ABDII SABAA

Ministeerri Fayyaa Magaalaa Hawaasaatti namni Vaayirasii Marburgiin qabame argamuu beeksise. Namni kun dhukkubsataa vaayirasii Marburg kan jalqabaa Jinkaatti argame waliin wal qunnamtii kan qabu yoo ta'u, gara naannoo sanaa imaluun gara Hawaasaatti deebi'ee akka ture himama. Kun kan ibsame Ministeerri Fayyaa fi Inistiitiyuutiin Fayyaa Hawaasaa hojii vaayirasii Marburg irratti hojjetamaa jiru irratti ibsa gaazexeessitootaaf kennaniin. Ministirri kun akka ibsanitti, Sadaasa 5 hanga Sadaasa 17/2017tti, yeroo vaayirasichi argamutti, namoota 73f qorannoon laabraatoorii gaggeeffamee, namoonni 11 vaayirasichaan qabamaniiru; isaan keessaa 6 du’aniiru; akkasumas 5 wal'aansa irra jiru. Namoonni dhuunfaa 349 isaan waliin qunnamtii qabaataa waan turaniif hordoffiin taasifamaa kan jiru yoo ta'u, isaan keessaa 119 yeroo tursiisaa xummuraniiru jedhan Ministirri kun. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Volkaanoon haaraa Ertallee irratti uumame dhohiinsa Haayilee Gubii waliin hidhata qabaachuu mala jedhame. Suuraaleen raadara Sintetiksii aperture Sentinel-1 Sadaasaa 16 kaafaman, naannoo sanatti sochiin volkaanoo tokkollee osoo hin jiraatin, rigaa haaraa bal'inni isaa meetira 760 fi 350 ta'e fiixee volkaanoo Ertale irratti uumamuu agarsiisa. Taatee kun dhohiinsa humna guddaa Sadaasaa 14 Haayilee Gubii keessatti muudateen walqabatee akka ta'e tilmaama. Kunis sirnoonni volkaanoo ollaa lamaan kuufama dhagaa baqfame akka qooddatanii fi dhiibbaa keessoo walirratti taasisaa akka jiran agarsiisa jedhame. Qaama gaara Ertale kan taate Hailey Gubi yoo xiqqaate waggoota 12,000 hirriba keessa erga turtee booda Wiixata Sadaasaa 14 sochii cimaa fi dhoo’aa agarsiisuu eegaluun gabaafameera. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

#Ads Maallaqa Oonlaayinii hojjedhaa! ASBEKS hojjechuu eegaluun Doolaara 300 injifadhaa. Guyyaa guyyaan maallaqa hojjatte baafachuu danda’uun kee Asbeks adda taassisa. Asbeks yeroo hojjettan doolaara tokko yeroo geessu kallattiin “Withdraw” taassifattee baafachuu dandeessa. Asbeks guyyaa guyyaan siif kafala. Dabalataan Chaalenjoota sasalphoo Asbeks gadhiisu irratti hirmaachuu maallaqa tasaa haala salphan ni argatta. Yerookee maallaqatti jijjiiruu feenaan Asbeks filannoo kee taassisi. Hojii kee hojjechaa, maallaqa dalagde guyyaa guyyaan baafachaa, sadarkaa keessa kan baatu taanaan injifataa ni taata, Asbeksiin jireenya kee ni jijjirta. Hojjetoota yeroo isaanii maallqatti jijjiira @Asbekscommunity irratti argachuun itti makamuu ni dandeessu. CARRAA GAARII. @asbeksplatform hordofuun hirmaadhaa. Karaa Teeligiraamii @asbeksplatform hordofuun hojjechuu eegalaa. Hojjechuu eegaluuf https://t.me/asbeksbot/start/?startapp=myadrefNjMwNzk2NTQ2Mg

namni dhuunfaan dubartoota lama gudeede ummata duratti fannifamuu isaa miidiyaaleen gabaasan. Ajjeechaan kun kan raawwatame Iraan magaalaa Bastam, bulchiinsa Iraan Semnan keessatti. Namichi kun dubartoota lamaan kana gowwoomsee, humnaan doorsisuun, doorsisaa fi salphisuun gudeede jedhama. Iraan yakkamtoota yakka cimaa raawwatanii kan ajjeestu yoo ta'u, yeroo baayyee ajjeechaa manneen hidhaa keessatti raawwatama. Ajjeechaan ummataa akkasii baay’ee xiqqaadha. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Haala waqtaawaa vaayirasiin Maarbargi irratti argamu ilaalchisuun Ministeerri Fayyaa miidiyaaf ibsa kenne. Dhimmicha irratti Dr Maqdas Dhaabaa"Laaboraatorii socho'aadhaan qorannoo Maarbargi taasisuun eegalame" jedhan. Ibsicha kan kennan Ministirri Ministeerichaa Doktar Maqdas Dhaabaa akka jedhanitti weerara vaayirasii Maarbargi yeroo gabaabaa keessatti to'achuuf naannolee, Inistiitiyuutii Fayyaa Hawaasaafi uummata akkasumas qaamolee garagaraa waliin taanee hojjetamaa jiraa jedhan. Kanas caalaatti fooyyessuufi hawaasatti dhiyeenyaan hojjechuuf keessumaa naannoo vaayirasichi jalaba mul'atetti laaboraatorii socho'aadhaan qorannoo taasisuu eegalleerra kan jedhan Doktar Maqdas, haala tatamsa'inaa, wal’aansa taasifamuufi odeeffannoowwan vaayirasichaan walqabaturratti miidiyaaleefi qaamolee garagaraa waliin hojiin hojjechuun cimee akka ittifufu eeraniiru. Yeroo vaayirasichi mudaterraa eegalee namoota dhukkubsattoota waliin qunnamtii qabu jedhamanii shakkaman 349 irratti hojiin adda baasanii qorachuu raawwatame keessaa 119 vaayirasicharraa bilisa ta’anii bahuu kaasanii, waliigala namoonni 11 vaayirasichaan qabamanii lubbuun namoota jahaa darbuufi namoota shaniif wal’aansiifi hordoffiin taasifamaa jiraachuu himaniiru. Hojiin adda baasuufi eeruu fudhachuu guyyaa mallattoon jalqabaa mul'aterraa eegalee cimee ittifufeera; gama biraatiin biyyoota dhibeen kun kana dura ittimul'ate waliinis marii taasisaa jirra jedhan. Hirmaannaan ummataa cimee ittifufuu akka qabu akkasumas ofeeggannoowwan barbaachisoon akka taasifaman kan dhaaman Doktar Maqdas; ekisteenshiniin fayyaas ta'e dhaabbileen fayyaa hundi yeroo kamuurra eeruu fudhachuufis ta'ee wal’aansa kennuuf qophiidha jedhan. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

yunivarsiitiiwwan mootummaan bulaa turan kudhan of danda’anii akka ofiin bulan taasisuuf tattaaffiin taasifamaa jiru kan itti fufee yoo ta’u, Yuunivarsiitiin Baahir Daar adeemsa ofiin of bulchuutti cehuuf qophii xumuruu ibse Yuunivarsitiin Baahir Daar adeemsa ofiin of bulchuutti ce’uuf qophii xumuruu Pireezidaantiin yuunivarsiitiichaa Dr Mangashaa Ayyaane ibsan. Dhaabbileen barnoota olaanoo madda galii mataa isaanii guddisuun sadarkaa idil-addunyaatti dorgomaa akka ta’an gochuun seera Labsii 1294/2015 bu’uura godhachuun yuunivarsiitii of danda’e hundeessuun barbaachisaa akka ta’es ibsaniiru. Dabalataanis Dhaabbileen Barnoota Olaanoo adeemsa isaanii fooyyeessuuf sirna faayinaansiifi bulchiinsaa fooyya’aa akka qabaataniifi qulqullina barnootaaf haalan akka mirkaneessaniif ofiin of bulchuun filannoo sirridhas jechuun isaanii gabaafame. Haaluma kanaan yunivarsiitiiwwan mootummaan bulaa turan kudhan of danda’anii akka ofiin bulan taasisuuf tattaaffiin taasifamaa jiru kan itti fufee yoo ta’u, Yuunivarsiitiin Baahir Daar isaan keessaa tokko ta’uu Pireezidaantiin Yuunivarsiitii Baahir Daar Dr Mangashaa Ayyaan himaniru. Yuunivarsitichi karoora tiraansifoormeeshinii waliin walsimsiisuun hojjachaa jiraachuus eeranii, qulqullina barnootaa mirkaneessuu fi humna namaa dandeettiifi gahumsa qabu oomishuuf ofiin of bulchuun yunivarsiitiiwwaniif murteessaa ta’uu yaadachisaniru. Yuunivarsiitiin Baahir Daar madaallii keessoo isaa karaa misooma humna namaa, caasaa bulchiinsaafi hojiiwwan kana fakkaatan irratti qorannoo gaggeessee bu’aa qorannoo isaas Ministeera Barnootaatiif erguu isaa pireezidaantiin Yuunivarsitichaa ibsaniiru. Kanaan duras Hagayya bara 2023, Yuunivarsitiin Finfinnee, mootummaa jalaa bahuudhaan murtee ofiin of bulchuu argachuun isaa ni yaadatama. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Harka qottoon muruu garee finxaaleyyii faannoon tibba kana mudateen walqabachuun mufiin uumameera. “Fakkeenya si taassina” jechuun qottoon yeroo harka falaxutu mullata. Hedduu ta’anii dhaabbachuun gariin miidhamaatti rasaasa alaammachaa, isaan keessa tokko ammoo harka kee fidi jechuun irra deddeebiin akka qoraaniitti harkaa miidhamaa falaxa. Suur sagalee gadhiifame kana irraa kan mullatu gareen gocha suukanneessa kana raawwate Faannoodha. Kaka’umsi isaa ammoo miidhamaa fakkeenya taassisuu ta’uu sagaleen dhaga’amu ni mullisa. Gareen kun garee duubatti hafaafi ilaalcha dhiphaa qabudha. Kan waamaraan nan fakkaattu taanaan du’uu qabda jedhee amanudha. Kan olaantummaan akka waan rabbi irraa kennameefi dhaadatuufi kaayyoo amantaa tokkoo, Itoophiyaa tokko Amaara jalatti bultu leellisudha. Yeroo ammaa kanatti mufii ummata irra itti ka’e sababeeffachuunis akkuma barame holola oofuu eegalanii jiru. Gocha raawwatanis waakkataniiru. Kana irra darbuunis gocha kana qaama biraaf kennaa jiru. Bo’icha sobaan kan beekaman garichi yakka yakkan namaaf kennanii, injifannoo namaa hatuun beekamu. Baroottan darban keessa biyyattiitti ajjeechaa sukanneessaa hedduun raawwatamaa kan jiran yommuu ta’u Rabbi furmaata nuuf kenni jechuu malee furmaati waan jiru hin fakkaatu. Rabbi biyyattii haa eegu, miidhamtootaaaf haa birmatu, ka miidhu haa gorfatu. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Chaayinaan astronaut hawaa keessatti dhabame baraaruuf ergama hatattamaa eegalte. Mootummaan Chaayinaa astronaut tokko hawaa keessatti rakkoon qunnamuun hafe baraaruuf ergama hatattamaa eegaluu beeksise. Ejensiin ergama kana gaggeessu ibsa kenneen, hawaa keessa hojjetaa kan ture astiroonatiin kun sababa hin beekamneen doonii hawaa ykn buufata guddicha irraa adda bahee, deebii hatattamaa kanas haala lubbuu namaa balaa irra buusu irraa kan ka’e barbaachisaa ta’uu ibseera. Ergama kana ilaalchisee ibsi dabalataa osoo hin kennamne, sagantaa hawaa Chaayinaa garee baraarsaa addaa fi dhiyeessii teeknooloojii barbaachisoo ta’an bobbaasuun rakkoo kana furuu fi astronaut kana nagaan gara lafaatti deebisuuf akka jirtu mirkaneesse. Addunyaan hojii balaa guddaa qabu kana itti dhiyeennaan hordofaa kan jirtu yoo ta’u, Chaayinaan astronaut kana baraaruuf kutannoo qabdu agarsiisuuf qabeenna hedduu bobbaastee jirti. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Namni dhuunfaan Hiriyaa isaa Waliin hojjetan ajjeesee baankii hojjetuu birrii miliyoona 2 ol saame hidhaan umurii guutuu itti murtaa'e. Yakkamaan Hiriyaa isaa kan waliin hojii hojjetan ajjeesuudhaan baankii hojjetaniimmoo maallaqa miiliyoona 2 saame adabbiin hidhaa umurii guutuu itti murtaa'ee jira. Gochi Yakkaa kun Bara 2015 keessa Magaalaa Finfinnee Kutaa Magaalaa Lidataa aanaa 9 bakka addaa Lidataa jedhamutti kan argamu Baankii Abisiiniyaa damee Baalchaatti raawwatame. Yakka kana kan raawwate Namni Maqaansaa Geetahun Mulat jedhamu, nama waliin hojjetu Zegyee Cheeruu sibiilaan mataa isaa fi qaama isaa gara garaa rukutee ajjeesee, achiis saanduqa baankichaa keessaa birrii miiliyoona 2 fi kuma 460 saame. Poolisiin Magaalaa Finfinnee Guyyaa yakki kun itti raawwatamerraa eegaluudhaan yakkicha qorachaa turuu beeksise. Akkaataa kanaan Namni dhuunfaa kun yakka walfakkaataa lama raawwachuu isaa kan mirkaneesse yoo ta’u, maqaa sobaa Amaaree Dassaaleny jedhuun fi ragaa barnootaa sobaatiin dhaabbata tajaajila nageenyaa tokko keessatti waardiyyaa ta’ee qacaramee hojjechaa ture. Yakka ajjeechaa nama waliin hojjetu irratti raawwachuun miliquuf yaalus, yakki kamiyyuu itti gaafatamummaa seeraa ol waan hin taaneef, namni kun to'annoo jala oolfamuun akkaataa yakkicha itti raawwate agarsiiseera. Haaluma kanaan Poolisiin galmee qorannoo qindeessee abbaan alangaa himannaa irratti bane. Manni Murtii Olaanaa Federaalaa dhimmicha ilaalaa ture himatamaa Geetaahuun yakkamaa ta’uu isaa murteessee hidhaa umurii guutuu itti murteessee jira. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Siyaasni Oromoo dhiiga waldhangaalaasuu keessaa bahee gara marii siyaasatti cee’uu akka qabu himame. “Rakkoo siyaasaa Oromoo qawween osoo hin taanne mariin furamuu qaba” jedhu. Waamichi obbolaa jidduutti dhukaasni haa dhaabbatu jedhus akkuma Itti fufetti Jira. Waraana waliinii Oromiyaa keessatti mootummaa fi Waraana Bilisummaa Oromoo jiddutti adeemsifamaa jiru karaa mariitiin akka xumuramuuf waamichi sagaleen dhukaasaa obbolaa jiddutti haa cal'isu jedhu adeemsifamaa jira. Ummanni Oromoo yeroo ammaa waan hundaa ol nageenya barbaada kan jedhan namoonni duula kana adeemsisaa jiran, kanaaf qaamonni Oromiyaa keessatti wal waraanaa jiran sagalee dhukaasaa cal'isiisuu qabu jedhu. “Rakkoo siyaasaa Oromoo qawween osoo hin taanne mariin furamuu qaba” jedhu. Qaamoleen Oromiyaa keessatti wal waraanaa jiran dursa sagalee dhukaasaa Oromiyaa keessatti cal’isiisuu irratti walii galuu qabu, achii booda dhimmoonni siyaasaa kanneen akka Bilisummaa, Walabummaa, hiree murteefannaa, hidhannoo hiikachuu, diimookraasii fi kanneen biroo dhufuu danda’uu jedha. Siyaasni Oromoo dhiiga waldhangaalaasuu keessaa bahee gara marii siyaasatti cee’uu akka qabu himu. Mootummaan Itoophiyaa marii nagaatiif haala mijjeessuu akka qabu dhaamani jiru. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

MM Dr Abiy Ajajaa Humna Waraanaa Yuunaayiti Isteetis waliin mariyatan Muummeen Ministiraa Abiy harra ganama Jeneraal Daagviin Aandarsan; Ajajaa Humna Waraanaa Yuunaayitid Isteetis kan Afriikaa waliin mari taasisuu beeksisan. Marii harra ganama gaggeessuu eeran kana keessattis, “dhimmoota nageenya naannoo cimsuu akkasumas tumsa waloo fooyyessuun akkamitti akka danda’amu” irratti mariyachuu isaanii dhaamsa miidiyaa hawaasaa isaaniin dabarsan keessatti eeraniiru. Waggaa darbes Muummeen Ministiraa Abiy Ajajaa Humna Galaanaa Ameerikaa fi Ajajaa Afriikom kan ta’an Janaraal Maayikel Leengilii waliin dhimmoota waloo fi ka naannoo irratti marii taasisuun isaanii kan yaadatamudha. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Humnootni Nageenyaa Keeniyaa daangaa cehuun Mooyaleetti miseensa humna nagaa Itoophiyaa tokko ajjeesuufi jiraataa tokko ukkaamsanii butuun gabaafame jiraattonni fi angawootni magaalattii "Humnooni nageenyaa Keeniyaa daangaa Itoophiyaa qaxxamuruun Magaalaa Mooyyalee Ganda Boolee ykn 02 tti Obbo Abduuba Waariyoo Diida, Bulchiinsaafi nageenya gandichaa ajjeessanii jiraataa magaalaa Mooyalee biroo Waariyoo Gurraacha jedhamu ammoo ukkaamsuu"himan. Jiraatan Magaalaa Mooyalee Obbo Husseen Halkanoo, Sambata xiqqaa Sadaasa 22, 2025 waaree booda naannoo sa’aatii 11;40 tti humnoonni nageenya keeniyaa daangaa Itoophiyaa seenuun konkolataa sadii mana jiraataa tokko kan Waariyoo Gurraacha jedhamu deemuun to’aachuuf yaalani jedhani. Jiraatan kunis, “ani yoo yakka dalage qaama seera Itoophiyatu na to’aata malee qaamni seera biyya ollaa irraa dhufe na too’achuuf mirga hin qabu” jechuun mana isaa keessatti yeroof miira aaritiin waliti dubbachaa turan jedhe. Booda irratti erga walii galuu dadhabaniin gara bulchiinsaafi nageenya ganda 02tti bilbiluun akka Abduubi dhufe taasifame jedha. Akkuma dhufeen “kuni daangaa keessani miti yoo rakkoo jiraate nutu too’ata” jechuun bulchiinsaaf nageenya ganda 02 kan ajjeefames wajiin akka wal dhaban dubbata. Kanuma gidduutti osoo inni hin beekin miseensi nageenyaa mootummaa Keeniyaa tokko jilbaa isaa dhiituun lafatti kuffisee jedhan. Kana boodas “yeroo kanatti shugguxiin isaa waan jala bu’eef osoo inni hin fudhatini shugguxxii isaas jarumaan fudhachuun bakka itti kufe osoo ka’aa jiruu raasasan ijjeessuun nama 2ffaa kan Waariyoo Gurraacha jedhamu ukkaamsanii fudhatan” jedha Obbo Husseen. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Miidiyaan Hawaasummaan haaraan kalaqame dorgomaa jabaa ta’uun gadi ba’eera. Miidiyaan hawaasummaa “SeenU” jedhamu tibba kana gadi lakkifame miidiyaalee baratamoo biroof morkataa jabaa ta’eera. Akkaataa dhiheessaafi tajaajila isaan adda kan ta’e “SeenU” , Dizaayinii addaan dhihaachuun, walqunnamtiin online hiika akka qabaatu , namoonni haala salphaan online qofa osoo hin taane dhiheenyatti akka walarganiifi jeequmsa tokko malee bifa hawwataa ta’een akka mullatan taassiseera. Yeroo ammaa kanatti “SeenU” fayyadamtoota miidiyaa hawaasummaa hedduu kan hawwate yommuu ta’u, fayyadamtoonni bifa kanaan dhihaachuu isaatti akka gammadan dubbataa jiru. Ogeeyyiin Industircha “SeenU” yeroo gabaabbaa gidduutti fudhatama akka argatu eeruun, bara walqunnamtiin marti “Virtual” ta’etti yaada addaan gadi ba’uun SeenU dorgomaa cimaa isa taassisa jedhaniiru. Yeroo ammaa “SeenU” Appstore irratti gadhiifamee kan jiru yommuu ta’u fayyadamtoota “Android” iif yeroo gabaabaa gidduutti akka gadhiifamu eegama. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

ODUU AMMEE: Erta Aleetti aarri fi dhohiinsi hin baratamne guuddaan muudate Naannoo Affaar Magaalaa Erta Aleetti dhohiinsi volkaanoo hin baratamne akka muudate gabaafameera. Akka maddeen jiraattota waabeffachuun gabaasanitti Guyyaa har'aa toora sa'atii 4:00 eegalee dhohiinsi guddaan amma dura hin baratamne guddaa ta'e naannoo adda addaatti akka dhaga'ame himama. Dhohiinsa kana hordofee gareen qorannoo bakka balaan kun itti dhaqqabe jedhametti ergamee jira. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Hojjettoonni mindaa ji'aa hanga birrii kuma 8,384 argatan gibira irraa bilisa akka ta'an Konfedereeshiniin Waldaalee Hojjetoota Itiyoophiyaa gaafate. Pireezidaantiin ISEMACO Obbo Kassahun Foloo gaazexeessitootaaf akka himanitti, hojjettoota mindaa ji’aa hanga birrii 8,384 ta’u gibira irraa bilisa akka taasisu mootummaa gaafachuu isaanii ibsaniiru. Ministeerri Maallaqaa Labsii Gibira Galii 979/2008 waggoota sagal darbaniif hojiirra oolaa ture fooyyessuuf qooda fudhattoota waliin marii taasisaa jira. Wixineen fooyya'iinsaa kun hojjettoota mindaa hanga birrii kuma lamaa qaban bilisa akka ta'an tumameera. Hojjettoonni mindaa hanga birrii 8,384 qaban gibira irraa akka bilisa ta’an Ministeera Maallaqaatiif xalayaa ISEMACOn gaafachuu isaa beeksise. Obbo Kaasahun akka jedhanitti namni guyyaatti doolaara sadii gadi argatu akka Baankii Addunyaatti akka hiyyeessatti waan ilaalamuuf gibirri galii mootummaa hojjettoota ulaagaa kana gadi ta’an ilaaluu qaba. ISEMACOn hojjettoota dhaabbata hojjechiisaa kamiyyuu keessatti hojjetan mindaa ji’aa birrii 8,384 hanga 22,974 argatu irratti gibira dhibbeentaa 10 akka kaffalu mootummaa gaafachuu isaa ibseera. ISEMACO xalayaa isaa keessatti gibirri dhibbeentaa 15 namoota mindaa ji’aa birrii 22,975 hanga 44,530 argatan irratti, gibirri dhibbeentaa 20 warra ji’a birrii 44,531 hanga 72,336 argatan irratti, akkasumas gibirri dhibbeentaa 25 akka kaffalamu gaafateera 72,337 hanga 107,449tti ta'eera. ISEMACO xalayaa mootummaaf barreesse keessatti, hojjettoota mindaa ji’aa birrii 107,450 hanga 150,107 argatan irratti gibirri dhibbeentaa 30, akkasumas hojjettoota mindaa ji’a birrii 150,108 fi isaa ol argatan irratti gibirri dhibbeentaa 35 akka kaffalamu gaafachuu isaa ibseera. Akka Labsii Gibira Galii Hojjetootaa amma baheetti, hojjettoonni galii hanga birrii 600 argatan gibira irraa bilisa yoo ta’an, kanneen Birrii 10,900 fi isaa ol argatan ammoo gibira dhibbeentaa 35 kaffaluun dirqama. Wixineen labsii haaromsa gibira galii torbee tokko dura Ministeerri Maallaqaa mariidhaaf baase kun, kanneen ji’atti Birrii 1,200, Birrii 1,600, fi Birrii 2,000 argatan gibira irraa bilisa taasisuuf tumaalee kan hammate ta’uun isaa hubatamuu qaba. Hirmaattonni marii adda addaa haaromsi gibira galii mootummaan haala diinagdee yeroo ammaa hojjettootaa tilmaama keessa kan hin galchine ta’uu yaada isaanii ibsachuu isaanii ni yaadatama. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

biyyoonni galii gadi aanaa qaban fayyaaf baasii xiqqaa akka baasan Baankiin Addunyaa Hime. Baankiin Addunyaa Roobii darbe Akka ibsetti Biyyoonni galii gadi aanaa qaban kanneen akka Itiyoophiyaa, Maalii fi Yugaandaan baasii fayyaa irratti baasan garmalee xiqqaa ta’uu Hime Baankiin Addunyaa gabaasa baaseen biyyoonni hiyyeeyyii ta’an tajaajila fayyaa bu’uuraa kennuudhaaf baasii xiqqaa barbaachisu irraa baay’ee gadi ta’uu baankichi beeysiseera. Akka gabaasa Baankii Addunyaatti biyyoonni akka Itiyoophiyaa, Maalii fi Yugaandaa bara 2024tti kunuunsa fayyaaf nama tokkoof doolaara 17 baasan. Haa ta'u malee, maallaqni kun biyyoonni kanaan dura bara 2024tti kunuunsa fayyaa bu'uuraa irratti baasii akka baasu tilmaaman irraa dachaa sadii gadi ta'a. Akka baankichi jedhutti biyyoonni hiyyeeyyii ta’an lammiilee isaaniif tajaajila fayyaa bu’uuraa kennuudhaaf waggaatti yoo xiqqaate nama tokkoof doolaara 90 ramaduu qabu. Baankichi maallaqni tajaajila fayyaaf ramadamu biyyoota hiyyeeyyii qofa osoo hin taane biyyoota galii jiddu galeessaa qaban kanneen akka Hindii, Paakistaan fi Veetnaam keessattis hir’achaa akka jiru hubachiiseera. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Balaa Lolaa Bishaaniin muudateen namoonni 41 du'uun ibsame. Lolaa bishaanii Veetnaamiin dhaqqabeen yoo xiqqaate namoonni 41 kan du’an yoo ta’u, namoonni sagal achi buuteen isaanii dhabamuu fi tattaaffiin lubbuu baraarsaa taasifamaa jira. Lolaan kun manneen jireennaa kuma 52 ol bishaan keessa galchuun maatii fi dhaabbileen daldalaa walakkaa miiliyoona ta’an humna ibsaa dhabaniiru. Jiraattonni kuma kudhaniin lakkaa’aman qe’ee isaanii irraa buqqa’aniiru. Naannolee tokko tokkotti guyyoota sadan darbanitti rooba meetira 1.5 ol roobee jira. Bakka tokko tokkotti ammoo rikoordii bara 1993 meetira 5.2 ture ni caala jedhamee eegama. Veetnaam ji'oota darban keessa haala qilleensaa hamaan miidhamteetti. Obomboleettiin lama Kalmagyi fi Bualaoi jedhaman torban muraasa keessatti du'aa fi badiinsa bal'aa geessisaniiru. Akka mootummaan kun jedhutti, bara kana baatii Amajjii hanga Onkoloolessa jidduutti Veetnaam keessatti balaa uumamaa muudatuuf baasii doolaara biiliyoona 2tti tilmaamama. Bulchiinsi kun labsii yeroo hatattamaa erga sigiga lafaa daandii gurguddoo fi daandii guddaa miidhee booda labsii baaseera. Haalli qilleensaa roobaa kun hanga dilbataatti kan itti fufu ta’uu kan eegamu yoo ta’u, waraanni fi poolisiin bakka gaaddisa hatattamaa qopheessuun namoonni akka baqatan qarqaaruuf bobbaafamaniiru. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

#update Vaayirasii Maarbargiin nami takka yoo du’u lama ammoo qabamuun gabaafame Qorannoo Laaboraatoorii harra namoota 13 irratti taasifameen namootni lama Vaayirasii Maarbargiin qabamuu mirkanaa’uu Ministeerri Fayyaa beeksise. Qorannoo harraatiin namootni vaayirasiin kun irratti argamuun mirkanaaye namoota kanaan dura Kibba Itoophiyaa Jinkaatti shakkiin adda baafamii turan yoo ta’an, ammas namootni dhibeen kun irratti argame achumaatti yaala fayyaa isaanii hordofaa jiraachuu Ministeerri Fayyaa ifoomseera. Gama biraan ammas vaayirasii kanaan namoota dhibeen qabamuu isaaniin mirkanaa’e keessaa nami tokko lubbuun isaa darbuunis gabaafamee jira. Vaayirasichi erga Itoophiyaa keessatti mudachuun mirkanaayee haga yoonaa namoota 46 irratti qorannoon laaboraatoorii kan taasifame yoo ta’u, saddeet dhibee kanaan qabamuu, isaan keessaa afur yaala fayyaarra jiraachuun gabaafameera. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Pireezidaantiin Ameerikaa Tiraamp kantiibaa Niiw Yoork haaraa filame Zoohraan Maamdaanii waliin wal-arguuf Akka ta'e ibsame. wal-arguuf jechuun isaanii kuni kan dhagahame Arrabsoofi jecha walitti darbachuu yeroo filannoo magaalattii jidduu isaanii deemaa tureen booda akka ta'es ibsame. Zoohraan Maamdaanii Nama umriinsaa 34 yoo ta'u Demokiraatik Soshaaliistii, jalqaba baatii kanaa kantiibaa Niiw Yoork tahuun filamedha. Kantiibaan Kun Filannoon dura magaalattiin ala beekamtii guddaa kan hin qabne yoo tahu, amma nama akka biyyaalessaatti maqaan dhahamu tahee jira. Tiraamp ''kantiibaan koministichi'' wal-arguuf akka gaafate himan, walgahiin kuni waajjira mootummaa Ovaal Ofiisitti taa'ama. Dubbii-himtuun kantiibaa haaraa filame kanaa kantiibaan haaraa filame pireezidaantii waliin wal-arguun aadaa dha jette. ''Kantiibaan haaraa Pireezidaanticha Waashingitanitti yoo argu waa'ee nageenna uummataa, diinagdeen of danda'uufi humna tajaajilaafi dhiyeessii bu'uura jireennaaf kaffaluu danda'uu, jiraattoonni miiliyoona tokko Niiw Yoork isa filatan irratti mari'achuuf jedha,'' jette dubbii-himtuun Dooraa Peekeek. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡

Maatii nyaata summaa’e nyaatan keessaa namootni saddeet du’uun kan ibsame yoo ta'u Kanuma hordofuun poolisiin namoota kudhan to'annoo jala oolchuu ibse Jira. Naannoo Giddu Galeessaa Itoophiyaa Godina Guraagee Bahaatti miseensonni maatii tokkoo nyaata summaaye nyaatan keessaa namootni saddeet dhukkubsachuun achumaan lubbuun isaani darbuu Koomishiniin Poolisii Naannichaa beeksise. Bakka Bu’aan Kutaa Qorannoo Yakkaa Poolisiin Naannoo Giddu Galeessaa Itoophiyaa ittaanaa komaandar Yaaloo Tamazgeen, Godina Guraage Bahaa Aanaa Masqaan ganda Masarata Wagaraam ollaa Daashoo Qootoo jedhamutti taateen kun mudachuu ibsan. Ittaanaa Komaandar Yaaloo, Sadaasa 15, 2025, galagala naannoo saatii tokkoo miidhamtoonni kun, waliin irbaata erga nyaatan booda dhukkubsachuu eeranii, battala namootni kun dhukkubsatan namootni ollaa mana yaalaa geessuu dubbatan. Isaan keessaa ijoolleen maatii kanaa kan umrii waggaa 5, 7 fi 17 hospitaala battala gahan kan du’an ta'uu ibsan. SABA GUDDAA WAAN TAANEEF MIIDIYAA GUDDAATU NUUF MALA! 📡 MIIDIYAA @ABDII_SABAA 📡