Allaev Uz

АҚШ доллари расмий курси 12 676 Сўмгача (+70,00) кўтарилди. #kurs @allaevuzb

7 йил олдин шунақа пост ёзган эканман. Адашмасам, ўша кунлари доллар курси яна бир марта ошган, ундан ташқари UzCard бир кун ишламай қолганди. Ундан бери Humo очилди, Visa, MasterCard, UnionPay Ўзбекистон бозорига фаол кириб келди. Аҳолининг катта қисми, шу жумладан ўзим ҳам нақд пул умуман олиб юрмасликка ўргандик. Тўловлардаги қулайликлар анча комфорт зонага ҳам тушуриб қўйди. Бугун кредит тўловидан қочиб юрганлардан ташқари одамлар пластик картага ёки пулни банкда сақлашда иккиланмайди. АҚШ доллари курси ҳам стабил ва бу йилги вазият сабаб жамғармани сўмда сақлайдиганлар сони ҳам ошиб бормоқда. #hayot @allaevuzb

Бюрократик тўсиқлар: Кичикларни жазолаб, катталарга йўл очадиган ўйин Бозор иқтисодиёти рақобат дегани. Рақобат эса имконият тенглиги, инновация ва ўсиш демак. Лекин тизимга ортиқча бюрократия аралашса, бу тенглик бузилади. Энг аввало, кичиклар жабр кўради. Тасаввур қилинг: янги бизнес очмоқчи бўлсангиз, сиздан ўнлаб ҳужжатлар, рухсатномалар, солиқ ҳисоботлари ва бошқа тартиб-қоидалар талаб қилинади. Ёки сиз кичик бизнес бўлиб яшаб келгансиз ва бирдан давлат осонроқ назорат қилиши учун янги қоидалар жорий қилинди. Сизнинг молиявий аҳволингиз ва тизимингиз бўлса янги қоидаларни кўтармайди. Буларнинг ҳар бири — вақт, пул ва ресурс. Катта компаниялар бу юкни кўтара олади: улар юридик бўлимга, бухгалтерларга, регулятор билан ишловчи махсус ходимларга, бизнес эгалари бўлса кучли таъсирга ва таниш-билишга эга. Кичик тадбиркор эса ўзи ишлаб, ўзи сотиб, ўзи ҳисоб юритади. У бюрократик деворга урилади. Натижа нима? Кичиклар ўйин ташқарисида қолади, катталар эса янада мустаҳкамланади. Сўнгги йилларда айрим соҳаларда айнан шу жараён кузатилмоқда: тўсиқлар кўпаймоқда, йирик компаниялар бозордаги улушини кенгайтирмоқда. Регулятор ёки давлат учун назорат осон бўлиши қулайлиги аниқ..Чунки юзлаб ёки минглаб кичик ўйинчини назорат қилиш ўрнига, бир нечта йирик субъектни назорат қилиш, улар билан келишиб ишлаш анча осон. Ундан ташқари бюрократик тўсиқлар коррупцияга имкон очади. Аммо бу “қулайликлар” нархи бор: кичиклар синади, инновация сўнади, янги ғоялар йўқолади, бозор жонланмайди. Кичик бизнес — ҳар қандай соғлом иқтисодиётнинг юраги. Уни жазолаш эмас, қўллаб-қувватлаш керак. Акс ҳолда, бозор нафақат рақобатни, балки ҳаётчанлигини ҳам йўқотади. Йирик ўйинчилар ўзаро бўлиб олган майдонда ҳеч ким янгилик қилишга уринмайди. Нархлар, хизмат сифати, истеъмолчи манфаати — ҳаммаси зарар кўради. Шундай экан, ҳар бир янги тартиб, қонун ёки регулятив тўсиқ яратилаётганда, бир савол бериш керак: бу кичикларга қандай таъсир қилади? Агар бу савол жавобсиз қолса, иқтисодиёт фақат кучлилар ўйнайдиган ёпиқ клубга айланиб қолади. #biznes #nazorat @allaevuzb

Россияда янги хавф ва у асосан топ менежерларга даҳл қилмоқда. Бугун эрталаб Москвада Россия нефть қувурларини бошқарувчи "Транснефт" компаниясининг витсе-президенти Андрей Бадалов тасодифан деразадан йиқилиб тушди. Бу 2022 йил февралдан бери Россиянинг йирик корпорациялари юқори даражадаги менежерларидан тасодифан ҳалок бўлган ўнинчисидир. Уларнинг аксарияти айнан деразалардан қулаб тушмоқда. #siyosat @allaevuzb

Hikmatilla Ubaydullayev Markaziy Osiyo sun‘iy intellekt assotsiatsiyasi ijrochi direktori v.b. etib tayinlandi

Markaziy Osiyo sun‘iy intellekt assotsiatsiyasi (AICA) – mintaqaning 12 ta ustuvor sektorida sun‘iy intellektni joriy etish bo‘yicha sa‘y-harakatlarni muvofiqlashtirish, ta‘lim va tadqiqot tashabbuslarini qo‘llab-quvvatlash, shuningdek, raqamli etika tamoyillarini ilgari surish maqsadida tashkil etilgan xalqaro nodavlat notijorat tashkilotdir.

@daryo_live

АКШ доллари расмий курси 12 606 (+49,17) кутарилди. #kurs @allaevuzb

Yoshlar kuni tadbirlarida ikki ta’sirli loyiha bilan tanishdim va shunday xulosaga keldim. Birinchisi — "Tun ona allasi" musiqa kitobi, bu loyiha bolalarni YouTube kabi ekrandan kitoblarga qaytarishga xizmat qiladi va o‘zbek tilida sifatli kontent yaratishda katta yutuqdir. Ikkinchisi esa Bookmall loyihasi — bu nafaqat kitob do‘koni, balki ijodiy va madaniy muhitni shakllantiradigan joy. Yangi gʻoya topgan, harakat qilgan muvaffaqiyatga erishadi. Kimdir ikkilanib yurganda, boshqa kimdir imkoniyatdan foydalanib bosib qoladi. Ayniqsa ham hukumat, ham banklar, ham tadbirkorlar alohida loyihalarni qo‘llab-quvvatlanayotgan vaqtda sizga imkon berganidan foydalanib qolish kerak. @allaevuzb

АКШ доллари расмий курси 12 557 сумгача (-34,15) пастлади. #kurs @allaevuzb

"Asaxiy Books bestsellerlari" reytingi, iyun: 1. Kleyton M.Kristenson, Efosa Ojomo, Karen Dillon: Farovonlik paradoksi 2. Diyora Murodxodjayeva: Nozik ohang 3. Aleksandr Dyuma: Graf Monte-Kristo (Asaxiy Books) (2ta kitob) 4. Charlz Uilan: Yalang‘och iqtisodiyot 5. Daron Ajemo‘g‘li, Jeyms A. Robinson: Mamlakatlar tanazzuli sabablari 6. Brett King: Bank 4.0 7. Sun Szi: Urush san’ati 8. Yuy Xua: Yashamoq 9. Jorj Oruell: 1984 10. Javlon Jovliyev: Qo‘rqma 11. Dunyo daholari: Stiv Jobs 12. Robert Grin: Hokimiyatning 48 qoidasi 13. Dunyo daholari: Muhammad Ali 14. Dunyo daholari: Albert Eynshteyn 15. Jorj Oruell: Molxona 16. Erve Le Tellye: Anomaliya 17. Dunyo daholari: Leonardo da Vinchi 18. Robert Chaldini: Ta’sir psixologiyasi 19. Dunyo daholari: Mosart 20. Otabek Mahkamov: Yuksaklik sari tasodif bo‘lmagan 100 ta uchrashuv PS: Reytingdan asaxiy orqali oy davomida O'zbekiston bo'ylab eng ko'p sotilgan barcha nashriyotlarning kitoblari o'rin olgan. #kitob @allaevuzb

АКШ доллари расмий курси 12 591 сумгача (-84,40) пастлади. #kurs @allaevuzb

Италия уч йилда ярим миллион мигрантга меҳнат визаси беради. Италиянинг 2026-2028 йилларда Европа Иттифоқига аъзо бўлмаган фуқароларга 500 мингта меҳнат визаси бериш режаси аҳолининг қариши ва туғилиш даражасининг пасайиши оқибатида юзага келган. Қарор ҳозирда қишлоқ хўжалиги, қурилиш ва соғлиқни сақлаш каби соҳалардаги ишчи кучи танқислигини бартараф этишга қаратилган. Мамлакатда 2024 йилда туғилганлар сони вафот этганларга нисбатан 281 мингтага кам. Ушбу қарор иқтисодий эҳтиёжларни иммиграция назорати билан мувозанатлаштириш мақсадида қабул қилинган. Яқинда Жоржиа Мелони хоним Самарқандда расмий ташриф билан бўлган эди. #migratsiya @allaevuzb

"Уч жисм муаммоси" муаммоси китоби бўйича шу вақтгача кузатилмаган муаммога дуч келдик. Тепада, бизда муаллифлик ҳуқуқлари билан шуғулланадиган қизимиз Зиёданинг постини ташлагандим. Биз Хитойдан Ченг Фенг исмли агент билан келишувга эришиб, шартноманинг юридик пунктларини кўриб бошлаган эдик. Яхши ҳам эълон қилган эканман, "Huzur" нашриёти ходимлари биз муаллифлик ҳуқуқини олганмиз деб чиқишди. Улар билан боғланиб маълумотларни олиб, Хитойлик агентга жўнатдик. Улар "Huzur" нашриёти ҳақиқатдан ҳам муаллифлик ҳуқуқини Туркиядаги ҳамкор агент орқали ўзбек тили учун харид қилганини тасдиқлашди. Ўртада маълумот алишиш жараёни секин бўлиб, ҳали Хитойда тасдиқлаб улгуришмаган экан. Иккала агент масалани ўзаро кўриб чиқиб ҳал қилишди ва биздан олдин Ҳузур нашриёти шартнома қилганлиги учун китоб уларда чиқиши тўғри бўлади деган вариантга келинди. Яхши томони, китоб тез орада ўзбек китобхонига "Ҳузур" томонидан тақдим этилади. Китобни албатта Asaxiy орқали харид қилсангиз бўлади. 😊 Маълумот учун, олдинроқ Ҳузур нашриёти "Яшамаоқ" китоби билан машҳур бўлганди. Нашриёт жамоасини яна бир буюк асар билан табриклайман. Кутиб қоламиз. #kitob @allaevuzb

⭐️ Diqqat! Toshkentning musaffo, “biroz” changli osmonida Telegramman ko‘rinish berdi. Mana yildirki yildirki, Telegramman insonlarni Telegramda eng foydali va mazmunli kanallarga obuna bo‘lishga da’vat etib kelmoqda. ⭐️ Bu gal ham Telegramman siz uchun o‘zbek segmentidagi barcha manfaatli kanallarni to‘plab, ularni bir havolaga biriktirib qo‘ydi. @insusambil

Бир йилда неча марта касал бўлиш нормал ҳисобланади? Жаҳон соғлиқни сақлаш ташкилотининг йўриқномаларига кўра бир йилда болалар учун 10 мартагача касал бўлиш одатий ҳолат ҳисобланади. Ёш организм атроф-муҳит билан танишади. Шу сабабли турли хил касалликлар юзага келади. Тиббиёт ҳақидаги яна бошқа фактларни бу ерда билиб оласиз. Тажрибали онколог Рустам Норбаев ва терапевт Жавоҳир Холмухаммедов маълумот беради: https://youtu.be/bjS0MO22i5A?si=66O_f_B4GEelBh-U #podcast @allaevuzb

АКШ доллари расмий курси 12 676 сумгача (- 18,86) пастлади. #kurs @allaevuzb

Ота боболари, ўтган авлод қилган иш учун бугунги авлодни айблаш тўғрими? Жавоб «ҳа» ва «йўқ». Мисол қиламиз, бир мамлакат 2-3 аср олдин бошқа бир мамлакатга нисбатан катта адолатсизлик қилган. Бугунги туғилган авлодни у адолатсизликка умуман алоқаси йўқ. Лекин, вазият ўзгармайди, муносабат ўзгаради деган жойи бор. Бугунги авлод ота-бобоси ўша ишни қилганини оқлайдими ёки хатони тан оладими. Агар, хатони тан олса, унда ҳозирги авлодни айблаш нотўғри. Агар, аксинча ота-бобом тўғри қилган деса, унда ҳозирги авлодга асосли эътироз пайдо бўлади. Аниқроқ кейс бераман. Бугун, бир немис Гитлер тўғри қилган деса уни айблаш керак. Лекин, у бу тарихий хато бўлган, уни қоралайман, тарихимизнинг бир қисми деса, бу авлодни сен фашистдан деб айблаш хато бўлади. Шу учун ҳам умумийлаштиришдан доим қочиш керак. #mulohaza @allaevuzb

“Fitch Ratings” халқаро рейтинг агентлиги томонидан Ўзбекистоннинг суверен рейтинги оширилди. Бунинг натижасида республикадаги бир қатор банкларнинг ҳам рейтинги янгиланди. Хусусан, Халқ банкининг кредит рейтинги агентлик томонидан "BB" даражага оширилиб, прогнози "Барқарор" деб баҳоланди. Банк рейтингининг юқорилашида сўнгги йилларда банк трасформацияси йўналишларида амалга оширилаётган самарали ишлар, активлар сифати бўйича ижобий ўзгаришлар, даромад кўрсаткичларининг ошиши ҳамда капиталлашув ва ликвидлик захираси каби омиллар ҳисобга олинган.

Содда ўйлаш - муваффақиятга элтувчи қисқа йўл Бу фикрлар айрим стартап асосчилари билан бўлган суҳбатлардан кейин пайдо бўлди. Улар ўзлари қилиб юрган ишни узоқ ва мураккаб қилиб тушунтиришарди. Ҳар бир сўз ортида тўғри фикр бор эди, лекин улар шу қадар қопланганки, аслида нима қилишаётганини англаш қийин эди. Паул Грэм айтганидек, ҳақиқий ақл — содда фикрлашда. Агар ғоянгизни 30 сонияда тушунтира олмасангиз, демак у ҳали пишмаган. 1. Қисқартир. Соддалаштир. Фокуслан. Бир стартапчи айтди: “Биз ML асосида NLP’ни real-time’да call center’ларда автоматлаштиряпмиз, бу engagement ва efficiency’ни яхшилайди.” Аслида улар нима қиляпти? — Телефонда оператор ўрнига гапирадиган бот яратяпти. Қисқа ва равшан. 2. Одамларнинг оғриғини топинг Технология — бу восита, муаммони ҳал қилиш — мақсад. Стартап ғояси фойдаланувчи муаммосига жавоб бериши керак. Ундан сўранг: → “Бу нимани енгиллаштиради?” → “Мижоз учун қайси оғриқли нуқта йўқолади?” 3. Жавоб эмас, савол изланг Савол бериш содда фикрлашга олиб келади. → “Агар биз ҳозир янгидан бошласак, нимани қилмасдик?” → “Бу маҳсулотсиз ҳам одамлар қандай ҳал қилишяпти?” → “Нима учун бу ғоя жуда узоқ тушунтирилишга муҳтож?” Агар ғоя яхши бўлса, у ўзини ўзи сотади. Ёмон ғоя эса қопқон: уни тушунтиришга бор кучинг кетади. Хулоса Стартап — бу мураккаб дунёга содда ечим топиш. Агар ғоянгизни бола, инверстор, ҳамкасб ва мижоз бир хил даражада тушуна олса — сиз тўғри йўлдасиз. Унинг устига соддарок уйлаш анча энергиянгизни тежайди. @paiziev24

Нақд пулда уй-жой сотуви тақиқланадими? Ўзбекистонда уй-жой харид қилиш ва сотишда нақд пул тўловларини тақиқлаш бўйича ташаббус кўтарилди. Давлат солиқ қўмитаси раисининг биринчи ўринбосари Мубиннинг Мирзаевнинг таъкидлашича, бу чоралар иқтисодиётдаги “соя” амалиётларини камайтириб, молиявий жараёнларни очиқлашга хизмат қилади. Ушбу лойиҳа тегишли вазирлик ва ташкилотлардан ўтиб, ҳозирда Администрациясида кўриб чиқилмоқда экан. Бу қарор нималарга олиб келиши мумкин? Аввало, молиявий шаффофлик ошади. Уй-жой савдоларида ноқонуний ва коррупсиявий схемаларнинг қисқариши мумкин. Энди шартномаларда уйларнинг реал нархлари кўрсатилади. Бозор нархлари ҳам янада аниқроқ шаклланади: Расмий равишда ўтказиладиган битимлар нархларнинг ҳақиқий ҳолатини акс эттириб, бозордаги спекуляцияни камайтиради. Банк хизматларига талаб ортади: Бу банк тизимининг ривожланишига туртки бериб, молиявий хизматларга талабни оширади. Ундан ташқари қарор аҳолини пулни ҳисоб рақамларда нақдсиз кўринишда йиғишга ундайди. Бу бўлса пул ва қорабозор назоратига янги имконлар очади. Айрим хавфлар ҳам мавжуд: Илк босқичда бюрократик тўсиқлар битимларни мураккаблаштириб, уй-жой савдосида вақтинчалик сусайишга олиб келиши мумкин. Ундан ташқари, энди битимлар реал нарх асосида шаклланишини ҳисобга олсак, солиқлар ҳам икки томонга реал нархлардан келиб чиқиб шаклланади. Солиқлар эвазига, уй-жой нархи бироз ошиши мумкин. Лекин, талаб ва таклиф учрашиб, шундоқ ҳам уй-жой нархи стабиллашганини ҳисобга олсак, 3-5 йиллик планда бу нарх ошиши унчалик катта акс этмаса керак, яна вақт кўрсатади. Лекин, уй-жойнинг нархидан келиб чиқиб кейинчалик харид қилган томон тўлайдиган солиқлар ошганча қолади. Қарор ижроси учун қонуний механизмлар ва инфратузилмани ривожлантириш талаб этилади. Халқаро тажрибадан ўрганиш ва аҳоли ўртасида кенг тушунтириш ишлари олиб борилиши зарур бўлади. Муҳими, бу соҳада бутун дунёдаги каби шаффоф тизим шаклланишига имкон пайдо бўлмоқда. Агар яна нақд орқали ноқонуний нимадир келишув бўлмаса, янги уй харид қилиб, қурилишини кутаётган инсонлар муаммо чиққанда, реал суммадан келиб чиқиб ҳаққини талаб қилиб билади. Хуллас, ижро қанақа бўлиши ва янги тизим қанчалик бозор қонунларига асосланганлиги кўп нарсани ҳал қилади. #qonun @allaevuzb

InfinBANKдан ёзги янгилик: "MORE"га бепул йўлланма имконияти! Дўстлар, 21 июлгача InfinBANK'нинг Visa картаси орқали 20 АҚШ долларидан ортиқ харидларни амалга оширинг ва "MORE" мажмуасига дам олиш учун йўлланмани қўлга киритинг! Ҳар бир 20 доллардан ошган харидингиз ютуқ эҳтимолини оширади. Акция доирасида 7 нафар ғолиб учун жами 14 та йўлланма ўйналади. Ғолиблар 25 июль куни InfinBANK'нинг Instagram саҳифасида тўғридан-тўғри эфир орқали, тасодифий танлов асосида аниқланади. 🤝 Иштирок этиш учун InfinBANK'нинг Visa картасига эга бўлишингиз ва акция давомида белгиланган миқдордаги харидларни амалга оширишингиз кифоя. Картани InfinBANK мобил иловасида расмийлаштиришингиз мумкин. Акция шартлари билан батафсил танишинг ⬅️ #reklama @allaevuzb