Pressuzb

Президентнинг Олий Мажлис ва Ўзбекистон халқига Мурожаатномаси бошланишидан олдинги фоторепортаж. Расмларда: Рустам Азимов, Шуҳрат Ғаниев, Қаҳрамон Қуронбоев, Шавкат Абдураззоқов ва Шерзод Шерматов. @pressuzb

❗️Президент Шавкат Мирзиёев коррупцияга қарши курашда кескин ва қатъий позицияни эълон қилди 2026 йил коррупцияга қарши курашда “фавқулодда ҳолат” йили сифатида белгиланади.

“Такрор ва такрор айтаман: коррупция — давлат тараққиётига тўсиқ бўладиган, адолат ва қонун устуворлигини издан чиқарадиган энг жиддий таҳдид. Коррупцияга йўл қўйиш — ислоҳотларга хиёнатдир”, деди давлат раҳбари.

Барча давлат идораларида комплаенс ва коррупцияга қарши ички назорат учун масъул ўринбосар лавозими жорий этилади. Ҳисоб палатаси вакиллари фаолияти йўлга қўйилиб, бюджет маблағлари талон-торож қилиниши ва мансаб суиистеъмолчилигига қарши таъсирчан назорат ўрнатилади. Энг муҳими, қонун олдида ҳамма тенг. “Лавозимим бор, менга ҳеч ким тегмайди”, деганлар қаттиқ адашади. Ҳеч бир идора, ҳеч бир ташкилот, ҳеч бир мансабдор назоратдан четда қолмайди. Комплаенс хизматининг ишига тўсқинлик қилиш — коррупцияга шериклик сифатида баҳоланади. Бу борада жавобгарлик ҳам қатъий бўлади. Президент Администрацияси Комплаенс хизмати 1 январдан барча давлат идораларида тизимни ишга тушириб, ҳар бир ҳолат юзасидан Президентга бевосита ахборот киритиб боради. @pressuzb

❗️“Жиноий тўдалар фаолиятига чек қўйишга куч-қудратимиз етади ва буни албатта қиламиз!” — Президент Шавкат Мирзиёев Президент Шавкат Мирзиёев Олий Мажлис ва Ўзбекистон халқига Мурожаатномасида жиноий тўдалар фаолиятига нисбатан қатъий ва очиқ муносабат билдирди. Давлат раҳбарининг таъкидлашича, сўнгги пайтларда ўзини қонундан устун қўяётган, тадбиркорларга босим ўтказиб, уларнинг бизнесини эгаллаб олишга уринаётган, иқтисодиётга жиддий зарар етказаётган, мураккаб молиявий жиноятлар содир этаётган ҳамда ўзини “қози” деб ҳисоблаб, одамлар ўртасидаги олди-берди масалаларига ноқонуний аралашаётган айрим жиноий тўдалар кузатилмоқда. Ачинарлиси, “осон пул топиш” илинжида билагида кучи бор айрим спортчилар ҳам бундай жиноий гуруҳлар домига тушиб қолаётгани қайд этилди. Энг ташвишли жиҳати эса, Ўзбекистон фуқароларидан иборат айрим жиноий гуруҳларнинг чет давлатларда ҳам фаолият юритаётгани мамлакатимизнинг халқаро имижига салбий таъсир кўрсатаётганидир. Президент қатъий таъкидлади:

“Ҳамма эшитиб олсин: бундай жиноий тўдалар фаолиятига чек қўйишга куч-қудратимиз етади ва буни албатта қиламиз!”

Шунингдек, давлат раҳбари Ўзбекистонда фуқаролар, тадбиркорлар ва инвесторларни ҳар қандай шароитда ҳимоя қиладиган мустаҳкам давлат тизими, Конституция ва қонунлар мавжуд эканини алоҳида урғулади. @pressuzb

Президент топшириғи: нарко-жиноятларга қарши курашиш умуммиллий ҳаракатга айлантирилади Президент Шавкат Мирзиёев Олий Мажлис ва Ўзбекистон халқига мурожаатномасида гиёҳвандлик ва нарко-жиноятларга қарши курашиш масаласида қатъий чоралар кўриш, бунинг учун барча куч ва имкониятлар сафарбар қилинишини маълум қилди.

“Бу йил 14 мингдан зиёд гиёҳвандлик жинояти қайд қилинган. Уларнинг 3 мингга яқинини ёшлар содир этгани – барчамизни жиддий ўйлантириши керак. Наркотик савдолари трансчегаравий ва виртуал характерга эга бўлиб бормоқда. Булар эса жиноятларни аниқлашнинг янги усулларини қўллашни, замонавий билим ва кўникмаларни пухта эгаллашни талаб қилади”, - деди давлат раҳбари.

Эндиликда нарко-жиноятларга қарши курашиш умуммиллий ҳаракатга айлантирилиб, жамиятда бу оғуга муросасиз муҳит яратилиши қатъий таъкидланди.

Президент Шавкат Мирзиёев: “Гиёҳвандликни таг-томири билан буткул йўқотиш, ёшларимизда кучли маънавий-руҳий иммунитетни шакллантириш бўйича барча куч ва имкониятларимизни сафарбар қиламиз! Гиёҳвандлик ва нарко-жиноятларга қарши курашиш бўйича республика ишчи гуруҳи давлат идораларининг барча салоҳиятини ишга солиб, келгуси йилда наркотиклар манбасига чек қўйиш, уларни истеъмол қилувчиларни эрта даволаш, тарбиялаб, жамиятга қайтариш бўйича яхлит тизим яратсин. БУ – ПРЕЗИДЕНТНИНГ ТОПШИРИҒИ! БУ – ОТА-ОНАЛАРНИНГ ХОҲИШ-ИСТАГИ! БУ – ЖАМИЯТНИНГ ТАЛАБИ!”

Нарко-жиноятларга қарши курашиш — давлат сиёсати билан бирга, жамиятнинг умумий масъулиятидир. Бу йўлда ҳар бир фуқаронинг бефарқ бўлмаслиги ҳал қилувчи аҳамиятга эга. Давлат раҳбари белгилаб берган қатъий позиция бу иллатга нисбатан муросасиз жамият барпо этишга қаратилган умуммиллий чақириқдир. @pressuzb

Электрон ҳукумат 2026 йилда янги босқичга олиб чиқилади Президент Шавкат Мирзиёев 2026 йилдан Электрон ҳукумат платформаси тубдан янгиланишини маълум қилди. Энди, барча давлат идораларининг 1 мингдан зиёд давлат хизматлари, 5 мингдан зиёд функция ва вазифалари, 240 та маълумот базалари ва ахборот тизими, 100 мингдан зиёд давлат хизматчисининг маҳалла, туман, вилоят, республика даражасидаги ваколатлари Ягона рақамли платформага интеграция қилинади. Платформага келиб тушган мурожаатлар, уларни ижрочиларга тақсимлаш ва кўриб чиқиш муддатини назорат қилиш сунъий интеллект орқали бўлади. Содда айтганда, маҳалладан тортиб, республика даражасида ҳал бўладиган ҳар бир масаланинг ижрочиси, муддати, ресурси бир жойда кўриниб туради. Энг муҳими, давлат хизматларини кўрсатишда инсон омилисиз, коррупция ва ортиқча бюрократиядан холи эко-тизим яратилади. Давлат хизматларини проактив ва жамланма шаклда кўрсатиш тизими ривожлантирилади.

“Оддий сўзлар билан тушунтирсам, янги уй қурган фуқаро кадастр ҳужжатини олиш учун мурожаат қилса, янги платформа сув, электр ва газга уланиш масаласини ҳам шу заҳоти ҳал қилиб беради. Бундай хизматлар 2026 йилда 100 тага етказилади”, - деди давлат раҳбари.

@pressuzb

❗️Президент Шавкат Мирзиёев мурожаатномада экологик муаммоларга алоҳида тўхталиб ўтди Катта миқдорда зарарли моддалар чиқарадиган автомашиналарнинг пойтахт ва вилоят марказлари ҳамда шаҳарларга кириши чекланади. Бундай транспорт воситаларини янгисига алмаштириш ёки уларга фильтр ўрнатиш учун давлат томонидан қўллаб-қувватлаш чоралари кўрилади. Эски машинасини алмаштираман деганларга, автокредит фоизининг бир қисми қоплаб берилади. Фильтр ўрнатиб, зарарни камайтиришга тайёр бўлган ҳайдовчилар учун харажатларининг бир қисми бўйича субсидия ажратилади. @pressuzb

Фуқаро авиацияси университети ташкил этилади Президент Шавкат Мирзиёев Олий Мажлис ва Ўзбекистон халқига Мурожаатномасидада янги самолётлар учун учувчилар, уларга техник хизмат кўрсатувчилар, аэропортлар учун сервис ва бошқарув соҳасида малакали мутахассисларни тайёрлаш мақсадида Фуқаро авиацияси университети ташкил этилишини маълум қилди. @pressuzb

⚡️Ўзбекистон илк бор ўзининг сунъий йўлдоши ва фазогирини космосга учиришга тайёргарлик кўрмоқда Президент Шавкат Мирзиёев Олий Мажлис ва Ўзбекистон халқига Мурожаатномасида яна бир муҳим янгиликни эълон қилди.

“Мустақил Ўзбекистон тарихида илк бор космик соҳада сунъий йўлдош ва биринчи ўзбек фазогирини учириш бўйича ишларни бошладик. Бу – Янги Ўзбекистоннинг илмий, технологик ривожланиши, умуман миллий тараққиётимизни янги босқичга олиб чиқишга катта туртки беради, деб ишонч билан айта оламан”, - деди давлат раҳбари.

Шунингдек, 2028 йил Самарқандда “Халқаро астронавтика конгресси”ни ўтказиш бўйича пухта тайёргарлик кўрилаётгани таъкидланди. @pressuzb

Финтех ва стартаплар учун янги имкониятлар эшиги очилади Марказий банкда Финтех офиси ва Инновацион хаб ташкил этилиб, унга Сингапурдан мутахассислар жалб қилинади. Бу – йилига 15-20 та финтех стартапни ташқи бозорга олиб чиқиш, уларга жами 1 миллиард доллар инвестиция жалб қилиш имконияти яратилади. Президент Шавкат Мирзиёевнинг таъкидлашича, венчур фондлар, стартаплар, финтех каби янги молиявий инструментлар бозори ривожлантирилади ва бу соҳадаги барча иштирокчилар ҳуқуқлари қонун билан кафолатлаб қўйилади. Бунинг учун Парламент Ҳукумат билан 1 мартгача “Муқобил инвестиция жамғармалари тўғрисида”ги қонунни ишлаб чиқиши маълум қилинди. @pressuzb

Ўзбекистонда “Тўртинчи саноат инқилоби маркази” ташкил этилади Президент Шавкат Мирзиёев Жаҳон иқтисодий форуми билан ҳамкорликда Ўзбекистонда “Тўртинчи саноат инқилоби маркази” ташкил этилишини эълон қилди. Марказ негизида робототехника, интернет буюмлари, “ақлли фабрика” каби “Индустрия 4.0” ечимларини саноат корхоналарида жорий этиш учун “тартибга солиш қумдони” яратилади. @pressuzb

Президент Шавкат Мирзиёев 2026 йилни юртимизда “Маҳаллани ривожлантириш ва жамиятни юксалтириш йили” деб эълон қилди. @pressuzb

“Матонатли ва ғурури баланд миллатмиз!” — Шавкат Мирзиёев Президент Шавкат Мирзиёевнинг Олий Мажлис ва Ўзбекистон халқига Мурожаатномасидан: “Биз – бугун 38 миллиондан зиёд катта халқмиз. Машаққатли ва шарафли меҳнатимиз билан дунёда ҳурмат топаётган, эртанги кунга ишонч билан дадил бораётган, матонатли ва ғурури баланд миллатмиз! Биз ўзгаришларни кутиб яшамаймиз, аксинча, уларни ўзимиз, ўз ақл-заковатимиз ва масъулиятли меҳнатимиз билан яратамиз!” @pressuzb

❗️Президент Шавкат Мирзиёевнинг Олий Мажлис ва Ўзбекистон халқига мурожаатномаси бошланди. Жонли эфир: https://www.youtube.com/watch?v=St1E3kxNz-w @pressuzb

Йилнинг энг муҳим сиёсий воқеаси — Президент Шавкат Мирзиёевнинг Олий Мажлис ва Ўзбекистон халқига мурожаатномаси соат 11:00 да бошланади! Давлат раҳбарининг мурожаатномаси қуйидаги телеканаллар орқали жонли эфирда намойиш этилади: “O‘zbekiston 24”, “O‘zbekiston” (сурдотаржима билан), “Mahalla”, “Madaniyat va ma’rifat”, “O‘zbekiston tarixi”, “Mening yurtim”, “Sevimli”, “Milliy”, “Zo‘r TV”, “Renessans TV”; “Toshkent” ва “Dunyo bo‘ylab” (русча таржимаси билан); “Yoshlar” ва “Uzreport TV” (инглизча таржимаси билан). Шунингдек, онлайн трансляцияни Президент матбуот хизматининг расмий саҳифаларида ҳам томоша қилиш мумкин: веб-сайт, Facebook, Instagram, YouTube. @pressuzb

🎉UZTELECOM янги абонентлар учун “Bayramona 2026” янги йил акциясини ишга туширмоқда! 🎁 Симли интернетнинг янги абонентлари учун бонус! ҲАММАСИ БИРГА 3/3+/4/5 тарифларига уланганингизда, сиз “Байрамона Салом” тарифли СИМ-карта расмийлаштириш имкониятига эга бўласиз — ва ушбу рақамга биринчи абонент тўлови БЕПУЛ, ҳамда бир йил давомида ҳар ой 100 ГБ бонус интернет ажратилади. Шу тариқа сиз уйда барқарор интернетга ҳам, фойдали мобил алоқа ва интернет пакетга ҳам эга бўласиз — бутун йил учун қулай ечим! 💫 Бу ҳали ҳаммаси эмас: SALOM MOBILE ва MOBILE IDEAL тариф режаларига уланишда сизга бир йил давомида ҳар ой 100 ГБ бонус интернет трафик ажратилади! ⏳ Таклиф 2026 йил 31 январгача амал қилади. ✨ Агар сиз СИМ-карта ёки уй интернетини улашни режалаштирган бўлсангиз, айнан ҳозир — энг мақбул вақт. Сизни бутун йил давомида қувонтирадиган катта бонусни қўлга киритиш имкониятини қўлдан бой берманг. 👍 UZTELECOM — доимо сизга яқин бўлган оператор!

Гиёҳванд моддалар сотиб 2,4 млн АҚШ доллари ишлаб топган Telegram бот асосчилари қўлга олинди. @pressuzb

Президент Шавкат Мирзиёевнинг Олий Мажлис ва Ўзбекистон халқига Мурожаатномаси 26 декабрь, жума куни бўлиб ўтади. @pressuzb

❗️Президент фармони билан қуйидаги қўшимча дам олиш кунлари белгиланди: (а) 2025 йилда барча ходимлар учун (иш ҳафтасининг туридан қатъи назар) 31 декабрь – чоршанба; (б) 2026 йилда: (i) барча ходимлар учун (иш ҳафтасининг туридан қатъи назар):  2 январь – жума, 28 май – пайшанба, 29 май – жума, 31 август – душанба; (ii) олти кунлик иш ҳафтасида ишлайдиган ходимлар учун: 3 январь – шанба, 30 май – шанба, 31 декабрь – пайшанба. 2. Меҳнат кодексининг 208-моддасига мувофиқ: (а) ишланмайдиган байрам кунлари ҳисобланувчи 8 март – Хотин-қизлар куни байрами 2026 йилда якшанба – дам олиш кунига ва 21 март – Наврўз байрами ҳамда 9 май – Хотира ва қадрлаш куни байрамлари беш кунлик иш ҳафтасида ишлайдиган ходимлар учун шанба – дам олиш кунига тўғри келиши муносабати билан ушбу дам олиш кунлари мос равишда 2026 йил 9 март, 23 март ва 11 май – душанба кунларига кўчирилади; 3. Беш кунлик иш ҳафтасида ишлайдиган ходимлар учун дам олиш куни 2026 йилда 12 декабрь – шанба кунидан 31 декабрь – пайшанба кунига кўчирилади. @pressuzb

Президент Шавкат Мирзиёевнинг тез кунда бўлиб ўтадиган Олий Мажлис ва Ўзбекистон халқига Мурожаатномаси телевидение ҳамда Президент матбуот хизматининг ижтимоий тармоқлардаги расмий саҳифалари орқали жонли эфирда намойиш этилади. @pressuzb

Умид Рустамович Шадиев бошқа ишга ўтиши муносабати билан Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Туризм қўмитаси раиси лавозимидан озод этилди; Абдулазиз Ўролбоевич Аққулов Туризм қўмитаси раиси лавозимига тайинланди. @pressuzb