Bintu Sodiq

Жума кунида: Расулуллоҳ соллаллоҳу алайҳи васалламга салавот айтиш кўпайтирилади. Дуо қабул бўладиган вақт борлигини унутмай, ўша соатда кўпроқ дуода бўлишга ҳаракат қилиш лозим. @BintuSodiq

4️⃣6️⃣-ҚАДАМ Таълим-тарбия ўткинчи эҳтирос эмас. У охирги нафасгача муҳаббат ва жўшқинлик билан бажариш лозим бўлган вазифадир. Шунга кўра, устоз-мураббийнинг озиғи сабр, суянчи Аллоҳ бўлмоғи лозим. Тарбияда 101 қадам #101qadam @BintuSodiq

Болалар учун уй ишлари: ёшга қараб топшириқлар @BintuSodiq

Илм талаб қилинглар, фақат илмни ҳилм (мулойимлик) ва виқор билан яширинглар. ✍ Ҳасан Басрий @BintuSodiq

Илм инсонни юксалтиради. 🎙Устоз Анвар Аҳмад 📚«Руҳий тарбия» Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2024 йил 2 майдаги 03-07/2598-сонли тавсияси асосида чоп этилган. @BintuSodiq

Аёли йўқ киши мискиндир. Инсонларни касб-ҳунар ва маошларига қараб тақсимлаш жоҳилият фикридир! ✍️ Адҳам Шарқовий @BintuSodiq

Инсонларни касб-ҳунар ва маошларига қараб тақсимлаш жоҳилият фикридир! ✍️ Адҳам Шарқовий @BintuSodiq

4️⃣5️⃣-ҚАДАМ Қалбларга абадий саодат, куч-қувват берувчи оби ҳаёт қийин пайтлар ва машаққат диёрларида яширинган бўлиши мумкин. Зеро, ҳаётнинг қадрли ва баракалилиги олий мақсад йўлида кўрсатиладиган ғайрат ва фидойиликнинг натижасидир. Тарбияда 101 қадам #101qadam @BintuSodiq

Самарқандда отинойилар семинари бўлиб ўтди 📆 Жорий йилнинг 15 ноябрь куни Самарқанд вилоятидаги Абду  Дарун жоме масжидида “Ижтимоий маънавий муҳитни янада соғломлаштиришда отинойилар фаолияти” мавзусида семинар ташкил этилди. Тадбирда Самарқанд вилоятида фаолият юритаётган  отинойилар иштирок этишди. Ўқув семинарида Дин ишлари бўйича қўмита раиси ўринбосари, профессор Матлуба Қаҳҳарова, Дин ишлари бўйича қўмитанинг бўлим бошлиғи, доцент Ирода Аҳмедова, Ўзбекистон мусулмонлари идораси Хотин-қизлар масалалари бўйича бўлими бошлиғи Дилфуза Эгамова ва "Хадичаи Кубро" аёл-қизлар ўрта махсус ислом таълим муассасаси ўқитувчиси, ҳадисшунос олима Одинахон Муҳаммад Содиқ маърузалари билан иштирок этишди. Спикерлар Ўзбекистонда фуқароларнинг виждон эркинлигини таъминлаш ва диний сохадаги давлат сиесати концепцияси мазмун-моҳияти, тўй-ҳашамларни ихчам ўтказиш, оилавий қадриятларни мустаҳкамлаш, ёшлар тарбиясига эътиборни кучайтириш, жамият барқарорлигини таъминлаш ва диний экстремизмга қарши маърифат йўлида курашишнинг аҳамияти ҳақида сўз юритдилар. @BintuSodiq

Бу дунё айланаверади. Бировга сув берсангиз, эртага ўша идишда сизга сув беришади. Яхши бўлса яхши, ёмон бўлса, ёмон! ✍️Адҳам Шарқовий @BintuSodiq

БОЛАЛАР ОНАГА ЭРГАШАДИ Эр – оиланинг раҳбари. Агар аёл эрнинг итоатида бўлса, фарзандлар ҳам отага итоат қиладиган бўлади. Оқибатда оилада дўстлик, муҳаббат ҳукм суради, оила мустаҳкамланади, қут- баракали бўлади. ✍️ Шайх Муҳаммад Содиқ Муҳаммад Юсуф @BintuSodiq

Аёллар уйда ўтириши керакми? 🎙 Шайх Муҳаммад Содиқ Муҳаммад Юсуф @BintuSodiq

"Билқис" клуби Самарқандда "Энг муҳим ишларда фикри заиф ва кўнгли хаста бўлма!" Имом Мотуридий роҳимаҳуллоҳ   "Билқис" клубининг ташкил топганига бир йил тўлиши муносабати билан клуб аъзолари Самарқанд шаҳрига саёҳат уюштиришди. Самарқанд тарихий шаҳаргина эмас, асрлар давомида илмнинг бешиги, донишмандлар маскани, нур таратувчи зиё маскани бўлиб келган. Уламоларнинг мероси бу шаҳарга ўзгача ҳаловат ва шараф бағишлайди. Клуб аъзолари севиб мутолаа қилган китоблари — “Темур тузуклари” даги тасвир ва ифодаларни жонли кўриш ва билиш иштиёқида соҳибқирон Амир Темур мақбарасини зиёрат қилишди. У зотнинг ҳаёт йўллари, қолдирган мерослари ҳақида соҳа мутахассислари билан суҳбат уюштиришди. Сўнгра буюк аллома Имом Мотуридий мажмуасини, Шоҳи Зинда мажмуасини зиёрат қилдилар. У ердаги мўътабар зотлар, хусусан, буюк саҳоба Қусам ибн Аббос розияллоҳу анҳу мақбарасини ҳам зиёрат қилишди. Барча ўтган улуғ зотлар, уламолар, азиз авлиёларнинг ҳақларига тиловат ва хайрли дуолар қилинди. Самарқанднинг қадимий масжидлари, тарихий мақбаралари ва меъморчилигини томоша қиларкансиз, қалбларда чин маънодаги маънавий, руҳий янгиланиш ҳисси уйғонади. Ва яна бу ерларга сафар қилгингиз келаверади... Юртимиздан шундай буюк зотларни чиқарган Роббим юртимизни то қиёматгача азиз қилсин, яна шундай авлодларнинг силсиласини узмасин! 📃13 ноябрь 2025 йил, Самарқанд. @BintuSodiq

Жуманинг нури - Каҳф сураси ✨ Жума кунида Қуръон тиловати, айниқса, Каҳф сурани ўқиш Расулуллоҳ соллаллоҳу алайҳи васаллам томонидан тавсия қилинган. 📚 Абу Саъийд розияллоҳу анҳудан ривоят қилинади: “Набий соллаллоҳу алайҳи васаллам: «Ким Каҳф сурасини Жума кечасида қироат қилса, унга икки Жума орасича нур зиё сочади», дедилар.” 🌙 Бу нур – қалбга сокинлик, руҳга осойишталик олиб киради. У зулматда йўл кўрсатувчи илоҳий ҳидоятдир. “Каҳф” сурасини ўрганиб чиққанимиздан кейин бу сурани тез-тез ўқиб туришга тарғиб этувчи ҳадисларнинг аҳамиятини яна ҳам кўпроқ тушунамиз. 💫 Чунки бу сураи каримада ҳар бир инсон ҳаёти давомида учраши мумкин бўлган фитналар, мол-дунё ишқи, дунё ҳодисалари ва бошқа фитналар ҳақида, улардан четлашиш зарурлиги хусусида баҳс юритилган. Демак, ҳар бир инсон мазкур фитналардан омон юриши учун ушбу ҳадиси шарифларга амал қилиб, ҳар куни «Каҳф» сурасининг аввалидан ўн оят, ҳар Жума аввалидан охиригача тадаббур ила тиловат этиб туришни ўзига вазифа қилиб олса, жуда ҳам яхши бўлади. Шайх Муҳаммад Содиқ Муҳаммад Юсуф «Ҳадис ва ҳаёт» китобидан @BintuSodiq

4️⃣4️⃣-ҚАДАМ Устоз-мураббий умидсизлик, тушкунликдан йироқ бўлиши даркор. Тарбияда 101 қадам #101qadam @BintuSodiq

Нурафшон шаҳрида Тошкент вилояти отинойилар семинари бўлиб ўтди Жорий йилнинг 12 ноябрь куни Нурафшон шаҳар маданият марказида “Ижтимоий муҳитни янада соғломлаштиришда отинойилар фаолияти” мавзусида семинар ташкил этилди. Тадбирда Тошкент вилояти ва туманлардан келган отинойилар, тарғибот гуруҳлари аъзолари, давлат ташкилотлари вакиллари ҳамда ёшлар иштирок этди. Семинарда Дин ишлари бўйича қўмита раиси ўринбосари Матлубахон Қаҳҳорова, қўмита етакчи мутахассиси Иродахон Аҳмедова, Ўзбекистон мусулмонлар идораси хотин-қизлар бўлими бошлиғи Дилфуза Эгамова ва "Хадичаи Кубро" аёл-қизлар ўрта махсус ислом таълим муассасаси ўқитувчиси Одинахон Муҳаммад Содиқ маърузалар билан иштирок этдилар. Спикерлар оилавий қадриятларни мустаҳкамлаш, ёшлар тарбиясига эътиборни кучайтириш, жамият барқарорлигини таъминлаш ва диний экстремизмга қарши маърифат йўлида курашишнинг аҳамияти ҳақида сўз юритдилар. Бу каби семинарлар отинойиларнинг маънавий салоҳиятини ошириш ва жамиятда соғлом муҳитни мустаҳкамлашга хизмат қилади. ✍️ Гулшода Аллоқулова @BintuSodiq

Тошкент шаҳар отинойилари иштирокида ўқув семинари бўлиб ўтди Жорий йилнинг 11 ноябрь куни Кўкча жоме масжидида ижтимоий-маънавий муҳитни янада соғломлаштириш, отинойилар фаолиятини такомиллаштириш мақсадида Тошкент шаҳар ва туманларида фаолият юритаётган бош отинойилар ва шаҳар тарғибот гуруҳи аъзолари иштирокида ўқув семинар бўлиб ўтди. Ўқув семинарда Дин ишлари бўйича қўмита раиси ўринбосари Матлуба Қаҳҳарова, Дин ишлари бўйича қўмита етакчи мутахассиси Ирода Аҳмедова, Ўзбекистон мусулмонлар идораси Хотин-қизлар масалалари бўйича бўлим бошлиғи Дилфуза Эгамова, Тошкент шаҳар бош имом-хатибининг хотин-қизлар масалалари бўйича ёрдамчиси Зулайҳо Соатова ва muslimaat.uz раҳбари Одинахон Муҳаммад Содиқ иштирок этишди. Тадбирда аёлларнинг ва оилаларнинг ижтимоий, маърифий, ҳуқуқий, диний билимларини ошириш, шунингдек, оилавий муҳитни мустаҳкамлаш ва фаолиятларига кўмак бериш масалалари муҳокама қилинди. @BintuSodiq

Амалини ихлос билан ўраганлар бугуннинг ҳақиқий қаҳрамонларидир! @BintuSodiq

Қўлингиздан келса, дилларга қувонч беринг, лекин асло ранжита кўрманг! Кўнгиллар эгаси Аллоҳдир! ❗️Гапимизга, қаламимизга ва ижтимоий тармоқлардаги ёзувларимизга, кишиларга раддиялар беришимизга назар солайлик. Аввало, ЎЗ САҲИФАМИЗни тўлдираётганимизни унутмайлик! ✍️Адҳам Шарқовий @BintuSodiq

Тафаккур ва зикр бирга қилинади 🎙Устоз Анвар Аҳмад 📚«Руҳий тарбия» Ўзбекистон Республикаси Дин ишлари бўйича қўмитанинг 2024 йил 2 майдаги 03-07/2598-сонли тавсияси асосида чоп этилган. @BintuSodiq