим муассасаларига кириш имтиҳони қайси фанлардан ўтказилади? 2026-2027 ўқув йилида Ўзбекистон мусулмонлари идораси тасарруфидаги олий ва ўрта махсус ислом таълим муассасаларига кириш имтиҳонлари қуйидаги фанлар бўйича ўтказилади: Тошкент ислом институти, Мир Араб олий мадрасаси ва Имом Термизий номидаги ислом институти учун: Араб тили (тест синови) 30 х 3,1 – 93 балл; Фиқҳ ва ақоид (тест синови) 30 х 2,1 – 63 балл; Ўзбекистон тарихи (тест синови) 30 х 1,1 – 33 балл. Ҳадис илми мактаби учун: Араб тили (тест синови) 30 Х 3,1 – 93 балл; Ҳадис ва Мусталаҳул ҳадис (оғзаки, ижодий имтиҳон) – 63 балл; Ўзбекистон тарихи (тест синови) 30 Х 1,1 – 33 балл. Ўрта махсус диний таълим муассасалари учун: Хорижий тил (тест синови) 30 х 3,1 – 93 балл; Ўзбекистон тарихи (тест синови) 30 х 2,1 – 63 балл; Она тили ва адабиёт (Ўзбек тили бўйича) (тест синови) 30 х 1,1 – 33 балл. 🔗 Тўлиқ ўқиш 🕋 @islomuz

#Кун_дуоси Ҳар бир ҳол учун Аллоҳга ҳамд бўлсин عَنْ أَبِي هُرَيْرَةَ رَضِي اللهُ عَنْهُ ، عَنِ النَّبِيِّ صَلَّى اللهُ عَلَيْهِ وَسَلَّم قَالَ: اللَّهُمَّ انْفَعْنِي بِمَا عَلَّمْتَنِي، وَعَلِّمْنِي مَا يَنْفَعُنِي، وَزِدْنِي عِلْمًا، الْحَمْدُ ِللهِ عَلَى كُلِّ حَالٍ، وَأَعُوذُ بِاللهِ مِنْ حَالِ أَهْلِ النَّارِ. Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Аллоҳим! Менга ўргатган нарсанг ила манфаат бергин. Менга ўзимга манфаат берадиган нарсани ўргатгин. Ва илмимни зиёда қилгин. Ҳар бир ҳол учун Аллоҳга ҳамд бўлсин. Аҳли дўзах ҳолидан Аллоҳнинг паноҳини сўрайман», дедилар». Набий соллаллоҳу алайҳи васалламнинг бу дуоларида ҳамма учун, айниқса, аҳли илм ва толиби илмлар учун катта ўрнак бор. Келинг, ушбу дуони таҳлил қилиб чиқайлик. 🔗 Тўлиқ ўқиш 🕋 @islomuz

☺️☺️☺️☺️☺️ Kozim Niyozov Hazratni xotirlab ko'rsatuvining 92-soni Ushbu ko‘rsatuvda fazilatli shayx Muhammad Sodiq Muhammad Yusuf rohimahullohning ibratli hayot yo‘li haqida hikoya qiluvchi suhbatlar berib boriladi. Suhbatlarda hazratga zamondosh bo‘lgan ulamolar, u zotning oila aʼzolari, shogirdlari va muxlislarining shayx hazratlari haqidagi xotiralari bilan tanishib borasiz. 🌐 https://youtu.be/JnmEt6_wcrE?si=XifhHtHOBFf9AyiC 🕋 @islomuz

#Кун_дуоси Ражаб ойида ўқилиши керак бўлган дуо اللهُمَّ بَارِكْ لَنَا فِي رَجَبٍ، وَشَعْبَانَ، وَبَلِّغْنَا رَمَضَانَ Аллоҳумма барик лана фий Рожабин ва Шаъбана ва баллиғна Рамазон. Маъноси: Аллоҳим, Ражаб ва Шабон ойларини бизга муборак қил, Рамазонга ҳам бизларни етказ. 🕋 @islomuz

Kozim Niyozov «Hazratni xotirlab» ko'rsatuvining 92-soni "Hazratni xotirlab" ko‘rsatuvini bugun soat 20:00da YouTube sahifamiz orqali tomosha qiling! 🕋 @islomuz

Ўзбек сунъий интеллекти — BONU AGI ишга тушди Бугунги кунда сунъий интеллект тизимлари кўп, бироқ уларнинг аксарияти умумий мантиққа таянади Ўзбекистонда миллий қадриятларга асосланган, савол ва вазифаларни ижтимоий ва маданий контекстга мувофиқ таҳлил қила оладиган BONU AGI сунъий интеллект лойиҳаси ишга тушди. Бу сунъий интеллект хорижий AI платформаларига муносиб муқобил бўла олади. BONU AGI сунъий интеллекти асосан ўзбекзабон фойдаланувчилар учун мўлжалланган бўлиб, она тилимизда ҳам эркин ишлайди. Ушбу дастур юртдошларимиз томонидан яратилди. Мазкур дастурнинг лойиҳа асосчилари — Бахтиёр Бобоҳонов, Сардорбек Турсунов ва Отабек Сидиқовлардир. BONU AGI сунъий интеллектдан фойдаланиш учун фойдаланувчилар рўйхатдан ўтишлари керак. Шунингдек, қурилмадан фойдаланаётганда саволларни хатосиз, аниқ ва мазмунли шаклда бериш ҳамда мулоқот вақтида ҳурмат билан ёндашиш тавсия этилади. Айни пайтда BONU AGI сунъий интеллекти бепул режимда ишламоқда. Бу эса фойдаланувчиларга унинг имкониятларини синаб кўриш учун қулай фурсатдир. Юртимизда халқ, Ватан равнақи йўлида қилинаётган бу каби ишлар давомли, хайрли ва манфаатли бўлсин, яхшилик йўлида хизмат қилаётганларга Аллоҳ таолонинг Ўзи ёрдам берсин! 🕋 @islomuz

#Ҳаж Хайф масжидининг тарихи Тоғ сатҳидан пастда, сел сувидан баландликда бўлгани учун «Хайф масжиди» деб номланган. Ушбу масжид Мино тоғининг жанубий ёнбағрида, кичик жамрага, яъни тош отиш жойига яқин ерда жойлашган. Ушбу масжид ўрнида Расулуллоҳ соллаллоҳу алайҳи васаллам ва у зотдан олдинги набийлар ҳам намоз ўқишган. Язид ибн Асвад розияллоҳу анҳудан ривоят қилинади: «Набий соллаллоҳу алайҳи васаллам билан бирга ҳаж қилдим. У зот билан бирга Хайф масжидида бомдод намозини ўқидим» Имом Термизий ривояти. Абдурраҳмон ибн Муъоз: «Расулуллоҳ соллаллоҳу алайҳи васаллам бизга Минода хутба айтдилар... Кейин муҳожирларга буюрган эдилар, масжиднинг олди томонидан тушишди. Ансорларга буюрган эдилар, масжиднинг орқасидан тушишди. Шундан кейин қолган одамлар тушишди», дедилар. («Сунани Абу Довуд»). Тарих давомида мусулмон халифалар учун ушбу масжид аҳамиятли жой бўлган. Ҳижрий 1407, милодий 1987 йили тўқсон миллион риёл маблағ сарфланиб, мазкур масжид биноси кенгайтирилган. Ушбу масжид биносининг 4 та минораси бор. 410 та ҳаво совуткич, 1100 та шамоллатгич ўрнатилган. Бинонинг ёнида 1000 дан зиёд таҳоратхона, 3000 дан зиёд жўмраклар бор. 🕋 @islomuz

#Кун_дуоси Кўп нарсаларни ўзида жамлаган дуо عَنِ ابْنَ عُمَرَ رَضِيَ اللهُ عَنْهُمَا قَالَ: قَلَّمَا كَانَ رَسُولُ اللهِ صَلَّى اللهُ عَلَيْهِ وَسَلَّم يَقُومُ مِنْ مَجْلِسٍ حَتَّى يَدْعُوَ بِهَؤُلَاءِ الدَّعَوَاتِ لِأَصْحَابِهِ: اللَّهُمَّ اقْسِمْ لَنَا مِنْ خَشْيَتِكَ مَا يَحُولُ بَيْنَنَا وَبَيْنَ مَعَاصِيكَ، وَمِنْ طَاعَتِكَ مَا تُبَلِّغُنَا بِهِ جَنَّتَكَ، وَمِنَ الْيَقِينِ مَا تُهَوِّنُ بِهِ عَلَيْنَا مُصِيبَاتِ الدُّنْيَا، وَمَتِّعْنَا بِأَسْمَاعِنَا وَأَبْصَارِنَا وَقُوَّتِنَا مَا أَحْيَيْتَنَا، وَاجْعَلْهُ الْوَارِثَ مِنَّا، وَاجْعَلْ ثَأْرَنَا عَلَى مَنْ ظَلَمَنَا، وَانْصُرْنَا عَلَى مَنْ عَادَانَا، وَلَا تَجْعَلْ مُصِيبَتَنَا فِي دِينِنَا، وَلَا تَجْعَلِ الدُّنْيَا أَكْبَرَ هَمِّنَا وَلَا مَبْلَغَ عِلْمِنَا، وَلَا تُسَلِّطْ عَلَيْنَا مَنْ لَا يَرْحَمُنَا. Ибн Умар розияллоҳу анҳумодан ривоят қилинади: «Расулуллоҳ соллаллоҳу алайҳи васаллам камдан-кам мажлисдан саҳобаларига ушбу дуоларни қилмасдан турар эдилар: «Аллоҳим! Бизга Ўзингдан қўрқишдан биз билан маъсиятларинг орасини тўсадиганини, тоатингдан бизни у ила жаннатингга етказадиганини, қаттиқ ишончдан у билан бизга дунё мусибатларини енгил қиладиганингни бергин. Бизларни қулоқларимиз, қўлларимиз ва қувватимиз ила ҳаётда бардавом қилган чоғингда ҳузурлантиргин. Уни биздан ворис қилгин. Бизнинг ўчимизни бизга зулм қилганларга хос қилгин. Бизга душманларимиз устидан нусрат бергин. Мусибатимизни динимизда қилмагин. Дунёни бош қайғумиз, илмимиз етган жойи қилмагин. Бизга раҳм қилмайдиганни устимиздан султон қилмагин». 🔗 Тўлиқ ўқиш 🕋 @islomuz