د/ حازم شومان "قناة رسمية"

يمكنكم الآن متابعة القناة الرسمية للدكتور حازم شومان على 《Telegram》 https://t.me/drhazemshouman

كل واحد فينا عنده أمنيات مختلفة، ومن أسباب الفتح... الاستغفار والتوبة إلى الله. لو أطعت ربنا؛ أبواب السماء هتتفتح لك بما تتمناه، سواء كانت استجابة دعاء، فهم قرآن، توفيق، رزق، أو سكينة. ربنا هيسخّر لك الأسباب، ويهيّئ لك الطريق، وتنهمر عليك العطاءات والفتوحات من حيث لا تحتسب. 🌧️ قال تعالى: {وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُم مِّدْرَارًا وَيَزِدْكُمْ قُوَّةً إِلَىٰ قُوَّتِكُمْ وَلَا تَتَوَلَّوْا مُجْرِمِينَ}. #وأسبغ_عليكم_نعمه #د_حازم_شومان

دعوات من القلب اللهم تقبل 🤲 | د.حازم شومان

تخيّل إن بذنب واحد ممكن حياتك تتوقّف... بس ممكن كمان تستمرّ من جديد، وكل ده متوقّف عليك أنت. قال رسول الله ﷺ: "التائب من الذنب كمن لا ذنب له." اسم الله التوّاب بيعيّشك في سعادة لا تُوصف. بالتوبة كل حاجة كانت حلوة في حياتك، والذنب ضيّعها، ربنا قادر يرجّعها لك تاني. اسم الله التوّاب بيدّيك أمل، إنه حتى وأنت بعيد، رحمة ربنا مش هتبعد عنك، وعطاء ربنا مش هيتوقّف عنك. سيدنا خالد بن الوليد رضي الله عنه، كان قبل إسلامه سببًا من أسباب هزيمة المسلمين يوم أُحد، لكن ربنا تاب عليه وأسلم، وأصبح سيفًا من سيوف الإسلام، وأحد أعظم القادة في تاريخ الأمة. مهما كنت بعيد، ما تيأسش إن ربنا يهديك ويفرجها عليك. ومهما كنت غافل، هتلاقي التوّاب معاك، وهتلاقي فرج ورحمة ربنا معاك. 🌿 #د_حازم_شومان