📚ONA TILI — MILLAT RUHI.🌿 O‘ZBEKISTON FILOLOGLARI🕊

#ибрат РОСТГЎЙЛИК Бир эркак болаларини олиб, ўйингоҳга келибди. Бу ерда гольф ўйини ўтказилар, у ўғилларини илк бор томоша учун етаклаб олганди. Чипта олиш учун кассага яқинлашиб сўрабди: - Чипта неча пул туради? - Олти ёшдан катталар учун уч доллар, унгача эса бепул. Хўш, нечта берай? - Кичигим уч ёшда, каттам еттида. Демак, 2 та чипта оламиз, мана сизга олти доллар. Чиптачи кулиб дебди: - Жаноб, агар катта ўғлингизни олти ёш деганингизда мен бунга ишонган ва сиз пулингизни тежаб қолган бўлардингиз. Ахир кўпчилик шундай қилади. Олтими, еттими, болаларни фарқлаш қийин. - Тўғри, сиз пайқамасдингиз. Лекин ўғлим биларди-ку? Атиги уч доллар деб уни ёлғонга ўргатишни истамадим… © Нодирабегим Иброҳимова таржимаси P.S.: Фарзандларимизни болалигидан ростгўйликка ўргатайлик!

Одамларнинг энг бахтли лаҳзаси--бошқаларга яхшилик қилган лаҳзаларидир.

*** Хайр... Йиғламанг... Агар қайтсангиз, Калит ўша жойда бўлади. Уйни очсангиз, Суратингиз туради столим устида. Қоғозларни титсангиз — Сизга бағишланган шеърлар... Мен ишдан ҳориб қайтаман. "Яхшимисиз?"— дейман Қовоғимни ўйиб. Сиз ошхонага чиқиб йиғлайсиз: Ўшанда Кўксимни очсангиз, Ўзингизни топасиз... Агар қайтсангиз... Йиғламанг... Усмон АЗИМ

#ибрат Агар бир кишининг аёл киши учун ҳамма нарса қилишга тайёр эканини кўрсанг, демак у киши у аёлни севади Агар бир аёл бошқа бир эркак учун ҳамма нарсани қилишга тайёр бўлса, демак у аёл у эркакнинг онасидир!

Assalomu alaykum. Shanba tongi muborak 🥰 Kun davomida a'lo kayfiyat tark etmasin 🤲

Қишга ҳам айтгули гапим бор экан... Бекор тавозелар қишга керакмас - У мени тинглади қорлари билан, Совуқлари билан баҳс айлади, баҳс. Аёзли кечада боғларни кездик, Юлдузлар чирсиллаб учди фалакка... -  Азиз қиш, ёзда ҳам дилни муз эзди, Ҳарорат қолмади зарра юракда... Кифтимга қорлари оққушдай қўнди, Елкамда сирғанди совуқ қўллари: -  Дунё тўрт фаслдир - бу ҳолат кўнгин, Ўтар тўрт фаслдан умр йўллари... Бу содда насиҳат этмади ҳайрон, Аммо бу жўнликда кўпдир саволлар: -  Саратон чоғида туйдим қаҳратон, Юрагимга тушди нечун заволлар. Баттарроқ сочилди қишнинг қорлари, Шамол ўйинларин бошлади - тўзғин. -Энди кимга керак, оғам зорларинг, Умрингни шошириб яшаган ўзинг... Усмон  АЗИМ

#ибрат Аллоҳ сени эшитади... Ҳеч қачон "Ёмон яшаяпман" дема. Аллоҳ сени эшитади ва айтади: "Сен ёмон яшаш нималигини билмайсан" ва сенга ёмонроғини кўрсатади... Ҳар қандай вазиятда, нима бўлишидан қатъи назар доим "Яхши яшаяпман" деб айт. Шунда Аллоҳ айтади: "Сен яхши яшаш нималигини билмайсан" ва сенга яхшироғини кўрсатади... Фикр қилинг! Ибрат учун бошқаларга ҳам тарқатинг!!!

Омонмисиз олисдаги яқинларим Худо ризқинг сочар экан ҳар томонга, Гоҳ яхшига ишинг тушар, гоҳ ёмонга. Юртим деса кўзи ёнган чақинларим, Омонмисиз олисдаги яқинларим? Мусофирлик карвонида кезиб юрган, Юрт соғинчи юрагини эзиб турган. Оз яшаб ҳам кўпчиликдан кўпни кўрган, Омонмисиз олисдаги яқинларим? Сизни кутиб олма пишди, гилос пишди, Сиз термаган ўрик қоқи бўлиб тушди. Мени дайди ҳаёлларим сизга учди, Омонмисиз олисдаги яқинларим? Юртим ўйлаб юрак бағрим эзганларим, Татимайди сизсиз кўча кезганларим. Дилга таскин бўлармиди ёзганларим, Омонмисиз олисдаги яқинларим? Соғинчидан дилим чертди кўнгил торим, Сизни кўрсам тўлар ярим кўнгилларим. Оғаларим, азиз опа-сингилларим, Омонмисиз олисдаги яқинларим?

Assalomu alaykum. Juma tongi muborak 🥰 Juma kunining xayr va barokati sizga bo'lsin 🤲

​* Хулоса учун ҚИШ ЭДИ... ...Ойбек ана шундай мушкул бир шароитда “Навоий” романини ёзиб тугатди. Электр йўқ – ҳануз бизга келиб етмаган. Ўтин-кўмир йўқ – печь ёқолмаймиз. Бир қоп, ярим қоп кўмирни амал-тақал қилиб топамиз. Сандалда ўтириб кун кўрамиз. Баъзан қоп кўтариб, Ойбек кўмир излаб кетади. Уй совуқ бўлганидан болалар кўпинча сандалга тиқилиб, ухлаб қоладилар. Бир кеча, ёдимда, Ойбек ёзиб ўтирарди. Мен ҳам ёзибми, ўқибми, ўтирибман. – Зарифа, қорним оч, жуда очиқдим, – деб қолди Ойбек. Мен нима дейишни билмайман, индамадим, жавоб қилолмадим. Негаки, уй қуп-қуруқ эди. – Бирор нарса йўқми? – сўради Ойбек. Ўрнимдан туриб, шкафни ахтардим. Ҳужрадаги хурмача, халталарни текширдим. Бир ҳовуч йирик кепак, бир-икки қошиқ шакар топдим, сўнг хурмачанинг тагини сидира-сидира бир қошиқ ёғ олдим. Примусда кепакни қовуриб, сўнг унга шакар аралаштириб, дастурхонга тортдим. Билмадим, бу қандай таом бўлди экан? Ойбек ҳазратлари номи менга ҳам номаълум бўлган бу таомдан бир-икки марта қошиқ учида олган бўлди. Сўнг “Сен хам егин”, деб мени қистади. – Йўқ, очиқмадим. Ўзингиз ея беринг, – дедим унга. Менинг ҳам қурсоғимда ҳеч нарса йўқ, фақат қаноат бор, холос. Ойбек озгина еди. Озгинасини қолдириб, деди: – Эрталаб болаларга берарсан. Менга боқиб жилмайди-да, тағин ёзувга киришди. Билмадим, бемазалигидан ея олмадими ёхуд болаларга илиниб, томоғидан ўтмадими?.. Икковимиз ҳам сандал четида ўтирибмиз... Мен бу кечани сира унутолмайман. Товоқ-товоқ паловлар, кабоблар, сомсалар, патирлар тўла уйимиз олқиб-чалқиб турганда, бизнинг ўша ғариб кечамиз кўз олдимга келади, ҳамиша... Зарифа Саидносированинг “Ойбегим менинг” китобидан

КИШАН КИЙМА… «Кишан кийма, бўйин эгма, ки сен ҳам ҳур туғилғонсен! Абдулҳамид Чўлпон «Кишанлар кияйми, Бўйин эгайми», Эркимни берайми сенга қайтариб? Ўзни унутайми, қонлар ютайми, турайми қошингда муъте, музтариб?! Чопайми Чопилган томирларимни, Суғуриб берайми тилимни?! Бир «ҳайт!» деб, Сирмасанг қамчининг, Қул қилиб берайми Элимни?! Кўзими юмайми, Энди очилган Тарихнинг асотир китобларидан? Юзимни бурайми, Ёвдан юзини Бурмаган аждодим хитобларидан!? Қиличим ташлайми Синмасдан бурун… Қаттол қиличига тегмай жаранги? Қўқонми,Марғилон ва ёки Жиззах… Жанггоҳ этагида тугамай жанги? Санчайми Ҳар битта гўдакларимни, Ваҳший бир аскарнинг милтиқ тийғига? Кўйлагин илайми Кўкалдош, Кўкча… Масжидин тўрида турган туғига? Ўтайми Пок муслим, тоза муслима Бобом ё момомнинг қабрини бузиб? Ерга урайинми яловларимни Онам туморини узгандай узиб? Кетайинми яна Юз йиллар нари, Пешонамга лаънат тамғасин босиб? Ўлдирайми гул-гул фарзандларимни Сургунга жўнатиб, Дорларга осиб?! Қараб турайинми Суврати аъён, Сотқин сиёғига жимгина боқиб? Лаънатлайми Чўлпон, Усмонларимни, Қодирий китобин ўтларга ёқиб?! Бузайинми Хива, Бухоро Аркин, Минг йиллик минора ҳавозаларин? Бир дағдаға қилсанг, Очиб берайми Тошкент ё Самарқанд дарвозаларин?! Ерга кўмайинми, Осмонни очган Настаълиқ, шикаста имлоларимни? Бузилган қасрингга Тўлайми хирож– Ипагу пахтамни, тиллоларимни? Оми деб кулайми Даҳоларимдан, Беришса – кўзининг ёғигача еб? Ор қилайми халқим, Она тилимдан, «Шуям миллатми деб, шуям халқми деб?!» Бўшатиб берайми Мадрасаларни, Ёв бостириб келса – отхоналарга?! Алмашиб берайми Масжид, мадраса, Саждагоҳларимни бутхоналарга?! Яна нима дейсан, Нима истайсан, Ёлғон, фитналардан безмадингми ҳеч?! …Пушкин Навоийнинг қошига келиб, Узр сўраб турар!.. Сезмадингми ҳеч?! Ўйнашма Миллатнинг ғурури билан, Миллатнинг Номуси, Оридир – бу Эрк! Она дегани бу – Она тилидир! Ва бутун бир халқнинг боридир – бу Эрк! Жонини жаҳонга Жон деб улашган Улуғ бир Онамиз – шу Ватан ҳаққи, Келсанг, Одамдай кел! – Бағримиз очиқ, Нон ҳаққи,туз ҳаққи, жону тан ҳаққи!.. Истибдод сиртмоғин Бўйнимга солмоқ – Бўлса агар қасдинг, Умидингни уз! Коинот қалбида Порлаб турибди Бугун Ўзбек деган мунаввар бир Сўз! Қўрқитма! Қалбимдан қўлларингни торт! Катта Йўлга чиқиб бўлган Карвонмиз! Асли сен қўрқасан! Чунки Ишқ билан, Бир буюк қалб бўлган Ўзбекистонмиз! Бир буюк халқ бўлган Ўзбекистонмиз! Кишанга қайт,дейсан… Эй, шўрлик олчоқ… Зебо МИРЗОЕВА.

РАСМАН: Янги йилда кетма-кет 5 кун дам олиш куни бўлади

Президент Фармони билан қуйидаги қўшимча дам олиш кунлари белгиланди: Demak, quyidagi kunlarda rasman dam olish bo'ladi: ✅ 31-dekabr (chorshanba); ✅ 1-yanvar (payshanba); ✅ 2-yanvar (juma); ✅ 3-yanvar (shanba); ✅ 4-yanvar (yakshanba). Kanalga obuna bo'lish:👇👇 @RESPUBLIKA_FILOLOGLARI

❗️2026-yil Bahorgi attestatsiya sinovlari uchun tasdiqlangan namunaviy test topshiriqlari Kanalga obuna bo'lish:👇👇👇 @RESPUBLIKA_FILOLOGLARI

⚡️2026-yil Bahorgi attestatsita sinovlari uchun test savollarini shakllantirish spetsifikatsiyasi Kanalga obuna bo'lish:👇👇👇 @RESPUBLIKA_FILOLOGLARI

Ҳар куни кулишни биладиган киши яшашни билади. Ж. Керри.