افلام اجنبيه | افلام نتفليكس

كتبت جريده مرجعه لهل فيلم Nocturnal Animals وبالغلط حذفتها ، مدري التكاها من قهر الفيلم لو قهر الرساله للي نحذفت وهسا رجعت كتبت هلشي البسيط مكدرت اتعمق مثل اول رساله الفيلم يخليك تكتئب بالبدايه تسب تفشر تطلع عن طورك ، بس بالنهايه راح يرضيك ، اما عن سوزان فهاي عباره عن عاهه تمشي بالارض ملخص بسيط عيني القصه عن استاذ رياضيات اخذ عائلتة سفره طويله وصار اليل وتصادمت الاحداث من اشخاص من حثاله المجتمع تصير بينهم بعض المشادات ومن هنا تبدي عاد تغلط بجميع اللغات الي عندك ، واخيراً احب اكلك لا تصير مثل ادوارد ابد بحياتك لان الي صار وياه من علاقته بسوزان ومن الاحداث الي صارت هي حقيقه .

چم لیله اعله ليله يعز عليه النوم بس حلمك توالي الليل خطاري -عريان السيد خلف. 4284

اوكي خلصت فيلم Stronger 2017 وحاب احجي عنه شويه قصته عن حادث حقيقي لشخص اثناء حضوره مارثون لحبيبته يحدث انفجار وبهلشي يفقد اقدامه ، طبعا هلشي مو حرق حتصير بأول كم دقيقه من الفيلم ،قبل لا امدح الفيلم لازم اكلكم انا من عشاق تمثيل جيك جيلنهال الممثل ابدع بالدور ، المهم الي يحس بفقدان امل كبير بأن حياته ممكن ما تتغير او يشوف كل شي جاي يتدهور هذا الفلم الك و وعد ما راح يضيع وقتك ابد ، طبعا علاقته مع إيرين مره اصير وياه ومره وياها بس حبيت كيف منطين مساحه لبعض وشلون ينفصلون اكثر من مره ويرجعون ، عيني دروح شوفه واسكت. واكتشفت شييي انا شايفه قبل ومن جيت اشوفه كأني اول مره اعتقد صاير عندي مسح بالذاكره كلش قوي.

فيلم مجنون ثاني ينضم للقائمه The Machinist 2004 اختصر القصه الك شخص ما نام صارله سنة وبدأ تحدث معه امور غريبه جداً ، الفلم درامي واثارة ، انا اشوفه رعب نفسي تقريبا هيج تصنيف تابعه لا يفوتك.

لا أريد انا اندفع مره اخرى اخر مره ندفعت ناحيه احدهم مشيت في الشارع لا اعرف ديف اتنفس من الشعور بالندم...

حنطيك توصيه لفيلم بس مالي دخل بالاضرار الي راح يسببها الك فيلم oldboy 2003 ياخي راح تعيش لحظات ومشاعر فرح وحزن عميق وكره لنفسك اي لنفسك لأن حسيت بهاي المشاعر صدقني ما راح تفهم شعوري الا اذا شفت هذا الفيلم العظيم اوعدك تجربتك حتكون مختلفه عن اي فيلم اخر شفته خليك مستعد نفسياً قبل لا تتابعه وهاي بعد انا وصيتك.