Bintu Sodiq

Texnik sabablarga ko'ra, biroz kechikyapti, 2-3daqiqada efirga uzatiladi, inshaalloh.

Одинахон Устозни тарбялаган устозларни биласизми? @BintuSodiq

Устозимиз Одинахон Муҳаммад Содиқ ўз устозлари ҳақида нима деганлари қизиқми? Унда бугун соат 20:00 ни кутинг, премьера бўлади. @BintuSodiq

Илмни устоздан ўрганиш муҳимдир. Муҳим бўлгани учун ҳам давлатлар мактаб, коллеж, институт ва университетлар қуради, у жойларда дарс бериш учун устозларни жалб қилади. Агар китобни дўкондан сотиб олиб, шуни ўқиб қўя қолиш кифоя қилганида билим даргоҳлари ҳамда устозлар учун давлат бюджетидан бунча кўп сарф харажатлар қилинмаган бўларди, илм олиш учун хорижларга сафар қилишга зарурат бўлмасди... ✍️Қудратуллоҳ Сиддиқметов @BintuSodiq

"Менинг 1️⃣0️⃣0️⃣га яқин устозим бор. Улардан дарс олдим, билим ўргандим. Уларнинг ҳар бирининг ўз қараши ва ўз мазҳаби бор. Шайхим ва устозим бўлгани учун улардан бирининг сўзини маҳкам тутиб олмадим. Балки ўзим тўғри деб билганим, ҳақ ва устун деб эътиқод қилган сўзларини олдим". ✍️Шайх Абдулфаттоҳ Абу Ғудда раҳимаҳуллоҳ @BintuSodiq

ҲАЗРАТИМИЗнинг излари бор... "ЧИН МУРАББИЙ" Суҳбатлардан бирида сўраб қолишди: ❓“Шу даражага етишгунингизча қандай меҳнат қилгансиз, қандай қийинчиликларни енгиб ўтгансиз?..” Аввало, бирор-бир даражага етишдим, демайман. Нимаики яхши ҳолат бўлса, барчаси Аллоҳдан. Қай бир меҳнатим ёки фаолиятимни эслайдиган бўлсам, албатта унда ҲАЗРАТИМИЗнинг излари бор... ✍️Одинахон Муҳаммад Содиқ https://youtu.be/ufl1yicqUQ0 @BintuSodiq

🔸 Премьерани кутяпсизми? Фақат 1 соат қолди!

Доим азиз ҳурматингиз, Унутмаймиз меҳнатингиз. Жонажонлар, меҳрибонлар, азиз устозлар... "muslimaat.uz" жамоасидан устозларимизга туҳфа 🌹 @Muslimaatuz @BintuSodiq

❓Одинахон Муҳаммад Содиқ сиз учун ким? 🎙Замондош аёл-қизларимиз талқинида https://youtu.be/LZGGuyFHkz4 @BintuSodiq

Устозларни ардоқлаган элда илм ривож топгай. Илм қадрланган юртда устозлар азиз бўлгай. Устозлар куни муборак бўлсин! @BintuSodiq

Азиз устоз, байрамингиз муборак бўлсин! Аллоҳ таоло илмларингизни зиёда қилсин, умрларингизга барака берсин. @BintuSodiq

🖌Ҳазратимиз устозларни улуғлашни ўргатган эдилар... Ҳазратимизнинг кўп ишларида ҳикмат бор эди. У киши менга олим зотларга нисбатан муҳаббатли, ихлосли бўлишни, устоз тутиш ва уларни улуғлашни, улар билан маслаҳат қилиб, кўрсатмалар олишни ҳам ўргатган эдилар. Мана шу берган тарбиялари асқотиб, вафотларидан кейин олимларни излашга тушдим, улар билан учрашиш учун сафарларга чиқа бошладим. Бир қанчаларини устоз тутдим, таълимимни давом эттирдим. Ҳалигача таълим оламан, ишларимда уларнинг маслаҳатларига қулоқ тутаман, ҳаққимга дуо сўрайман. Бу эса Аллоҳ таолонинг менга берган буюк неъматларидан биридир. 🤲Аллоҳ таоло Ҳазратимизнинг охиратдаги мақомларини ҳам юксак қилсин! Ҳақларига хайрли дуолар қилинишига сабаб бўладиган ишларга муваффақ бўлишимизни насиб айласин! У кишига ўхшаш ҳақиқий мураббийлар кўпайсин! ✍️Одинахон Муҳаммад Содиқ @BintuSodiq

«Устоз тутмаган – устозсиз қолади», дейдилар. Ҳаёт ва илм йўлларимизни ёритиб, фақатгина сабоқ эмас, балки ҳаётий тажрибаси билан ҳам таълим берган устозларимиз бизнинг фахримиз ва бахтимиздир! Байрам арафасида жамоамиз билан ана шундай устозларимизни зиёрат қилиб, уларнинг самимий дуолари ва тилакларини олдик. Ҳаётий сабоқлари, тенгсиз маслаҳатлари ва меҳрибон кўмаклари учун устозларимизга чексиз миннатдорчилик билдирамиз! 🌸 Устозлар ва мураббийлар куни муборак бўлсин💐 Аллоҳ таоло барча устозларимизнинг умрларига барака ато этсин, илмларини зиёда қилсин, қалбларига қувонч бахш этсин @BintuSodiq

Азиз устозлар, сизлар юксак ҳурматга лойиқсиз. Имом Шофеъий раҳимаҳуллоҳ айтганидек: «Имом Моликнинг ҳузурида у кишини ҳурматлаб, қоғознинг шитирлашини эшитмасинлар деб, китобни ҳам нафис варақлар эдим». @BintuSodiq

🎬 Устозлар ва уларнинг машаққатли меҳнатига бағишланган фильмлар Дам олиш куни томоша қилиш мумкин кинолар: 🇺🇿 Ўзбек тилида мавжуд: 1. "Super 30" – Камбағал болаларга математика ўқитиб, уларни катта муваффақиятга етаклаган устоз ҳақида. 2. "Уч савдойи" (3 Idiots) – Таълимда янгича фикрлаш ва билимга иштиёқ билан ёндашиш зарурлигини кўрсатади. 3. "Ердаги юлдузчалар" (Taare Zameen Par) – Ҳар бир бола ўзига хос иқтидорга эгалигини, уни англаш учун устоз ва ота-онанинг меҳри муҳимлигини таъкидлайди. 4. "Мўъжиза" (Wonder) – Жисмоний камчилиги бор болага меҳр ва инсоний муносабатлар ҳаётни қандай ўзгартира олиши ҳақида ҳикоя қилинади. 5. "Иқтидорли" (Gifted) – Истеъдодли боланинг тўғри йўналтирилиши унинг тақдирига қандай таъсир қилиши ҳақида ҳикоя қилинади. 6. "Мураббий" (Coach Carter) – Ёшлар тарбиясида интизом, сабр ва масъулиятнинг аҳамиятини ёритади. 7. "Устоз" (Chalk n Duster) – Ўқитувчилик меҳнати ва илмга садоқатнинг қадрини намоён этади. 🌐 Ҳали ўзбек тилига таржима қилинмаган (инглиз/рус тилида) 8. "Ron Clark Story" – Шароити оғир ўқувчиларга меҳр ва сабр билан илм берган заҳматкаш устоз ҳақида. 9. "Stand and Deliver" – Қолоқ синф ўқувчиларини олий натижага олиб чиққан математика ўқитувчиси ҳақида. 10. "Freedom Writers" – Ижтимоий муаммолар ичида ўсган ўқувчиларни таълим бериш билан тўғри йўлга йўналтирган устоз ҳақида. 11. "La vita è bella" (Ҳаёт гўзал) – Уруш ва ундан кейинги машаққатли даврда ҳам келажакка умид ва ишонч ила улғайган боланинг муваффақияти ҳақида. 12. "Les Choristes" (Хорчилар) – Тарбиясиз ва тартибсиз болаларнинг ҳаётида мусиқанинг роли ҳақида ҳикоя қилинади. 13. "Dead Poets Society" (Ўриндош) – Айрим ёшларнинг мустақил фикрлашлари ва уларнинг ҳаётдаги улуғ мақсадлари нималардан иборат? Кинода шундай саволларга жавоб топасиз. 📌 Юқорида номлари қайд этилган бу фильмлар илм, меҳр, сабр ва тарбия орқали ҳаётимизни ўзгартириб, бахт ва саодатга эришишимиз мумкинлигини кўрсатади. 📌Барча фильмлар катталар назоратида кўрилиши керак, чунки айрим саҳналарда биз тавсия қилмайдиган кадрлар учраши мумкин. @BintuSodiq

Устоз, мураббийсиз қолганда замон, Зулматдан қора бўларди жаҳон. Абдураҳмон Жомий Байрамингиз муборак, азиз УСТОЗЛАР! @BintuSodiq

🔥ТЕЗ КУНДА! Устоз Одинахон Муҳаммад Содиқнинг падари бузрукворлари Ҳазратимиз ҳақида ҳикоя қилувчи — "ЧИН МУРАББИЙ" номли хотиралар фильмини томоша қиласиз! Премьера: 1 октябрь 20:00 да @BintuSodiq

Талабанинг одоблари @BintuSodiq

“Икки йилда ўн йиллик илм” — Шайх Муҳаммад Содиқнинг илмий жасорати Бир куни Ливиядан келган доктор Иброҳим Руфайда деган олим билан Ўзбекистон мусулмонлари идорасида учрашув бўлди. У киши журналистларга хос сирли бир услубда гапни бир воқеадан бошладилар. Маълум бўлишича, у киши ишлаётган дорулфунунга бир талаба ўқишга келади. Нияти “Тафсир” куллиётида ўқиш экан. Бироқ бу куллиётнинг талабалари икки йил олдин ўқишни бошлаб юборишган, янги гуруҳ икки йилдан кейин тузилар экан. Шунда талабани амалдаги гуруҳга қўшишса, ўтган икки йиллик ўқув дастурини етказиб олишга ваъда беради. Гап-сўзлари қатъий эканлигини сезиб, юртига қайтиб кетса, яна кела оладими-йўқми − шу томонларини ўйлаб таваккал, ўқишга қабул қилишади. Ўзлаштирса ўзлаштирар, бўлмаса, янги гуруҳдагилар билан ўқийверади-да, деган хаёлга ҳам боришади. Орадан икки йил ўтиб, ўқишлар тугайди. Шунда доктор Иброҳим Руфайда ўтган икки йиллик ўқув дастурини етказиб олишга ваъда берган йигитни эслайди. Доктор унинг битирув илмий ишини синчиковлик билан кўздан кечиради ва лол қолади. Талаба икки йил орасида нафақат олдинги икки йиллик билимни, балки ўн йиллик билимни ўзлаштирганига гувоҳ бўлади. Шундан кейин доктор бу илмий ишни: “Икки йил ичида ўн йиллик билимни эгаллаган талабанинг илмий иши”, деб ҳамманинг кўзи тушадиган ойнаванд жойга ибрат учун қўйиб қўйишади. “Бу ким эди?” деб доктор ўзига ўзи савол қилди ва жавобини ҳам ўзи берди: “Бу йигит Ливия дорулфунунининг Муҳаммад Содиқ Муҳаммад Юсуф исми шарифли толиби эди!” @BintuSodiq

Телефонни мақтаниш учун сотиб олманг Шайх Муҳаммад Содиқ Муҳаммад Юсуф раҳимаҳуллоҳ https://youtu.be/rG3PHMHykVU @BintuSodiq