DUNYO XABARLARI

🇺🇸🇺🇦🇷🇺 Трамп Украина ҳудудларини йўқотганини айтди "Улар аллақачон ҳудудларидан айрилган. Аммо хавфсизлик кафолатлари масаласида биз Европа билан биргаликда ишлаяпмиз. Уруш яна қайта бошланишини истамаймиз", — деди АҚШ президенти. Шунингдек, Трамп яқинда Путин билан гаплашганини ҳам маълум қилди, аммо суҳбат тафсилотларини очиқламади. 👉 @dunyo_xabarlari

🇧🇾🇻🇪 Лукашенко Мадуронинг Беларусга кўчиб келишига қарши эмаслигини айтди — БелТА "Мадуро ҳеч қачон бизнинг душманимиз ҳам, рақибимиз ҳам бўлмаган. Ҳеч қачон. Агар у Беларусга келишни истаса, эшикларимиз у учун доимо очиқ. Аммо бу ҳақда ҳеч қандай гап бўлмаган. Мадуро ҳамма нарсани ташлаб кетиб қоладиган, қочиб кетадиган одам эмас. У кучли инсон. Мадуро ҳалол, ақли расо шахс. У гаплашиш ва келишиш мумкин бўлган одам", — дея фикр билдирди Беларус раҳбари. 👉 @dunyo_xabarlari

Ҳиндистонда уй бекаларига «маош» тўлаш бўйича кенг кўламли лойиҳа бошланди Синов дастури доирасида 118 миллионга яқин уй бекасига ойига тахминан 12 доллардан 30 долларгача тўланади. Кичик ҳажмда бўлишига қарамай, миллионлаб оилалар учун, айниқса, қишлоқ жойларда ва аҳолининг кам таъминланган қатламлари орасида бу маблағлар муҳим аҳамиятга эга. 👉 @dunyo_xabarlari

🇺🇸 Трамп ўзининг монтаж қилинган видеоси учун BBC'дан беш миллиард доллар товон ундириш бўйича судга ариза берди АҚШ президенти BBC корпорациясини туҳмат қилишда ва савдо амалиёти тўғрисидаги қонунни бузишда айблади. Даъво аризаси берилишидан аввалроқ BBC ҳуқуқшунослари эътирозларга батафсил жавоб йўллаб, монтаждан ёмон мақсад кўзланмаганини ва дастур Трампга зарар етказмаганини билдирган. Трамп эътироз билдирган Panorama дастури 2024 йил октябр ойида BBC телеканалида эфирга узатилган. Унда АҚШ президентининг 2021 йил 6 январда, Капитолий штурми куни, айтган нутқидан икки парча бир-бирига уланиб намойиш этилган. Можаро 2025 йил ноябрида корпорациянинг ички ҳужжати сизиб чиқиб кетгач авж олди. Шундан сўнг жамоатчиликда BBC"га нисбатан журналистик бетарафлик тамойилларини бузганлик, жумладан Трампнинг нутқини монтаж қилиш борасида айбловлар янгради. 11 ноябр куни BBC бош директори Тим Дейви ва янгиликлар бўлими раҳбари Дебора Тернесс истеъфога чиқди. 👉 @dunyo_xabarlari

🇺🇸🇺🇦🇷🇺 Ҳозирги пайтда Россия Украинадаги можарога барҳам беришни истаяпти — Доналд Трамп "Муаммо шундаки, улар бунга барҳам беришни хоҳлаб, кейин бирдан фикрини ўзгартириши мумкин, худди шунингдек Украина ҳам бунга барҳам беришни хоҳлаб, кейин бирдан фикридан қайтиши мумкин. Шу сабабли биз уларни ягона фикрга келишга мажбур қилишимиз зарур. Менимча, бу иш бермоқда ва музокаралар жуда яхши кетмоқда", — дея қўшимча қилди Оқ уй раҳбари. 👉 @dunyo_xabarlari

Россияда экстремист ва террорчиларнинг молиявий операциялари устидан назорат кучайтирилади Путин тегишли қонун имзолади. Унга кўра, экстремистик фаолиятда гумон қилинган ёки террорчилар рўйхатига киритилган фуқаролар оила аъзоларига атиги 10 минг рубль сарфлаши мумкин бўлиб, ҳар бир операция учун махсус комиссия рухсатини олиш мажбурий бўлади. 👉 @dunyo_xabarlari

Маск 600 млрд долларлик бойликка эга тарихдаги биринчи одам бўлди Таҳлилчилар 2027-йилга бориб Илон Маск дунёдаги илк триллионерига айланиши мумкинлигини прогноз қилмоқда. 👉 @dunyo_xabarlari

🗽Кучли бўрон туфайли Озодлик ҳайкали қулаб тушди Бразилияда кучли шамол Нью-Йоркдаги машҳур ҳайкалнинг 35 метрли нусхасини ағдариб ташлади. Натижада унинг боши ва машъала кўтарган қўли синиб кетди. “Демократиянинг қулаши” тасвирлари ижтимоий тармоқларда тезда тарқалди. 👉 @dunyo_xabarlari

🇰🇿🇨🇳 Қозоғистоннинг Хитой билан бирга яратган наноспутниги орбитага учирилди Бу ҳақда Қозоғистон Фан ва олий таълим вазирлиги хабар берди. Илмий тадқиқотлар ўтказишга мўлжалланган мазкур космик аппаратни яратишда ҳар икки мамлакатдан 20 нафардан ортиқ мутахассис ҳамда ёш олимлар иштирок этган. 👉 @dunyo_xabarlari

#Диққат #Муҳим #Тарқатинг Огоҳ бўлинг: Сўнгги пайтларда Telegram орқали фирибгарлик ҳолатлари кўпайиб бормоқда. Фирибгарлар одамларга номаълум рақамлардан қўнғироқ қилиб, турли баҳоналар билан гапга солади. Яна бир кенг тарқалган усул — аккаунтни бузиб кириш. Фойдаланувчига Telegram`ни янгилаш ҳақидаги сохта билдиришнома келади ёки шубҳали ҳавола юборилади. Шу ҳаволага кирилгач, аккаунт бузилади ва фойдаланувчи Telegram`га кира олмай қолади. Энг хавфлиси шундаки, аккаунт бузилгач, фирибгарлар жабрланувчи номидан унинг танишларига хабар юборади. Одатда хабарда: «Картамга пул ташлаб тур, эртага қайтараман» каби илтимос бўлади. Кўпчилик эса таниш одам деб ўйлаб, пул юбориб қўяди. ⚠️ Огоҳлантирамиз: номаълум рақамларга жавоб берманг, ҳеч қандай шубҳали ҳаволаларга кирманг ва Telegram`дан келган «янгилаш» билдиришномаларини босманг. Ҳар қандай пул сўрови бўлса, албатта, бевосита қўнғироқ қилиб аниқлаштиринг! 👉 @dunyo_xabarlari

❗️Қайси давлатда шифокорлар қанча маош олиши бўйича инфографик видео. 👉 @dunyo_xabarlari

🇺🇸 Трамп Вашингтонда ғалаба аркаси қурилишини эълон қилди — CNN АҚШ президентининг айтишича, арка Париждагига ўхшаш кўринишда, лекин ўлчамлари “бошқа аркаларни соясида қолдирадиган” даражада улкан бўлади. CNN маълумотига кўра, монумент 2026 йилда АҚШ мустақиллигининг 250 йиллигига қадар, Вашингтондаги Линколн ёдгорлиги яқинида қурилиши режалаштирилган. Аркани қуриш ғояси Трампга тегишли бўлиб, лойиҳа архитектор Николя Лео Шарбонно томонидан ишлаб чиқилган, молиялаштириш эса шахсий маблағлар ҳисобидан амалга оширилади. 👉 @dunyo_xabarlari

🇲🇦🌊Марокаш сув тошқинлари гирдобида қолди Мамлакат ғарбидаги Сафи шаҳрида кучли ёмғирлар туфайли юзaгa келган сув тошқинлари оқибатида 21 киши ҳалок бўлди, 32 киши жароҳатланди. Маҳаллий ҳокимият аҳоли яшаш пунктларининг инфратузилмасига жиддий зарар етганини маълум қилди, қидирув ва қутқарув ишлари давом этмоқда. 👉 @dunyo_xabarlari

🇰🇷🇰🇵 Жанубий Кореянинг собиқ президенти Юн Сок Ёл 2024 йил декабрида ҳарбий ҳолат жорий этишни оқлаш учун КХДРни агрессияга ундашга уринган Бу ҳақда 2024 йил декабрда Корея Республикасида ҳарбий ҳолат эълон қилиниши масаласи бўйича ишни олиб бораётган махсус прокурор Чо Ин Сок брифингда маълум қилди, дея хабар бермоқда Reuters. Хабар берилишича, махсус прокурор жамоаси исёнда иштирок этган, деган гумон билан 24 кишига, жумладан собиқ президентнинг ўзига ва собиқ ҳукумат аъзоларидан беш нафарига айблов қўйган. Чо Ин Сокнинг сўзларига кўра, Юн Сок Ёл шу йўл билан ҳарбий ҳолат режими ҳақида эълон қилишини оқлаш ва сиёсий рақибларини четлатишга умид қилган. "Юн Сок Ёл Жанубий Корея дронларини Шимолий Корея томон учиришни буюрган. Бундан мақсад жанговар ҳаракатларни қўзғатиш ва буни Жанубий Кореяда ҳарбий ҳолат жорий этишга баҳона сифатида ишлатиш бўлган. Жанубий Корея дронлари КХДР пойтахти Пхенян яқинида қулаган. Юн ҳарбий маълумотларни узатиш орқали душманга фойда келтирган", дейилади. 👉 @dunyo_xabarlari

🇺🇸 Америкаликларнинг деярли 60 фоизи Трампнинг президентлик фаолиятини маъқулламайди — NBC News Телеканал томонидан ўтказилган сўровнома натижаларига кўра, 42 фоиз америкалик амалдаги АҚШ президенти фаолиятини қўллаб-қувватласа, 58 фоизи қарши фикр билдирган. Қайд этилишича, апрелдан бери Трампни қўллаб-қувватлаш даражаси 3 фоизга пасайган. Шунингдек, респондентларнинг 64 фоизи мамлакат нотўғри йўналишда ҳаракат қилаётганини билдирган. 👉 @dunyo_xabarlari

🇫🇮🇺🇦🇺🇸🇷🇺 Украина бўйича тинчлик келишувига сўнгги 4 йил ичида ҳеч қачон ҳозиргидай яқинлашмаган эдик — Финландия президенти Александр Стубб ҳозирги музокаралар босқичини муҳим деб атади. "АҚШ, Украина ва Европа бир вақтнинг ўзида учта ҳужжат устида ишламоқда: 20 банддан иборат тинчлик режаси, Украина учун хавфсизлик кафолатлари ва урушдан кейинги тикланиш дастури", — дея қўшимча қилди Стубб. 👉 @dunyo_xabarlari

“Ҳокимият ҳиқилдоғимга келди” — Рамзан Қодиров Чеченистон раҳбари ҳокимиятга янги одам келса, вазият яхшиланишини айтди. Аммо Путин таклиф қилса, 2026-йилги сайловда қатнашишини таъкидлади. 👉 @dunyo_xabarlari

АҚШ университетидаги отишмада ўзбекистонлик талаба ҳалок бўлди Род Айленд штатидаги Браун университетида содир бўлган отишмада икки киши отиб ўлдирилган, саккиз киши яраланганди. 👉 @dunyo_xabarlari

Тайваннинг янги сувости кемаси синов пайти носозликка учради Кема экипажи гидравлик тизимдаги носозлик сабаб бошқарувни йўқотган. Натижада денгизчилар қўл бошқаруви режимига ўтган. Сувости кемаси қолган кемалар билан тўқнашиб кетмаслиги учун фавқулодда чора кўрилган. 👉 @dunyo_xabarlari

#Билиб_олинг Постдан ўтаётганда СТОП знакка тўхташ шарт эмас экан Яқинларга юбориб қўямиз 👉 @dunyo_xabarlari