" سوادس قلبي "

٩٠% من مشاكل الطلاب اللي دتصير بالامتحانات ودتخليه يأجل او يمسح المادة سببها هو : - المصادر غير المحدودة( تشتت). - خوف الطالب. - تأثر الطالب بالمحيط. لو هاي الـ ٣ شغلات ماموجودة عندك كطالب كان هسه باقيلك امتحانين بس وتخلص السادس .. هالكلام اتمنى تاخذوه بنظر الاعتبار خصوصا دفعة ٢٦.

#حقيقة ... • الطالب لو يعرف يلم المادة قبل الامتحان كان مايعاني من الامتحان! للأسف الطالب صار مشتت الف مصدر الف قناة الف شخص يسمع كلامو الف والف والف .. الطالب ليالي الامتحان ميعرف شيراجع ! ميعرف شيسوي ! من يبدي ؟ بمنو يبدي ؟ بسبب المشتتات .. اليوم الأساتذة ديحاولون يسهلون المادة على الطالب لكن للأسف انا شخصيا اشوف هذا الموضوع صار تأثيرو سلبي على الطالب ! اتمنى ما ينزعج من كلامي لا طالب ولا مدرس واولهم انا ! المدرس صار يشرح مادة ثم يسوي مراجعة ثم يسوي مراجعة للمراجعة..الخ ف الطالب صار بدال مايشوف شرح المدرس ايام الصيف والدوام وبعدها هو يكعد عاد يراجع المادة بالامتحان وحدو وهاي هي ! صار يشوف شرح الأستاذ ثم مراجعة الأستاذ ثم مراجعة مراجعة الأستاذ ثم هستوا يراجع! منين الوقت ؟ فهموني طلاب السادس منين دتجيبون هذا الوقت ؟ فصار الوقت ياكل الطالب والمشتتات كثرت بدال المحاضرة الوحدة اللي يشوفها وهاي هي هو يراجع صار يشوف ٣ او ٤ وبعدين يراجع ! كل مرة المعلومة شكل مرة كاملة مفصلة يشوفها مرة ع النص مرة ع نص النص لحد ما تطير ! والله لو الطالب يشوف محاضرات المادة الاصلية وهاي هي هو بعدها يراجع على مصدرو ويجي ليلة الامتحان استاذو يكولو ابني راجع مصدرك وبس اللي كل السنة تقرا بي ومسجل بي ملاحظاتك وتاشيراتك جان كلكم خلصتوا المادة وراجعتوها قبل الامتحان. بس المشتتات اذتكم الدليل قبل الطالب عندو يوم ونص قبل كل مادة بس وها المادة اكبر من مادتكم هاي كان يخلص المادة ويمتحن وعادي ! لا يتشتت بالمصادر ولا بطيخ يجي ليالي الامتحان يقرا على المصدر اللي كل السنة يقرا بي وهاي هي لا يمين ولا يسار !

دفعة ٢٦ نايمين 😂😂😂

📣 لدفعة 26 .. ⌛ أنك تدخل خصوصي هذا مايعني انك ضمنت امورك ! #ســـالـــم_ال_مــنـــصـــور

اخيرا رجعت للعراق❤️❤️❤️

والله العظيم يا استاذ واني بالامتحان اتذكر كلامك ونصائحك 😂 ، بحيث من كتبت اسمي اجه بالي صوتك بالفيديو الي نزلته عن الترتيب كتبت اسمي وضميت القلم بسرعة ، هواي امور نصحتنا بيها تذكرتها .

خلاصة السادس كلو .. • سهل إذا تدرس وتتابع اول ب اول .. • لا تسوف وتكول يلا بعدين ... • لا تدخل بكروبات وقنوات ... • حافظ على صحتك واكلك ... • ابتعد عن السلبيين ... • اختار المصدر الصح ... • اثبت على مصدرك .... وهاي هي ! ومالك علاقة باللي يكول صعب او ميخلص او ...الخ اذا طبقت هذولي راح تشوفو كلش طبيعي وعادي واللي مطبق هالحجي يعرف قصدي. بالتوفيق سوادس قلبي

#سؤال_وجواب | ⌛ استاذ شلون اضبط المقارنات؟ و هل لازم اكتبها نصاً مثل ما مكتوبه في الملزمه ؟ مكتوبة مو مكتوبه ملزمة مو ملزمه 👇👇

#سؤال_وجواب | ⌛ استاذ اني دفعه 26 واحس روحي ضايعه حته محاضرات الالكتروني تراكمن عليه هلشي طبيعي؟ 👇👇

#سؤال_وجواب | ⌛استاذ اني عندي ثقة بكلامك وكلش اثق بي بخصوص السادس وطريقة الدراسة مثل ما اثق بكلام والدتي واني هسه سادس دامتحن وهواي دورت على ملزمة الوزاريات مالتك بالمكاتب من زمان وكالو خلصت وبعد ميطبعون الله عليك استاذ أن شاء الله يتحقق كل الي تتمناه ارجع نزل ملزمة الوزاريات مالتك بالمكاتب. - ان شاء الله قريبا راح تنزل طبعة بالسوك❤️

#سؤال_وجواب | ⌛ السلام عليكم استاذ سويلنه امتحانات بل قناه. بعد كل 5----6 محاضرات. اذا ممكن .. - قناة مو قناه هذا رابط بوت بي كلشي حرفيا : @Salimbio98_bot

#سؤال_وجواب | ⌛ انت حاليا بتركيا ليش. مدتشوفنه الأجواء وياك 😃 اللي يحب يشوف يتابع الانستكرام : https://www.instagram.com/salim_almansour98?igsh=Y2huaXVidHF4c2F5 بالتوفيق

#سؤال_وجواب | ⌛اذا طالب ناجح من الرابع للخامس تنصحه يقرأ للسادس بالعطله؟؟ عطلة مو عطله + لا✔️