Alisher Sadullaev

⚡️Jizzax politexnika institutini Vengriyaning nufuzli “Abuda” universiteti boshqaruviga berishga qaror qilindi. O‘zbekistonda “Sukuba” milliy universiteti bilan hamkorlikda aniq fanlar bo‘yicha yangi oliygoh tashkil qilish haqida kelishib olindi. ➖Endi oliygoh bitiruvchilari va ish beruvchilar o‘rtasida “ko‘prik” bo‘lib xizmat qiladigan raqamli ekotizim yaratiladi. Unda talabalarning akademik ko‘rsatkichlari va korxonalardagi bo‘sh ish o‘rinlari to‘g‘risidagi ma’lumotlar “onlayn” tarzda ko‘rinib turadi. ➖Ushbu ekotizim bitiruvchi kurs talabalari uchun o‘ziga mos ish topish, korxonalarga esa malakali kadrlarni jalb qilish imkonini beradi. ➖Tibbiyot tizimida ham kasbiy ta’limni rivojlantirish uchun Angliyaning “Pirson” kompaniyasi bilan har bir hududdagi bittadan texnikumda xalqaro standart asosida hamshiralar tayyorlash boshlandi. ➖Endi ana shu texnikumlarga Germaniya, Shveytsariya, AQSH, Yaponiya kabi davlatlarning ta’lim dasturlari ham joriy etiladi. @alisher_sadullaev

⚡️“Mening niyatim – yoshlarimiz talab yuqori bo‘lgan kasblar bo‘yicha dunyoda raqobatdosh bo‘lsin, kerak bo‘lsa, boshqalardan bir pog‘ona ustun tursin. – Shavkat Mirziyoyev ➖Buning uchun 2026-yildan boshlab har yili kamida 100 tadan texnikum to‘liq ta’mirlanib, texnologik va talab yuqori bo‘lgan kasblarga mos holda jihozlanadi. ➖Germaniya, Shveytsariya, Buyuk Britaniya, Xitoy, Koreya kabi davlatlarning ilg‘or ta’lim dasturlari joriy qilingan texnikumlar soni 100 taga yetkaziladi. ➖2026-yilda 7 ta viloyatda, 2027-yilda esa qolgan hududlarda Ilg‘or kasbiy mahorat texnikumi va “Kasblar shaharchasi” faoliyati yo‘lga qo‘yiladi. ➖“Dual ta’lim” asosida o‘qitishni samarali tashkil qilgan korxonalarga 7 yil muddatga 5 milliard so‘mgacha imtiyozli kredit ajratiladi. Tadbirkorlik reytingida qo‘shimcha 5 ball beriladi. ➖Korxonalar ishga olgan texnikum o‘quvchisi uchun 1 foizli ijtimoiy soliq imtiyozi yana uch yilga uzaytiriladi. ➖Shuningdek, 2026-yildan boshlab texnikumlarda “dual ta’lim” asosida ta’lim olayotgan 100 ming o‘quvchiga ilk bor stipendiya to‘lanadi. “A’lo” baholarga o‘qiyotgan, o‘quvchilarga esa oshirilgan miqdordagi stipendiyalar beriladi. @alisher_sadullaev

🇺🇿Mustaqil O‘zbekiston tarixida ilk bor sunʼiy yo‘ldoshni fazoga uchiramiz — prezident Shavkat Mirziyoyev 2028-yilda Samarqandda “Xalqaro astronavtika kongressi” o‘tkazilishiga puxta tayyorgarlik ko‘rilmoqda. Bugun sizlarga yana bir muhim yangilikni aytmoqchiman. Mustaqil O‘zbekiston tarixida ilk bor kosmik sohada sunʼiy yo‘ldosh va mamlakatimiz fuqarosi bo‘lgan birinchi o‘zbek kosmonavtini fazoga uchirish bo‘yicha ishlarni boshladik. Bu – Yangi O‘zbekistonning ilmiy va texnologik rivojlanishiga, umuman, milliy taraqqiyotimizni yangi bosqichga olib chiqishga katta turtki beradi, deb ishonaman”, – dedi davlatimiz rahbari. @alisher_sadullaev

Prezidentimiz 2026-yilni yurtimizda “Mahallani rivojlantirish va jamiyatni yuksaltirish yili”, deb e’lon qilishni taklif qildi. @alisher_sadullaev

Davlatimiz rahbari Murojaatnomasida iste’dodli yoshlarimizning ilm-fan va xalqaro maydonlardagi yuksak muvaffaqiyatlarini alohida e’tirof etdi. Joriy yilda o‘quvchi va talabalarimiz xalqaro fan olimpiadalarida 51 ta oltin, 101 ta kumush va 126 ta bronza medalini qo‘lga kiritdilar. Yurtimizda ilk bor maktab o‘quvchilari o‘rtasida nufuzli xalqaro kimyo va informatika olimpiadalari o‘tkaziladi. SHHTga a’zo davlatlar talabalari o‘rtasida muhandislik, Turkiy davlatlar texnikum o‘quvchilari o‘rtasida esa kasb yo‘nalishlarida xalqaro olimpiadalarga mezbonlik qilamiz. 2026-yilda 46-Butunjahon shaxmat olimpiadasi, 2027-yilda 20 yoshgacha bo‘lgan futbolchilar o‘rtasidagi Jahon chempionati, 2029-yilda Yoshlar Osiyo o'yinlari bo'lib o'tadi. @alisher_sadullaev

🇺🇿Prezidentimiz Shavkat Mirziyoyevning Oliy Majlisga va ko‘p millatli xalqimizga Murojaatnomasi bo'lib o'tmoqda. Milliy terma jamoamiz o‘z tarixida ilk bor Jahon chempionatiga yo‘llanmani qo‘lga kiritdi. Grossmeysterimiz Javohir Sindorov jahon kubogining eng yosh sohibi bo‘ldi. Jahon chempionati (9-17 yosh) toifasida shaxmatchilarimiz rapid va blits bo‘yicha 5 ta oltin, 2 ta kumush va 5 ta bronza bilan umumjamoa hisobida 1-o‘rinni egalladi. Paraosiyo o‘yinlarida yosh sportchilarimiz rekord darajadagi 125 ta oltin, 77 ta kumush va 52 ta bronza (jami 254 ta) medal bilan barcha davlatlar orasida eng yuqori natijani qayd etdi. @alisher_sadullaev

⚡️Ertaga Davlatimiz rahbarining Oliy Majlis va O‘zbekiston xalqiga Murojaatnomasi bo‘lib o‘tadi! Murojaatnomada yoshlarimiz uchun katta imkoniyatlar va yangiliklar e’lon qilishlari kutilmoqda! Murojaatnomani barcha davlat, nodavlat telekanallarda va Prezidentimizning rasmiy sahifalarida jonli efirda tomosha qilishingiz mumkin. @alisher_sadullaev

Nukus shahridagi "Stanford" o‘quv markazi o‘qituvchisi Shuhrat Ayubov IELTS imtihonidan eng yuqori — 9.0 ballni qo‘lga kiritdi. Bu ko‘rsatkich bilan u Qoraqalpog‘istonlik yoshlar ichida ilk bor bunday natijani qayd etgan inson sifatida tarixga kirdi. 👏Barakalla, Shuhrat @alisher_sadullaev

⚡️Kuni kecha o‘zining mas’uliyati va fidoyiligi bilan yoshlarga haqiqiy namuna bo‘lib kelayotgan 30 nafar yoshlar yetakchilarini e’tirof etdik. Rasmdagi qahramonlarimiz — Nizomiddin Muxitdinov (Zangiota), Yunusbek Abdug‘offorov (Andijon), Ozodbek Jo‘ramirzayev (Yangiqo‘rg‘on), Nodirbek Alimbayev (To‘rtko‘l), Xondamir Mirzaumarov (Yangi Namangan), Mubina Orifova (Uychi) va Saida Safarova (Termiz) kabi o‘nlab faol yetakchilarimizning mahalladagi mehnati tahsinga loyiq. Ularning sa’y-harakati bilan: Yuzlab yigit-qizlarni kasb-hunarga o‘qitib, yoshlarning xorijiy tillarni o‘rganishiga sharoit yaratib, mahallalarda sport maydonchalari qurdirib, bolalarni sog‘lom hayotga qaytarganingiz uchun rahmat. @alisher_sadullaev

⚡️ Yoshlarimiz xorijiy tillarni o‘rganishi, TOP universitetlarda o’qishi, shuningdek xususiy o‘quv markazlarini ochishi va startaplar qurishi uchun imkoniyatlar kengaymoqda! Yoshlarimiz ham mos ravishda barqaror natijalar ko’rsatishmoqda! Batafsil videoda @alisher_sadullaev

🇺🇿O‘zbekiston Respublikasi Prezidenti Shavkat Mirziyoyevning “Markaziy Osiyo + Yaponiya” birinchi sammitidagi nutqidan. Prezident nutqida yoshlar masalasiga ham alohida e’tibor qaratildi. Xususan, davlatimiz rahbari mintaqada yoshlar o‘rtasidagi hamkorlikni mustahkamlash, ularning salohiyatini ro‘yobga chiqarish muhimligini ta’kidladi:

“Yoshlar hamjamiyatlari o‘rtasida uzoq muddatli aloqalarni shakllantirish, ularning ijodiy, texnologik va professional salohiyatini rivojlantirishga qaratilgan Yoshlarni rivojlantirish mintaqaviy tarmoq dasturlarini qabul qilish tarafdorimiz.”

Farg’ona shahridagi Prezident maktabi 11-sinf o’quvchisi Dilafruz Sobirova AQSHning nufuzli Garvard universitetiga “Integrative Biology”yo‘nalishi bo‘yicha 392 000 dollarlik 100 foizlik grant sohibasi bo‘ldi. Dilafruz IELTSdan 8 ball, SAT imtihonidan 1540 ball hamda nemis tili bo‘yicha B2 darajaga ham ega. 👏Barakalla, Dilafruz! @alisher_sadullaev

🇺🇿Davlatimiz rahbari Yaponiyadagi vatandoshlar bilan uchrashdi @alisher_sadullaev

⚡️Davlatimiz rahbari yunusobodlik bolalar bilan salomlashmoqda Prezidentimiz Yunusobod tumanida “Yunusobod galereyasi” savdo va biznes markazida ochilgan kitob do‘konida nashriyotlar vakillari hamda kitobxon yoshlar bilan suhbatlashdi. @alisher_sadullaev

⚡️@uzcombinator bilan startaplar uchun katta loyiha boshladik! Endi 45 kun davomida Kremniy vodiysi tajribasi asosida top mentorlar hamda trekerlar yordamida startapingizni yangi bosqichga olib chiqa olasiz. “Demo day”da 1 million dollarlik jamg‘arma orqali loyihangizga sarmoya jalb eta olasiz. Qabul qilingan eng yaxshi startaplarni startap muhitiga ega tayyor ofis, 1000 dollar grant va 3 mahal ovqatlanish kutmoqda. Bunaqasi bo’lmagan!!! Batafsil bu yerda

Prezidentimizning “2027-yilgi futbol bo‘yicha U-20 Jahon chempionatiga tayyorgarlik ko‘rish va uni o‘tkazish chora-tadbirlari to‘g‘risida”gi qarori @alisher_sadullaev

Prezidentimiz Shavkat Mirziyoyevning Yoshlar o‘rtasida V Paraosiyo o‘yinlari g‘oliblari – O‘zbekiston sport delegatsiyasi a’zolariga tabrigi @alisher_sadullaev

UZ Combinator taqdimoti boshlanyapti ‼️ Webinar linki :👇👇 https://www.youtube.com/live/sk1lAn9wRcg