Allaev Uz

Ҳаво тозалагичлар масаласи нима бўляпти? Тошкент шаҳрида осмонда қуюқ тумандек бўлиб зарралар кўриниши билан ҳаво тозалагичлар сотуви кескин ошди. Ўзи ўтган йиллари ҳам ҳаво ифлосланганда сотуви ошарди-ю, лекин бу йил кўпчиликка муаммо жиддийлиги етиб борди шекилли, талаб олдинги йиллардагидан бир неча баробарга ошиб кетди. Натижада, маълум маънода дефицит бошланди. Катта талабни кутмаган дилер ва импортчилар омборда бунақа катта захира ушлашмаган. Айримлар бир неча кунда бутун мавсумий сотувни қилишди. Айримлари ҳатто ҳазиллашиб ёки чиндан, бунақа бўлишини билсам арзонга сотмасдим деб туришибди. Талаб катта бўлмагандан кейин, ҳеч ким пулни банд қилиб катта ҳажмда маҳсулот олиб кирмаган ва ушлаб турмаган. Биринчи бўлиб бу борада Ўзбекистонда энг оммабоп Xiaomi тугади ва расмий дилерлар декабрнинг иккинчи ярмидагина маҳсулот бўлишини айтмоқда. Аста-секинлик билан Philips каби брендларда ҳам оммабоп моделлар тугади. Ман эрталаб пост қилган Acer нинг ҳам битта модели ҳаммада тугади. Икки кундан бери тугаган моделлар ўрнига бошқа моделларни қидириш ва омборга келтиришга эътибор қаратяпмиз. Asaxiy да нарх ошмаслиги, шу билан бирга сифатсиз маҳсулот ҳам қўйилмаслигига эътибор қаратяпмиз. Афсуски, кўпинча тугаган маҳсулот ўрнига янги партия сўраб борганда нарх 10-20 %, айриб брендларда 70 %гача ошган бўлмоқда. Нарх пасайтирган кам сонли брендлар ҳам бор, олқишлаш керак. Бозорларда бўлса нархлар сезиларли ошди, талаб ва таклиф қонуни шунақа ишлайди. Дилер ва тармоқларда тугаган Xiaomi моделлари бўлса бир неча баробар ошиб, нарх жиҳатидан премиум Panasonic ка яқинлашиб қолди. Катта партияда маҳсулотни буюртма қилиб олиб кириш бир неча ҳафтадан, брендга қараб ойлаб вақт талаб қилиши мумкин. Хуллас, аҳолининг катта қисми муаммо жиддийлигини ниҳоят бўйнига олиб, ҳаво тозалагичга бюджет ажратиб бошлади. Бундан дефицит ва нарх ошиши пайдо бўлди. Яқин 10-15 кунда маҳсулотлар кириб келмагунча таклиф талабга нисбатан кам бўлиб қолса керак. Кейинги кунларда таклиф ва нархни кузатамиз. #havo #asaxiy #biznes

Марказий банк эълон қилган ички валюта бозори шарҳида айрим нарсаларга эътибор қаратдим. 2025 йилнинг дастлабки ўн ойида Ўзбекистонга пул ўтказмалари 15.8 млрд АҚШ долларига етган. Бу ўтган йилнинг шу даврига қараганда 3.2 млрд АҚШ долларига (+25 %) кўп. Мигрантларимизга раҳмат, ичкаридаги иқтисодий ўсиш ва фаровонликка катта ҳисса қўшишмоқда. Ундан ташқари олтин нархининг бутун йил давомида рекорд даражада бўлганлиги, унга туризмнинг тарихий рекордини қўшсак, доллар курси нимага пасайишда давом этаётгани ҳақида умумий тасаввур янада кучаяди. МБ шарҳи буни тасдиқлаш учун яхши ҳужжат. Марказий банк кейинги йили ҳам пул ўтказмалари 6-10 фоизга ўсишини прогноз қилмоқда. Агар олтин нархи юқори қолиб, турист ҳажми ошишда давом этса, бирор "қора оққуш" чиқмаса 2026 йил ҳам иқтисодий планда яхши йил бўлиши мумкин. #dollar #iqtisodiyot #biznes

O’zbekistondagi SUPERKOMPYUTER qanday ishlaydi va uning yordamida sun’iy intellekt noldan qanday yasaladi? Texnoplovda yangi video chiqibdi! Videoda quyidagilarni bilib olasiz: - Superkompyuterni o’zi nima uchun kerak va oddiy odam uchun qanday foydasi bor? - Uni oddiy kompyuterdan nima farqi bor? - Nechta odam bitta kompyuterni o’rnini bosa oladi? - Odam miyasi necha terabayt bo’lishi mumkin? - Qanday qilib uyda shaxsiy sun’iy intellektni yasash mumkin? - Sun’iy intellektni superkompyuter bilan qanday qilib o’qitish mumkin? - Superkompyuterda o‘yinlar qanday o’ynaladi? - Nega yaqinda har birimizni uyimizda bitta mana shunday superkompyuterdan turadi? Mazza qilib ko’rish uchun havolani bosing: https://youtu.be/JY5L0w3tvRI?si=-RF42yS8VASJKesA #texnologiya #qiziqarli

Доллар кўтарилди! Расмий курс 11 971,40 сўм (+56,73). #kurs

Уйда ҳавони тозалашда яна бир муҳим нарса хлорофитум гули. Бу одатда энг арзон, ортиқча парвариш талаб қилмайдиган, сув ва ёруғлик бўлса ўсадиган гул. Уни ҳавони тозалашига илк маротаба NASA тадқиқотларида дуч келишган. NASA “Clean Air Study” тажрибасида хлорофитум формальдегид, бензол ва ксилолни камайтирувчи ўсимликлар рўйхатига киритган. Тадқиқотларда гул 24 соатда ҳаводаги формальдегид миқдорини сезиларли камайтирган. Тажриба кичик, ёпиқ, вентиляциясиз лаборатория контейнерида ўтказилган. Шунингдек, у хонани кислород билан бойитиши ҳам аниқланган. Бошқа илмий тадқиқотлар ҳам хлорофитум барглар орқали айрим газларини ютади, тупроқдаги микроблар ҳам фильтр ролини ўйнайди, чанг ва аллергенлар баргларга ёпишади деган хулосани берган. Демак, хлорофитум зарарли газларни ютиши илмий исботланган. Ҳар 10 м2 ҳудудга битта гул қўйиш, бироз вазиятни юмшатади. Тўғри, у сифатли вентиляция ёки ҳаво тозалагич ўрнини босмайди. Улардан фойдаси бир неча баробарга кам. Лекин, ҳеч нарса йўқдан кўра, озроқ бўлса-да ёрдам бўлади. Арзимаган пул туради ва яшиллик уйингизга файз қўшади. PS: Маълумотга биринчи марта дуч келиб, илмий асосини google қилиб тасдиқлаганда, шу гулдан керак десам, ўзи шундоқ ҳам уйда бор бўлиб чиққан. #havo #gul #tavsiya

Афсуски Тошкентда ҳавонинг ифлосланиш даражасида жуда оғир аҳволга келиб қолди. Ҳозир бутун Тошкент бўйлаб ҳаво тозалагичлар сотуви кескин ошган. Бундан 10 йил олдин Хитой борганда ҳар бир уйда ҳавотозалагич борлигини эшитиб, ҳайрон бўлгандим. Вазият ўзгариб, 10 йилда Хитойда ҳаво анча яхшиланди, биз бўлса қуёш хира кўринадиган Хитойдаги аҳволга тушдик. Asaxiy да ҳам ҳаво тозалагич етказиб беролмаяпмиз. Бир у модель келиб, кейин тугаб қолиб, кейин бошқаси келяпти. Ҳозирда яна келган, омборда бор, сифати шубҳали бўлмаган 4 хил ҳавотозалагич: 1. Acer Acerpure Pro P2 (ЗЛ. АCCТГ.02Б) оқ ҳаво тозалагичи - 1 599 000 Сўм 2. Artel ART-AP-151 ҳаво тозалагичи - 1 339 000 Сўм 3. Acer Acerpure Cool C2 2in1 (ЗЛ. АCCТГ.02А) оқ ҳаво тозалагичи - 1 819 000 Сўм 4. Ва қулайи. Artel AP-406 2таси 1тада ҳаво тозалагич ва намлагич - 2 339 000 Сўм Бу борада Ўзбекистонда энг оммабоп Xiaomi тугаган ва дукабрнинг иккинчи ярмигача бўлмайди дейишмоқда.

🎙 Улуғбек ака ҲожиАҳмедовнинг CompassPodcast лойихасида подкаст қилгандик. Улуғбек ака ҲожиАҳмедов ман ҳурмат қилган Ўзбекистоннинг энг кучли менежерларидан бири. Кўриш: https://youtu.be/Wb0LnedXW8U?si=ROsNkow59X5Y4mlR Подкастда бизнес ўзи нима учун зарур, стратегия ва бошқа муҳим мавзуларда гаплашдик. #podcast #biznes

Бугун дунё саҳнасида Шарқ овози яна янграйди Euronews, BBC ва CNNда эфирга чиқaётган роликларда афсонавий актёр Бен Кингсли Хоразмийдан тортиб Навоийгача бўлган даҳолар ҳаётини дунёга етказмоқда. Ислом цивилизацияси маркази лойиханинг ташаббускори экан. Марказ директори бу лойиха цивилизациялар ва кашфиётлар ҳақида ҳикоя қилишнинг замонавий кўриниши эканлигини айтмоқда. Сценарий муаллифи ва режиссёр Шоҳрух Расулов, продюсерлар Гайрат Муминов, Аҳмад Салим (Буюк Британия), бош операторлар Иззат Лутфуллаев, Макс Тсю (Германия).

Шерзод ака ўрнига Кадастр агентлиги раҳбари Фаррух ака Пўлатов Солиқ қўмитаси раиси этиб тайинланган. #lavozim #soliq

Шерзод Қудбиев Солиқ қўмитаси раислигидан озод қилиниб, Урбанизация ва уй-жой бозорини барқарор ривожлантириш миллий қўмитаси раиси лавозимига тайинланибди. #tayinlov #soliq

Доллар курси деярли ўзгармади. Расмий курс 11 914,67 сўмдан (+3,74 сўм)! #kurs

"Геосиёсий рашк" ва мустақиллик ҳақида Давлат раҳбарининг АҚШга ташрифи ва ундаги келишувлар (100 млрд долларга яқин рақамлар янгради) айрим рус блогерлари ва медиасида "истерика" уйғотди. Ўзбекистонга нисбатан "хиёнат", "сотилди" деган айбловларни ўқиб қолдим. Кремлнинг қўғирчоқ медиаси буйруқ бўлмаса, бирданига бу мавзуга ёпишмайди. Россиянинг бу муносабати ғирт абсурд. Бугун ҳатто 18 ёшга тўлган фарзанд ҳам ота-онаси олдида ўз йўлини ўзи танлаш ҳаққини талаб қилади. Ҳатто оддий оила доирасида ишламаётган мажбуриятларни давлатлар даражасида ишлатишга ҳаракат қилиш уятли ҳолат. Ўзбекистон 35 йиллик, мустақил ва суверен давлат, ҳеч кимнинг "томорқаси" ёки мулки эмас. Ўзбекистон ўз миллий манфаатларидан келиб чиқиб, АҚШ, Хитой, ЕИ ва Туркий давлатлар, шу жумладан Россиянинг ўзи билан ҳам алоқаларни кучайтириши — бу хоҳиш эмас, бу стратегик зарурат. Янги даврда ҳукумат бир блокка боғланиб қолмасдан кўп векторли халқаро сиёсат юритаётган миллий манфаатларимизга тўлиқ мос деб ўйлайман. Россиянинг медиа орқали бундай реакцияси ҳақиқий қудратли давлат мақомига ярашмайди. Ўзига ишонган кучли давлат яқин ҳамкори бошқалар билан алоқа қилгани учун ўзидан "хафа"ни ёқмайди. Бу — рус дипломатиясининг ожизлиги ва минтақага нисбатан эскирган империалистик қарашининг белгисидир. Дипломатияда "хафа бўлиш" йўқ, фақат манфаатлар бор. Ва Ўзбекистон фақат ўз манфаати йўлидан юриши бугунги замон талаби. Россия учта энг яқин савдо ҳамкоримиздан бири, инфраструктурада унга қараммиз ва аламли мигрантлар масаласи бор. Лекин, бу асло суверен давлатга нисбатан ўзини “катта оғадек” тутишга изн бермайди. Тилда эмас, амалда ҳақиқий қудратли бўлган давлат бунақа “сиёсий рашк” ёки араз билан ҳурмат топмайди, аксинча ўзининг қанчалик ожизлигини дунёга кўз-кўз қилади. #siyosat #aloqa

АҚШ доллари расмий курси 11 910,93 сўмгача (-29.77) пастлади. #kurs

Bugun 19:00da Asaxiy Toshkent City filialimizda "Asaxiy talks"ning navbatdagi sonida buyuk aktrisa Dilorom opa Karimova bilan uchrashuv boʻladi. Dilorom opa "Molxona" kitobi haqida gapirib beradilar. Kimda vaqt boʻlsa, sizni kutishdan baxtiyor boʻlamiz. #asaxiy #asaxiytalks

Шахсий "мен"ни оломон ичидан излаш: Нега биз ғояларга эргашамиз? Футбол фанатини тасаввур қилинг. У стадионда севимли жамоаси либосини кийиб, байроқни силкитганда, ўзини шунчаки томошабин эмас, балки ўша ғалабанинг, ўша қудратли кучнинг бир бўлаги деб билади. Сиёсат ва жамиятдаги йирик ҳаракатлар ҳам айнан шу психологияга асосланади. Инсон табиатан ўз "мен"ини тасдиқлашга, жамиятда "мен муҳимман" деб ҳис қилишга муҳтож. Яъни инсон ижтимоий жонзод, унда ижтимоий онг жуда кучли. Лекин якка ҳолда, катта дунё қаршисида инсон ўзини ожиз сезади. Шунда у энг самарали йўлни танлайди: бирор кучли гуруҳ ёки мафкурага эргашади. Албатта, буни одатда ўзи англамайди. Бу ерда қизиқ парадокс бор: шахсий тасдиқланиш истаги жамоавий тасдиқланиш орқали амалга ошади. Одамлар бирор ғоя ёки ҳаракатга фақат у мантиқан тўғри бўлгани учун эмас, балки ўша ғоя атрофидаги оломон ичида ўзларини тўғри йўлда, кучлироқ, ҳимояланган ва аҳамиятлироқ ҳис қилгани учун кўр-кўрона эргашиб кетадилар. Турли "изм"лар, популизм ёки радикал оқимларнинг кучи ҳам шунда — улар кичик одамга "биз билан бўлсанг, сен тўғри йўлдасан, бизни ғояга муносиб бўлсанг буюксан" деган ҳисни беради. Бу — ўз шахсий овозини гуруҳ шовқини орқали эшиттиришга уринишдир. Бир кирган одам занжир эффекти бўйича янада кириб бораверади. Чунки занжир ичида ҳамма нарса изчил, бир-бирига уланган ва мантиқийдир. #mulohaza #jamiyat

АҚШ доллари расмий курси 11 940,70 сўмгача (-69.22) пастлади. #kurs

Yandex Uzbekistan va kinopoisk xizmati Diyora Keldiyorova haqida "Nozik yoʻl" filmini suratga olishibdi. Bugun Toshkent City Mallda premyera. #kino #yandex

АҚШ доллари расмий курси 12 009 сўмгача (-29.69) пастлади. #kurs

2026 йилдан ЯТТлар фирма номини олиши мумкин Ўзбекистонда бизнес юритиш ва бошқаришни соддалаштиришга қаратилган президент фармони қабул қилинди. Унга кўра, 2026 1 январдан бошлаб ЯТТларга фирма номига эга бўлишга рухсат берилади. Бунда тадбиркорларнинг бирламчи маълумотлари ўзгарганда ушбу маълумотлар бўйича ўзгартиришлар ЯТТ гувоҳномасига, лицензия, рухсатнома ва хабарномаларга автоматик тарзда бепул киритилади. 2026 йил 1 январдан “Бизнесни 15 дақиқада бошлаш” тамойили асосида тадбиркорларни давлат рўйхатидан ўтказишда бир вақтнинг ўзида бир нечта хизматлар кўрсатилади: ⏺электрон рақамли имзо калитини бериш; ⏺банк ҳисобварақларини очишга ариза топшириш ҳамда уларни фаоллаштириш; ⏺айрим фаолият турлари бўйича лицензия, рухсатнома олишга ариза ёки хабарнома юбориш; ⏺кўчмас мулк ижара шартномасини расмийлаштириш; ⏺ҚҚС тўловчиси гувоҳномасини олиш; ⏺онлайн назорат-касса машиналарини онлайн равишда харид қилиш ва уларни солиқ органларида рўйхатдан ўтказиш; ⏺юридик шахс раҳбарини тайинлаш ва уни “Ягона миллий меҳнат тизими” идоралараро дастурий-аппарат комплексида ҳисобга қўйиш. @bankir

Shu kunlarda Markaziy Osiyo tarixiy kunlarni yashamoqda. Toshkentda bo'lib turgan Markaziy Osiyo + Ozarbayjon sammiti hududiy integratsiya masalasida yangi imkonlar ochmoqda. Prezidentlar kecha ham qadriyatlar, ham ilmiy-madaniy meros ramzlaridan biriga aylanayotgan, yangi qurilgan Islom sivilizatsiyasi markazida mehmon bo'lishibdi. Tashrif davomida mehmonlarga binoning me’moriy yechimlari, to‘rt tarixiy hudud – Samarqand, Buxoro, Xorazm va Qo‘qon uslublarini aks ettiruvchi portal­lari haqida ma’lumot berilgan. Prezidentlar, shuningdek, markazdagi asosiy yo‘nalishlar — kutubxona, ilmiy markaz, muzey ekspozitsiyalari ва Qur’on zali bilan tanishganlar. Ayniqsa tarixiy manbalar, golografik ko‘rgazmalar va Usmon Mus’hafining namoyish etilishi ularda katta qiziqish uyg‘otdi. Bugungi kunda markaz xalqaro uchrashuvlar, ilmiy tadqiqotlar ва madaniy loyihalar uchun ochiq maydonga aylangan. Uning faoliyati Markaziy Osiyo tarixini ilmiy asosda o‘rganish va jamoatchilikka yetkazishga xizmat qilmoqda.