HƏRBİ XƏBƏRLƏR

Bu gün Vətən müharibəsinin başlamasından 5 il ötür.. Allah şəhidlərimizə rəhmət eləsin

🇵🇰 Pakistanın Baş naziri Şahbaz Şərif BMT Baş Assambleyasının 80-ci sessiyasında çıxışı zamanı ölkəsinin Hindistanla münaqişədə qalib gəldiyini, hazırda isə sülh üçün çalışdığını bildirib.

“Bizim qırıcılarımız havaya qalxdı və Hindistanın 7 qırıcısını məhv etdi. Biz müharibəni udduq, indi isə sülhü qazanmaq istəyirik”,

– deyə o vurğulayıb. Şahbaz Şərif həmçinin Hindistanla əldə olunan atəşkəsdə ABŞ Prezidenti Donald Trampın rolunu xüsusi qeyd edib:

“Pakistan Prezident Trampın qətiyyətli və uzaqgörən liderliyi sayəsində ərsəyə gələn atəşkəslə razılaşır. Biz ona minnətdarıq. Pakistan Prezident Trampın Nobel Sülh Mükafatına namizədliyini irəli sürüb. Prezident Tramp əsl sülh adamıdır”.

Baş nazir çıxışında həmçinin dəstəyə görə bir sıra ölkələrə təşəkkür edib:

🇨🇳🇸🇦🇹🇷🇦🇿 “Biz Çin, Səudiyyə Ərəbistanı, Türkiyə, Azərbaycan və digər ölkələrə Hindistanla toqquşmalarda göstərdiyi diplomatik dəstəyə görə minnətdarıq. Pakistan Hindistanla bütün mövzularda nəticəyönümlü dialoqa hazırdır”.

🇧🇾 Belarus Prezidenti Aleksandr Lukaşenko Ukraynaya müharibəni dayandırmaq çağırışı edib. O, Rusiya mediasına müsahibəsində bildirib ki, əks halda Ukrayna bütün ərazilərini itirə bilər:

“Rusiya ordusunu bundan sonra dayandırmaq çətin olacaq”.

Lukaşenkonun sözlərinə görə, üç slavyan dövləti – Belarus, Rusiya və Ukraynanın liderləri masa arxasında əyləşib razılığa gəlməlidir:

“Biz üç slavyan dövlətinin lideri oturub razılığa gəlməliyik”.

İran İsraili məhv etmək məqsədi ilə nüvə silahı yaratmaq üçün proqram hazırlayıb. APA xəbər verir ki, bu barədə İsrailin Baş naziri Benyamin Netanyahu BMT Baş Assambleyasının 80-ci sessiyasında çıxışında deyib. “İran sürətlə böyük nüvə silahı və böyük ballistik raket proqramlarını inkişaf etdirirdi. Bunlar təkcə İsraili məhv etmək deyil, həm də ABŞ-ı təhdid etmək və hər yerdə xalqları şantaj etmək məqsədi daşıyırdı”, - Baş nazir bildirib. Onun sözlərinə görə, İrana qarşı 12 günlük müharibə hərb tarixinə düşəcək: “Gördüyünüz kimi, İsrail qırıcılarının pilotları Amerikanın B-2 bombardmançı pilotları ilə birlikdə İranın nüvə zənginləşdirmə obyektlərini bombaladılar. Pilotlarımız İranın raket əleyhinə müdafiə sistemlərini zərərsizləşdirərək Tehran səmasını nəzarətə götürdülər”.

🇦🇿🥀Vətən müharibəsi qazisi Rəşad Qocayev vəfat edib. O, yaşadığı Qazax rayonunda dünyasını dəyişib. R.Qocayev müharibədən sonra bir neçə medalla təltif edilmişdi. Məkanı Cənnət olsun!

Ukrayna Prezidenti Volodimir Zelenski ABŞ Prezidenti Donald Trampdan uzaqmənzilli “Tomahawk” raketlərini istəyib. APA xəbər verir ki, bu barədə “The Telegraf” öz mənbələrinə istinadən məlumat yayıb. Mənbələr deyib ki, bu tələb BMT çərçivəsində keçirilən və iki lider arasında çox müsbət qiymətləndirilən görüşdə səslənib. Məlumatda deyilir ki, Ukrayna Prezidenti amerikalı həmkarına bildirib ki, bu yüksək texnologiyalı raket sistemi Vladimir Putini sülh sazişi üzrə danışıqlara məcbur etməyə kömək edə bilər.

Ermənistan vətəndaşlarının məhkəməsində Mübariz İbrahimovun öldürülməsi ilə bağlı sənədlər elan olunub Sentyabrın 26-da Bakı Hərbi Məhkəməsində Ermənistan Respublikası vətəndaşlarının ittiham olunduğu cinayət işi üzrə məhkəmə prosesi iş üzrə sənədlərin elan olunması ilə davam etdirilib. APA xəbər verir ki, məhkəmədə Azərbaycan Respublikasının Milli Qəhrəmanı İbrahimov Mübariz Ağakərim oğlunun, habelə Abdullayev Əhməd Hüseynağa oğlunun (“İgidliyə görə” medalı ilə təltif edilib – red.) və Əhmədov Fərid Güloğlan oğlunun (“İgidliyə görə” medalı ilə təltif edilib – red.) və digər şəxslərin öldürülməsi faktları ilə bağlı sənədlər elan olunub. Sənədlərin elanı ilə paralel olaraq bir sıra fotoşəkillər nümayiş etdirilib.

Rusiya bu gün Xerson vilayətinə genişmiqyaslı hava hücumu edib. Zərbələr nəticəsində 2 nəfər həlak olub, 8 nəfər yaralanıb. Həmçinin, bir çoxmərtəbəli bina və 8 fərdi ev, təsərrüfat tikililəri, fərdi qarajlar və avtomobillərə ciddi ziyan dəyib.

Donald Tramp: “F-35 məsələsində asanlıqla bir anlaşma əldə edə bilərik. Amma öncə prezident Ərdoğan bizim üçün bir şey var onu etməlidir.”

⚡️Ukrayna dronları növbəti dəfə Rusiyanın Krasnodar diyarındakı Afipski Neft Emalı Zavodunu hədəf alıb. Məlumata görə, dron hücumlarından sonra neft emalı zavodunda yanğınlar baş verib.

🇦🇿Prezident: Ermənistanla danışıqlar yalnız ikitərəfli əsasda aparıldığına görə müsbət nəticələr verdi

🇵🇸 Mahmud Abbas: "HAMAS-ın gələcəyi yoxdur, silahı yerə qoymalıdırlar" Fələstin Prezidenti Mahmud Abbas BMT Baş Assambleyasının 80-ci sessiyasına videobağlantı ilə çıxış edərək HAMAS-ı tənqid edib. "7 oktyabrda HAMAS-ın törətdiyi hərəkətləri qınayırıq. Girov götürmək və mülki insanlara hücum Fələstinə aid deyil”, – Abbas deyib. O, BMT-ni fəaliyyətsizlikdə ittiham edib: “1000-ə yaxın qətnamə qəbul olunub, heç biri yerinə yetirilməyib". Qəzzanın Fələstin Dövlətinin ayrılmaz hissəsi olduğunu deyən Abbas əlavə edib ki, həmin bölgədə idarəçilik və təhlükəsizlik məsuliyyətini tam üzərlərinə götürməyə hazırdırlar. “HAMAS və digər fraksiyalar silahlarını bizə təhvil verməlidirlər. Biz silahlı dövlət istəmirik", – Mahmud Abbas bildirib.

Sloveniya hökuməti Netanyahunun ölkəyə girişinə qadağa qoyub. Ölkə İsrail hökumətinin başçısına qarşı belə bir qərar qəbul edən ilk Avropa İttifaqı üzvü olub.

🇦🇿İlham Əliyev Dövlət Xidmətinin bir qrup hərbçisini təltif edib Prezident İlham Əliyev bununla bağlı Sərəncam imzalayıb. Sərəncamla aşağıdakı hərbi qulluqçular təltif ediliblər: Məmmədzadə Kənan Kamil oğlu – polkovnik-leytenant Sanıyev Xalid Bəhmən oğlu – polkovnik-leytenant Şahmaliyev Vaqif Şaiq oğlu – polkovnik-leytenant Ağayev Vüsal Mirzağa oğlu – kapitan Mövlamov Füzuli Saleh oğlu – kapitan Musayev Mirvahid Mirələm oğlu – kapitan Şaliyev Şahin Eldar oğlu – kapitan Əliyeva Məsumə Teymur qızı – baş leytenant

Yəmən husilərinin İsrailin Eylat bölgəsinə zərbəsi nəticəsində yaralananların sayı 20 nəfərə çatıb. APA xəbər verir ki, bu barədə İsrailin "Magen David Adom" təcili yardım xidməti məlumat yayıb. Xəsarət alanların əksəriyyətinin qəlpə yarası aldığı bildirilir. Yəməndən göndərilən PUA-ya "Dəmir Qübbə"dən iki raket atılsa da, dronu vurmaq mümkün olmayıb.

"Rusiya təyyarəsi təxribat törədərək Baltik dənizində Almaniya hərbi donanmasının freqatının üzərindən uçub". Bunu Almaniyanın müdafiə naziri Boris Pistorius Bundestaqda çıxışı zamanı verib. O qeyd edib ki, belə uçuşlar hərbi dairələrdə lazımsız təxribat kimi qiymətləndirilir.

Azərbaycan Respublikası Müdafiə Nazirliyi ilə Özbəkistan Respublikası Müdafiə Nazirliyi arasında 2025-ci il üçün ikitərəfli hərbi əməkdaşlıq planı çərçivəsində Daşkənddə "Məharət - 2025" kompüter dəstəkli birgə komanda-qərargah təlimi keçirilir. Silahlı Qüvvələrin Modelləşdirmə və Simulyasiya Tədqiqatları Tədris Mərkəzində "Qanunsuz silahlı birləşmələrin axtarışı, lokallaşdırılması və neytrallaşdırılması" mövzusunda keçirilən təlim iki mərhələdən ibarətdir. Birinci mərhələdə iştirakçılar mövzu üzrə əməliyyatın planlaşdırılmasını, ikinci mərhələdə isə modelləşdirmə və simulyasiya proqram təminatları üzərindən müvafiq fəaliyyətləri icra edəcəklər. "Məharət - 2025" təliminin məqsədi iki dövlət arasında mövcud əməkdaşlıq əlaqələrinin daha da təkmilləşdirilməsi, hərbi qulluqçular arasında qarşılıqlı əlaqənin inkişaf etdirilməsi və qazanılmış hərbi təcrübənin mübadiləsidir.

❗Şahin Şıxlinskinin həbs müddəti uzadılıb Yekaterinburqdakı Azərbaycan diasporunun rəhbəri Şahin Şıxlinski barəsində seçilmiş həbs qətimkan tədbirinin müddəti uzadılıb. APA-nın Rusiya bürosu xəbər verir ki, bu gün onun barəsində həbs-qəttimkan tədbirinin uzadılması barədə vəsatətə baxılıb. Verx-İsetski Rayon Məhkəməsi Şahin Mütvalı oğlu Şıxlinskinin barəsində seçilmiş həbs-qətimkan tədbirinin müddətinin uzadılması ilə bağlı istintaqın vəsatətini təmin edib. Ş. Şıxlinskinin həbs müddəti dekabrın 30-dək uzadılıb. O, qətlə cəhddə və dövlət məmuruna qarşı zorakılıqda iştirakda ittiham olunur. Şahin Şıxlinskinin vəkili bir müddət əvvəl yerli KİV-ə bildirib ki, müvəkkili özünü təqsirsiz hesab edir və həbs qərarından apellyasiya şikayəti vermək niyyətindədir.

Ötən gün mina partlaması nəticəsində həyatını itirmiş “Xanı” ləqəbli kəşfiyyatçı Səyyaf Əhmədovun nəşi ailəsinə təhvil verilib. Mərhumla yaşadığı Ağdam rayon Baharlı qəsəbəsindəki evində vida mərasimi keçirilir.