Islom.uz

“Ҳаж – 2026” мавсуми учун меҳмонхоналар юқори сифат нуқтаи назаридан танланмоқда Саудия Арабистонида хизмат сафарида бўлиб турган Ўзбекистон делегацияси таркибида Президент маслаҳатчиси ўринбосари Музаффар Комилов, муфтий Шайх Нуриддин Холиқназар ҳазратлари, Дин ишлари бўйича қўмита раиси Содиқжон Тошбоев, шунингдек, Ҳаж ва умра бўйича атташе Шуҳрат Амоний каби соҳа масъуллари “Ҳаж–2026” мавсумида ҳамюртларимиз истиқомат қилиши кўзда тутилган меҳмонхоналарни атрофлича ўрганмоқдалар. Шароит ва қулайликлар таҳлил қилинмоқда Меҳмонхоналарни кўздан кечириш жараёнида биноларнинг умумий имкониятлари ва зиёратчилар учун яратилган қулайликлар синчиклаб ўрганилди. Жумладан: – Фойеларнинг кенглиги ва ҳаракатланиш қулайлиги; – Лифтлар сони ва кенглиги; – Хоналардаги шароит, ўринлар сони ва жиҳозлар ҳолати; – Ошхона сиғими, тиббиёт ва ишчи гуруҳлари учун ажратилган хоналар — барчасига алоҳида эътибор қаратилди. Ҳар бир хона — зиёратчи қулайлиги учун Ўрганиш чоғида ҳар бир хонада юклар жойлаштириш ва ҳаракатланиш учун етарли жой мавжудлиги, ювиниш хоналари, кийим жавонлари, ёзув столи, телевизор, совутгич ва музлатгич, қибла кўрсаткичи, жойнамоз ва Қуръони карим билан таъминлангани, шунингдек, санитария ва гигиена талабларига тўлиқ риоя этилганига эътибор берилди. Жойлашув қулайлиги ҳам баҳоланди Меҳмонхоналарнинг Ҳарами шариф, Мино, Арафот каби ҳаж арконлари адо этиладиган муқаддас ҳудудларга яқинлиги ҳамда транспорт қатновининг қулайлиги делегация диққат марказида бўлди. Ўрганиш жараёнида мутасаддилар томонидан Саудия Арабистони Ҳаж ва умра вазирлигининг ҳамкорлик талабларини инобатга олган ҳолда, ушбу тартиб-қоидаларга алоҳида эътибор қаратиш таъкидлаб ўтилди. “Ҳаж – 2026” мавсумида ўзбекистонлик зиёратчиларнинг ҳузурланиб, хотиржам ибодат этишлари учун амалга оширилаётган тайёргарлик ишлари — Янги Ўзбекистонда “Инсон қадри — олий қадрият” тамойили ҳаётга изчил татбиқ этилаётганининг ёрқин ифодасидир. 🕋 @islomuz

#Саҳобалар_ҳаёти Умар унинг фойдасига ҳукм чиқарди Имом Молик Саъид ибн Мусаййибдан ривоят қилади: «Бир мусулмон ва бир яҳудий хусуматлашиб, Умар розияллоҳу анҳунинг ҳузурига келишди. Яҳудий ҳақ бўлиб чиқди. Умар унинг фойдасига ҳукм чиқарди. Шунда яҳудий унга: «Аллоҳга қасамки, ҳақ ила ҳукм чиқардинг», деди. «Сен қаердан билдинг?» деди Умар, уни дарра ила уриб. 🔗 Тўлиқ ўқиш: https://islom.uz/maqola/23076 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

#Мазҳабда_муваффақият_бор Асл манбадаги маълумотларга мурожаат қилиш керак Бугунги жарҳ ва таъдил китобларига ишона оламизми? Фақат кучли уламоларнинг таҳқиқлари остида нашр қилинган нусхаларигагина ишонсак бўлади, лекин у ер-бу ердан узиб олинган, қўшимчалар, ўзгаришлар киритилган нусхаларига ишона олмаймиз. Мен бу ҳақда узоқ гапирмоқчи эмасмиз. Бунга бугунги кунимиздан ҳам бир мисол келтирсак. 🔗 Тўлиқ ўқиш 🕋 @islomuz

#Мўминларга_эслатма Қуръони Каримни тадаббур қилганлар Қуръони Каримни тадаббур қилган киши бир нарсага ажабланмай қолмайди. Унинг сураларида инфоқ эҳсонга даъват такрор-такрор келаверади. Бу ишлар мудом жаннат эгаларининг, мўминларнинг асосий сифатлари ўлароқ зикр қилинаверади. Шунингдек, Қуръони Карим бу борада фақат бойларга хитоб қилмайди балки, яхши кунда ҳам, ёмон кунда ҳам, кечасию кундузи, ошкораю яширин тарзда, яъни ҳар қандай ҳолатда ва ҳар доим инфоқ қилишга чақиради. Бу ишларни Аллоҳнинг муҳаббатига сазовор бўлувчи улуғ ишлар сирасида тилга олади. Мусулмон киши учун Аллоҳнинг муҳаббатидан ортиқроқ яна қандай бахт бўлиши мумкин?! 🔗 Тўлиқ ўқиш 🕋 @islomuz

#Кун_дуоси «Лаа илаҳа иллаллоҳу»ни доим айтиб юриш фазилати Абу Зумайл розияллоҳу анҳудан ривоят қилинади: «Ибн Аббосга: «Қалбимда ниманидир ҳис қиляпман», дедим. У киши: «Нима у?» дедилар. «Аллоҳга қасамки, уни бирор кишига айтмайман», дедим. У киши: «Бирор шак бўляптими?» деб кулдилар. Сўнг: «Бирор киши шак-шубҳадан омонда бўлмаган. Ҳатто, Аллоҳ таоло: «Агар Биз сизга туширган нарсага шубҳада бўлсангиз...» (Юнус сураси, 94-оят) оятини нозил қилган. Қачон нафсингда бирор нарса топсанг: «Ҳувал аввалу вал ахиру ваз зоҳиру вал батину ва ҳува бикулли шай`ин ъалийм», деб айт», дедилар». Маъноси: У аввал ва охирдир, У зоҳир ва ботиндир. У ҳар бир нарсани билувчидир. Абу Довуд ривояти. 🔗 Тўлиқ ўқиш 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

#Мўминларга_эслатма Қабр саволи ва азоби ҳақ эканлиги, унинг қай йўсинда бўлиши Баро розияллоҳу анҳудан ривоят қилинади: «Набий соллаллоҳу алайҳи васаллам: «Қачон мўмин қабрида ўтирғизилса, унга келинади. Сўнгра «Ашҳаду алла илааҳа иллаллоҳу ва анна Муҳаммадан Расулуллоҳи», деб шаҳодат келтиради. Ана ўша Аллоҳнинг «Аллоҳ иймон келтирганларни бу дунё ҳаётида ҳам, охиратда ҳам собит сўз ила собитқадам қилур», деганидир» (Иброҳим сураси, 27-оят), дедилар». Шарҳ: «Қачон мўмин қабрида ўтирғизилса» – бу иш у дафн қилиниб, устига тупроқ тортилганидан кейин бўлади. Уни қабрида ўтирғизиб, сўроқ қилиш бошланади. 🔗 Тўлиқ ўқиш: https://islom.uz/maqola/22860 🕋 @islomuz

#Кун_дуоси Жаннатга киришга сабаб бўладиган енгил амал Абдуллоҳ ибн Амр розияллоҳу анҳумодан ривоят қилинади: Набий соллаллоҳу алайҳи васаллам: «Икки хислат бор. Қайси бир мусулмон банда уни доим бажариб юрса, жаннатга киради, дедилар. Улар енгил, аммо унга амал қиладиганлар оз. Биринчиси, ҳар бир намоз сўнгида ўн марта «субҳаналлоҳ», ўн марта «алҳамду лиллаҳ», ўн марта «Аллоҳу акбар», дейиш. Бу бир кунда тилда 150 та, мезонда бўлса, 1500 тадир. Иккинчиси, тўшакка кирганда, (ухлашдан олдин) ўттиз тўрт марта «Аллоҳу акбар», ўттиз уч марта «алҳамду лиллаҳ» ўттиз уч марта «субҳаналлоҳ, деса, тилида 100 та, мезонда эса, 1000 та бўлади», дедилар. Мен Расулуллоҳ соллаллоҳу алайҳи васалламни уни қўллари билан таъкидлаганларини кўрдим. Саҳобалар: «Эй Расулуллоҳ, нима учун енгил бўлса ҳам, уни бажарадиганлар оз?» деб сўрашди. Расулуллоҳ соллаллоҳу алайҳи васаллам: «Бир киши ухлашни хоҳлаган пайтда шайтон келиб, мана шу калималарни айтишдан олдин ухлатиб қўяди. Намоз ўқиб бўлганидан кейин ҳам шайтон келиб, мана шу калималарни айтишидан олдин унга бир зарур ишни эслатади», дедилар». Абу Довуд, Термизий ва Насаий ривоятлари. 🔗 https://islom.uz/maqola/23431 🕋 @islomuz

08. Baqara surasi (53-62-oyatlar) | "Tafsiri Hilol" kitobi Shayx Muhammad Sodiq Muhammad Yusuf hazratlarining "Tafsiri Hilol" kitoblari Qori: Shayx Mahmud Xalil Xusoriy Suxandon: Abdulqayyum Ismoil #tafsir 🌐 YouTube 🕋 @islomuz

#Мўминларга_эслатма Эшигинг остонасини эхтиёт қил! Азиз ўқувчилар, ушбу мақоланинг биринчи қисмини «Уйинг остонасини ўзгартир!» сарлавҳа номи билан веб саҳифамизда эълон қилган эдик. Энди мақоланинг кейинги қисмини сиз азизларга тақдим этамиз. Иброҳим алайҳиссалом ўғли Исмоилни кейинги кўргани келганида ҳам у тирикчилик билан чиқиб кетган эди. Уйда хотини бор эди. Иброҳим алайҳиссалом келинидан уларнинг қандай яшаётганини суриштирди. Келин ҳаётдан нолимади, қийинчиликдан шикоят қилди. Иброҳим алайҳиссалом ўғлига келинини талоқ қилишини буюрди. Ўғли, олдинги суҳбатда айтганимиздек, отасининг гапига бўйсуниб, хотинини талоқ қилди. Кейинроқ Иброҳим алайҳиссалом яна ўғлини кўргани келди. Ўғли уйда йўқ эди. Аммо уйда янги келини бор эди. Иброҳим алайҳиссалом ундан эрини сўради. Келини шундай жавоб берди: - Бизга ризқ қидириб кетганлар! Иброҳим алайҳиссалом сўради: - Аҳволингиз қандай? Қандай яшаяпсизлар? Биз яхшилик ва кенгчиликдамиз, алҳамдулиллах! - Нима еяпсизлар? - Гўшт! - Нима ичяпсизлар? - Сув! Иброҳим алайҳиссалом дуо қилди: Аллоҳим! Уларнинг гўшт ва сувига барака бергин! Афсус, ўшанда бошқа таомлари бўлмаган экан. Йўқса, уларга ҳам барака сўраб дуо қилган бўлармиди! 🔗 Тўлиқ ўқиш 🕋 @islomuz

#Саҳобалар_ҳаёти Ҳазрати Усмоннинг хислатлари Бадрдаги мағлубият ўчини олиш учун Макка кофирлари катта куч тўплаб, мусулмонлар устига бостириб келдилар. Пайғамбар соллаллоҳу алайҳи васаллам бошчилигидаги мусулмонлар душман йўлини тўсиб чиқдилар. Уҳудда икки тараф тўқнашди. Пайғамбар алайҳиссалом жанг бошланишидан олдин мусулмонларга: «Агар сабр қилсангиз, нусрат сизлар билан», деб айтдилар. Бу Аллоҳ таолонинг Ўз Пайғамбари тилидан берган ваъдаси эди. Уҳуд жанги бошлангач, аввалига мушриклар ичида қатл этилганлар кўпайиб кетиб, улар саросимага тушиб, орқа-олдиларига қарамай, тумтарақай қоча бошладилар. Ҳар ким ўзи билан ўзи бўлиб қолган эди. Ҳатто байроқлари ҳам қўлдан тушди. Бир аёл шахд билан келиб, байроқни кўтармагунча, ҳеч ким унга қарамади. 🔗 Тўлиқ ўқиш 🕋 @islomuz

#Тарих Аббосийлар давлатининг тикланиши (ҳижрий 132-656; милодий 750-1258) Аббосийларнинг насаби Аббосийлар халифалиги Набий соллаллоҳу алайҳи васалламнинг амакилари Аббос розияллоҳу анҳуга нисбат берилади. Ушбу давлатнинг асосчиси – Абдуллоҳ ибн Муҳаммад ибн Алий ибн Абдуллоҳ ибн Аббос ибн Абдулмутталиб. Бу одамнинг лақаби – Саффоҳ. Аббосийлар давлатининг ташкил топиши Бану Ҳошим олиб борган даъватнинг ютуғи деб билинади. Улар Расулуллоҳ соллаллоҳу алайҳи васалламнинг вафотларидан кейин халифалик у зотнинг қариндошларига ўтиши керак деган чақириқ билан чиққан бўлиб, бу фикр Исломнинг аввалида мағлубиятга учраган эди. Аслида эса исломий таълимотларга, кўрсатмаларга биноан халифалик мусулмонларнинг барчасига мулк бўлиб, улар ўзлари лойиқ кўрган кишини халифа қилишлари керак бўлган. 🔗 Тўлиқ ўқиш 🕋 @islomuz

#Кун_дуоси Қуръонни бизга шафоатчи қил! Аллоҳим, бизга Қуръон севгисини, Қуръон фазлини, Қуръон нурини, Қуръон сакийнатини, Қуръон шифосини, Қуръон баракасини, Қуръон раҳматини, Қуръон ҳидоятини, Қуръон илмини, Қуръон фаҳмини, Қуръон рифъат, олийлигини, Қуръон одобини, Қуръон бойлик, беҳожатлигини, Қуръон нажотини ва Қуръондаги нарсага амал қилишни насиб эт! Аллоҳим, бизни Қуръон билан тирилтир, ҳаёт бер, Қуръон билан вафот эттир, Қуръон устида қайта тирилтир! Қуръонни бизга шафоатчи қил ва бизни жаннатга Қуръон билан киритгин! 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

#Суннат Таомланиш ҳақида набавий тавсия عَنْ عُمَرَ بْنِ أَبِي سَلَمَةَ رَضِي اللهُ عَنْهُ قَالَ: كُنْتُ غُلَامًا فِي حَجْرِ رَسُولِ اللهِ صَلَّى اللهُ عَلَيْهِ وَسَلَّمَ ، وَكَانَتْ يَدِي تَطِيشُ فِي الصَّحْفَةِ، فَقَالَ لِي النَّبِيُّ r: يَا غُلَامُ، سَمِّ اللهَ، وَكُلْ بِيَمِينِكَ، وَكُلْ مِمَّا يَلِيكَ، فَمَا زَالَتْ تِلْكَ طِعْمَتِي بَعْدُ. رَوَاهُ الْأَرْبَعَةُ. Умар ибн Абу Салама розияллоҳу анҳудан ривоят қилинади: «Расулуллоҳ соллаллоҳу алайҳи васалламнинг қарамоғидаги бола эдим. Қўлим товоқда бориб-келар эди. Бас, у зот менга: «Эй ғулом! «Бисмиллаҳ» дегин, ўнг қўлинг билан егин, ўз олдингдан егин!» дедилар. Шундан сўнг ейишим шундай бўлди». Тўртовлари ривоят қилганлар. 🔗 Тўлиқ ўқиш 🕋 @islomuz

#Кун_дуоси Барча ёқимсиз нарсадан ҳимояда бўлиш عَنْ أَبِي ذَرٍّ رَضِي اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: مَنْ قَالَ فِي دُبُرِ صَلَاةِ الْفَجْرِ وَهُوَ ثَانٍ رِجْلَيْهِ قَبْلَ أَنْ يَتَكَلَّمَ: لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، يُحْيِي وَيُمِيتُ، وَهُوَ عَلَى كُلِّ شَيْءٍ قَدِيرٌ عَشْرَ مَرَّاتٍ كُتِبَتْ لَهُ عَشْرُ حَسَنَاتٍ، وَمُحِيَتْ عَنْهُ عَشْرُ سَيِّئَاتٍ، وَرُفِعَ لَهُ عَشْرُ دَرَجَاتٍ، وَكَانَ يَوْمَهُ ذَلِكَ فِي حِرْزٍ مِنْ كُلِّ مَكْرُوهٍ، وَحُرِسَ مِنَ الشَّيْطَانِ، وَلَمْ يَنْبَغِ لِذَنْبٍ أَنْ يُدْرِكَهُ فِي ذَلِكَ الْيَوْمِ إِلَّا الشِّرْكُ بِاللهِ تَعَالَى. Абу Зарр розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Ким Бомдод намозидан кейин оёғини йиққан ҳолида туриб, гапирмасдан олдин ўн марта «Лаа илааҳа иллаллоҳу, ваҳдаҳу лаа шарийка лаҳу, лаҳул мулку ва лаҳул ҳамду, юҳйи ва юмийту ва ҳува ъала кулли шайин қодийр» деса, унга ўн ҳасанот ёзилур, унинг ўн хатоси ўчирилур, унинг ўн даражаси кўтарилур. Ўша куни у барча ёқимсиз нарсалардан ҳимояда бўлур ва шайтондан сақланур. Ўша куни уни гуноҳ ҳам тутмас, магар Аллоҳ таолога ширк келтирмаган бўлса», дедилар». Дуонинг маъноси: «Аллоҳдан ўзга илоҳ йўқ, Унинг Ўзи ёлғиздир, Унинг шериги йўқдир, мулк ва ҳамд Унгадир, тирилтирур ва ўлдирур, ва У ҳамма нарсага қодирдир». Деярли кўпчилик машойихлар ва ўтган азизлар ушбу ривоятда келган дуони ўзларига кундалик вазифа қилиб олганлар. Ҳар бир киши бунга амал қилмоғи лозим. Чунки Бомдод намозидан кейин ўрнидан турмай, оёқлари йиғилган ҳолда, дунёвий гапларни гапирмай туриб бу дуони ўқиган одамга кўпгина яхшиликлар ваъда қилинмоқда: 1. Унга ўн ҳасанот ёзилур. 2. Унинг ўн хатоси ўчирилур. 3. Унинг ўн даражаси кўтарилур. 4. Ўша куни у барча ёқимсиз нарсадан ҳимояда бўлур. 5. Шайтондан сақланур. 6. Ўша куни уни гуноҳ ҳам тутмас, магар Аллоҳ таолога ширк келтирмаган бўлса. Агар Аллоҳ таолога ширк келтирган бўлса, иши чатоқ бўлади. Бу ҳадиси шарифга амал қилишни йўлга қўйиш керак. 🕋 @islomuz

«Din nasihatdir» kitobi 13-son 📖 Shayx Muhammad Sodiq Muhammad Yusuf rahimahullohning qalamiga mansub «Din nasihatdir» kitobi suxandon lafzida 🎙Matnni islom.uz portali suxandoni Qamariddin Bekmuhammad o‘qigan. 🌐 YouTube 🕋 @islomuz

Almetevsk shahrida «Teskire» masjidi ochildi #yangiliklar 🕋 @islomuz

#Мазҳабда_муваффақият_бор Мурсал ҳадис Умматимиз тарихидаги дастлабки икки асрда мурсал ҳадислар мутлақ қабул қилинган. Буни Табарий очиқ айтган, Абу Довуд ҳам ўзининг «Аҳли Маккага рисола»сида буни келтирган. Биринчи ва иккинчи асрларда бутун уммат мурсал ҳадисни қабул қилган. Мурсални қабул қилишда шартлар қўйган, тафсилотлар киритган биринчи инсон – имом Шофеъий бўлганлар. У зот ҳам мутлақ инкор қилиб юбормаган, балки орада давр узоқлашгани учун баъзи шартларни қўйган. Аммо ундан олдинги ҳанафийлар ҳам, моликийлар ҳам, шунингдек, ҳанбалийлар ҳам мурсални мутлақ қабул қилишган. Шофеъийлар бир неча шартларга мувофиқ келса, уларни қабул қилишган. Фақиҳ ва усулийлар истилоҳида санаддан битта, иккита, ҳатто учта одам тушиб қолса ҳам, мурсал дейилади. Улар муҳаддислар каби ҳадисларни мунқотеъ, муъзол деган тақсимотларга бўлишмайди. Санадида узилиш бўлган ҳадисларнинг барчаси мурсалдир. Мурсал – ниҳоятда кенг тушунча. Шундай бўлишига қарамай, уни қабул қилишган. Биринчи масала шу. 🔗 Тўлиқ ўқиш 🕋 @islomuz