شبكة جامعيون

#عاجـــــــل | الجامعة التقنية الشمالية تقرر تطبيق الزي الرسمي على طلبتها وبدءً من العام الدراسي الجديد. #الطالبات :- لون الجاكيت للطالبات ( رصاصي + اسود + نيلي + جوزي ) لون القميص للطالبات ابيض سادة (خالي من النقش والكتابة) لون التنورة والجبة ( رصاصي + اسود + نيلي + جوزي ) #الطلاب :- لون السترة للطالب ( رصاصي + اسود + نيلي + جوزي ) لون القميص للطالب ابيض سادة (خالي من النقش والكتابة) لون البنطلون ( رصاصي + اسود + نيلي + جوزي ) #شبكة_جامعيون https://t.me/collegeton

#معايير_التقديم_المركزي انتبه | راح انطيك المعايير الرئيسية والاساسية اللي لازم تاخذها بنظر الاعتبار لمن تقدم على الاستمارة الالكترونية ، ف تعال وياي : 1⃣ دير بالك تستعجل بالتقديم على الاستمارة وتتندم بعدين ، ترى يحقلك تقدم مرة وتعدل مرة ( يعني عندك محاولتين للتقديم فقط ) ف دير بالك تستعجل بالتقديم دير بالك لأنه إذا قدمت وخلصت المحاولتين وصار خطأ بسيط ف راح تضطر تداوم كلية متريدها او تكعد سنة بالبيت تنتظر تقدم على السنة الجاية ( بنظام اعادة الترشيح ). 2⃣ اكو هواية امور مهمة لازم تعرفها قبل لا تقدم اللي من ضمنها #انظمة_التدريس بين الكليات ، لأنه اذا قدمت محافظات ونقبلت بكلية خارج محافظتك ونظام هاي الكلية يختلف عن أي نظام الكلية اللي بمحافظتك ف هنا ميصير تنقل بينهم ، واذا نقلت يرجعونك للمرحلة الأولى. انطيك مثال | - مثلا قدمت هندسة مدني موصل ( نظامها مقررات ) ونقبلت بيها وانت من البصرة فلازم تداوم سنة كاملة بالموصل وتنجح يلا يحقلك تنقل لمحافظتك ( يعني من شروط النقل انك تداوم سنة بالجامعة اللي تنقبل بيها اول مرة) اللي هي البصرة ، المهم خلصت مرحلة أولى وتريد ترجع لمحافظتك تدرس وبالبصرة هندسة مدني نظامها (فصلي مثلا) فإنت بهاي الحالة ما تكدر تنقل بينهم ، لأن نظام الكليتين يختلف ، فبهاي الحالة لو تستمر بالموصل لو تنقل للبصرة بس ترجع مرحلة أولى من الصفر. لذلك ادرس وضعك زين يلا تقرر وترتب استمارتك. 3⃣ معدلات القبول راح تكون قريبة من الحدود الدنيا للعام السابق 2022 ممكن تكون اعلى بشي بسيط. وخلي ببالك انه ممكن تكون معدلات القبول أعلى بقليل أو اقل بقليل او متقاربة من سنة من العام وهذا يعتمد على خطة القبول المركزية وعدد الطلاب اللي تريدهم بكل كلية. 4⃣ للفرع العلمي ( احيائي + تطبيقي ) مطلوب انك تملي 50 اختيار داخل الاستمارة ويكون على الأقل مخلي بيهم 10 معاهد ( اجباري تخلي اقل شي 10 معاهد ). اما الفرع الادبي فمطلوب منك تختار 25 اختيار كحد أدنى الى 50 اختيار وايضًا لازم تخلي 10 معاهد ضمن استمارة التقديم. 5⃣ من تجي تختار الاختيارات ف خلي ببالك هاي الأمور ولا تنساها | • تختار الكليات اللي قريبة من معدلك وتناسبو ( اعلى منو ب3-5 درجات او تقاربو أو أقل منو ). مو معدلك 70 وتروح تخلي علم الذرة !!؟ يعني اختار اشياء قريبة من معدلك ومعقولة. • رتب اختياراتك حسب رغبتك ! يعني أي اختصاص تريدو اكثر شي ؟ تخلي أول اختيار ، ثم لا سامح الله اذا ماطلعلك اختيارك الأول ف تسأل نفسك ؟ اني أي اختصاص احب اذا ما طلعلي الأول ؟ ف تختار و تخلي بالخيار الثاني وهكذا ... ( حسب رغبتك رتبهم). انطيك مثال | - مثلا انت تحب هندسة اتصالات وهي قريبة تقريبا من معدلك ( حتلو لو اعلى بكم درجة اثنين أو ثلاثة مثلا ) فخليها أول اختيار ✓. - ثم تمام خليتها ف تبدي تتوقع اسوء الاحتمالات ، أنه اذا ما نقبلت اتصالات ، شنو الاختصاصات اللي تريدو بعدها ؟ مثلا هندسة حاسبات ، ف تختار بالخيار الثاني حاسبات✓. - ثم هم تتوقع اسوء الاحتمالات ، أنه اني اذا ما نقبلت لا اتصالات ولا حاسبات ، شنو بعد اريد ؟ ف تخلي ثالثا وهكذا ترتيب الاستمارة واضح ؟. • لا تخلي اختيار ما تريدو وممكن يقبلك ! لأنه كلشي يصير ! فلا تخلي اختصاصات انت ماتريد تدرس بيها بالاستمارة ، واضح ؟ خلي شي يناسبك وتتقبلو. انطيك مثال | - يعني مثلا اني ما أحب ادرس صيدلة ، ف ما اخلي صيدلة اصلا لأنه يجوز تطلعلك وبعدين اجباري تدرس بيها أو تترك سنة كاملة وتنتظر ينفتح التقديم سنة الخ !. #ملاحظات_مهمة | 1⃣ إذا قدمت أول شخص على الاستمارة او آخر شخص فهذا مايفيدك بشي ، فخاف عبالك اذا قدمت اول واحد يعني حجزت مقعد. 2⃣ الاستمارة راح تبقى مفتوحة لوقت طويل فلا تستعجل ابد. 3⃣ طلاب الدور الثاني لا تقدمون هسه لحد ماتخلصون امتحانات وتطلع نتائجكم لأنه من تطلع نتائجكم راح يفتحونها مرة الخ وتقدم براحتك فلا تهتم لان كل سنة هيج. 4⃣ بعد ماتقرا الملاحظات اللي كتبتها الك فوگ وتفكر وتسأل وتستفسر وتبحث ..الخ ف تجيبلك مسودة وترتب خياراتك بيها وتتاكد منها وبعدين تروح تفتح الرابط وتقدمها تمام ؟ 5⃣ من تريد تعرف معلومات عن اختصاص معين فلا تعتمد على معلومات النت فقط ، الأفضل تروح تسأل أهل الاختصاص والطلاب اللي يداومون بالكلية اللي أنت تريد تعرف معلومات عنها. 6⃣ تذكر زين أنه عندك محاولتين للتقديم فقط من تخلصهم خلاص بعد ماتكدر تغير الاختيارات الا تنتظر سنة وتكعد بالبيت لذلك ابد لا تستعجل عندك وقت هواية للتفكير والقرار. ✍ : سالم ال منصور #شبكة_جامعيون https://t.me/collegeton

#عــاجـل | ▪️وزارة الاتصالات: سيتم قطع خدمة الإنترنت لمدة ساعتين خلال امتحانات الدور الثاني للمراحل المنتهية من الساعة السادسة إلى الساعة الثامنة صباحاً اعتباراً من يوم غد الخميس استناداً إلى طلب وزارة التربية. #شبكة_جامعيون https://t.me/collegeton

#عاجل.. - وزير التعليم يوافق على شمول المتفوقين من مواليد 1990 صعوداً بالتقديم إلى القبول المركزي. #شبكة_جامعيون https://t.me/collegeton

#عاجـــــــل | التعليم تعلن بدء التقديم الى قناة القبول المباشر في الجامعات الحكومية تعلن وزارة التعليم العالي والبحث العلمي بدء التقديم إلى قناة القبول المباشر للسنة الدراسية 2025/2024. وتوضح دائرة الدراسات والتخطيط والمتابعة أن التقديم ينتهي في 2024/9/8 ليبدأ بعد ذلك إجراء الاختبارات التي تستمر من تاريخ 2024/9/10 لغاية 2024/9/15 للتخصصات المشمولة بالقبول المباشر في الكليات لخريجي الدراسة الإعدادية من فروع العلمي والإحيائي والتطبيقي والأدبي والفنون والمهني والإسلامي. وحددت أن الكليات المعنية بقناة القبول المباشر هي كليات وأقسام التربية البدنية وعلوم الرياضة وكليات وأقسام الآثار وكليات الفنون الجميلة وأقسام التربية الفنية وأقسام اللغة الكردية في الجامعات (عدا جامعة كركوك) وأقسام اللغة التركية وقسم رياض الأطفال وقسم التربية الأسرية والمهن الفنية في كليات التربية الأساسية وكليات العلوم الإسلامية والفقه وقسم الاقتصاد المنزلي في الجامعات وكلية الفنون التطبيقية/الجامعة التقنية الوسطى. ضوابط القبول المباشر وشروطه 👇: https://mohesr.gov.iq/ar/assets/img/uploaded_files/260820242.pdf #شبكة_جامعيون https://t.me/collegeton

#خــــبر | وزير التعليم يصدر أمرا وزاريا بتعيين 4129 من حملة شهادة الماجستير أصدر وزير التعليم العالي والبحث العلمي الدكتور نعيم العبودي أمرا وزاريا بتعيين أربعة آلاف ومئة وتسعة وعشرين من حملة شهادة الماجستير على ملاك مركز وزارة التعليم العالي والبحث العلمي استنادا الى القرارات والتشريعات النافذة. وتدعو وزارة التعليم العالي والبحث العلمي الذوات المنشورة أسماؤهم إلى مراجعة المراكز الإرشادية في الجامعات لاستكمال إجراءات التعيين مستصحبين معهم المستمسكات الثبوتية الأربعة (النسخة الاصلية) + نسخة ملونة عدد (2) + صورة شخصية عدد (4) وما يثبت حصولهم على الشهادة (وثيقة ملونة أو تأييد تخرج مع الباركود الخاص بصحة صدور الوثيقة أو تأييد التخرج) عدد (2) اعتبارا من يوم غد الثلاثاء الموافق 27/8/2024 عند التاسعة صباحا ولغاية عشرة أيام عمل من تاريخ نشر أمر التعيين في الموقع الرسمي للوزارة (www.mohesr.gov.iq). الأمر الوزاري والأسماء : https://mohesr.gov.iq/ar/assets/img/uploaded_files/260820241.pdf المراكز الإرشادية: ▪️الجامعة المستنصرية من تسلسل 1 إلى 1500. ▪️الجامعة التكنولوجية من تسلسل 1501 إلى 3000. ▪️الجامعة العراقية من تسلسل 3001 إلى 3565. ▪️جامعة النهرين من تسلسل 3566 إلى 4129. #شبكة_جامعيون https://t.me/collegeton

#خبـــــر | محافظة واسط تعطل الدوام الرسمي يوم غد الإثنين باستثناء المصارف. #شبكة_جامعيون https://t.me/collegeton

#خبـــــر | ▪️محافظة المثنى تؤكد تعطيل الدوام الرسمي يوم غد الإثنين. #شبكة_جامعيون https://t.me/collegeton

#خبـــــر | محافظة ميسان تعلن تعطيل الدوام الرسمي يوم غد الإثنين. #شبكة_جامعيون https://t.me/collegeton

#خــــبر | محافظة البصرة تعلن تعطيل الدوام الرسمي يوم غد الإثنين #شبكة_جامعيون https://t.me/collegeton

#خــــبر | محافظة بغداد تعلن تعطيل الدوام الرسمي يوم غد الإثنين في الدوائر والأقسام التابعة لها #شبكة_جامعيون https://t.me/collegeton

#خبـــــر | محافظة ذي قار تعطل الدوام الرسمي بعد غد الإثنين. #شبكة_جامعيون https://t.me/collegeton

نصيحة لاخوتنا المقبلين على الجامعات وأولياء الأمور الكرام تحية طيبة … لا يخفى عليكم الواقع الصحي المتهالك في البلاد وقلة أعداد المستشفيات ومصانع الأدوية والمراكز الصحية والطبية ، كما لا يخفى عليكم سوء التخطيط من قبل الجهات ذات العلاقة والتي هدفها كسب المال على حساب مستقبل مجهول لأبنائكم ومن واجبنا الاخلاقي والشرعي إحاطتكم بالعلم ان هناك آلاف الخريجين من اطباء الأسنان والصيادلة وباقي الاقسام الطبية والصحية يتظاهرون الان بمظاهرات كبرى لاجل استحداث درجات وظيفية لهم وسط عجز الحكومة عن ايجاد حلول جذرية لهم وقمعهم بشتى الطرق … نرجوا منكم عدم القاء ابنائكم في التهلكة عن طريق الزج بهم في كليات المجموعة الطبية لان مصيرهم اصبح معروف لدى الجميع … العالم مقبل على ثورة إلكترونية وصناعية عن طريق الروبوتات والذكاء الاصطناعي ، في المستقبل القريب حتى العملة ستتحول إلى عملات رقمية وسيكون الاحتياج لخريجي قسم الامن السيبراني والمبرمجين، اشغلوا الكليات ذات الاختصاصات المهتمة بالبرمجة فهي المستقبل الواعد للأجيال ما على الرسول إلا البلاغ المبين … اللهم اني بلغت فـ أشهد الكلام منقول .

الأنواء الجوية: حرارة الطقس تبلغ ذروتها منتصف الأسبوع المقبل لتقترب لـ50 مئوية بالوسط وتتجاوز ذلك بالجنوب.

#للمرة_الالف ● لحد يستعجل بالتقديم لان ابسط خطأ يكلفك تروح كلية ماتريدها .. ● أي خطأ بالتقديم يكلفك تخسر سنة من حياتك .. ● جماعة الدور الثاني محد يقدم إلا يمتحن دور ثاني وتطلع نتيجتو يلا يقدم .. اياكم تقدمون وانتوا بعدكم ماتعرفون معدلاتكم النهائية . #سالم_ال_منصور

#الاوائل #متفوقي_الكليات_والمعاهد " معلومات قد لا تعرفها عن الطلبة الاوائل في الكليات والمعاهد " • اعزائي طلبة الجامعات او الطلبة المقبلين الى الجامعات ، لازم تعرفون هاي الفقرة اللي اغلبكم ميعرف شي عنها واللي هي #الاوائل ... اكو كليات واقسام ومعاهد اذا طلعت اول بيها تتحول الى كليات أعلى منها ، وهاي الكليات نسميها الكليات ذات المتطلبات الادنى تحول منها الى كليات ذات متطلبات أعلى ... مثال | • إذا طلعت اول على المرحلة الأولى بقسم علوم الحياة فـ تكدر تحول لكلية الصيدلة أو طب الأسنان انت حر ... كذلك قسم علوم الكيمياء. • الطب البيطري اذا طلعت أول بي على المرحلة الأولى فيحقلك ايضًا تحول طب أسنان ... • علوم الأرض اذا طلعت اول على المرحلة الأولى فيحقلك تحول هندسة نفط .... والكثيير من الامثلة لباقي الكليات ... اما مايخص #المعاهد ... • فأذا طلعت من ال 10% الاوائل على المعهد فيحقلك تحول الى كليات اعلى مناظرة للقسم اللي تخرجت منو ف مثلا | • طلعت من الــ 10% الاوائل على معهد الطبي قسم تحليلات بعد تخرجك ( من تخلص السنتين ) فيحقلك تحول الى كلية التحليلات .. واذا انت قسم تمريض ف تحول كلية تمريض وهكذا بالنسبة لباقي الاقسام. • مو بس أقسام المعهد الطبي .. لا اكو أيضا معاهد ادارية وتقنية اخرى تكدر تحول منهم الر كليات اعلى. #معهد_الصيدلة • معهد الصيدلة بي فرصتين للتحويل | 1⃣ اذا طلعت اول على المرحلة الأولى ف تتحول الى كلية الصيدلة. 2⃣ اذا طلعت من ال 10% الاوائل ايضًا يحقلك تحول الى كلية الصيدلة. اما باقي المعاهد والاقسام فقط يحقلك اذا انت من الـ 10% الاوائل ... #الكليات_الاهلية • اذا طلعت الأول على دفعتك بكلية اهلية بالمرحلة الأولى أو الثانية ف راح تتحول لنفس الكلية لكن لجامعة حكومية ... مثال | • طلعت اول على دفعتك بكلية الصيدلة اهلي ف يحقلك تحول الى كلية الصيدلة لجامعة حكومية مجاني ... وهكذا لباقي الكليات والتخصصات. #الموازي - حسب قانون الموازي اذا تطلع من الطلبة الاوائل على الدفعة يخفضولك القسط .. مثال | 1⃣ اذا طلعت من الثلاثة الاوئل على الدفعة ككل ( موازي وغير موازي) فتحفيض يكون 100% وتنعفي من قسط الموازي بالمرحلة اللي انت بيها ( مو كل المراحل ). 2⃣ إذا انت رابع او خامس او سادس فيتخفضلك بنسبة 75% من القسط. 3⃣ اذا انت سابع او ثامن او تاسع او عاشر على دفعتك ف يتخفض بنسبة 50% من القسط. - هذا كان قبل تخفيض الوزارة 50% اما بعد تحفيض الوزارة ف اختلفت الامور | 1⃣ العشرة الاوائل الهم تخفيض 50% فوك تحفيض الوزارة. 2⃣ ثاني عشرة اوائل تخفيض 40% وثالث عشرة 30%. ✍ | سالم ال منصور #شبكة_جامعيون https://t.me/collegeton

#عاجـــــــل | تعلن وزارة التعليم العالي والبحث العلمي نتائج تعديل الترشيح وقبول طلبة السنة السابقة للسنة الدراسية 2025/2024. وتتضمن نتائج تعديل الترشيح المنشورة في بوابة الدراسات والتخطيط (www.dirasat-gate.org) قبول (٦٠٤٠) طالبا موزعين على القناة العامة وقناة الوافدين وذوي ضحايا العمليات الحربية والأخطاء العسكرية والعمليات الإرهابية وذوي شهداء الحشد الشعبي وذوي شهداء ضحايا جرائم حزب البعث المنحل. وتشتمل نتائج قبول طلبة السنة السابقة على (٢٧٨١) طالبا توزعوا على القناة العامة وقناة الوافدين وذوي ضحايا العمليات الحربية والأخطاء العسكرية والعمليات الإرهابية وذوي شهداء الحشد الشعبي وذوي شهداء ضحايا جرائم حزب البعث المنحل. وفي هذا السياق تؤكد وزارة التعليم العالي والبحث العلمي أن الطالب يمكن له العودة إلى قبوله المركزي في غضون ثلاثة أيام من إعلان نتائج تعديل الترشيح على أن يكون مسجلا في الكلية أو المعهد المقبول فيه مركزيا للسنة الدراسية السابقة. #شبكة_جامعيون https://t.me/collegeton

لاحقا نكمل..

#تنويه_هام .. ● جماعة المسائي اللي ضمن الرعاية الاجتماعية الهم تخفيض ٥٠%. #شبكة_جامعيون