ግጥም ብቻ 📘

.......... ላመልክህ አልኩና ስምክን እየጠራሁ፤በእንባ ላመሰግን ይታየኛል ደሞ ጸሎቴ በሙሉ፤ደሮሶ ጉም ሲዘግን እኔ አንተን አይደለው በመከራ መጽናት፤ከቶ አላውቅበትም ለሚገርፈኝ ሁሉ ይቅር በለው እያልኩ፤አልጸልይለትም ላመልክህ እልና ምስጋናዬን ትቸው እየኝ ስብሰለሰል ሁለት ስለት መሆን ይቃጣኛል መሰል በስምህ መጽውቶ ስምህን ተጣርቶ እራፊ ለሚያጣ አንበጣ ብትልክ መአት ብታመጣ ይህ አይደል ተአምር ይህ አይደል አምልኮት እሳት ላዘነበ ውሀ ነኝ መለኮት ታድን እነደሆነ እሲቲ አሁን አድነኝ፤ቀናት አይቀጠር ጋንን ለደገፈ፤ይከብደዋል ጠጠር ..... ...... ላመልክህ እልና .... ...... ደሞ እተወዋለው መካድ እንዳይመስል ክህደቴም ሀቅ አለው ... ..... By @Mad12titan @getem @getem @getem

ቤት እማ ጨዋ ነሽ፣ እንኳን ሌላ ሌላ እኔንም አታይም፣ ግን እድሜ ለሱሱ፣ ወተሽ ወዳጅ ካየሽ አታልፊም አትተይም። የሸመገለን ወንድ፣ በሰለቸ ዐይንሽ ዕያየሽ ወጠምሻ፣ የሱን መድሃኒት፣ አርገሽ ለቀን ያዝሽው የኔን ማስታገሻ By @tafachgitm @getem @getem @getem

................ ዛሬም እንደትናትና ናፈቅሺኝ ከንደገና ተገዝ የበዛበት የቀናው ጎዳና ውብ መልክሽን ሳለ ከመንገዱ መሀል ላመል የበቀለው ዘንባባና ጥዱ ሳቅሽን የመሰለው ፈገግታሽን ኳለ! የለማኝ የተሽከርካሪው የማቲው ጫጫታ እራቀኝ ከመንገድ መሀል ገትሮ በህላዌ አመጠቀኝ አካልሽ ከኔ ባያርፍም፤ጥላሽን ዳብሼ ጸናሁ ዳናሽ ከከተበበት፤በጽናት ልቤን መራሁ ደረስኩብሽ ስል ስትርቂኝ ቀሚሽን ያዝኩ ስል ስትነጥቂኝ ማፍቀር ሲያደናቅፈኝ ተስፈ ሆኖኝ እንቅፋት በበቀል እንዲሽርልኝ የነፍሴን ስብር እጥፈት ትናንት እንዳልነበረ መዳፍሽ እንዳልዳበሰው አላውቅም በሚል ቃል ክጄ ፍቅርሽን እንዳላረክሰው ትዝታሽ መግል ሆነብኝ ናፍቆትሽ የጊዜ ቁስል ጎዳናው ይፈካልኛል ጫጫታው መልክሽን ሲስል መከተል መሄድ መጓዝ ነው ጥላዋን ያፈቀረ ሰው መንገዱ የቀናለትን ልመና እንዳይመልሰው ቃላት አይከጅሉትም ገላ ያልበቃውን ሰው ጠልቼሽ እንደዲድንልኝ የፍቅርሽ የነፍሴ ቁስል ሸሽቼሽ እንዲሰምርልኝ ህይወቴ ህልም እንዲመስል ሀሞቴን አምርሬ ሀጥያትሽን ደርድሬ እረሳሁሽ ብዬ መንፈሴን ሳጽናና ትናፍቂኝ ጀመር ዛሬም እንደገና By @mad12titan @getem @getem @getem

............ በስሜት ተናንቀን በስጋ ተዋውቀን ገላሽን ስሞቀው ወዝሽን ስጠምቀው ጠረንሽ ሰንፍጦኝ ጥፍርሽ ላመል ልጦኝ የስሜት ጣረ ሞት ውስጥሽን አፍሞት ፍቅርን ስንሰራ ..... ........ ............ ውል ከሌለው ስፍራ ደከም ስትይ አርፈሽ ክንዴን ተደግፈሽ ፍቅርን ስታወጊኝ በአሽሙር ስትወጊኝ በህጻን ፈገግታ ያዋቂ ጨዋታ ብ........ዙ ስናወጋ .... ...... ......... እንደ ድንገት ነጋ አይኔን አጨፍግጌ ገላሽን ፈልጌ ላቅፈው ብንጠራራ ላወራሽ ብጠራ ህልም ነው የለሽም ያወጋሁሽ ሁሉ ያደረግነው ሁሉ ፍሬው አልደረሰሽም ? By @Mad12titan @getem @getem @getem

ተይው (kerim) ተይው አላገግም መዳን አልፍልግም ስለ አንቺ መታመም መዳኔ ነው እና አንቺን በማፍቀር ውስጥ እኔ ልጣ ጤና ተይው........ By @poem2513 @getem @getem @paappii

የእግዜር አፍቃሪ (የሞገሤ ልጅ) እጅሽ ድብቅ የለው፣ ያለውን ሳይሰስት መዘርጋት ይወዳል፣ እንጀራው በመሶብ፣ ጠላው በእንስራ ጥጋብን ያደምቃል። ጨለማም ይያዘው፣ አቶም ቤትሽ ይግባ የእግዜር እንግዳ፣ መቀበል አትሰንፊም፣ ቀድሞም ቤትሽ ለሠው ስለተሰናዳ። እኔን ግን ያልገባኝ፣ የእግዜር እንግዳን መቀበል ሳትፈሪ፣ የከበደሽ ነገር፣ ክብድ ያለሽ ነገር የእግዜር አፍቃሪ። By @eyadermoges1 @getem @getem @paappii

............. እንቆቅልህ ትለኛለች ምን አውቅልሽ ሳለ መልሴ ሀገር ስጠኝ ትለኛለች አይሰስትም ለሷ ነፍሴ ትውስድ ሀገር ምን አታበት ተጠይቆ በሷ አንድበት ማን ወንድ አለ የመለሰ ? ሀገር ስጠኝ ባለች ቅፅበት ሀገር ሰቷት ተመለሰ By @mad12titan @getem @getem @getem

ሌሎችም ውስጥ... (ሳሙኤል አለሙ) መች ኑር ብለሽኝ... አልኖርም አልኩ፤ መች ሙት ብለሽኝ... አልሞትም አልኩ፤ በክቡራን'ና ክቡራት አልታይሽም እየተቀደምኩ። እንደው... ታክቶሽ እንጂ ለምስጋናው ዝለሽ እንጂ ለፍለጋው፤ አታጭኝም ነበር... ሌሎችም ውስጥ እየተጠጋጋው። ሳሙኤል አለሙ @Samuelalemuu @getem @getem @getem

............. ትንሽ ትንሽ የቆጠብናትን ሳቅ ነይ አብረን እንሳቅ የእንባ ላቦት ፊቱን አጥቦት የኑሮ አለት ከሚጋፋ በለቅሶ ጉም የሚጠፋ የህመም ሲቃ የቋጠረ ያንገቱ ክር የከረረ አንቆ እስትንፋስ ለሚነጥቀው እያላላ ከሚስቀው የሰው መንጋ ሳንጠጋ ገሽሽ ላርግሽ ካለምኩበት ልመሽግሽ የፎረፍናት ከፈጣሪ የደበቅነው ከአሳዳሪ አለኝ ቦታ ድረሽ ላፍታ እዚህ ጋራ ባልልሽም የማልመው አይጠፈሽም ተገኚልኝ ከቀጠርኩሽ ንገሺልኝ ከሰየምኩሽ ካነገትነው የቀን ቀንበር ከወረስነው የቂም መንበር እሽቅድድም ከበዛበት የደበቅናት አንዲት ዕለት ለደም ቁርባን የበግ መባን ከለመደው ከሚወደው የሸሸግናት የቀለስናት አለች ቦታ ድረሽ ላፍታ የህይወት ምሰሶ ቁልቁል ተደርምሶ ጨፍልቆ እስኪገለን ላፍታ ገሸሽ ብለን ትንሽ ትንሽ የቆጠብናትን ሳቅ ነይ አብረን እንሳቅ By @mad12titan @getem @getem @paappii

ቀኝ ጉንጬን ቢመታኝ ግራ አቀረብኩለት ያንገቴን ቢነጥቀኝ የእጄን ደገምኩለት ተማምኜው ነበር መዳኔን በፍትህ ዱላው ሲጠነክር አልዞር አለኝ ፊትህ የወለዱትን ልጅ ነጥቆ እንደማስታቀፍ ያቆሰለን ስቆ በእመነት እንደማቀፍ ምን አለ የከበደ ? ያልጸነሰ ሆዷ ቢያምጥ ምን ወለደ ከደረቀ ጡቷ ምን አስጎነጨችው የያዕቆብ ዘር ብላ ልጄን ነጠቀችው በስምህ ነው አሉ በደሉ በሙሉ ነጻነቴን ነጥቆ ክቡሩን እያሻረ ምነውሳ አብርሀም ቃልኪዳኑን ሻረ ለመከነ መሀጸን ፍሬ ላላደለው ከእቅፌ ነጠቁኝ የያዕቆብ ዘር ብለው በስምህ ነው አሉ ገራፊው በሙሉ ቀኝ ጉንጬን ቢመታኝ ግራ ደገምኩለት ግራዬን ቢደግመኝ ምኔን ላቅርብለት ትግስትም ጡር አለው ለማመንም ገደብ ከገራፊዋች አፍ ወንጌልህ ሲነበብ ቃልህ አያጽናናም ፍቅርህ አያጸናም ሜቼም የናት አንጀት ለወለደው እንጂ ላመለከው አይደላም የእንባ ማድጋህን በንሰፍረው አይሞላም ህግጋት አላቅም ቅኖናና ዶግማ ትፈርድልኝ እንደው መበደሌን ስማ በስምህ ነው አሉ በዳዩ በሙሉ ስለት ያበዛብን ጭነት የጣለብን ጋን ላቆመ ጠጠር ጠብታ የመቆንጠር ያህል ለወደደኝ በክብሩ የማገደኝ ሴትነቴን ንቆ ጭኖቼን ፈልቅቆ ሲደፍረኝ የዋለ ለስምህ ነው አለ! The Handmaids Tale : Nolite te bastardes carborundorum By mad12titan @getem @getem @getem

ሆድ ለባሰው አንጀት        እንባ እንደው አይገድም ፍቅርንና ናፍቆት መለየት ያቃተው         ለማፍቀር አይሄድም ድም       ድም             ድም                   ድም   ማሰብ ማሰላሰል    አስታወስኳት መሰል ነጋሪት ቢጎሰም መለከት ቢነፋ ከ'ሷ ዘንድ አድርሶ ከ'ኔው ዘንድ ሚመልስ አንድ ዜማ ጠፋ ሁሉም ወሳጅ ሆነ አድርሶ የሚያስቀር ታድያ የናፍቆት ነው እንጂ እንዲህ ሆነ ማፍቀር? እንጃ እንጃ እንጃ ከራስ ጋር ፍጥጫ በምሰማው ዜማ እሷን ሚያስታውሰኝ         አንድ ነገር አላት      ቆይ እሷ ምንድን ናት ብናፍቅ ሳልከጅል እባላለው ወይ ጅል? ብተክዝ ብፈዝም በሃሳብ ነበልባል ናፈቃት ነው አፈቀራት ምባል? አይ.....አይ አይ ናፈኳትም አልናፈኳትም ብቻ አላፈቀርኳትም። ዮኒ       ኣታን @yonatoz @getem @getem @getem

ልኬ እንደቆጨችኝ ፡ ቴክስት ሜሴጄ እኔም ከተሸኘሁ ፡ላልመለስ ሄጄ አታቻኩለኝ እግሬ፡ አታጣድፈኝ እጄ ቀናት ከማፋሰስ ፡የማይለቀሙ ቃላት ከማፋለስ ፡ለትርጉም አዝግሙ ያኖሩትን ማንበብ ፡ የኖሩትን ማሰብ፡ እየደጋገሙ። ልፃፍ ጊዜ ስጡኝ ልረፍ ብዕር ስጡኝ ፊደላት አድምጡኝ፡ አካላቴም ስሙ... መንገዱን ላትዘልቁ፡ ልቤን አታድክሙት የደረስኩበትን፡ ልድረስና ልሙት። By red-8 @getem @getem @paappii

ስንብት ----------------- ተሰነባብተንም አይቆሮጥልኝ ፍቅርህ በኔ ላይ ካስቻለህ ያው መንገዱ ይቅናህ ። ሁሌ ማወዛገብ ሁሌ ማስፈራራት ሁልጊዜ መታመም ሁሌ መሰቃየት ለኔ ካሰብክልኝ እስኪ ልቤን ያዛት ። ጭንቀትህን ንገረኝ ህመምህን ልታመም ልሞት ነው አትበለኝ .......... ፍቀድልኝ እና እንይ ይቺን አለም። እጅህን ልያዛት ከሞትንም አብረን ነው አይተን ያለም ግዛት። እየተሰናበትክ ነፍሴን አስጨነካት የኔ ፍቅር ፍቀድልኝ እና ነፍስህን ልያዛት ። by Bline asefa @getem @getem @paappii

📌 Free entry Short movie Comedy Music ( full band ) Poem Magic Live painting & other .. 0935697143 for previous show, Check our channel 👇 https://youtube.com/channel/UC9ItbVvxXMLV7QIT-rCJyTg?si=Mj5GlhjsE1ZvBtjM @getem

📌 Free entry Short movie Comedy Music ( full band ) Poem Magic Live painting & other .. 0935697143 for previous show, Check our channel 👇 https://youtube.com/channel/UC9ItbVvxXMLV7QIT-rCJyTg?si=Mj5GlhjsE1ZvBtjM

ማጉያ ያንዳንዷ ቆንጆ ሴት: ውበት የሚጎላው: በምታስከትላት: አስጠሊታ ሴት ነው:: By yisimak worku @getem @getem @paappii

አካል ቡጢን ፈርቶ በምላሴ ሸጥኳት እህቴ ናት ብዬ እኔው ሚስቴን ዳርኳት ዮኒ      ኣታን @yonatoz @getem @getem @getem

* ስትፈጥን አትቸኩል * አበው የተረቱት ቃላቶችን መርጠው ከመናገር አልፈን ውስጥ ውስጡን ብናየው የቃላት መረጣ የአስተሳሰብ ርቀት የምሳሌ አይነታ ይንግግር ምጥቀት ”የጅብ ችኩል ቀንድ ይነክሳል” የሚለውን ስናይ ውስጡን ስንመረምር ከቃላት ዉስጥ መርጠን ትርጉም ስንበረብር የተጠቀሙት ቃል ስህተቱን መግለጫ ጥፋት ሁኖ አገኘን የ ችኩል መቋጫ እዚጋር ልብ አድርግ ላዩ ግልጽ ቢመስልህ ሃሳቡ እንደ ጀንበር ትርጉሙ ረቂቅ ነው እንደ ወርቅ ሚቆፈር የጅቡ ጥፋቱ የጅቡ ስህተቱ አይደለም ፍጥነቱ ... ፍጥነት መሄጃ ነው የጊዜ መለኪያ የማስተዋል ስራ የሰአት ማትረፊያ ፍጥነት ግዜያችን ነው ቶሎ መገስገሻ መሪያችንን ሳንለቅ በሰአት መድረሻ ችኩልነት ግን የማስተዋል እጥረት የዉሳኔ ችግር የቅንብር ድክመት በጎን የሰሩትን በሌላው ጎን ማፍረስ ሲለቅሙ የዋሉትን ከመሬት ላይ ማፍሰስ ወደ ግራ ወደ ቀኝ ከፊት ወደ ኋላ ዙርያን ሳያጤኑ እንዲያው በችኮላ መራመድ ግብ አድርጎ ወደ ፊት መገስገስ መድረሻ እያሰቡ እዛው መንከላወስ... ዛሬን እያሰበ ነገውን ዘንግቶ ነገን እያሰበ ዛሬዉን ረስቶ እንደ ችኩሉ ጅብ መያዙን አስቦ ቦታዉን የሳተ ዛሬን እያሰበ ነገን ያልገመተ ከአደኑ በላይ ሌላ ስራ ፈጥሮ በአደነው እንስሳ ቀንድ ተቸንክሮ አለያም ... መብላቱን አስቦ ረሀብ ጠንቶበት ጠኔዉን ሊያስታግስ ሆዱን ሊያጠግብበት ነገን እያሰበ ዛሬዉን ረስቶ ቦታ ስቶ ቢነክስ ማስትዋል ዘንግቶ ፍጹም ከገመተው ነገር ተዟዙሮ እራሱን አገኘው በደሙ ተነክሮ እናም አደብ ግዛ ማስተዋሉን ይስጥህ ፍጥነትን ስታስብ ችሎታው ይኑርህ የመወሰን ብቃት መሪው አይለይህ የአበውን ተረት በጥልቀት ስናየው አትፍጠን ሳይሆን ... ስትፈጥን አትቸኩል ሁኖ አገኘነው። By ዘይድ ሁሴን ቅዳሜ ፣ ጥር 24 ፣ 2017 ዓ.ም @getem @getem @getem

ፍቅር በቃኝ እኔ ልበ ስንኩል ማፍቀር የተሳነኝ የወደድኩትን ውድ ጨርሼ ማልገኝ መውደድን ለመውደድ ኃይል ያጠረኝ ካቅሜ አንጠፍጥፌ ልጠቀለል ባንድ ሰው ሥር አረፍ ልል ብጥር ብጥር ለጨዋታ ሆኗል አሉ የፍቅር ነገር  እውነት ቀርቶ በትብብር እንደውም ሰዶ ማሳደዱም ደክሞኛል ሰጥቶ መቀበሉም እንዲሁ የገባው ሰው እስኪመጣ የራሱ የፍቅር ትርጉሙ መፅሐፉ ላይ የተፃፈው እንደዚህ ነው የተባልነው  እርሱ ሰው ተገኝቶ እስከሚያሳርፈኝ ፍቅር በቃኝ By yodan @getem @getem @getem

በእናትህ እቀፈኝ ለልጅህ እጅ ዘርጋልኝ ማደፌን አይተህ ላታልፈኝ፣ ጌታ ሆይ አምላኬ ባክህ በእናትህ አግዜር እቀፈኝ። በእናትህ እቀፈኝ ... ከክንድህ አፈንግጫለሁ በተግባር ከቤትህ 'ርቄ፣ በሀጥያት ተጎሳቁዬ ቆሽሼ በአለም ወድቄ፣ አትሁን ያልከኝን ስሆን አትስራ ላልከኝ ስተጋ፣ ጎንህን እንደ ለንጊኖስ አድፌ አንተን ስወጋ፣ መቅደስህ ውብ ሰውነቴን በእርኩሰት እቆሽሻለሁ፣ በእናትህ እቀፈኝ ጌታ ካቀፍከኝ እመለሳለሁ። ለበደልኩህ በደል ላደረስኩብህ ግፍ፣ በምህረት ካልመጣሁ ከላይ መቅሰፍት አርግፍ፣ አንደበቴን ዝጋው ቅስሜንም ሰባብረው፣ ሃሳቤን አጨልም እውቀቴን ቅበረው። መዝለሌን ግታልኝ ለሀጥያት ምርኮ፣ አቅሜን አንበርክከው ለክርብርህ አምልኮ፣ የአለም ጉልበቴን በሽንፈቴ ተካ፣ አለምን ልናቃት በስምህ ልመካ፣ ሰው አርገኝ ጌታዬ ልጅህን አትርፈኝ፣ አምላኬ በድንግል በእናትህ እቀፈኝ፣ ማወቄ አልጠቀመኝም ማደጌ እያደር ጎዳኝ፣ መናገር ከንቱ ልፋት ነው ለነፍሴ አንድም አልረዳኝ፣ ባውቀውም ምን እንደማደርግ በሀጥያት እንደተመራሁ፣ መመለስ ባለመቻሌ ለነፍሴ አሁንስ ፈራሁ፣ ፍርሀቴን ተቀበልና ለቤትህ ለንስሀ አብቃኝ፣ በእናትህ ጌታዬ እቀፈኝ ከእቅፍህ መራቈ በቃኝ። በእናትህ እቀፈኝ ... Join(@gitimtm) ✍ ይቴ (@gtmwustie) @getem @getem @gitimtm