Islom.uz

Таъзия «Hilol Nashr» нашриёт-матбааси ва Islom.uz портали жамоаси устоз Ҳайдархон домла Йўлдошхўжаевга волидаи муҳтарамалари Раҳбархон ҳожи онанинг вафоти муносабати билан у кишининг оила аъзолари ва яқинларига таъзия изҳор этади. Аллоҳ таоло марҳуманинг барча солиҳ амалларини ўзларига садақаи жория қилиб, раҳматига буркасин, мағфиратига олсин, жаннатларига дохил айласин! Ушбу оғир жудолик дамларида марҳуманинг аҳли байтларига, барча яқинларига Аллоҳ таолодан сабру жамил тилаймиз. Иннаа лиллааҳи ва иннаа илайҳи рожиъуун! @islomuz & @hilolnashr

«Hadis va Hayot» silsilasining 5-juzidan #Hadis_va_Hayot 📚 @hadisislomuz

#Мўминларга_эслатма Ёмон хаёл келганда Аллоҳга юзланиш Юсуф алайҳиссалом воқеаларини Қуръони Карим орқали яхши биламиз. У зот катта синовга мубтало бўлдилар ва ўша синов натижасида у зотнинг қалбларида гуноҳнинг озгина васвасаси бўлган. Ҳар ҳолда у киши ҳам инсон эдилар. Лекин ўша синов пайтида Юсуф алайҳиссалом Аллоҳ таолога шундай дуо қилдилар: وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ «...Уларнинг ҳийласини Ўзинг мендан нари қилмасанг, уларга мойил бўлиб, жоҳиллардан бўлиб қоламан» (Юсуф сураси, 33-оят). Яъни, эй Аллоҳим, агар Сен бу аёлларнинг макрини мендан узоқ қилмасанг, у ҳолда улар тарафга мойил бўлиб, жоҳиллар қаторига кириб қоламан, чунки мен ҳам бандаман, шунинг учун уларнинг макрини мендан узоқ қил, демоқдалар. Қачон қалбда бирор гуноҳ қилиш фикри ёки васвасаси пайдо бўлса, тезда Аллоҳ таолога мурожаат қилиб: «Эй Аллоҳ! Ўз фазлу караминг ила мени бу гунохдан сақла», деб паноҳ сўраб олинг. Кейин ўзингиз ҳам, бу гуноҳ васвасасига учмайман, деб қатъият кўрсатинг. Агар шундай қила олсангиз, бу хаёл ва васвасалар ҳеч қандай зарар бермайди. 🔗 Тўлиқ ўқиш 🕋 @islomuz

#Одоб Ҳар қанча эъзозга лойиқ инсонлар Ота-она ҳар бир инсон учун ниҳоятда мўътабар, ҳар қанча эъзозга лойиқ кишилардир. Ислом дини, ота-она ким бўлишидан қатъи назар, уларни ҳурмат-эҳтиром қилишга буюради. Дунёда Исломчалик ота-онанинг ҳурматини юқори қўйган таълимот, тузум йўқдир. Ота-она мўмин бўлсалар ҳам, кофир бўлсалар ҳам, ким бўлишларидан қатъи назар, уларга яхшилик қилиш мусулмон фарзанднинг бурчидир. Уларнинг амрини бажариш ҳам фарзандлик вазифаси ҳисобланади. أَخْبَرَنَا أَبُو نَصْرٍ أَحْمَدُ بْنُ مُحَمَّدٍ بْنِ الْحَسَنِ بْنِ حَامِدٍ بْنِ هَارُونَ بْنِ عَبْدِ الْجَبَّارِ الْبُخَارِيُّ، الْمَعْرُوفُ بِابْنِ النَّيَازِكِيِّ، قِرَاءَةً عَلَيْهِ، فَأَقَرَّ بِهِ، قَدِمَ عَلَيْنَا حَاجًّا فِي صَفَرٍ سَنَةَ سَبْعِينَ وَثَلَاثِ مِائَةٍ، قَالَ: أَخْبَرَنَا أَبُو الْخَيْرِ أَحْمَدُ بْنُ مُحَمَّدِ بْنِ الْجَلِيلِ بْنِ خَالِدِ بْنِ حُرَيْثٍ الْبُخَارِيُّ الْكِرْمَانِيُّ الْعَبْقَسِيُّ الْبَزَّارُ، سَنَةَ اثْنَتَيْنِ وَعِشْرِينَ وَثَلَاثِ مِائَةٍ، قَالَ: حَدَّثَنَا أَبُو عَبْدِ اللهِ مُحَمَّدُ بْنُ إِسْمَاعِيلَ بْنِ إِبْرَاهِيمَ بْنِ الْمُغِيرَةِ بْنِ الْأَحْنَفِ الْجُعْفِيُّ الْبُخَارِيُّ، قَالَ: حَدَّثَنَا أَبُو الْوَلِيدِ، قَالَ: حَدَّثَنَا شُعْبَةُ، قَالَ: الْوَلِيدُ بْنُ الْعَيْزَارِ أَخْبَرَنِي قَالَ: سَمِعْتُ أَبَا عَمْرٍو الشَّيْبَانِيَّ يَقُولُ: حَدَّثَنَا صَاحِبُ هَذِهِ الدَّارِ - وَأَوْمَأَ بِيَدِهِ إِلَى دَارِ عَبْدِ اللهِ - قَالَ: سَأَلْتُ النَّبِيَّ r: أَيُّ الْعَمَلِ أَحَبَّ إِلَى اللهِ عَزَّ وَجَلَّ؟ قَالَ: «الصَّلَاةُ عَلَى وَقْتِهَا»، قُلْتُ: ثُمَّ أَيٌّ؟ قَالَ: «ثُمَّ بِرُّ الْوَالِدَيْنِ»، قُلْتُ: ثُمَّ أَيٌّ؟ قَالَ: «ثُمَّ الْجِهَادُ فِي سَبِيلِ اللهِ»، قَالَ: حَدَّثَنِي بِهِنَّ، وَلَوِ اسْتَزَدْتُهُ لَزَادَنِي. Бизга хабар берган Абу Наср Аҳмад ибн Муҳаммад ибн Ҳасан ибн Ҳомид ибн Ҳорун ибн Абдулжаббор Бухорий бўлиб, у Ибн Наёзикий исми ила маъруфдир. Унинг олдида (китобни) ўқиб ўтказганимиздан сўнг иқрорлик ила ижозат берган. У ҳузуримизга ҳожи ўлароқ уч юз еттинчи сананинг Сафар ойида келди. У: «Бизга Абулхайр Аҳмад ибн Муҳаммад ибн Жалил ибн Холид ибн Ҳурайс Бухорий Кирмоний Абқасий Баззор уч юз йигирма иккинчи санада хабар берган», деди. У: «Бизга Абу Абдуллоҳ Муҳаммад ибн Исмоил ибн Иброҳим ибн Муғийра ибн Аҳнаф Жўъфий Бухорий ҳадис айтган», деди. У: «Бизга Абулвалид ҳадис айтди», деди. У: «Бизга Шўъба ҳадис айтди», деди. У: « Валид ибн Айзор менга хабар берди», деди. У Абу Амр Шайбонийнинг «Бизга мана бу ҳовлининг эгаси ҳадис айтган» деб, Абдуллоҳнинг ҳовлисига ишора қилганини айтди. У айтдики: «Набий соллаллоҳу алайҳи васалламдан: «Аллоҳ азза ва жалла учун энг маҳбуб иш қайси?» деб сўрадим. «Вақтида ўқилган намоз», дедилар. «Ундан кейин қайсиниси?» дедим. «Ота-онага яхшилик қилиш», дедилар. «Ундан сўнг қайсиниси?» дедим. «Сўнгра Аллоҳнинг йўлида жидду жаҳд қилиш», дедилар. Ана шуларни айтдилар. Агар яна сўрайверсам, жавоб бераверар эдилар». 🔗 Тўлиқ ўқиш 🕋 @islomuz

#Кун_дуоси Жаннатнинг хазиналари عَنْ أَبِي هُرَيْرَةَ رَضِي اللهُ عَنْهُ قَالَ: قَالَ لِي رَسُولُ اللهِ صَلَّى اللهُ عَلَيْهِ وَسَلَّمَ: أَكْثِرْ مِنْ قَوْلِ لَا حَوْلَ وَلَا قُوَّةَ إِلَّا بِاللهِ، فَإِنَّهَا كَنْزٌ مِنْ كُنُوزِ الْجَنَّةِ. Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам менга: «Лаа ҳавла ва лаа қуввата иллаа биллаҳ»ни кўпроқ айт. Чунки у жаннатнинг хазиналаридан биридир», дедилар». Демак, ким жаннатнинг хазиналаридан бирига эга бўлмоқчи бўлса, «Лаа ҳавла ва лаа қуввата иллаа биллаҳи»ни кўпроқ айтиши керак экан. وَقَالَ مَكْحُولٌ رَضِي اللهُ عَنْهُ: فَمَنْ قَالَ لَا حَوْلَ وَلَا قُوَّةَ إِلَّا بِاللهِ، وَلَا مَنْجَا مِنَ اللهِ إِلَّا إِلَيْهِ، كَشَفَ اللهُ عَنْهُ سَبْعِينَ بَابًا مِنَ الضُّرِّ أَدْنَاهُنَّ الْفَقْرُ. رَوَى هَذِهِ الثَّلَاثَةَ التِّرْمِذِيُّ. Макҳул розияллоҳу анҳу: «Ким «Лаа ҳавла ва лаа қуввата иллаа биллаҳи. Ва лаа манжаа миналлоҳи иллаа илайҳи» деса, Аллоҳ ундан етмиш зарарнинг эшигини ёпади. Уларнинг энг кичиги фақирликдир», деди». Учовини Термизий ривоят қилган. Ким ўзидан зарарларнинг узоқ бўлишини истаса, «Лаа ҳавла ва лаа қуввата иллаа биллаҳи. Ва лаа манжаа миналлоҳи иллаа илайҳи», деб айтсин. Маъноси: «Аллоҳдан бошқа ҳол ва қувват йўқ, Аллоҳдан Унинг Ўзидан бошқа нажот манзили йўқ». 🔗 Тўлиқ ўқиш 🕋 @islomuz

Braziliyaning San Paulu shahridagi Bari masjidida kitob taqdimoti #yangiliklar 🕋 @islomuz

Таъзия «Hilol Nashr» нашриёт-матбааси ва Islom.uz портали жамоаси юртимизнинг улуғ устозларидан, Қуръони Карим ходими, Турсунбой қори бобонинг вафоти муносабати билан у кишининг барча оила аъзоларига, қариндош-уруғларига, яқинлари ва шогирдларига самимий таъзия изҳор этади. Аллоҳ таоло умрини дин хизматига бағишлаган устознинг машаққатли ва шарафли меҳнатларини, барча солиҳ амалларини ўзларига садақаи жория қилиб, раҳматига буркасин, мағфиратига олсин, қориларга ваъда қилинган ажру мукофотларидан баҳраманд қилиб, жаннатларига дохил айласин! Ушбу оғир жудолик дамларида марҳумнинг аҳли байтларига, барча яқинларига Аллоҳ таолодан сабру жамил тилаймиз. Иннаа лиллааҳи ва иннаа илайҳи рожиъуун! @islomuz & @hilolnashr

07. Baqara surasi (40-52-oyatlar) | "Tafsiri Hilol" kitobi Shayx Muhammad Sodiq Muhammad Yusuf hazratlarining "Tafsiri Hilol" kitoblari Qori: Shayx Mahmud Xalil Xusoriy Suxandon: Abdulqayyum Ismoil #tafsir 🌐 YouTube 🕋 @islomuz

Қуръон бутун оламга раҳматдир Қуръон шариати ақл ва ҳикматга мувофиқлиги, уйғунлиги учун яқинда бутун оламда ҳукмронлик қилади. ©️ Рус ёзувчиси Лев Толстой 🕋 @islomuz

Қаттиқ шамол бўлганда айтиладиган зикрлар Оиша онамиз розияллоҳу анҳо ривоят қиладилар: «Агар қаттиқ шамол бўлса, Расулуллоҳ соллаллоҳу алайҳи васаллам:  اللهُمَّ إِنِّي أَسْأَلُكَ خَيْرَهَا وَخَيْرَ مَا فِيهَا وَخَيْرَ مَا أرْسِلَتْ بِهِ وَأَعُوذُ بِكَ مِنْ شَرِّهَا وَشَرِّ مَا فِيهَا وَشَرِّ مَا أرْسِلَتْ بِهِ «Аллоҳумма инний ас`алука хойроҳа ва хойро ма фийҳа ва хойро ма урсилат биҳи ва аъузу бика мин шарриҳа ва шарри ма фийҳа ва шарри ма урсилат биҳи», деб айтар эдилар. (Маъноси: Эй Раббим, Сендан унинг яхшисини, ундаги яхшиликни ва у билан юборилган нарсанинг яхшисини сўрайман. Эй Раббим, Сендан унинг ёмонидан, ундаги ёмонликдан ва у билан юборилган нарсанинг ёмонлигидан паноҳ сўрайман.) Имом Муслим ривоятлари. Абу Ҳурайрадан розияллоҳу анҳу ривоят қилинади. Расулуллоҳ саллаллоҳу алайҳи васаллам: «Шамол бандаларга юборилган раҳматдир. Гоҳида у раҳмат билан келади, гоҳида азоб билан. Агар шамол эсса, уни сўкманглар. Аллоҳдан унинг яхшисини сўраб, ёмонидан паноҳ тиланглар», дедилар. Абу Довуд ва Ибн Можа ривоятлари. Оиша розияллоҳу анҳодан ривоят қилинади: Расулуллоҳ соллаллоҳу алайҳи васаллам осмон уфқида тўпланган булутни кўрсалар, қилиб турган ишларини тўхтатардилар, агар намозда бўлсалар:  اللهُمَّ إِنِّي أَعُوذُ بِكَ مِنْ شَرِّهَا  اللهُمَّ صَيِّبًا هَنِيئًا «Аллоҳумма инний аъузу бика мин шарриҳа» (Эй Раббим, Сенинг номинг ила унинг ёмонлигидан паноҳ тилайман), деб айтардилар. Агар ёмғир ёғса:  «Аллоҳумма саййибан ҳаний`ан» (Эй Раббим, шалдираб оқувчи ёқимли ёмҚир ёғдир), деб айтардилар.  Абу Довуд, Насаий, Ибн Можа ривоятлари. Убай ибн Каъбдан розияллоҳу анҳу ривоят қилинади. Расулуллоҳ соллаллоҳу алайҳи васаллам: «Шамолни сўкманглар, агар бирор кариҳ нарсани кўрсанглар:  اللهُمَّ إِنَّا نَسْأَلُكَ مِنْ خَيْرِ هَذِهِ الرِّيحِ وَخَيْرِ مَا فِيهَا وَخَيْرِ مَا أُمِرَتْ بِهِ وَنَعُوذُ بِكَ مِنْ شَرِّ هَذِهِ الرِّيحِ وَشَرِّ مَا فِيهَا وَشَرِّ مَا أُمِرَتْ بِهِ  «Аллоҳумма инна нас`алука мин хойри ҳазиҳир рийҳи ва хойри ма фийҳа ва хойри ма умирот биҳи ва наъузу бика мин шарри ҳазихир рийҳи ва шарри ма фийҳа ва шарри ма умират биҳи», деб айтинглар», дедилар.   (Маъноси: Аллоҳим, Сендан шамолнинг яхшисини ва ундаги яхшиликларни ва у билан буюрилган нарсаларнинг яхшилигини сўрайман. Ва Сендан, шамолнинг ёмонидан, ундаги ёмонликлардан ва у билан буюрилган ёмонликлардан паноҳ сўрайман.) Термизий ривоятлари. Имом Нававийнинг «Ал-Азкор» китобидан Таржимон Анвар Аҳмад @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

#Силаи_раҳм Мушрикка силаи раҳм қилиш керакми? Қариндошлар ичида бўлиши мумкин бўлган тоифалардан бири – мушрик тоифаси ҳақида сўз юритамиз. Мушрик қариндошга силаи раҳм қилиш керакми? Ёки мушриклиги учун ундан қариндошлик алоқалари узиладими? عَنْ عَبْدِ اللهِ بْنِ مَرْوَانَ قَالَ: سَأَلْتُ مُجَاهِدًا قُلْتُ: رَجُلٌ مِنَ الْمُشْرِكِينَ بَيْنِي وَبَيْنَهُ قَرَابَةٌ، وَلِيَ عَلَيْهِ مَالٌ، أَدَعُهُ لَهُ؟ قَالَ: نَعَم، وَصِلْهُ. Абдуллоҳ ибн Марвондан ривоят қилинади: «Мужоҳиддан: «Мушриклардан бири билан менинг қариндошлигим бор. Зиммасида молим бор. Уни кечиб юборсам бўладими?» деб сўрадим. «Ҳа. Унга силаи раҳм ҳам қил», деди». Мужоҳид катта тобеъинлардан ва энг улкан уламолардан бўлган. Мужоҳид розияллоҳу анҳу жуда кўп илмларда: тафсирда, ҳадисда, фиқҳда машҳур олим тобеъинлардан бўлган. Ровий у кишидан: «Бир мушрик одам бор. Мен у билан қариндошман. У мендан қарздор ва зиммасида менга берадиган мол бор. Ўша молни олмай қўйсам бўлаверадими?» деб сўрабди. Бу саволнинг жавобига Мужоҳид розияллоҳу анҳу: «Ҳа, олмасанг, яхши бўлади. Яна унга силаи раҳм ҳам қилиб тур», дебди. Мушрик диний ақийда маъносида мусулмоннинг зидди, душмани. Аммо орада қариндошлик бор. Қариндошлик ҳурматидан унга берган қарзини кечиб юборса, яхшилик қилган бўлади. Бунга қўшимча равишда силаи раҳм қилиб туриш ҳам керак экан. 🕋 @islomuz

✨ Qarz zimmadagi og‘ir mas’uliyat! Suhbatni «Shayx Muhammad Sodiq Muhammad Yusuf» jome masjidi imom-xatibi ustoz Ismoil Muhammad Sodiq olib boradilar. 📹 Jonli efirni ko'rish #juma @islomuz & @hazratim_uz

✨ Юртимиз уламоларининг жума суҳбатлари — тўғридан-тўғри жонли эфирда! 🌙 Бугун, 31 октябрь куни мамлакатимиз бўйлаб жоме масжидларда "Қарз зиммадаги оғир масъулият!" мавзусида маърузалар бўлиб ўтади. Қувонарлиси, эндиликда юртимиз таниқли ва воиз уламоларининг жума суҳбатларини қуйидаги ҳаволалар (линк) орқали тўғридан-тўғри онлайн кузатиш имкониятига эга бўласиз: ⏺1. Ҳомиджон домла Ишматбеков, Ўзбекистон мусулмонлари идораси раисининг биринчи ўринбосари 🌐 https://youtube.com/live/Fxj6RKqoxyo?feature=share ⏺2. Зайниддин домла Эшонқулов, Ўзбекистон мусулмонлари идораси раиси ўринбосари 🌐 https://youtube.com/live/U0gxmKsVHT0?feature=share ⏺3. Ғуломжон домла Холбоев, Фатво маркази директори ўринбосари 🌐 https://www.youtube.com/watch?v=VtdUO16Yx9M ⏺4. Жобир домла Элов, Бухоро вилояти бош имом-хатиби 🌐 https://www.youtube.com/live/AJO1b4FtdhM?si=zdGUrjUpCL0kAFfN ⏺5. Абдуқаҳҳор домла Юнусов, Тошкент шаҳар бош имом-хатиби 🌐 https://www.youtube.com/live/yTVVeu2CGQ4?si=HDK3LXWvxJ9jtckH ⏺6. Ҳасан домла Қодиров, Тошкент шаҳридаги “Сирож Солиҳ” масжиди имом-хатиби 🌐 https://youtube.com/live/YpxgH9D74Co?feature=share ⏺7. Раҳматуллоҳ домла Сайфуддинов, Тошкент шаҳридаги “Минор” жоме масжиди имом-хатиби 🌐 https://www.youtube.com/live/2h0FkosYSzc?si=3oua0h5IpR2Zu93S ⏺8. Яҳё домла Абдураҳмонов, Тошкент шаҳридаги “Имом Ат-Термизий” масжиди имом-хатиби 🌐 https://www.youtube.com/live/kYc5PzczkFc?si=d9Za5DIwlfAKJUsW ⏺9. Исмоил домла Муҳаммад Содиқ, Тошкент шаҳридаги “Шайх Муҳаммад Содиқ Муҳаммад Юсуф” масжиди имом-хатиби 🌐 https://youtube.com/live/FS0Fa7z9YKU?feature=share 🤲 Аллоҳ таоло бир-биридан гўзал жума суҳбатларини халқимиз учун хайрли ва манфаатли қилсин! 🕋 @islomuz

Braziliyada Qur’on va Sunnat bo‘yicha birinchi milliy musobaqa boshlandi #yangiliklar 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

🥳 Узоқ кутилган «Соҳилсиз денгиз» китоби сотувда!

«Соҳилсиз денгиз» китоби 9-марта қайта нашр қилиниб, сотувга чиқди.

🔥 Буюк ватандошимиз Имом Бухорий ҳазратларининг ҳаётлари ҳақида қисқача, бадиий услубда ёзилган, Аҳмад Муҳаммад Турсуннинг қаламларига мансуб «Соҳилсиз денгиз» китоби сотувга чиқди. ✅ Юқорида айтганимиздек, китоб бадиий услубда ёзилган. Бу ўқувчининг китобга бўлган қизиқишига хизмат қилади. Айниқса, бадиий адабиёт ихлосмандлари учун «Соҳилсиз денгиз» китоби айни муддаодир. Улуғ ватандошимиз Имом Бухорий ҳазратларининг ҳаёт йўлларига бағишланган китобнинг мутолаасига марҳамат! 😊 👉 Нархи: 43 000 сўм 📍 Манзилларимиз ☎️ +998-71-217-59-99 📥 @hilol_reception ✅ «Hilol» иловаси орқали ҳар бир харидингиздан 1% бонус баллга эга бўлинг. @hilolnashr

#Мусулмоннинг_ҳақ_ва_вазифалари Мулкчилик ҳақлари Эр-хотиннинг бир-бирларига нисбатан бир қатор ҳақлари бўлганидек, қул эгалари ҳам риоя қилишлари керак бўлган бир қанча ҳақлар мавжуд (албатта бунга қўл остида ишчи-ходимлари бўлганлар ҳам киради). Ана шу ҳақларга тўлиқ риоя қилиш Пайғамбаримиз соллаллоҳу алайҳи васалламнинг охирги васиятларидандир. Зеро, у зот қул ҳақлари хусусида шундай деганлар: “Эй Абу Зарр! (Унинг онасига тил узатганингга кўра) сенда жоҳилият (руҳияти) бор одам экансан. Аллоҳ уларни сизларнинг қўл остингизда қилиб қўйди. Шундай экан еганларингиздан едиринглар, кийганларингиздан кийдиринглар. Қила олмайдиган ишларни зиммаларига юкламанглар. Агар юкласанглар уларга ёрдам ҳам беринглар”. Имом Бухорий “Ал-Адаб ал-муфрад”да келтирган ривоятда “Аллоҳ сизларни уларга молик қилиб қўйган, агар хоҳласа, уларни сизларга молик қилиб қўяди”, дейилган. 🔗 Тўлиқ ўқиш 🕋 @islomuz

Имом Бухорий мажмуаси илм-маърифат, тарбия ва ибрат маскани бўлади Президент Шавкат Мирзиёев ЮНЕСКО Бош конференцияси 43-сессиясининг очилиш маросимида иштирок этиш учун 30 октябрь куни Самарқандга ташриф буюрди. Эзгу анъанага мувофиқ, аввало, Имом Бухорий мақбараси зиёрат қилинди. Қуръон тиловат этилиб, дуо ўқилди. Президентимиз мажмуадаги сўнгги пардозлаш ишлари, ҳудудда амалга оширилаётган ободонлаштириш жараёнлари билан танишди. Давлатимиз раҳбарининг ташаббуси билан мазкур мажмуа буюк муҳаддис бобомизнинг ислом оламида тутган юксак мавқеи, улкан салоҳиятига муносиб тарзда қайтадан бунёд этилди. Зиёратчиларга ҳар томонлама қулай шароит яратилди. Мажмуа ҳудуди кенгайтирилиб, айни пайтда унинг умумий майдони 44 гектарга етди. Мўътабар мақбара, 10 минг кишилик масжид ва маъмурият биноси, музей, кириш ва чиқиш айвонлари қуриб битказилган. Зиёратгоҳнинг 4 бурчагидаги 75 метрлик миноралар унга маҳобат бағишлаган. Давлатимиз раҳбари янги масжиддаги бунёдкорликни кўздан кечирди. Президентимиз ҳар гал Самарқандга келганида мажмуанинг қурилиши жараёни билан танишиб, бу жой фақат зиёрат эмас, илм-маърифат, тарбия ва ибрат маскани бўлиши, Имом Бухорийнинг буюк изланишлари, билими ҳамда камолоти зиёратчилар, айниқса, ёшлар учун эзгу намуна бўлиши кераклигини таъкидлаганди. Шу мақсадда янги мажмуада инновацион музей ҳам ташкил этилди. У ислом оламида муҳаддислар султони дея эътироф этилган Имом Бухорийнинг ҳаёти ва илмий мероси, ислом маърифати ривожига қўшган ҳиссасини намоён этади. Шунингдек, музейда Қуръони каримда исмлари зикр қилинган 25 та пайғамбар тарихи, Муҳаммад алайҳиссаломнинг шажараси, Макка ва Мадинадаги ҳаёти, ҳадисларнинг жамланиши ва ёзилиши ҳақидаги маълумотлар жойлаштирилган. Зиёратгоҳ атрофида меҳмонхона ва бошқа хизмат кўрсатиш биноларида ҳам қурилиш ишлари якуний босқичга кирган. Битта тўрт юлдузли, иккита уч юлдузли ва 22 та оилавий уй меҳмонхоналари ташкил этилди. Давлатимиз раҳбари мамжуа фаолиятини сифатли ташкил этиш, одамларга қулайликларни кенгайтириш, яшил майдонларни кўпайтириш бўйича кўрсатмалар берди. Эзгу ниятлар билан мажмуа ҳудудига дарахт кўчатлари ўтқазилди. 🕋 @islomuz

Qay biri xavfli? 🔗 Havola ko'rsatuvi 🔗 https://islom.uz/maqola/23419 🕋 @islomuz