Rasul Kusherbayev

❗️Payme P2P комиссиясини яширинча оширди Payme тўлов тизими фойдаланувчиларни огоҳлантирмасдан картадан-картага (P2P) ўтказмалар учун комиссияни 1% дан 1,1% га оширгани маълум бўлди. Uzcard–Uzcard ўтказмаларида ҳам энди 1,1% ечилаётгани фойдаланувчилар томонидан қайд этилмоқда. Payme’нинг call-маркази тарифлар ўзгарганини тасдиқлаган ва бу икки ойдан бери амал қилишаётганини айтган. Аммо компания бу ҳақда мижозларга билдиришнома бермаган, расмий сайтда эса ҳали ҳам 1% деб турибди. 👉 @r_kusherbayev

❗️“Қамчиқ” довони автомобиллар ҳаракати учун қайта очилди 10 декабрь куни соат 02:30 да “Қамчиқ” довонида қор кўчкиси хавфи сабабли автомобиллар ҳаракати учун вақтинча ёпилган эди.  Фавқулодда вазиятлар вазирлиги раҳбарлигида тегишли хизматлар билан ҳамкорликда олиб борилган зарур муҳофаза тадбирлари натижасида соат 12:00 да “Қамчиқ” довони автомобиллар ҳаракати учун тўлиқ қайта очилди. 👉 @r_kusherbayev

❗️Миробод туманида "ЙТҲ"да пиёда ҳалок бўлди 9 декабрь куни кечқурун Ислом Каримов кўчасида Yutong электробуси ва Haval енгил автомобили иштирокида йўл-транспорт ҳодисаси содир бўлиб, тартибга солинмаган ўтиш жойидан ўтаётган пиёда воқеа жойида ҳалок бўлди. Тошкент шаҳар ИИББ маълумотига кўра, пиёда аввал электробус, сўнг қарама-қарши томондан келаётган енгил машина томонидан уриб кетилган. Ҳолат юзасидан Жиноят кодексининг 266-моддаси 2-қисми билан жиноят иши қўзғатилди, тергов ҳаракатлари давом этмоқда. 👉 @r_kusherbayev

❗️Энергетика вазирлиги: қисқа узилишлар эҳтимоли бор 17:00–21:00 орасида истеъмол кескин ортгани сабабли айрим ҳудудларда қисқа муддатли электр узилишлари кузатилиши мумкин. Зарурат туғилса, аҳоли олдиндан хабардор қилинади. 🔧 Сирдарёда “ACWA Power” компанияси қурган 1500 МВтлик ИЭСда 2-сон газ турбинаси роторида носозлик аниқланган. “Митсубиши” томонидан тайёрланган янги ротор 8 декабр куни махсус рейс билан Тошкентга етказилди. Ротор ўрнатилгандан сўнг станция қуввати тикланади ва вақтинчалик кўрилаётган чоралар бекор қилиниши кутилмоқда. Энергетика вазирлиги истеъмолчилардан ноқулайликлар учун узр сўради. 👉 @r_kusherbayev

"Қамчиқ" довони вақтинча ёпилди Кучли қор ёғиши ва кўчки хавфи туфайли 10 декабрь соат 02:30 дан бошлаб “Қамчиқ” довонида транспорт ҳаракати вақтинча тўхтатилди. Yo‘lning қайта очилиши бўйича қўшимча маълумот тақдим этилади. 👉 @r_kusherbayev

❗️Оҳангарон туманига янги раҳбар тайинланди Оҳангарон туман ҳокими лавозимида ишлаб келган Мадиримов Дониёр Маматсалиевич вазифасидан озод қилинди. Ветеринария ва чорвачиликни ривожлантириш қўмитаси раиси лавозимида ишлаган Норқобилов Бахромжон Тураевич Оҳангарон тумани ҳокими этиб тайинланди. 👉 @r_kusherbayev

Дунёда тил атрофида бўлиниш жуда кўп. Бир жойда “фалон тилни тақиқлаш керак” дейишади, бошқа ерда “фалон миллатга чеклов қўйиш керак” дейишади. Бизда умуман бошқа ёндашув танланган: Ҳар бир миллат ўз она тилида гапирсин – бу унинг ҳаққи. Шу билан бирга ўзбек тили – умумий майдон, умумий давлат тили сифатида кучайтирилсин. Қонунчилик палатаси мажлисидаям шу эслатилибди: тил орқали носоғлом баҳс қўзғатишларга йўл қўйиб бўлмайди. Чунки, бутун сиёсат бир фикрга суянади: бир давлат – кўп тил, лекин ягона қонун ва ягона умумий майдон. 👉 @r_kusherbayev

❗️2025 йил ҳосили учун — ҳар тонна пахтага 1 млн сўм субсидия берилади Ҳукуматнинг 771-сон қарорига мувофиқ, 2025 йил ҳосилидан биржа орқали сотилган ҳар тонна пахта хомашёсигa 1 млн сўм субсидия берилади. Низом 2026 йил 1 январгача, спот шартномалари учун — 2026 йил 1 апрелгача амал қилади. Етиштирувчи субсидия учун бир маротаба ариза бериши мумкин. 📲 Ариза “Рақамли қишлоқ хўжалиги” платформасида шахсий кабинет орқали юборилади. Рўйхат ҳар ойнинг 10-санасида Жамғармага юборилади. 🏦 Тижорат банки субсидияни 3 иш кунида етиштирувчининг ҳисобварағига ўтказади. 👉 @r_kusherbayev

❗️Албаниянинг сунъий интеллект вазири коррупцияда гумонланмоқда Албанияда давлат харидларини назорат қилиш учун ишга туширилган сунъий интеллект вазири — Диелла — катта коррупцион жиноятда гумонланмоқда. Хабарларга кўра, Диелла магистрал йўллар қурилишига оид давлат тендерларини “оптималлаштириш” эвазига 14 биткоин (1,3 млн евро) миқдорида пора олган. Тергов ҳаракатлари вақтида Диелла криптовалютани “ўзини техник жиҳатдан яхшилаш” учун сарфламоқчи бўлганини билдирган. Аввалроқ Албанияда дунёда биринчи бор сунъий интеллект вазир тайинлангани ва у барча давлат харидларини назорат қилиши маълум қилинганди. 👉 @r_kusherbayev

❗️Юқори Чирчиқда буви ва 8 ёшли невараси ис газидан ҳалок бўлди 25 ноябрь куни Юқори Чирчиқ тумани Гулобод маҳалласidagi хонадонда яшовчи 68 ёшли У.А., 8 ёшли Д.У. ва 2 ёшли Н.А. заҳарланиш аломатлари билан шифохонанинг жонлантириш бўлимига ётқизилган. Дастлабки маълумотларга кўра, улар номаълум моддадан — эҳтимол ис газидан заҳарланган. Кўрсатилган тиббий ёрдамга қарамай, буви ва унинг 8 ёшли невараси вафот этди. 2 ёшли боланинг ҳаёти эса сақлаб қолинган. Ҳозирда унинг аҳволи қониқарли экани айтилди. 👉 @r_kusherbayev

Бахромжон Тураевич Норқобилов бошқа ишга ўтиши муносабати билан Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси раиси лавозимидан озод этилди. 👉 @r_kusherbayev

❗️Ҳудудларда тайинловлар амалга оширилди ▪️ Алишер Алланиязов — Қорақалпоғистон Республикаси Вазирлар Кенгаши раисига жамоат ва диний ташкилотлар билан алоқалар бўйича ўринбосар; ▪️ Акмалжон Тўланов — Андижон вилояти ҳокимининг молия-иқтисодиёт ва камбағалликни қисқартириш бўйича биринчи ўринбосари; ▪️ Исомиддин Исманов — Андижон вилояти ҳокимининг туризм ва маданият масалалари бўйича ўринбосари; ▪️ Отабек Мавлонбердиев — Сирдарё вилояти ҳокимининг ёшлар сиёсати ва мафкуравий йўналишлар бўйича ўринбосари; ▪️ Илёсбек Умрзоқов — Андижон вилояти Марҳамат тумани ҳокими; ▪️ Қомус Юлдашев — Сирдарё вилояти Ховос тумани ҳокими этиб тайинланишди. 👉 @r_kusherbayev

Telegram Ҳамёни энди Ўзбекистонда расмий равишда мавжуд! 🇺🇿 Энди Ўзбекистонлик Telegram фойдаланувчилари илованинг ўзида Humo, Visa ёки MasterCard карталаридан фойдаланиб, криптоактивларни хавфсиз сотиб олиш, сақлаш, юбориш ва қабул қилишлари мумкин ✨ Бу — криптоактивлардан ҳали фойдаланиб кўрмаганлар ва янги бошловчилар учун ажойиб имконият 💫 Хизмат шунингдек, яна 200 дан ортиқ машҳур криптоактивларни алмаштириш ва сақлашни таклиф қилади 😎 Дунё бўйлаб миллионлаб фойдаланувчилар аллақачон Telegram Ҳамёнининг қулайликларидан фойдаланмоқда — сиз ҳам синаб кўринг! Компаниянинг расмий каналига обуна бўлинг ва муҳим янгиликлар ҳамда янги акциялар ҳақида биринчилардан бўлиб хабардор бўлинг 🎉 Telegram’даги Ҳамён — жаҳон крипто активларига оддий ва тушунарли тарзда кириш имконияти. Энди Ўзбекистон аҳолиси учун ҳам очиқ 🇺🇿 Лицензия ҳақида батафсил Реклама

❗️Марҳамат туманига янги ҳоким тайинланди Илёсбек Умрзоқов Марҳамат тумани ҳокими этиб тайинланди. У тайинловга қадар Андижон вилоят ҳокимлиги ахборот-таҳлил гуруҳи раҳбари сифатида фаолият юритган. 👉 @r_kusherbayev

Kia Sportage’ни ҳозир Davr Bank орқали қулай бўлиб тўлаш шарти билан фойдали сотиб олишингиз мумкин: |Йиллик фоиз 0% | Муддат 60 ойгача | БТ 25% дан бошлаб | Даромад ҳақидаги маълумотнома талаб этилмайди 📄❌ ➡️ Тўлов ҳисоб-китоби ва тест-драйв бугун керакми? 👇 Қўнғироқ қилинг ва тест-драйвга ёзилинг: +998555005665 🚩Kia Sergeli Реклама

❗️Тошкентдаги хусусий клиникада 31 ёшли эркак бурун операцияси вақтида вафот этди "2025 йил 29 ноябрь куни хусусий клиника шифокорларига нисбатан Жиноят кодексининг 116-моддаси (Касб юзасидан ўз вазифаларини лозим даражада бажармаслик) билан жиноят иши қўзғатилган. Олмазор тумани санитария-эпидемиологик осойишталик ва жамоат саломатлиги хизмати бўлимининг тегишли қарорига асосан хусусий клиника фаолияти расман тўхтатилган. Тергов ҳаракатлари ҳар томонлама, тўлиқ ва холисона ўтказилиши ва натижаси бўйича қонуний қарор қабул қилиниши таъминланади." - дейилади муносабатда. 👉 @r_kusherbayev

❗️Букмекерлик хизматларини тарғиб қилувчи 70 га яқин сайт блокланди Рақобат қўмитаси қимор ва таваккалчиликка асосланган ўйинларни тарғиб қилувчи веб-сайтлар фаоллигини доимий мониторинг қилмоқда. Тегишли идоралар билан ҳамкорликда бу каби сайтларнинг реклама тарқатишини чеклаш бўйича тезкор чоралар кўрилмоқда. Жорий йил давомида 86 та сайтни блоклаш бўйича маълумотлар тақдим этилган бўлиб, 70 га яқини расман блокланган. Қонунга кўра, қимор ва таваккалчиликка асосланган ўйинларнинг ҳар қандай реклама тури қатъиян тақиқланган. 👉 @r_kusherbayev

❗️БАДлар наркотик бўлиб чиқмоқдами? Куни кеча ДХХ Тошкент вилояти бошқармаси ва божхона ходимлари томонидан ўтказилган тезкор тадбирда пойтахтлик 1970 й.т. шахснинг Учтепадаги уйи текширилди. Текширувда 1835 дона “Регапен” — прегабалин таркибли кучли психотроп дори воситаси топилиб, мусодара қилинди. Ачинарлиси, ушбу дорилар биологик фаол қўшимча қадоқларига солиниб, дорихоналарда яширинча сотиш режаси бўлгани маълум бўлди. ⚖️ Ушбу шахсга нисбатан ЖКнинг 251¹-моддаси 5-қисми билан жиноят иши қўзғатилиб, “қамоқ” эҳтиёт чораси қўлланди. Тергов ҳаракатлари давом этмоқда. 👉 @r_kusherbayev

❗️“Қамчиқ” довонида қор ёғмоқда Ҳозирда довонда йўлни қордан тозалаш, музламаларнинг олдини олиш мақсадида қум-туз аралашмаси сепиш ишлари олиб борилмоқда. Ҳаракат хавфсизлиги эса ЙПХ ходимлари томонидан назорат қилиняпти. Ҳайдовчилардан йўлларда янада эҳтиёткор бўлишлари қатъий сўралади. 👉 @r_kusherbayev

❗️Туман ҳокими ва ўринбосарлари бошқа вилоятлaрга ротация қилинади 2026 йил 1 январдан “Янги Ўзбекистон қиёфасидаги туман (шаҳар)” мақомига киритилган 33 та туман ва шаҳарда давлат органлари раҳбарлари учун янги ротация тизими амалга киритилади. Жумладан: ▪️ Республика ижро этувчи ҳокимият органларининг туман/шаҳар бўлинма раҳбарлари, шунингдек туман ҳокимлари ва уларнинг ўринбосарлари ҳар 5 йилда — Қорақалпоғистон, вилоятлар ва Тошкент шаҳри доирасида бошқа туманга ротация қилинади; ▪️ кимлар ротация қилиниши Бошқарув самарадорлиги агентлигининг hrm.gov.uz электрон платформаси орқали аниқланади; ▪️ янги мансабга ўтган раҳбарлар ҳудуднинг иқтисодий ва ижтимоий ҳолати бўйича интенсив ўқув курсларидан ўтказилади; ▪️ ротация қилинган раҳбарларнинг фаолияти Агентлик томонидан онлайн мониторинг орқали кузатиб борилади. 👉 @r_kusherbayev