Alisher Sadullaev

⚡️Tabrik, G’alaba!! O’zbek shaxmati uchun yana bir yorqin kun. Hozirgina, Ikki nafar hamyurtimiz FIDE jahon kubogi yarim finaliga chiqdi!

⚡️G‘alaba muborak! Al-Ain Kubogi O‘zbekistonda! 🇺🇿Terma jamoamiz penaltilar seriyasida g‘alaba qozonib, Al-Ain Kubogini qo‘lga kiritishdi! U-17 yoshlarimiz ham jahon chempionatida ishtirok etib, juda kuchli bo‘lgan Italiya jamoasiga qarshi maydonda haqiqiy mardlik ko‘rsatishdi! Jasoratli o‘yin uchun rahmat! 🇮🇷Eron 0:0 O‘zbekiston 🇺🇿 Penaltilar seriyasi: 3:4 Barakalla, yigitlar! @alisher_sadullaev

U-17 Jahon chempionati  🇺🇿O‘zbekiston 1:1 🇮🇹 Italiya @alisher_sadullaev

🇺🇿18-noyabr — Davlat bayrog‘imiz qabul qilingan kun muborak! Davlatimiz bayrog‘i — bu xalq irodasining, davlat mustaqilligining oliy ramzi, tashqi siyosatdagi qat’iyatimiz va ichki islohotlardagi yorqin maqsadlarimizning timsolidir. ⚡️Yuksaklarda hilpirayotgan bayrog‘imiz xalqimizning matonati, qat’iyati va yengilmas irodasining timsoli bo‘lib, doimo bizga kuch bag‘ishlab tursin! @alisher_sadullaev

🇺🇿Bugun – 18-noyabr sanasi butun O‘zbekiston sport jamoatchiligi uchun milliy g‘urur va siyosiy iroda kuni! Bugun, O'zbekiston U-23 terma jamoasi Xitoyga qarshi o‘rtoqlik turnirida soat 16:30 da “Chengdu Sichuan” stadionida maydonga tushadi. Islombek Ismoilov boshqaruvidagi o‘smirlarimiz esa, Jahon chempionati doirasida an’anaviy kuchli Yevropa maktabi – Italiyaga qarshi soat 17:30 da “Espayr” akademiyasi stadionida to‘qnashadi. Shuningdek, kattalar milliy jamoamiz "Al Ain International Cup" finalida mintaqaning kuchli jamoasi Eron bilan soat 21:00 da "Hazza bin Zayed" stadionida bahslashadi. @alisher_sadullaev

Barakalla, yigitlar! Xorvatiya ustidan mardonavor g’alaba!

O‘zbekiston va Qozog‘iston yoshlar hamkorligi yangi bosqichda 🇺🇿🇰🇿Bugungi yuqori darajadagi muzokaralar doirasida Prezidentimiz Shavkat Mirziyoyev va Qozog‘iston Respublikasi Prezidenti Qasim-Jomart Toqayev tomonidan muhim qarorlar qabul qilindi. Shu jarayonning mantiqiy davomi sifatida, Qozog‘istonning “Assambleya jastari” jamoat birlashmasi bilan yoshlar siyosati bo‘yicha hamkorlik Memorandumi loyihasi ham tayyorlandi. Memorandum ikki mamlakat yoshlarini qo‘llab-quvvatlash, qo‘shma tashabbuslarni rivojlantirish, shuningdek kreativ iqtisodiyot, startaplar, sun’iy intellekt, tadbirkorlik va innovatsiyalar yo‘nalishida yangi istiqbolli loyihalarni amalga oshirishga keng imkoniyat yaratadi. Bu tashabbuslar O‘zbekiston-Qozog‘iston yoshlarining do‘stlik va hamkorligini yanada mustahkamlashiga ishonaman! @alisher_sadullaev

🇺🇿🇰🇿O‘zbekiston va Qozog‘iston o‘rtasida strategik sheriklik va ittifoqchilikni yanada mustahkamlashga qaratilgan salmoqli kelishuvlar to‘plami imzolandi. Shuningdek, tashrif davomida Yoshlar ishlari agentligi va “Assambleya jastari” jamoat birlashmasi o‘rtasida hamkorlik to‘g‘risidagi memorandum ham imzolandi. @alisher_sadullaev

🇺🇿Toshkentda bo‘lib o‘tadigan Markaziy Osiyo davlatlari rahbarlarining yettinchi Maslahat uchrashuvi arafasida, Prezidentimizning “Markaziy Osiyo yangi davr ostonasida” sarlavhali dasturiy maqolasi e’lon qilindi. Bu nafaqat O‘zbekiston, balki butun mintaqamiz uchun muhim siyosiy xabardir! @alisher_sadullaev

⚡️Har safar talaba yoshlar bilan uchrashganimizda bir narsani his qilamiz — yoshlarimizda kuch, g‘oya va ishonch bor. Biz esa ularning yo‘lini ochish uchun harakatdamiz. Toshkent xalqaro universiteti talabalari bilan bo‘lgan muloqotimiz ham shu ishonchni yana bir bor tasdiqladi. @alisher_sadullaev

G’alaba muborak! Prezidentimiz tashabbuslariga yoshlardan ajoyib minnatdorchilik javobi bo’ldi! G’alabalar davomli bo’lsin 🇺🇿

Xizmat safari bilan Qashqadaryo viloyatida bo’lamiz. Yoshlarni zamonaviy kasblarga va xorijiy tillarga o'qitish bo'yicha o'quv markazlariga boramiz. Yoshlarning tadbirkorlik hamda innovatsion loyihalarini o’rganamiz.

⚡️Kelgusi yildan barcha tibbiyot oliygohlarida oliy hamshiralik ishi yo‘nalishi ochiladi va kvota 2 karra, 2027-yildan esa kamida 20 foizdan oshirib boriladi. Oliy ma’lumotli hamshiralarning ulushini 10 foizga yetkaziladi. Kelgusi yildan oliy ma’lumotli hamshiralarning maoshiga 100 foiz ustama beriladi. Angliyaning “Pirson” kompaniyasi bilan har bir hududdagi bittadan texnikumda xalqaro standart asosida hamshiralarni tayyorlash boshlandi. Buning davomi sifatida Germaniya, Shveytsariya, AQSH kabi davlatlarning ta’lim dasturlari olib kiriladi. Shular orqali xalqaro talablarga javob beradigan, xorijiy tillarni biladigan hamshiralarning korpusi shakllantiriladi. @alisher_sadullaev

⚡️Bundan buyon tibbiy ta’lim sifatini baholash bo‘yicha uch bosqichli tizimga o‘tilishi belgilandi. Tibbiyot oliygohlarining bakalavr bosqichida talabalarning fundamental va klinik fanlar bo‘yicha bilimi baholanadi. Rezidenturani tugatgan shifokorlar esa ixtisosligi bo‘yicha imtihondan o‘tkaziladi. Shundan keyin mutaxassis davlat ro‘yxatidan o‘tadi va unga tibbiy faoliyat yuritishga ruxsat beriladi. Oddiy muolajani qiladigan emas, tashxis, davolash va profilaktikada shifokorga ko‘makchi bo‘ladigan hamshiralarni tayyorlashga o‘tish zarurligi sababli, Hamshiralar akademiyasi Toshkent davlat tibbiyot universiteti tasarrufiga o‘tkazilib, negizida Oliy kasbiy tibbiyot akademiyasi tashkil qilinadi. Akademiya AQSH, Germaniya, Buyuk Britaniya kabi davlatlar oliygohlari bilan birga kelasi yildan oliy ma’lumotli hamshira tayyorlashni boshlaydi. @alisher_sadullaev

Bugungi uchrashuv salkam bir asrdan buyon shifokor tayyorlab kelayotgan Toshkent davlat tibbiyot universitetida bo‘layotgani bejiz emas. “Tibbiyotga yuqori texnologik uskunalar olib kiryapmiz, yangi klinikalarni barpo etyapmiz. Ularda kim ishlaydi? Albatta, Yangi O‘zbekiston bunyodkorlari bo‘lgan o‘g‘il-qizlarimiz mehnat qiladi. Shu bois, tibbiy ta’limdagi islohotlarimizni davom ettirib, oilaning barcha yoshdagi a’zolariga malakali tibbiy xizmat ko‘rsata oladigan oilaviy shifokorlik institutini rivojlantirishimiz zarur”, – dedi Prezident. Kelgusi o‘quv yilidan tibbiyot oliygohlarining bakalavr bosqichida pediatriya va davolash yo‘nalishlarini o‘z ichiga olgan umumiy tibbiyot fakulteti ochilishi e’lon qilindi. Ularda oilaviy shifokorlik mutaxassisligi bo‘yicha rezidentura va magistratura ham yo‘lga qo‘yiladi. Rezidenturada ta’lim olayotgan talabalar bepul o‘qish bilan birga oilaviy shifokor sifatida ishlab maosh oladi. Rezidentura bitiruvchisi oilaviy shifokorlik bo‘yicha tor soha diplomi va 150 foizli ustama oladi. @alisher_sadullaev

🇺🇿Prezident Shavkat Mirziyoyev tibbiyot va farmatsevtika xodimlari bilan uchrashuv o‘tkazmoqda. Uchrashuvda iqtisodiyotimizni barqaror rivojlantirish, odamlarni ishli va daromadli qilish, yoshlarga zamonaviy bilim va tarbiya berish, xalqimiz salomatligini mustahkamlash bo‘yicha islohotlar jadal olib borilayotgani ta’kidlandi. Shuningdek, yurtimizda bundan buyon Tibbiyot xodimlari kuni “Tibbiyot va farmatsevtika xodimlari kuni” sifatida nishonlanadi – Prezident. @alisher_sadullaev

Paxtachi tumanidagi Suluvqo‘rg‘on mahallasi yetakchisi Elbek Xudoyqulov minglab yoshlarni qo‘llab-quvvatlab, ularning hayotda o‘z yo‘lini topishiga yordam bermoqda. Mahallasidagi yoshlar “Besh tashabbus olimpiadasi”ning final bosqichida 16 marotaba ishtirok etgan. 3 marta 1-o‘rin, 2 marta 3-o‘rinni qo‘lga kiritgan. Mahallasida universal va workout maydonchalari barpo etilgan, endi esa streetball maydonchasi ham quriladi. Bu yetakchini TOP-100 talik eng faol yosh yetakchilar qatoriga kiritib, Yoshlar ishlari agentligi stipendiyasi berishga qaror qildik. @alisher_sadullaev

🇺🇿🇮🇪Bugun U-17 jahon chempionatida O’zbekiston milliy terma jamoamiz Irlandiya terma jamoasiga qarshi maydonga tushadi. ➖O’yin 8-noyabr Toshkent vaqti bilan 20:45 da “Espayr” akademiyasida boshlanadi. ✊Omad yigitlar, biz sizga ishonamiz! @alisher_sadullaev

🇺🇿🇺🇸Prezidentimiz Oq uyda Amerika Qo‘shma Shtatlari Prezidenti Donald Tramp bilan muzokara o‘tkazib, Faxriy mehmonlar kitobida qayd yozib qoldirdi. Donald Tramp esa, “Truth Social” ijtimoiy tarmog‘idagi sahifasida mamlakatlarimiz o‘rtasidagi misli ko‘rilmagan savdo-iqtisodiy kelishuvlar haqida post yozib qoldirdi. @alisher_sadullaev