Bintu Sodiq

Сакинат... 🕊 @BintuSodiq

ПРЕМЬЕРА! "Рафиқим" 1-сон: Kучли жуфтлик сири 🔥 "Бир-бирини тинглай олган жуфтлик — энг кучли жуфтлик". "Рафиқим" лойиҳасининг илк сонида оилавий бахт формуласини изладик. Самимий суҳбат давомида барча саволларга жавоб топасиз. https://youtu.be/dF0OZ-04HwI #Рафиқим @BintuSodiq

Тайёрмисиз? ☕️ Янги "Рафиқим" кўрсатуви бошланишига роппа-роса 30 дақиқа қолди! Ҳозироқ YouTube саҳифамизга ўтиб, "Обуна бўлиш" тугмасини босиб, сафимиздан жой олинг. 👇 https://www.youtube.com/bintusodiq @BintuSodiq

Болангиздан болалигини олиб қўйманг! @BintuSodiq

Янги "Рафиқим" кўрсатуви — Эртага 19:30 да! ✨ "Рафиқим" — Севги сўзда эмас, амалда намоён бўлади. Янги лойиҳамизнинг илк сонидан лавҳалар: 💬 "Турмуш ўртоғимга ҳар куни раҳмат дейман". 💬 "Пасткаш бўлиб ғолиб бўлгандан, карим бўлиб мағлуб бўлган яхши". Самимий суҳбатнинг тўлиқ қисми эртага 19:30 да саҳифамизда! Ўтказиб юборманг. https://youtu.be/2LWwgdfiN70 #Рафиқим #Анонс @BintuSodiq

Ҳақиқий бахт формуласини излаяпсизми? Шайх Муҳаммад Содиқ Муҳаммад Юсуф ҳазратлари бунинг энг қисқа йўлини кўрсатиб кетганлар. @BintuSodiq

Битта гуноҳ сабаб 5 ой таҳажжуддан маҳрум бўлдим... 🎙Устоз Анвар Аҳмад 📚«Руҳий тарбия» @BintuSodiq

Ёмон одамнинг касофати фарзандларига урадими? ❓ Биламизки, баъзи инсонлар умри давомида ёмонлик қилиб ўтадилар, лекин баъзан уларнинг ўзи жазоланганлигини кўрмаймиз. Одамлар эса, бу жазо унинг фарзандларига уради, дейишади. Савол шуки, ёмон одамнинг касофати фарзандларига урадими? Ва бу қандай юз беради? 💬Бисмиллаҳир Роҳманир Роҳийм. Ёмон ишларнинг касофати фарзандга уриши ҳаётий тажрибадан келиб чиққан. Ўша ёмонлик қилиб юрган инсон ўзига зарар қилади, қолаверса, унга етаётган зарар яқин кишиларига, жумладан, унга энг яқин бўлган фарзандларига уриши турган гап. Яъники, ўша ёмонлик қилиб юрган одамнинг ёмонлигидан фарзандлари зарар кўради. Зарар кўриши ҳар хил бўлиш мумкин. Мисол учун, ароқхўр одам ароғини ичиб, топганини шу ҳаром нарсага сарфлаб юраверса, фарзандлари қаровсиз қолади, таъминотсиз қолади, нафақасиз қолади. Улар ароқхўр оталарининг мастлигида билиб-билмай қилган ишларидан зарар тортади, калтагини ейди, уятга қолади, тарбиясиз ўсади ва ҳоказо. Шунга ўхшаш бошқа номаъқулчиликларни қилганларнинг ҳам ана шу тарзда зарари фарзандларига, аёлларига, яқин кишиларига етади. Ана шу ҳолат ёмоннинг касофати бошқаларга уришидир. Бошқа тарафдан эса, ўша ароқхўр кимсанинг фарзандлари диёнатли, солиҳ инсонлар бўлиб етишганда ҳам оталари туфайли руҳан эзилиб юрадилар. 👉Аллоҳ таоло ўша ёмон одамга берадиган жазосини унинг солиҳ фарзандларига буриб юбормайди. Ўзи диёнатли, солиҳ Аллоҳ таолонинг итоатига юрган мўмин-мусулмонлар оталарининг гуноҳи учун жазоланмайдилар, иншааллоҳ. Валлоҳу аълам. 📚Шайх Муҳаммад Содиқ Муҳаммад Юсуф роҳимаҳуллоҳнинг "Зикр аҳлидан сўранг" 1-китобидан. Китоб ЎзР ВМ ҳузуридаги Дин ишлари бўйича қўмитанинг 2022 йил 16 ноябрдаги 03-07/8795 рақамли хулосаси асосида чоп этилган. #Савол_жавоб @BintuSodiq

Китоб – сафардаги энг яхши ҳамроҳ «Китоб – йўлимни ёритувчи нур, усиз тирикликни ҳис қилолмайман...» — Сайёрахон Қурбонова. «Китобсиз йўл ҳам, ҳаёт ҳам йўқдек гўё. Лекин у бизни Устоздан беҳожат қилмайди», — Нозимахон Муҳаббатова. 🚌 «Жамоат транспортида китоб ўқиймиз» чорлови давом этади! Сиз ҳам сафимизга қўшилинг! #Интернетпарҳез #InternetParhez @BintuSodiq

Ўзи, бола-чақаси, нафақаси вожиб бўлганларнинг нафақасини ва қарзини узиш учун касб қилиш ФАРЗдир. ✍️Шайх Муҳаммад Содиқ Муҳаммад Юсуф роҳимаҳуллоҳ @BintuSodiq

Ҳомиладорликнинг олдини олса бўладими? ❓Аборт қилишни гуноҳ санаймиз. Спирал қўйишликни ҳаром деб эшитдим. Шариат нуқтаи-назаридан жавоб берсангиз. 💬Бисмиллаҳир Роҳманир Роҳийм. Саволингизда келган маъно айнан бу масаладаги шариат ҳукмининг хулосасидир. 👉Ҳомилани олдириб ташлаш бировнинг жонига суиқасд қилишдир. Агар олиб ташланмаса, у ҳам тўлақонли инсон бўлар эди. Шунинг учун, ҳомилани олдириб ташлашга шариатда рухсат йўқ. Аёлларнинг ҳомилани манъ қилувчи воситаларни ишлатишлари ҳам ўзларидаги бола кўриш қобилиятини йўққа чиқаришдир. Одатда, «Бола кўпайса, боқа олмай қийналаман, болани тарбиялаш оғир, у билан машғул бўлиб, ўйин-кулгидан қоламан» каби баҳоналар ила фарзанд кўришдан қочилади. Бу ҳам гуноҳ ҳисобланади. Аллоҳ таоло Қуръони Каримда: «Очликдан қўрқиб, болаларингизни ўлдирманг. Биз сизларни ҳам, уларни ҳам ризқлантирурмиз» (Анъом сураси, 151-оят), деган. У зот бошқа бир оятда яна: «Болаларингизни фақирликдан қўрқиб ўлдир­манг. Биз уларни ҳам, сизларни ҳам ризқ­лантирамиз. Албатта, уларни ўлдириш катта ха­тодир» (Исро» сураси, 31-оят), деган. Жоҳилият даврида арабларда фақирлик ва очликдан қўрқиб фарзандни тириклай кўмиб юбориш одати бор эди. Ҳозирги замон жоҳилиятида ҳам очлик ёки кўп сарф-харажатдан қочиб фарзандни туғмаслик, битта ёки иккитадан орттирмаслик одати кенг тарқалган. Бу, аввало, эътиқод бузуқлигига бориб тақалади. Аллоҳ таолога иймони йўқ ёки бузуқ ақийдадаги, Аллоҳ таоло ҳаммага ризқ беришга қодирлигини инкор этадиган одамгина фақийрликдан қўрқиб ўз болаларини ўлдириши, яъни, туғилишни тўхтатиши мумкин. Катта гуноҳдир. Аллоҳнинг розиқ эканлигига иймон келтирмасликдир. 👉Бугунги куннинг мусулмон уламолари онанинг ҳаёти хавф остида қолганда ва ҳомилага жон кирмасдан олдин уни олдириш мумкинлигини таъкидлайдилар. Шунингдек, онанинг ҳаёти хавф остида қолганда ҳомилани манъ қилувчи воситаларни ишлатишга рухсат бор, дейдилар. Валлоҳу аълам. 📚Шайх Муҳаммад Содиқ Муҳаммад Юсуф роҳимаҳуллоҳнинг "Зикр аҳлидан сўранг" 1-китобидан. Китоб ЎзР ВМ ҳузуридаги Дин ишлари бўйича қўмитанинг 2022 йил 16 ноябрдаги 03-07/8795 рақамли хулосаси асосида чоп этилган. #Савол_жавоб @BintuSodiq

Фидокорлик ўзи нима? 🎥 "Садафдаги дур" кўрсатуви Тўлиқ видео @BintuSodiq

⚡️Сирдарё вилоятидаги отинойилар учун ўқув машғулотлари ташкил этилди Бугун, 2025 йилнинг 9 декабрь куни Сирдарё вилояти, Гулистон шаҳар жоме масжиди мажлислар залида Сирдарё вилоятида фаолият юритаётган 80 нафар отинойилар учун ўқув машғулотлари ташкил этилди. Машғулотларда Дин ишлари бўйича қўмита бўлим бошлиғи, доцент Ирода Аҳмедова, Ўзбекистон мусулмонлар идораси Хотин-қизлар масалалари бўйича бўлим бошлиғи Дилфуза Эгамова, ҳадисшунос олима Одинахон Муҳаммад Содиқ, Сирдарё вилояти бош отинойиси Раҳимахон Искандарова ўз маърузалари билан қатнашдилар. Маърузаларда аҳоли, хусусан, хотин-қизлар билан самарали мулоқот олиб боришнинг замонавий шакллари, аёл-қизлар ўртасида соғлом диний-маърифий муҳитни шакллантиришда отинойиларнинг ўрни ва масъулияти ҳақида сўз борди. Соҳа мутахассислари томонидан отинойиларга малакавий компетенциялари доирасида билим, кўникма ва шахсий фазилатларини янада ривожлантиришга қаратилган амалий тавсиялар берилди. Шунингдек, "Фуқароларнинг виждон эркинлиги ҳуқуқи кафолатларини янада мустаҳкамлаш ҳамда диний-маърифий соҳадаги ислоҳотларни янги босқичга олиб чиқиш чора-тадбирлари тўғрисида" Ўзбекистон Республикаси Президентининг фармони, давлат ва дин муносабатлари, миллий қадриятларнинг мазмун-моҳияти ҳақида атрофлича маълумотлар тақдим этилди. Отинойиларнинг шахсий маданияти, одоб-ахлоқи, муомала маданияти ва умумий қиёфаси жамиятдаги маънавий муҳитга бевосита таъсир кўрсатиши ҳақида муҳим фикрлар билдирилди. Шу билан бирга, отинойиларнинг қиёфаси, ҳар бир сўзи, хатти-ҳаракати, аҳоли билан мулоқоти ва муносабати ўзига хос тарбиявий кучга эга эканлиги таъкидланди. Хотин-қизлар ўртасида ижтимоий-маънавий муҳитни соғломлаштириш бўйича ташкил этилаётган барча ўқув машғулотлар отинойиларимизнинг маънавий салоҳиятини янада ошириш ва жамиятда  соғлом муҳитни мустаҳкамлашга хизмат қилади. @BintuSodiq

4⃣8⃣-ҚАДАМ Устоз-мураббий вазифасини деб оиласи ва тирикчилигини бир четга суриб қўйиши тўғри бўлмаганидек, уларни деб устозлик масъулиятини ташлаб қўйиши ҳам тўғри бўлмайди. Тарбияда 101 қадам #101qadam @BintuSodiq

Расулуллоҳ соллаллоҳу алайҳи васалламдан бугун ва эрта учун ҳам фойдали муҳим тавсиялар @BintuSodiq

Энг катта қўрқувим – Аллоҳ билан алоқамни йўқотиш. "Боғбон" кўрсатуви 👉 Тўлиқ кўрсатувни қуйидаги ҳавола орқали томоша қилинг: https://youtu.be/RAwAnabL1ck @BintuSodiq

اَللَّهُمَّ صَيِّبًا نَافِعًا 🤲Аллоҳим, бу ёмғирни фойдали қилгин. اللَّهُمَّ اجْعَلْهُ صَيِّبًا هَنِيئًا 🤲Аллоҳим! Бу ёмғирни барокатли ва роҳатбахш қилгин Биз соғиниб, интиқиб кутган раҳмат ёмғирлари ёқмоқда. Дуолар қабул бўладиган бу лаҳзаларни ўтказиб юборманг, дуолар қилишга шошилинг. Гуноҳлардан мағфират сўранг. @BintuSodiq