Islom.uz

#Мўминларга_эслатма Тавфиқ ҳам неъматдир Бу ҳақда Таҳонавий раҳматуллоҳи алайҳ шундай деганлар: «Раҳмат пайдо бўлади. Кейин у бошқаради. Ҳузур унга эргашади, яъни ўз навбатида у ҳам ҳозир бўлади». Асл нарса Аллоҳнинг раҳмати, яъни амал қилишга тавфиқнинг берилишидир. Мана шунинг ўзи улуғ неъмат. Уни қадрланг ва шукр қилинг. Бу раҳмат сизга раҳбарлик қиляпти. «Хузур» ҳам «раҳмат»га итоаткордир. Навбати келса, у ҳам пайдо бўлади. Нима, у ҳам ҳозир бўлиши зарурми? Йўқ, ҳечам зарур эмас. Агар бутун умр ҳузур ҳосил бўлмаса, унда ҳам бирор зарар йўқ. Лаззат ва кайфият мақсад эмас Асл мақсад амал қилишдир. Амал орқали ҳосил бўладиган кайфият мақсад эмас. Масалан, амал натижасида лаззат туғиляпти, ҳузур бўляпти, йиғи келяпти. Бу нарсалар асл мақсад эмас. Агар ҳосил бўлса, у ҳолда Аллоҳнинг неъматларидан. Ҳосил бўлмаса ҳам, бирор зарар йўқ. Асл мақсад амал экан, шуни қилинг, шунга қайғуринг. Хоҳ у амал тиловат бўлсин, намоз ёки бирор бошқа амал бўлсин, қилаверинг. 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

#Одоб Отага яхшилик қилиш عَنْ أَبِي هُرَيْرَةَ قَالَ: قِيلَ: يَا رَسُولَ اللهِ، مَنْ أَبَرُّ؟ قَالَ: «أُمَّكَ»، قَالَ: ثُمَّ مَنْ؟ قَالَ: «أُمَّكَ»، قَالَ: ثُمَّ مَنْ؟ قَالَ: «أُمَّكَ»، قَالَ: ثُمَّ مَنْ؟ قَالَ: «أَبَاكَ». Абу Ҳурайрадан ривоят қилинади: «Эй Аллоҳнинг Расули, кимга яхшилик қилай?» дейишди. «Онангга», дедилар. «Сўнгра кимга?» деди. «Онангга», дедилар. «Сўнгра кимга?» деди. «Онангга», дедилар. «Сўнгра кимга?» деди. «Отангга», дедилар». Демак, онага яхшилик қилгандан кейин боланинг яхшилигига иккинчи ўриндаги ҳақдор инсон ота бўлар экан. Бу ҳақда сал юқорида батафсил гапириб ўтдик. 🔗 Тўлиқ ўқиш 🕋 @islomuz

Марказий Осиё ва Озарбайжон етакчилари Ислом цивилизацияси марказида Марказий Осиё давлатлари раҳбарларининг еттинчи Маслаҳат учрашувида иштирок этиш учун мамлакатимизга келган минтақа мамлакатлари ва Озарбайжон Президентлари Ўзбекистон Президенти билан биргаликда Тошкентдаги Ислом цивилизацияси марказига ташриф буюрдилар. Давлатимиз раҳбари ташаббуси билан ташкил этилган марказ ислом цивилизациясининг бебаҳо асраб-авайлаш ва тарғиб қилишга бағишланган ноёб манбалар, илмий тадқиқот ва таълим йўналишларини бир жойга жамлаган тарихимиздаги илк мажмуа бўлди. 🔗 Тўлиқ ўқиш 🕋 @islomuz

#Кун_дуоси Уловга ўрнашиб олгандан кейин ўқиладиган дуо Абдуллоҳ ибн Умар розияллоҳу анҳудан ривоят қилинади: «Расулуллоҳ соллаллоҳу алайҳи васаллам сафарга чиқадиган бўлиб, уловларига ўрнашиб олганларидан кейин уч марта такбир айтар, сўнгра سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِيْنَ، وَإِنَّا إلَى رَبِّنَا لَمُنْقَلِبُونَ. اللهُمَّ إِنَّا نَسْأَلُكَ فِي سَفَرِنَا هَذَا البِرَّ وَالتَّقْوَى، وَمِنَ العَمَلِ مَا تَرْضَى، اللهُمَّ هَوِّنْ عَلَيْنَا سَفَرَنَا هَذَا، وَاطْوِعَنَّا بُعْدَهُ. اللهُمَّ أَنْتَ الصَّاحِبُ فِي السَّفَرِ وَالخَلِيْفَةُ فِي الأَهْلِ. اللهُمَّ إِنِّي أَعُوذُ بِكَ مِنْ وَعْثَاءِ السَّفَرِ وَكَآبَةِ الْمَنْظَرِ وَسُوءِ الْمُنْقَلَبِ فِي الْمَالِ وَالأَهْلِ «Субҳаналлазий саххора лана ҳаза ва ма кунна лаҳу муқринийн ва инна ила роббина ламунқолибун. Аллоҳумма инна насъалука фий сафарина ҳаза ал-бирро ваттақва ва минал ъамали ма тарзо, Аллоҳумма ҳаввин ъалайна сафарана ҳаза ватви ъанна буъдаҳу, Аллоҳумма антас соҳибу фиссафари валхалийфату фил аҳли. Аллоҳумма инний аъузу бика мин ваъсоис сафари ва каобатил манзари ва су‘ъил мунқолаби фил мали вал аҳли», деб айтардилар. Маъноси: «Бизларга бу (кема ёки от-улов)ни бўйсундириб қўйган Зот (яъни, Аллоҳ барча айбу нуқсондан) покдир. Биз ўзимиз бунга қодир эмас эдик. Шак-шубҳасиз, бизлар (барчамиз) Раббимизга қайтгувчидирмиз. Аллоҳим, Сендан бу сафаримизда яхшилик ва тақвони ҳамда Сен рози бўладиган амални сўраймиз. Аллоҳим, бу сафаримизни бизга енгил қилиб, узоқлигини яқин қилгин. Аллоҳим, сафардаги йўлдош ҳам, хонадонда қолувчи ўринбосар ҳам Ўзингдирсан. Аллоҳим, мен Сендан сафар машаққатларидан, маҳзунлик манзараси ва молу-мулк, оилага етадиган зиён-заҳматдан паноҳ беришингни сўрайман». 🔗 Тўлиқ ўқиш 🕋 @islomuz

“Ruhiy tarbiya” kitobining ilk juzi qozoq tilida! Kitob taqdimotidan videolavha Qozog‘iston, Almati, 2025-yil 15-noyabr 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

Ҳазрати Усмон Мусҳафи энди Ислом цивилизацияси марказида 2025 йил 13 ноябрь куни Ўзбекистондаги Ислом цивилизацияси марказида бошланган «Марказий Осиё: умумий маънавий-маърифий мерос – умумий келажак» мавзусидаги халқаро конгресси ўз ишини давом эттирмоқда. Президент Шавкат Мирзиёев ташаббуси билан ташкил этилган конгресс 300 га яқин Марказий Осиё мамлакатлари ҳамда Озарбайжондан келган олимлар, халқаро ташкилотлар, дипломатик корпус, илмий ва маданий муассасалар вакилларини, шунингдек, маданият ва санъат арбобларини бирлаштирди. Минтақамиз халқларининг маънавий ва илмий меросини уларнинг бирлиги, ҳамкорлиги ва барқарор тараққиёти асоси сифатида таҳлил қилиш мақсадида ташкил этилган конгрессда оламшумул жараён бўлиб ўтди. Ҳазрати Имом мажмуасида жойлашган «Мўйи муборак» мадрасасидан ислом тарихининг энг улуғ ва муқаддас қўлёзмаларидан бири — Ҳазрати Усмон розияллоҳу анҳу даврида кўчирилган Усмон Мусҳафи Ўзбекистондаги Ислом цивилизацияси марказига жойлаштирилиб, кенг жамоатчиликка тақдим этилди. Конгресснинг иккинчи куни ислом тарихининг энг улуғ ва муқаддас қўлёзмаларидан бири бўлган ана шу бебаҳо қўлёзма — Ҳазрати Усмон розияллоҳу анҳу даврида кўчирилган Усмон Мусҳафининг тақдимоти билан бошланди. 🔗 Тўлиқ ўқиш 🕋 @islomuz

«Руҳий тарбия» китобининг тақдимоти бўлиб ўтмоқда Қардош қозоқ тилига таржима қилинган «Руҳий тарбия» китобининг «Покланиш» номли биринчи жузи тақдимоти ҳақида кеча хабар қилгандик. Айни пайтда Алма-ата шаҳридаги Нур Муборак университетида янги китоб тақдимоти бўлиб ўтмоқда. Тақдимотга уламолар, аҳли илм устозлар, маърифий соҳа мутахассислари ва китобхонлар ташриф буюрган. Таржима ишига раҳбарлик қилган Оралхан Сайдманов тақдимот маросимига ҳам бош-қош бўлиб, меҳмонларни хурсандчилик билан қаршилади. Қуттиқиз ҳожи ая китобнинг таржима қилиниш тарихи, иш жараёнлари билан ўртоқлашиб, асарнинг муҳим жиҳатларига тўхталиб ўтди. Тадбирга ташриф буюрган муҳтарам меҳмонлардан бири устоз Эрлан Акатаев руҳий тарбия ҳақида, унинг бугунги кундаги аҳамияти нақадар муҳимлиги борасида сўз очиб, керакли тавсия-насиҳатлар берди. Китоб муаллифи фазилатли шайх Муҳаммад Содиқ Муҳаммад Юсуф ҳазратларининг шогирди устоз Рисқулбек Каримбеков эса замонамиздаги руҳий инқирознинг сабаблари ҳақида ва уларнинг ушбу китоб орқали муаммоларга жавоб топпиш мумкинлиги ҳақида маъруза қилди. Тадбир тафсилотлари ҳақида яна хабар берамиз. 🕋 @islomuz

#Кун_дуоси Аллоҳни Робб деб,... عَنْ ثَوْبَانَ رَضِي اللهُ عَنْهُ ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَنْ قَالَ إِذَا أَصْبَحَ وَإِذَا أَمْسَى: رَضِيْنَا بِاللهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا، إِلَّا كَانَ حَقًّا عَلَى اللهِ أَنْ يُرْضِيَهُ. Савбон розияллоҳу анҳудан ривоят қилинади: «Набий соллаллоҳу алайҳи васаллам: «Ким тонг отганда ва кеч кирганда: «Розийнаа биллаҳи Роббан ва бил Ислами дийнан ва би Муҳаммадин Росулан» деса, албатта, Аллоҳ учун уни рози қилиш ҳақ бўлур», дедилар». Дуонинг маъноси: «Аллоҳни Робб деб, Исломни дин деб ва Муҳаммадни Расул деб рози бўлдик». 🕋 @islomuz

🎉 Хушхабар: «Руҳий тарбия» туркумининг 1-жузи қозоқ тилида чоп қилинди! 📖 Сўнгги йилларда фазилатли шайх Муҳаммад Содиқ Муҳаммад Юсуф роҳимаҳуллоҳнинг илмий меросини ўрганиш ва етказиш ниятида кўпгина хайрли ишлар қилиняпти. Жумладан, устозимизнинг китоблари қирғиз, қозоқ, уйғур, қорақалпоқ ва рус ва бошқа қатор тилларга таржима қилиниб, кенг жамоатчиликка тақдим этилмоқда. 🇰🇿 Ана шундай хайрли ишлардан бири «Руҳий тарбия» китобининг қардош қозоқ тилига таржима қилиниши бўлди. Китобнинг «Покланиш» номли биринчи жузи Қуттиқиз ҳожи ая ҳамда Самал хоним томонларидан таржима қилиниб, илк бор нашр этилди. Таржима ишига Оралхан Сайдманов раҳбарлик қилган. 📍 Янги китобнинг тақдимоти Қозоғистон Республикасининг Алма-ата шаҳридаги Нур Муборак университетида ўтказиладиган бўлди. Тақдимотга уламолар, аҳли илм устозлар ҳамда маърифий соҳа мутахассислари ташриф буюрадилар. ⏰ Тақдимот 2025 йил 15 ноябр куни соат 11:00 да бошланади. Азизлар, барчани руҳий камолотга элтувчи, қалбга хотиржамлик шукуҳини берувчи маърифий суҳбатга таклиф қилиб қоламиз. Тақдимотга ташриф буюриб, илм ва зиё чашмаларидан баҳраманд бўлинг! @islomuz & @hilolnashr

✨ «Руҳий тарбия» туркум асари ҳақида Қалб роббоний, руҳоний ва латиф нарса бўлиб, у инсоннинг моҳиятини намоён қилади. Идрок, билим ва маърифат ҳам, хитоб, итоб, иқоб ва талаб ҳам ундандир. 🌙 Руҳ билувчи ва идрок қилувчи латиф нарсадир. Унинг ҳақиқатини Аллоҳ таолодан ўзга ҳеч ким билмайди. Нафсни поклаш ва ахлоқни сайқаллаш дунёдаги энг муҳим ишлардан саналади. Бу муҳим ишга динимизда алоҳида эътибор берилган. Мусулмон умматининг аввалги авлодлари ушбу вазифани шараф билан адо этиб келганлари барчага маълум. 📖 Замонамизнинг беназир алломаси, фазилатли шайх Муҳаммад Содиқ Муҳаммад Юсуф роҳимаҳуллоҳ қаламига мансуб «Руҳий тарбия» туркуми покланиш, тикланиш ва хулқланишга бағишланган бебаҳо илмий меросдир. Ушбу муборак силсила борасида сиз азизларга бир хушхабаримиз бор… ⏰ Бу хушхабарни яқин орада ижтимоий тармоқларимизда билиб олишингиз мумкин. 🕋 @islomuz

"Диний бағрикенглик" кўкрак нишонлари топширилди "16 ноябрь – Халқаро бағрикенглик куни" муносабати жорий йилнинг 14 ноябрь куни бир гуруҳ диний соҳа ходимлари "Диний бағрикенглик" кўкрак нишони билан тақдирландилар. Тадбирда турли вазирлик ва идоралар, жамоат ташкилотлари ва диний конфессия вакиллари, миллий маданий марказлар фаоллари, юртимизда миллатлараро дўстлик ва диний бағрикенглик ришталарини мустаҳкамлашга муносиб ҳисса қўшаётган ҳамюртларимиз ҳамда ОАВ вакиллари қатнашди. Дин ишлари бўйича қўмита раиси Содиқ Тошбоев юксак мукофотга сазовор бўлганларни самимий муборакбод этиб, бугун юртимиз равнақи йўлида фидокорона меҳнат қилаётган ҳамюртларимизга катта муваффақиятлар тилади ва юксак мукофотларни ўз эгаларига топширди. 🔗 Тўлиқ ўқиш 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

#Мўминларга_эслатма Жаннат аҳлидан бўлган киши Набий соллаллоҳу алайҳи васаллам саҳобалар билан масжидда ўтирган эдилар. Бир пайт уларга: «Ҳозир сизларнинг олдингизга жаннат аҳлидан бўлган бир киши киради!» деб қолдилар. Шунда ансорлардан бир киши кириб келди. Унинг соқолларидан таҳоратининг сувлари оқиб турарди. Эртаси куни ҳам Расулуллоҳ соллаллоҳу алайҳи васаллам саҳобаларга дедилар: «Ҳозир сизларнинг олдингизга жаннат аҳлидан бўлган бир киши киради!» Яна кечаги ансорий кириб келди. 🔗 Тўлиқ ўқиш 🕋 @islomuz

✨ G'iybatdan saqlanaylik! Suhbatni «Shayx Muhammad Sodiq Muhammad Yusuf» jome masjidi imom-xatibi ustoz Ismoil Muhammad Sodiq olib boradilar. 📹 Jonli efirni ko'rish #juma @islomuz & @hazratim_uz

#Кун_дуоси Тонгда ва кеч кирганда айтиладиган дуо عَنْ أَبِي هُرَيْرَةَ رَضِي اللهُ عَنْهُ ، عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ كَانَ يَقُولُ إِذَا أَصْبَحَ: اللَّهُمَّ بِكَ أَصْبَحْنَا، وَبِكَ أَمْسَيْنَا، وَبِكَ نَحْيَا، وَبِكَ نَمُوتُ، وَإِلَيْكَ النُّشُورُ. وَإِذَا أَمْسَى قَالَ: اللَّهُمَّ بِكَ أَمْسَيْنَا، وَبِكَ نَحْيَا، وَبِكَ نَمُوتُ، وَإِلَيْكَ النُّشُورُ. Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам тонг отганда «Аллоҳумма! бика асбаҳнаа ва бика амсайнаа ва бика наҳя ва бика намуту ва илайкан нушур», дер эдилар. Кеч кирганда «Аллоҳумма! бика амсайнаа ва бика наҳъя ва бика намуту ва илайкан нушур», дер эдилар». Дуоларнинг маъноси: «Аллоҳим! Сен ила тонг оттирдик. Сен ила кунни кеч қиламиз. Сен ила ҳаёт кечирамиз ва Сен ила ўламиз ва Сенгагина йиғиламиз». «Аллоҳим! Сен ила кунни кеч қилдик. Сен ила ҳаёт кечирамиз ва Сен ила ўламиз ва Сенгагина йиғиламиз». Яъни, «Бу нарсаларнинг ҳаммасини қилувчи Сенсан». 🕋 @islomuz

Buyuklik vaqti 🔗 Havola ko'rsatuvi 🔗 https://islom.uz/maqola/23583 🕋 @islomuz

11. Baqara surasi (87-96-oyatlar) | "Tafsiri Hilol" kitobi Shayx Muhammad Sodiq Muhammad Yusuf hazratlarining "Tafsiri Hilol" kitoblari Qori: Shayx Mahmud Xalil Xusoriy Suxandon: Abdulqayyum Ismoil #tafsir 🌐 YouTube 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz