Qazaqstan.tv

⭕️Алматыда тауда жоғалған 3 адамның бірінің денесі табылды Қалалық Төтенше жағдайлар департаментінің ақпаратынша, тауға шыққандар 24 желтоқсаннан бері хабарсыз кеткен. 26 желтоқсанға қараған түні 112-ге әйел адам хабарласып, бауырының екі досымен бірге байланыссыз кеткенін, үйге әлі оралмағанын айтқан. Хабар түскен бойда жоғалғандарды іздеу жұмыстары басталған. Оқиға орнында жедел штаб құрылып, «Қазавиақұтқару» тікұшағы әуеге көтерілген. Дрон арқылы әуеден шолу кезінде «Локомотив» шыңы маңынан бір адамның денесі табылып, теңіз деңгейінен 3700 метр биіктіктен тікұшақпен төмен түсірілген. Марқұмның жеке басы сот-медициналық сараптамадан кейін анықталады. 📌Қалған екі азамат іздестіріліп жатыр.

🔹Алматыда робот-ассистент көмегімен тізе буынын эндопротездеу операциясы жасалды Алматы қаласындағы №4 қалалық клиникалық ауруханада ТМД елдерінде алғаш рет робот-ассистент қатысқан тізе буынын импланттау бойынша операциялар жасалды. Шетелдік мамандардың қатысуымен 8 ота сәтті жүзеге асты. Мамандар роботтық жүйелерді енгізу арқылы эндопротездеу операцияларын қауіпсіз әрі тиімді жүргізуге мүмкіндік туатынын атап өтті. Ауруханада былтыр 1800, биыл 2200 ота сәтті өткізіліп, бүгінге дейін 25 мыңнан астам буын алмастыру операциясы жасалған. @qazaqstantv

❓Қазақстан сыртқы саясатта қандай маңызды қадамдар жасады? Еліміздің геосаяси алаңдағы рөлі мен әлемдік деңгейдегі орта держава ретінде қалыптасу мүмкіндігі қандай? 📺Осы және өзге де мәселелер жексенбі 20:00-де «Апта» бағдарламасында.

🟢Қазақстанда генетикалық ауытқуды ерте анықтаудың тың әдісі енгізілді Астаналық дәрігерлер эмбриондарға генетикалық зерттеу жүргізудің жаңа әдісін қолданысқа енгізді. Бұл тәсіл генетикалық патологияларды ерте кезеңде анықтауға және сау баланың дүниеге келуіне мүмкіндік береді. Мамандардың мәліметінше, аталған зерттеу бұған дейін Қазақстанда жүргізілмеген. Бұрын биопсия үлгілері шетелге жіберіліп, нәтижесі бір айға дейін күтілетін. Қазіргі таңда жаңа технологияның көмегімен эмбрионның генетикалық сапасы бір апта ішінде анықталады. Әдіс Даун, Эдвардс синдромдары және басқа да тұқым қуалайтын ауруларды эмбрион кезеңінде анықтауға мүмкіндік береді. Жыл басынан бері жүргізілген зерттеулер нәтижесінде 196 сау нәресте дүниеге келген. @qazaqstantv

🔹Мүмкіндігі шектеулі жандардың жәрдемақысы 10 пайызға өседі Бұл туралы еңбек және халықты әлеуметтік қорғау вице-министрі Виктория Шегай баспасөз мәлихатында айтты. ✈️Мюнхен-Бейжің бағытындағы ұшақта бір адам қаза тапты Жолаушы өзін жайсыз сезініп, есінен танып қалған соң экипаж командирі Алматы халықаралық әуежайына шұғыл қонуды жөн көрген. ❗️Оралдағы оқыс оқиға: Директорға сот үкімі шықты Осыдан 4 жыл бұрын перзентханада жеделсаты шахтасына құлап, 50 жастағы әйел қаза тапқан болатын. ⚡️Елде генетикалық ауытқуларды анықтаудың тың тәсілі қолданысқа енді Жаңа технологияның көмегімен эмбрионның сапасын небәрі бір апта ішінде анықтауға болады. 🌎Хьюстонда қазақ мәдениетін паш ететін орталық бар Мұнда қазақтың тарихын, ежелгі тұрмысын паш ететін жәдігерлер көп. ▪️Axios: Трамп пен Зеленский 28 желтоқсанда Флоридада кездеседі Трамппен таяуда жүздесетінін бүгін Зеленскийдің өзі де мәлімдеді.

⚖️Оралда лифт шахтасына құлап қаза болған әйелдің ісі бойынша сот үкімі шықты Оралдағы перинаталдық орталықтың жеделсаты шахтасына құлап қаза тапқан 50 жастағы әйелдің ісі бойынша сот үкімі шықты. Қайғылы оқиға 2021 жылғы 31 желтоқсанда болған еді. Перзентхана қызметкері жеделсаты кабинасы мен шахтаның арасына қысылып, оқиға орнында көз жұмған. Аталған дерек бойынша перинаталдық орталық директорының үстінен қызметтік міндетіне салғырт қарау бабы бойынша қылмыстық іс қозғалған. Іс қайта қаралып, Орал қалалық сотының шешімімен директор кінәсіз деп танылып, ақтау үкімі шығарылды. Үкім заңды күшіне енген жоқ. @qazaqstantv

🔹Ерлан Қарин әскери-патриоттық тәрбие жұмысын күшейтуді тапсырды Мемлекеттік кеңесші Ерлан Қарин жастарға әскери-патриоттық тәрбие беру жөніндегі республикалық үйлестіру кеңесінің отырысына қатысты. Отырыста Мемлекет басшысы Қасым-Жомарт Тоқаевтың Қарулы күштер мен басқа да құрылымдардағы әскери және құқықтық тәртіпті қамтамасыз ету жөніндегі тапсырмаларының орындалу барысы қаралды. Ерлан Қарин жастарды Отанға қызмет етуге ынталандыратын жаңа форматтарды енгізуге, қоғам мен Қорғаныс министрлігі арасындағы ашық өзара іс-қимылды күшейтуге басымдық беру қажеттігін атап өтті. Отырыс қорытындысы бойынша мемлекеттік органдарға әскери-патриоттық тәрбие саласындағы жұмыс тәсілдерін жетілдіруге бағытталған нақты тапсырмалар берілді. @qazaqstantv

📌Ерлан Қарин: Үкімет Нашақорлық пен есірткі бизнесіне қарсы күрес жөніндегі жаңа кешенді жоспарды қабылдады Ұлттық құрылтай аясында Мемлекет басшысының бастамалары мен тапсырмаларын жүйелі түрде жүзеге асыру жалғасуда. Президент тарихи-мәдени мұра нысандарын қорғау мәселелері жөніндегі Заңға қол қойды. Заңда Мемлекеттік қор, Ұлттық депозитарий және Бірыңғай автоматтандырылған ақпараттық жүйе құру көзделген. Сондай-ақ Үкімет 2026-2028 жылдарға арналған Нашақорлық пен есірткі бизнесіне қарсы күрес жөніндегі жаңа кешенді жоспарды қабылдады. Құжатта алдын алу шаралары мен қоғамдық денсаулық сақтау мәселелері күшейтілді. @qazaqstantv

✍️Мемлекет басшысы «Жер қойнауы және жер қойнауын пайдалану туралы» Қазақстан Республикасының Кодексіне көмірсутектер мен уран саласында жер қойнауын пайдалануды жетілдіру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды @qazaqstantv

🧨Пиротехникалық заттарды заңсыз сатқандар қандай жауапкершілікке тартылады? ІІМ мәліметінше, жыл басынан бері пиротехникалық бұйымдарды заңсыз сату бойынша 84 факті анықталды. Олардан 700-ден астам сертификатталмаған өнім тәркіленген. 💬Астана қаласы ПД Байқоңыр аудандық Полиция басқармасы бөлімшесінің аға инспекторы Нұржан Орыншайықовтың айтуынша, отшашу құралдарын рұқсатсыз сатқандарға 25 АЕК көлемінде айыппұл салынады. ❓Оларға тағы қандай жауапкершілік қарастырылған? Мұндай бұйымдарды сатуға рұқсат алу үшін қойылатын талаптар қандай? 🎥Толығырақ видеодан көріңіз.

✍️Мемлекет басшысы «Қазақстан Республикасының кейбір заңнамалық актілеріне тарихи-мәдени мұра объектілерін қорғау және білім беру-сауықтыру қызметтері мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды @qazaqstantv

🇺🇸АҚШ-та кәсіп ашқан қазақстандықтар көбейді АҚШ-та кәсіп ашып, табысты жұмыс істеп жатқан қазақстандықтардың қатары артып келеді. Кей азаматтар Қазақстанда бастаған бизнесін Америкада жалғастырып, дамытып жүр. Мұнда «Happy Sake» атауымен қазақстандық франшиза жұмыс істейді. Кондитерлік дүкендер желісінің иесі Асхат Сұлтановтың Қазақстанда 200-ден аса дүкені бар, сондай-ақ Ресей мен Өзбекстанда да сауда нүктелері ашылған. Енді кәсіпкер АҚШ-та да өз ісін бастап отыр.

🟢ШҚО-да полицейлер жаралы аққуды құтқарды Шығыс Қазақстан облысы, Ұлан ауданында полиция қызметкерлері жаралы аққуды құтқарды. Айыртау ауылының тұрғыны Сартымбет учаскесінің маңынан жарақат алған аққуды байқап, учаскелік инспекторға хабарлаған. Хабарлама негізінде полицейлер оқиға орнына барып, құсты ветеринариялық клиникаға жеткізген. Мамандар аққуға қажетті көмек көрсетті.

🔹1.8 млрд теңге: «АрселорМиттал Теміртау» компаниясының мүлкін жымқырған күдікті қамауға алынды Сергей Ким 31 мың тонна өнімді заңсыз иемденді деген күдікке ілінді. ❗️Ұлттық қауіпсіздік комитетіне жаңа өкілеттілік берілді Президент Қасым-Жомарт Тоқаев мемлекеттік басқаруды жетілдіру туралы Жарлыққа қол қойды. 🏠Таразда 2,5 мыңға жуық тұрғын баспаналы болды Шаһардың шығысындағы «Шапағат» шағын ауданында 12, ал «Балауса» ауданында көпқабатты 22 баспана бой көтерді 🌎АҚШ-та кәсіп ашқан қазақстандықтар көбейді Кей азаматтар Қазақстанда бастаған бизнесін Америкада жалғап, дамытып келеді. 💵Жапонияда 2026 жылға рекордтық көлемде бюджет бекітілді Оның 57 млрд доллардан астамы қорғанысқа бағытталмақ.

Ұлттық қауіпсіздік комитетіне жаңа өкілеттілік берілді Президент Қасым-Жомарт Тоқаев мемлекеттік басқаруды жетілдіру туралы жарлыққа қол қойды. Құжатқа сәйкес, Ұлттық қауіпсіздік комитетіне Жасанды интеллект және цифрлық даму министрлігінің ақпараттық-коммуникациялық инфрақұрылымның аса маңызды объектілерінің ақпараттық қауіпсіздігі бөлігінде мемлекеттік бақылау жүргізу функциялары мен өкілеттіктері берілді. Сонымен қатар ҰҚК осы бағыттағы министрліктің құқықтары мен міндеттерінің құқықтық мирасқоры болып белгіленді.

✈️ Lufthansa ұшағы Алматыға шұғыл қонды: Рейсте жолаушы көз жұмды Lufthansa әуе компаниясының Мюнхен – Бейжің бағыты бойынша ұшып бара жатқан ұшағы Алматы әуежайына мәжбүрлі түрде қонды. Бұған борттағы жолаушылардың бірінің денсаулығы күрт нашарлауы себеп болған. Ұшу кезінде ер адам есінен танып қалған. Қону сәтінде әуежай дәрігерлері мен жедел жәрдем бригадасы ұшаққа бірден жеткенімен, дәрігерлер жолаушының ұшақ қонғанға дейін көз жұмғанын анықтады. Қажетті рәсімдер мен жанармай құйылғаннан кейін ұшақ 07:56-да Бейжіңге қарай қайта ұшты. Әуежайдағы желілік полиция қылмыстық іс қозғады. Алдын ала мәлімет бойынша, шетелдік азаматтың өліміне жедел жүрек жеткіліксіздігі себеп болған.

Мемлекет басшысы Премьер-министр Олжас Бектеновті қабылдады Қасым-Жомарт Тоқаевқа экономикалық реформаларды жүзеге асыру және азаматтардың әл-ауқатын одан әрі арттыру бойынша бұған дейін берген тапсырмаларының іске асырылуы жөнінде баяндалды. Олжас Бектенов: ➤ еліміздің биылғы әлеуметтік-экономикалық дамуының алдын ала қорытындылары туралы есеп берді. 🟦Президенттің экономиканы әртараптандыру жөніндегі тапсырмасын орындау нәтижесінде ішкі жалпы өнім өсімінің 70 пайыздан астамын өнеркәсіп, сауда және көлік салалары қамтамасыз етіп отыр. 🟦2025 жылдың қаңтар-қараша айлары аралығында көлік қызметі 20,3 пайызға, құрылыс 14,7 пайызға, сауда 8,8 пайызға, ауыл шаруашылығы 6,1 пайызға, өңдеу өнеркәсібі 5,9 пайызға ұлғайған. 🟦Негізгі капиталға салынған инвестиция 18,5 триллион теңгені құрап, жеке инвестициялардың көлемі 9,8 пайызға өскен. ➤ макроэкономикалық тұрақтандыру, халықтың әл-ауқатын арттыру бойынша Үкімет, Ұлттық банк пен Қаржы нарығын реттеу және дамыту агенттігінің 2026-2028 жылдарға арналған бірлескен іс-қимыл бағдарламасын жүзеге асыру жайында айтты. 🟦Халықтың нақты табысын арттыру, тұрмыс деңгейін жақсарту арқылы ішкі жалпы өнімнің өсімін қамтамасыз ету негізгі басымдық саналады. Инфляция деңгейін төмендету шаралары қарастырылып жатыр. ➤ желтоқсан айында шекарадағы бес өткізу бекетін жаңғырту жұмыстары аяқталғанын жеткізді. 🟦Қазақстандық тауар өндірушілердің реестрі іске қосылды. 🟦Шағын бизнесті қолдауға арналған «Іскер аймақ» бірыңғай бағдарламасы қабылданды. ➤ жылыту маусымы жайында есеп берді. 🟦Сондай-ақ 2026 жылғы дала жұмыстарын қаржыландыру ерте басталғанына тоқталды. Бұл шара ауыл шаруашылығы өнімдерін өңдеу мен экспортқа ден қоя отырып, егіс алқаптарының көлемін сақтауды және оны ұлғайтуды көздейді. Президент: 📌Үкімет басшысына азаматтардың мүддесіне сай еліміздің тұрақты дамуын қамтамасыз ету бағытындағы жұмысты жалғастыруды тапсырды. Инвестиция тарту, кәсіпкерлікті қолдау, инженерлік және көлік инфрақұрылымын жаңғырту бойынша бірқатар нақты міндет жүктеді.

⚖️«АрселорМиттал Теміртау» ісі бойынша күдікті қамауға алынды Қаржылық мониторинг агенттігінің мәліметінше, «АрселорМитталТеміртау» АҚ мүлкін жымқыру ісі бойынша «АлбаСтройДор» ЖШС директоры С.Г.Кимге қатысты тергеу жүргізілуде. 2015 жылы тараптар арасында домна шлагын қайта өңдеу туралы шарт жасалған. Алайда күдікті зауыт аумағынан домна қоспасы мен кесек шойынды заңсыз жымқыру схемасын ұйымдастырған. С.Н.Ким ұрланған мүлікті кедергісіз шығару мақсатында «Күзет» ЖШС күзет ұйымымен бірлесіп, өз бақылауындағы «ГлобалСпецТорг» ЖШС және «ЦентрОптСнаб» ЖШС арқылы заңдастырған. Ұрланған 31 мың тоннадан астам өнімнің шығыны 1,8 млрд теңгеден асып, күдікті 2 ай мерзімге қамауға алынды. @qazaqstantv

👮‍♂️ Ұлттық ұлан бөлімі биыл 61 қылмыстың бетін ашқан Ұлттық ұланның 5573 әскери бөлімі жыл басынан бері 61 қылмыстың бетін ашқан. Сонымен қатар әскери қызметкерлер 200-ден астам адамға көмек көрсетіп, 7 адамды өрттен аман алып қалған. Қала тұрғындары мен қонақтарының қауіпсіздігі – олардың басты міндеті. Осы мақсатта Ұлттық ұлан күн сайын патрульдік бақылауға шығып, қала тыныштығын күзетеді.