Msone Official

#MsoneTrending കഴിഞ്ഞ ആഴ്ചയിലെ ട്രെൻഡിങ് സബ് 15/12/25 മുതൽ 21/12/25 വരെയുള്ള ആഴ്ചയിൽ ഏറ്റവും കൂടുതൽ ഡൗൺലോഡ് ചെയ്യപ്പെട്ട സബ്: Sisu: Road to Revenge സിസൂ: റോഡ് ടു റിവഞ്ച് (2025) Release No : 3585 സബ് പരിഭാഷ ചെയ്തത്: വിഷ് ആസാദ് കഴിഞ്ഞ ആഴ്ചയിൽ സബ് നേടിയ ഡൗൺലോഡുകൾ: 17540 പരിഭാഷകന് അഭിനന്ദനങ്ങൾ. ഒപ്പം, സബ് കണ്ട പ്രേക്ഷകർക്ക് നന്ദിയും രേഖപ്പെടുത്തുന്നു.

#Msone Release - 833 (Movie) Koi... Mil Gaya (2003) കോയി... മിൽ ഗയാ (2003) പരിഭാഷ: സജയ് കുപ്ലേരി പോസ്റ്റർ: പ്രവീൺ അടൂർ ഭാഷ: ഹിന്ദി സംവിധാനം: Rakesh Roshan ജോണർ: ആക്ഷൻ, ഡ്രാമ, ഫാന്റസി IMDb : 7.1 (N/A)

അന്യഗ്രഹത്തു നിന്ന് ഭൂമിയിൽ അകപ്പെട്ട മായാവിയുടെയും, അവന്റ ഭൂമിയിലെ സുഹൃത്ത്, ‘കുട്ടി യുവാവ്’ രോഹിത്തിന്റെയും സൗഹൃദത്തിന്റെ കഥയാണ് ‘കോയി മിൽ ഗയാ‘. ഋതിക് റോഷൻ വളരെ മികച്ച അഭിനയം കാഴ്ച്ച വെച്ചിരിക്കുന്ന ഈ സിനിമയിൽ പ്രീതി സിന്റ, രേഖ, രജത് ബേദി തുടങ്ങിയവരോടൊപ്പം. ബാലതാരമായി ‘ഹൻസിക’ യും അഭിനയിച്ചിരിക്കുന്നു. കൊച്ചുകുട്ടികൾക്കും മുതിർന്നവർക്കും കുടുംബസമേതം കാണാവുന്ന നല്ലൊരു ചിത്രമാണിത്.

അഭിപ്രായങ്ങൾ പങ്കുവെക്കാൻ

❤️❤️ ❤️❤️ #Msone Release 🤩 3587 🤩🤩🤩🤩🤩🤩🤩🤩🤩🤩 Road House (2024) റോഡ് ഹൗസ് (2024) 🤩🤩🤩🤩🤩🤩🤩🤩🤩🤩                   📝പരിഭാഷ:             പ്രശോഭ് പി.സി                                              ✴️പോസ്റ്റർ: നിഷാദ് ജെ.എൻ 🍩ഭാഷ: ഇംഗ്ലീഷ് 🇺🇸 🍩സംവിധാനം: Doug Liman 🍩ജോണർ: ആക്ഷൻ, ഡ്രാമ, ത്രില്ലർ           🎥🎥 ⭐️ 6.2/10  🎬             📽📽 🍅 59% 🍿 52%          🧩🧩 ⭐️⭐️⭐️⭐️⭐️ 2.6/5 ജെയ്ക്ക് ജില്ലൻഹാൾ നായകനായ അമേരിക്കൻ ആക്ഷൻ ചിത്രമാണ് റോഡ് ഹൗസ്.🌴 യുഎഫ്സി മിഡിൽവെയ്റ്റ് ഫൈറ്ററായിരുന്നു എൽവുഡ് ഡാൾട്ടൻ. ഇടിക്കൂട്ടിൽ എതിരാളിയോട് ദാക്ഷിണ്യം കാണിക്കാത്ത പ്രകടനവും അസാമാന്യ കരുത്തുമെല്ലാം അയാളെ കുപ്രസിദ്ധനാക്കി. ഗ്ലാസ് കീ എന്ന സ്ഥലത്തുനിന്ന് വന്ന ഒരു യുവതി അയാളെ ഒരു ദൗത്യമേൽപിക്കുന്നു. അതിൻ്റെ ഭാഗമായി ഗ്ലാസ് കീയിലെത്തുന്ന അയാൾ വൈകാതെ മനസ്സിലാക്കുന്നു - അങ്ങേയറ്റം അപകടം പിടിച്ച, വയലൻ്റായ സ്ഥലത്താണ് താൻ എത്തിപ്പെട്ടിരിക്കുന്നതെന്ന്. 📱 അഭിപ്രായങ്ങൾ പങ്കുവെക്കാൻ

💗💗 💗💗#Msone Release 🚩 3570 🎲 Pluribus Season 1 (2025) പ്ലൂറിബസ് സീസൺ 1 (2025) എപ്പിസോഡ് 🤢- 🤢                ✍️പരിഭാഷ: അഗ്നിവേശ് & എൽവിൻ ജോൺ പോൾ                       ✴️പോസ്റ്റർ: പ്രവീൺ അടൂർ 🤩ഭാഷ: ഇംഗ്ലീഷ് 🇺🇸 🤩സംവിധാനം: Vince Gilligan 🤩ജോണർ: ഡ്രാമ, സയൻസ് ഫിക്ഷൻ           🎥🎥 ⭐️ 8.3/10 🎬             📽📽 🎥 98% 🍿 69% 600 പ്രകാശ വർഷങ്ങൾക്കകലെ നിന്ന് സംപ്രേക്ഷണം ചെയ്യപ്പെടുന്നൊരു റേഡിയോ സിഗ്നലിൽ നിന്ന് ശാസ്ത്രജ്ഞർ, വൈറസിന് സമാനമായൊരു ഘടകം സൃഷ്ടിക്കുന്നു. ലോകം മുഴുവൻ പടർന്നു പിടിച്ച ഈ ഘടകം, അത് ബാധിക്കപ്പെട്ട മനുഷ്യ മനസ്സുകളെയും ചിന്തകളെയും “സംയോജിപ്പിക്കുന്നു”. ലോകം മാറ്റി മറിച്ച ഈ പ്രതിഭാസം ബാധിക്കപ്പെടാത്ത വളരെ ചുരുക്കം ചിലരിൽ ഒരാളാണ് ഫാന്റസി എഴുത്തുകാരിയായ കാരോൾ സ്റ്റൂർക്കാ. ശാശ്വതമായ നിർവൃതിയിൽ നിന്നും ഈ ലോകത്തെ രക്ഷിക്കാനായുള്ള ദൗത്യം സ്വയം ഏറ്റെടുത്ത കാരോളിന്റെ വീക്ഷണത്തിലൂടെയാണ് കഥ മുന്നേറുന്നത്. 🌐 അഭിപ്രായങ്ങൾ പങ്കുവെക്കാൻ

#Msone Release - 3567 (Series) The Last Frontier Season 1 (2025) ദ ലാസ്റ്റ് ഫ്രന്റീയർ സീസൺ 1 (2025) പരിഭാഷ: നിഷാദ് ജെ.എൻ, പ്രവീൺ അടൂർ പോസ്റ്റർ: നിഷാദ് ജെ.എൻ ഭാഷ: ഇംഗ്ലീഷ് നിർമ്മാണം: ജോണർ: ആക്ഷൻ, ഡ്രാമ, ത്രില്ലർ IMDb : 6.8 (N/A)

അതിശൈത്യം നിറഞ്ഞ അലാസ്കയിലെ യൂക്കോൺ തുന്ദ്ര. ഇവിടെ സമാധാനപരമായി ജീവിക്കുന്ന യു.എസ്. മാർഷൽ ഫ്രാങ്ക് റെംനിക്കിന്റെ ജീവിതത്തിലേക്ക് ഒരു ദുരന്തം വിമാനത്തിന്റെ രൂപത്തിൽ ഇടിച്ചു കയറുന്നു. ഫെഡറൽ തടവുകാരെ കൊണ്ടുപോവുകയായിരുന്ന വിമാനം തകരുന്നതോടെ, അപകടകാരികളായ 50-ലധികം കുറ്റവാളികൾ, ലോകം അറിയാത്ത ഒരൊറ്റ ലക്ഷ്യവുമായി, മഞ്ഞുമൂടിയ വന്യതയിലേക്ക് ഓടിമറയുന്നു. അവരിൽ ഒരാളാണ് ഹാവ്‌ലോക്ക്, നിയമത്തേക്കാൾ തന്റെ പ്രതികാരത്തിനായി നിലകൊള്ളുന്ന ഒരു മുൻ ചാരൻ. ഹാവ്‌ലോക്ക്, റെംനിക്കിന്റെ കുടുംബത്തെ തന്റെ പദ്ധതിയിലേക്ക് വലിച്ചിഴയ്ക്കുന്നു. റെംനിക്ക്, തന്റെ നാട്ടുകാരെയും കുടുംബത്തെയും സംരക്ഷിക്കാൻ നടത്തുന്ന ഈ മനുഷ്യവേട്ടയിൽ, അതിജീവിക്കാൻ വേണ്ടി സത്യവും കള്ളവും ഇഴപിരിഞ്ഞ് കിടക്കുകയാണ്. ഈ ആക്ഷൻ-ത്രില്ലർ, ഓരോ എപ്പിസോഡിലും പ്രേക്ഷകരെ മുൾമുനയിൽ നിർത്തും.

അഭിപ്രായങ്ങൾ പങ്കുവെക്കാൻ

#Msone Release - 3586 (Movie) Tropic Thunder (2008) ട്രോപ്പിക് തണ്ടർ (2008) പരിഭാഷ: വിഷ്‌ണു പ്രസാദ് പോസ്റ്റർ: നിഖിൽ ഇ കൈതേരി ഭാഷ: ഇംഗ്ലീഷ് സംവിധാനം: Ben Stiller ജോണർ: ആക്ഷൻ, കോമഡി, വാർ IMDb : 7.1 (R)

ഇന്നേവരെ ആരും ചിത്രീകരിച്ചിട്ടില്ലാത്ത ഒരു യുദ്ധ സിനിമ, അതും തികച്ചും റിയലിസ്റ്റിക്കായി പിടിക്കാനായി അങ്ങേയറ്റം ജാടക്കാര ഹോളിവുഡിലെ കുറച്ച് വമ്പൻ താരങ്ങൾ തെക്കുകിഴക്കൻ ഏഷ്യയിലെ കാട്ടിലേക്ക് ഇറങ്ങിത്തിരിക്കുന്നു. ഷൂട്ടിങ് തുടങ്ങി കുറച്ച് കഴിയുമ്പോഴാണ് സംഗതി കൈവിട്ടുപോകുന്നത്. ഇവർ കേറി ചെന്നത് യഥാർത്ഥ ഭീകരന്മാരുടെ കോട്ടയിലേക്കായിരുന്നു. അതോടെ പട്ടാളക്കാരായി അഭിനയിക്കാൻ വന്ന നടന്മാർ ഉണ്ടയില്ലാത്ത തോക്കെടുത്ത് പോരാടേണ്ട ഗതികേടിലാകുന്നു. വിയറ്റ്നാം യുദ്ധസിനിമകളെയും ഹോളിവുഡിലെ സ്റ്റുഡിയോ രീതികളെയും അഭിനേതാക്കൾ കഥാപാത്രമായി മാറാൻ നടത്തുന്ന ‘മെത്തേഡ് ആക്ടിങ്‘ തുടങ്ങിയവയുമൊക്കെ കണക്കറ്റ് പരിഹസിക്കുന്ന ഒരു സ്പൂഫ് സിനിമയാണിത്.

അഭിപ്രായങ്ങൾ പങ്കുവെക്കാൻ

#Msone Release - 1379 (Movie) Blood: The Last Vampire (2000) ബ്ലഡ്: ദ ലാസ്റ്റ് വാമ്പയർ (2000) പരിഭാഷ: ഷാനു നൂജുമുദീൻ പോസ്റ്റർ: പ്രവീൺ അടൂർ ഭാഷ: ഇംഗ്ലീഷ് , ജാപ്പനീസ് സംവിധാനം: Hiroyuki Kitakubo ജോണർ: ആക്ഷൻ, അനിമേഷൻ, ഹൊറർ IMDb : 6.6 (N/A)

കെൻജി കാമിയാമ തിരക്കഥ എഴുതി ഹിരോയുക്കി കിറ്റകുബോ സംവിധാനം ചെയ്ത് 2000-ൽ പുറത്തിറങ്ങിയ ഒരു ജപ്പാനീസ് ആനിമേറ്റഡ് ആക്ഷൻ ഹൊറർ ചിത്രമാണ് ബ്ലഡ്: ദ ലാസ്റ്റ് വാമ്പയർ. സായ എന്ന വംപയർ ഹണ്ടർ മേലുദ്യോഗസ്ഥരുടെ ആവിശ്യപ്രകാരം തന്റെ പുതിയ ദൗത്യത്തിനായി ജപ്പാനിൽ ഉള്ള അമേരിക്കൻ സൈനിക താവളമായ യോകോട്ട എയർ ബേസ് സ്കൂളിലേക്ക് ഒരു വിദ്യാർത്ഥിയായി പോകുന്നതും ശേഷം നടക്കുന്ന പോരാട്ടാവുമാണ് ചിത്രത്തിന്റെ ഇതിവൃത്തം.

അഭിപ്രായങ്ങൾ പങ്കുവെക്കാൻ

#Msone Release - 3585 (Movie) Sisu: Road to Revenge (2025) സിസൂ: റോഡ് ടു റിവഞ്ച് (2025) പരിഭാഷ: വിഷ് ആസാദ് പോസ്റ്റർ: പ്രവീൺ അടൂർ ഭാഷ: ഇംഗ്ലീഷ് സംവിധാനം: Jalmari Helander ജോണർ: ആക്ഷൻ, വാർ IMDb : N/A (N/A)

2022-ൽ ആക്ഷൻ സിനിമാ പ്രേമികളെ അമ്പരപ്പിച്ച ‘സിസൂ‘ എന്ന ഫിന്നിഷ് ചിത്രത്തിന്റെ രണ്ടാം ഭാഗമാണ് ‘സിസൂ: റോഡ് ടു റിവഞ്ച്‘. ജൽമാരി ഹെലാൻഡർ തന്നെയാണ് ഈ ചിത്രവും സംവിധാനം ചെയ്തിരിക്കുന്നത്. ആദ്യ ഭാഗത്തിൽ നാസികളെയാണ് നായകൻ നേരിട്ടതെങ്കിൽ, ഇത്തവണ ശത്രുക്കൾ സോവിയറ്റ് റെഡ് ആർമിയാണ്. രണ്ടാം ലോകമഹായുദ്ധാനന്തരം തന്റെ വീട്ടിലേക്ക് മടങ്ങിയെത്തുന്ന ആറ്റമി കോർപി, സോവിയറ്റ് സൈന്യം അദ്ദേഹത്തിന്റെ കുടുംബത്തെ കൊലപ്പെടുത്തുകയും വീട് നശിപ്പിക്കുകയും ചെയ്തിരിക്കുന്നതാണ് കാണുന്നത്. തകർക്കപ്പെട്ട വീടിന്റെ അവശിഷ്ടങ്ങൾ അഴിച്ചെടുത്ത് മറ്റൊരിടത്ത് പുനർനിർമ്മിക്കാൻ അദ്ദേഹം യാത്ര തിരിക്കുന്നു, എന്നാൽ ഇതിനിടയിൽ ക്രൂരനായ സോവിയറ്റ് കമാൻഡറും സംഘവും അദ്ദേഹത്തിന് തടസ്സമായി വരുന്നു. പിന്നീട് നടക്കുന്നത് ചോരക്കളിയാൽ സമ്പന്നമായ പ്രതികാരത്തിന്റെ കഥയാണ്. ജോർമ ടോമില, ആറ്റമി കോർപി എന്ന അനശ്വരനായ പോരാളിയായി വീണ്ടും വിസ്മയിപ്പിക്കുന്നു.’അവതാർ’ സിനിമയിലൂടെ പ്രശസ്തനായ സ്റ്റീഫൻ ലാങ് വില്ലനായി എത്തുന്നതോടെ പോരാട്ടം കൂടുതൽ കടുക്കുന്നു. ആദ്യ ഭാഗത്തിന്റെ അതേ ഫോർമുല തന്നെയാണ് ഇതിലും ഉപയോഗിച്ചിരിക്കുന്നത്. ആക്ഷൻ പ്രേമികളെ നിരാശപ്പെടുത്താത്ത, ആവേശം ഒട്ടും ചോർന്നുപോകാത്ത ഒരു ‘പവർ പാക്ക്ഡ്’ സീക്വലാണ് ‘സിസൂ: റോഡ് ടു റിവഞ്ച്’.

അഭിപ്രായങ്ങൾ പങ്കുവെക്കാൻ

#Msone Release - 1382 (Movie) Melissa P. (2005) മെലിസ്സ പി. (2005) പരിഭാഷ: അഷ്‌കർ ഹൈദർ പോസ്റ്റർ: അഷ്കർ ഹൈദർ ഭാഷ: ഇറ്റാലിയൻ സംവിധാനം: Luca Guadagnino ജോണർ: ഡ്രാമ IMDb : 4.7 (R)

ആഗോളതലത്തിൽ ശ്രദ്ധേയനായ സംവിധായകൻ ലൂക്കാ ഗ്വാദഗ്നിനോയുടെ കരിയറിലെ ആദ്യകാല, എന്നാൽ ഏറ്റവും വിവാദപരമായ ഒരു ചലച്ചിത്രമാണ്, “മെലിസ്സ പി.” സിസിലിയിൽ നിന്നുള്ള കൗമാരക്കാരിയായ മെലിസ്സ പിയുടെ തീവ്രവും വൈകാരികവുമായ ലൈംഗിക യാത്രയാണ് ഈ എറോട്ടിക് ഡ്രാമ ചിത്രം. പ്രണയത്തിനായി വെമ്പുന്ന അവൾ, ചൂഷണത്തിന്റെയും ആത്മനാശത്തിന്റെയുംവഴിയിൽ എത്തിപ്പെടുന്നതാണ് ചിത്രത്തിന്റെ കാതൽ. ഗ്വാദഗ്നിനോയുടെ ചലച്ചിത്ര ജീവിതത്തിൽ ഈ സിനിമക്ക് തനതായ സ്ഥാനമുണ്ട്. മെലിസ പി.-യിൽ അദ്ദേഹം കൈകാര്യം ചെയ്ത തീവ്രമായ ആഗ്രഹത്തിന്റെയും വൈകാരികമായ ദുർബലതയുടെയും പ്രമേയങ്ങൾ, അദ്ദേഹത്തിന്റെ പിൽക്കാല ചിത്രങ്ങളായ കോൾ മി ബൈ യുവർ നെയിം പോലുള്ള ആഗോള ഹിറ്റുകളിൽ കൂടുതൽ ദൃശ്യപരവും വൈകാരികവുമായ വ്യക്തതയോടെ കൊണ്ടുവരാൻ അദ്ദേഹത്തിന് സാധിച്ചു. ഇറ്റലിയിൽ ഏറ്റവും അധികം വിറ്റഴിക്കപ്പെട്ടതും, അത്രതന്നെ വിവാദവുമായ മെലിസ്സ പനറെല്ലോയുടെ ആത്മ കഥയിൽ നിന്നും പ്രചോദനം ഉൾക്കൊണ്ടാണ് ഈ ചിത്രം നിർമ്മിച്ചിരിക്കുന്നത്. താൻ പ്രണയിക്കുന്നവനിൽ നിന്നും ഏൽക്കുന്ന ചതിയിലും ലൈംഗിക ചൂഷണത്തിലും മാനസികമായി തകർന്ന് പോകുന്ന മെലിസ്സയ്ക്ക് ലോകത്തോട് തന്നെയൊരു പക തോന്നുന്നു. അതിനെ മറികടക്കാൻ അവൾ ലൈംഗികതയെ സ്വന്തം നിയന്ത്രണത്തിലുള്ള ഒരു ആയുധമാക്കി മാറ്റുന്നു. അവൾ അതിരുകൾ ഭേദിച്ചുള്ള ലൈംഗിക അനുഭവങ്ങളിലേക്ക് തിരിയുന്നു.യഥാർത്ഥത്തിൽ തനിക്കേറ്റ മാനസികാഘാതത്തോടുള്ള വികലമായൊരു മറുപടിയായിട്ടാണ് അവൾ അതിനെ കാണുന്നത്. ഇത്തരത്തിൽ ലോകത്തെ വേദനിപ്പിക്കാൻ ശ്രമിച്ചു അവസാനം ജീവിതം തന്നെ ഇല്ലാതാകുന്ന അവസ്ഥയിൽ നിന്നുമുള്ള അവളുടെ തിരിച്ചറിവുകളും ഉയർത്തെഴുന്നേൽപ്പുമാണ് ചിത്രത്തിൽ പറയുന്നത്. ഇറ്റലിയിൽ വൻ വാണിജ്യ വിജയം നേടിയ ഈ ചിത്രം എറോട്ടിക് ഡ്രാമ വിഭാഗത്തിൽ വരുന്നത് കൊണ്ടു തന്നെ നഗ്നതയും അത്തരം സംഭാഷങ്ങളും ഉള്ളതിനാൽ പ്രായപൂർത്തിയായവർ മാത്രം കാണുക.

അഭിപ്രായങ്ങൾ പങ്കുവെക്കാൻ

#Msone Release - 3584 (Movie) The Shadow's Edge (2025) ദ ഷാഡോസ് എഡ്ജ് (2025) പരിഭാഷ: അഖിൽ ജോബി, വിഷ് ആസാദ് പോസ്റ്റർ: പ്രവീൺ അടൂർ ഭാഷ: മാൻഡറിൻ സംവിധാനം: Larry Yang ജോണർ: ആക്ഷൻ, ക്രൈം, ഡ്രാമ IMDb : 7.2 (PG-13)

ഏഷ്യൻ സിനിമയിലെ തന്നെ ഏറ്റവും വലിയ രണ്ട് ഇതിഹാസങ്ങൾ – ജാക്കി ചാനും ,ടോണി ല്യൂങ്ങും- നിറഞ്ഞാടിയ, ഹോങ്കോംഗ് ആക്ഷൻ സിനിമകളുടെ സുവർണ്ണ കാലഘട്ടത്തെ ഓർമ്മിപ്പിക്കുന്ന, ഉദ്വേഗജനകമായ ഒരു ക്രൈം ത്രില്ലറാണ് ‘ദ ഷാഡോസ് എഡ്ജ്’. മക്കാവു നഗരത്തെ വിറപ്പിക്കുന്ന ഒരു ഹൈ-ടെക് കൊള്ളസംഘത്തെ ചുറ്റിപ്പറ്റിയാണ് കഥ നടക്കുന്നത്. നഗരത്തിലെ അത്യാധുനിക സംവിധാനങ്ങളെപ്പോലും കബളിപ്പിച്ച്, തെളിവുകൾ അവശേഷിപ്പിക്കാതെ കവർച്ചകൾ നടത്തുന്ന ‘ ഷാഡോ’ എന്ന അദൃശ്യശക്തി പോലീസിന് തലവേദനയാകുന്നു. സാങ്കേതികവിദ്യ പരാജയപ്പെടുന്നിടത്ത്, കുറ്റവാളികളെ പിടിക്കാൻ, പഴയകാല രഹസ്യാന്വേഷണ വിദഗ്ദ്ധനായ ഹുവാങ് ഡിഷോങിനെ തിരികെ കൊണ്ടുവരാൻ പോലീസ് നിർബന്ധിതരാകുന്നു. തുടർന്ന് നായകനും വില്ലനും തമ്മിലുള്ള ത്രില്ലിംഗായ ‘ക്യാറ്റ് ആൻഡ് മൗസ്’ ഗെയിമാണ് സിനിമ. മികച്ച രീതിയിൽ എഴുതപ്പെട്ട രണ്ട് കഥാപാത്രങ്ങളായി രണ്ട് ലെജൻഡുകൾ വരുന്നത് തന്നെയാണ് ചിത്രത്തിന്റെ പ്രത്യേകത. പതിവ് കോമഡി ആക്ഷൻ ഹീറോ പരിവേഷം മാറ്റി വെച്ച്, പ്രായം തളർത്തിയെങ്കിലും ബുദ്ധി കൂർമ്മതയുള്ള, ഗൗരവക്കാരനായ റിട്ടയേർഡ് പോലീസുകാരനായി ജാക്കിചാനും, ശാന്തനും ബുദ്ധിമാനും എന്നാൽ ക്രൂരനുമായ മോഷ്ടാവായി ടോണി ല്യൂങ്ങും നേർക്കുനേർ വരുന്ന രംഗങ്ങൾ സിനിമയുടെ ഹൈലൈറ്റാണ്. ചൈനീസ് ബോക്സോഫീസിൽ ബ്ലോക്ബസ്റ്ററായ ചിത്രം, ആഗോള തലത്തിലും മികച്ച കളക്ഷൻ നേടി.

അഭിപ്രായങ്ങൾ പങ്കുവെക്കാൻ