Xushnudbek.uz

“Tashabbusli byudjet” tizimiga ayrim o’zgarishlar kiritildi Senat kengashining qarori bilan “Tashabbusli byudjet” jarayonlarini o’tkazish hamda moliyalashtirish tartibiga o’zgartirish va qo’shimchalar kiritildi. Asosiy o‘zgartirishlar: ➖ Loyihalar g‘olib deb topilishi uchun minimal ovozlar soni 50 ta etib belgilandi (bungacha 10 ta edi); ➖Jihozlash loyihalari uchun eng yuqori qiymat bazaviy hisoblash miqdorining 2 ming baravari (824 mln so’m) etib belgilandi (bungacha 4 ming baravar edi). ➖ Quyidagi holatlarda “tanaffus” berish amaliyoti qo‘llanmaydigan bo’ldi: 🔹 mahallalari soni 15 ta va undan kam bo‘lgan tuman(shahar)dagi mahallalarga; 🔹 “TOP-100” talikka kirgan eng yaxshi soliq to‘lovchi mahallalarga; 🔹loyihani sheriklik asosida amalga oshirgan mahallalarga. ✅ Bunda, loyiha kiritish imkoniyati cheklangan mahallalarga sherikchilik asosida loyihalarni amalga oshirishga ruxsat beriladi. 🗓️ Ovoz berish bosqichi yakunlangandan so‘ng, 10 kun davomida qo‘shimcha g‘olib loyihalarni aniqlash bo‘yicha 5-bosqich o‘tkaziladi. 📋 Qo‘shimcha g‘olib loyihalar quyidagi usullarda aniqlanishi mumkin: 🔸 Xalq deputatlari tuman (shahar) kengashlarining deputatlari g‘olib bo‘lmagan loyihaga yetishmagan mablag‘ni tuman byudjetining qo‘shimcha mablag‘lari hisobidan ajratish orqali; 🔸 Oliy Majlis Qonunchilik palatasi deputatlari – g‘olib bo‘lmagan loyihalar orasidan bitta loyihani tanlash orqali. 👉 @xushnudbek 👈

🎁 Mutolaa Premium’ga yilning eng katta chegirmasi e'lon qilindi! Mutolaa Premium’ga 35% chegirma bilan obuna bo‘ling. Imkoniyatni qo‘ldan boy bermang! Mutolaa Premium sizga nima beradi?

1. 120+ bestseller audio va elektron kitoblar; 2. Oflayn mutolaa qilish imkoniyati; 3. AI suhbatdosh bilan fikr almashish; 4. Shaxsiy statistika va boshqa qulay funksiyalar.

Imkoniyatdan foydalaning — hoziroq ilovaga o‘ting va obuna bo‘ling. Promokod: 2026 ⏰ Chegirma faqat 3 kun, 26–27–28-dekabr kunlari davom etadi, ulgurib qoling. Ilovaga havola Ta’lim granti doirasida ijtimoiy reklama. 👉 @xushnudbek 👈

#murojaatnoma Shavkat Mirziyoyev:

“Bugun sizlarga, sizlar orqali butun el-yurtimizga murojaat qilib aytmoqchiman. Bir bo‘lsak, yagona xalq, yagona millat bo‘lib harakat qilsak, ko‘zlagan ulkan maqsadlarimizga albatta yetamiz! Men bu yo‘lda mard va olijanob xalqimizga ishonaman! O‘zbekistonning beqiyos kuchi va imkoniyatlariga, aziz yoshlarimizning azm-u shijoatiga ishonaman! Fursatdan foydalanib, el-yurt manfaati, Vatan taqdirini o‘ylab, muqaddas zaminimizning asl farzandlari, fidoyi posbonlari bo‘lib, o‘zini ayamasdan, sidqidildan mehnat qilayotgan siz, azizlarga, bunyodkor xalqimizga chin dildan minnatdorchilik bildiraman”.

👉 @xushnudbek 👈

#murojaatnoma ❗️2026-yilda korrupsiyaga qarshi kurashish bo‘yicha “favqulodda holat” e’lon qilinadi Shavkat Mirziyoyev:

“Lavozimim, unvonim bor, menga hech kim tegmaydi”, deganlar adashadi. Qonun oldida hamma teng! Xavfsizlik xizmati, ichki ishlar, prokuratura, soliq, bojxona, moliya, bank, yirik davlat kompaniyalari, vazirlik va hokimliklar, bir so‘z bilan aytganda, BIRORTA IDORA VA TASHKILOT NAZORATDAN CHETDA QOLMAYDI. Komplayens xizmatining faoliyatiga to‘sqinlik qilganlar – korrupsiyaga sherik, deb baholanadi va javobgarlik shunga mos holda bo‘ladi. Prezident Administratsiyasi Komplayens xizmati bu tizimni 1-yanvardan boshlab barcha davlat idoralari va tashkilotlarida ishga tushirib, jilovni mahkam qo‘lga olsin. Mansabidan qat’i nazar, poraxo‘rlik va suiiste’molchilik bo‘yicha har bir holat yuzasidan Prezident Administratsiyasi Komplayens xizmati shaxsan menga axborot kiritib boradi.

👉 @xushnudbek 👈

#murojaatnoma ❗️2026-yildan tergov sudyalariga sanksiya va majburlov choralarini o’zgartirish hamda bekor qilish vakolati beriladi. 👉 @xushnudbek 👈

#murojaatnoma Deputat so‘rovlari ijrosi har chorakda tahlil qilinib, sustkashlikka yo‘l qo‘yilgan holatlar bo‘yicha prokuraturaga taqdimnoma kiritiladi. 👉 @xushnudbek 👈

#murojaatnoma ❗️Bundan buyon, davlat xaridlarida tovar, ish va xizmatlarni to‘g‘ridan-to‘g‘ri sotib olish mumkin bo‘lgan holatlar faqat qonun bilan belgilanadi. 👉 @xushnudbek 👈

#murojaatnoma ❗️Davlat kafolati ostida tashqi qarz olishni ma’qullash Parlament vakolatiga o’tkaziladi. 👉 @xushnudbek 👈

#murojaatnoma 🚙 Mahalliy elektromobillarga 12 foizli, xorijiy elektromobillarga esa 16 foizli avtokreditlar ajratiladi. 🚕 Elektromobilda taksi xizmati ko‘rsatadigan fuqarolarga ham bir qator imtiyozlar beriladi. 👉 @xushnudbek 👈

#murojaatnoma ❗️Tirbandlikning oldini olish uchun bir qator choralar ko’riladi Shavkat Mirziyoyev bu yo’nalishda quyidagilarni ma’lum qildi: ➖ Dunyo tajribasidan kelib chiqib, avtomobillar chiqarayotgan zararli moddalar darajasiga qarab, ekologik stikerlar tizimi joriy etiladi; ➖ Katta miqdorda zararli moddalar chiqaradigan avtomashinalarning poytaxt va viloyat markazlari hamda shaharlarga kirishi cheklanadi; ➖ Bunday transport vositalarini yangisiga almashtirish yoki ularga filtr o‘rnatish uchun davlat tomonidan qo‘llab-quvvatlash choralari ko‘riladi;   ➖ Eski mashinasini almashtiraman deganlarga, avtokredit foizining bir qismi qoplab beriladi; ➖ Filtr o‘rnatib, zararni kamaytirishga tayyor bo‘lgan haydovchilar uchun xarajatlarining bir qismi bo‘yicha subsidiya ajratiladi; ➖ Shahar ko‘chalarida avtobus va taksilar uchun maxsus yo‘laklar ko‘paytiriladi; ➖ Toshkent, Samarqand va Namangan shaharlarida transport harakatini intellektual svetoforlar orqali boshqarish tizimi joriy etiladi. 👉 @xushnudbek 👈

#murojaatnoma Shavkat Mirziyoyev:

Toshkent shahri va Toshkent viloyatida 2 mingga yaqin ko‘mir va gazda isitiladigan issiqxona bor. Endi, filtrsiz ko‘mirda ishlaydigan qozonxonalardan voz kechamiz. Ularni poytaxt atrofidan ko‘chirib, hamma joyda markazlashgan qozonxonalar orqali isitishni yo‘lga qo‘yamiz. Shu maqsadda 200 gektardan kam bo‘lmagan agro-klasterlar tashkil etiladi, ularning tarkibiga o‘tadigan issiqxonalarga alohida subsidiya beriladi.

👉 @xushnudbek 👈

#murojaatnoma Samarqand viloyati Urgut tumanida 100 ming aholiga moʻljallangan eko-shahar quriladi Kelgusi yil 544 mlrd soʻm ajratilib, 72 ta bogʻcha, maktab, poliklinika, shuningdek, ichki yoʻllar qurilib-taʼmirlanadi, kanallar beton qoplamaga oʻtkazilib, 2 ta sel-suv ombori barpo etiladi. 👉 @xushnudbek 👈

#murojaatnoma O’zbekistonda Fuqaro aviatsiyasi universiteti tashkil qilinadi. 👉 @xushnudbek 👈

#murojaatnoma 🔥O’zbek kosmonavti fazoga uchadi Shavkat Mirziyoyev:

Bugun sizlarga yana bir muhim yangilikni aytmoqchiman. Mustaqil O‘zbekiston tarixida ilk bor kosmik sohada sun’iy yo‘ldosh va mamlakatimiz fuqarosi bo‘lgan birinchi o‘zbek kosmonavtini fazoga uchirish bo‘yicha ishlarni boshladik. Bu – Yangi O‘zbekistonning ilmiy va texnologik rivojlanishiga, umuman, milliy taraqqiyotimizni yangi bosqichga olib chiqishga katta turtki beradi, deb ishonaman.

👉 @xushnudbek 👈

#murojaatnoma ❗️Kelgusi 5 yilda 240 milliard dollar Shavkat Mirziyoyev:

Agar biz: ➖ sanoatda – elektronika va elektro-texnika, bio-kimyo va polimerlar, farmatsevtika, mashinasozlik kabi yuqori qo‘shilgan qiymat yaratadigan sohalarni rivojlantirish; ➖ xizmatlarda – IT, sun’iy intellekt, fintex, konsalting, transport-logistika kabi katta daromad keltiradigan servislarni ko‘paytirish; ➖ qishloq xo‘jaligida – unumdorlikni oshirish uchun bio-injineriyadan keng foydalanish, ilg‘or agrotexnika va suv tejaydigan usullarni faol qo‘llash; ➖ iqtisodiy o‘sish va ekologik barqarorlik o‘rtasidagi muvozanatni ta’minlash uchun “yashil” energetika, chiqindisiz ishlab chiqarishga o‘tish; ➖ ta’lim va tibbiyotda – sifatni yangi bosqichga olib chiqadigan ilg‘or xorijiy tajribalarni keng joriy etish uchun, yangi texnologiyalarni olib kirsak, kadrlarni ilm-fan va innovatsiyalarga asoslangan zamonaviy kasblarga tayyorlasak, kelgusi besh yilda iqtisodiyotimiz hajmini 240 milliard dollardan oshirishga barcha imkoniyatlarimiz bor. Bu – aniq va puxta hisob-kitoblarga asoslangan prognoz! Xalqaro valyuta jamg‘armasi va nufuzli ekspertlarning xulosalari ham buni tasdiqlayapti.

👉 @xushnudbek 👈

#murojaatnoma ❗️2026-yilda 160 milliard dollar Shavkat Mirziyoyev:

Bundan ikki yil oldin “O‘zbekiston – 2030” strategiyasini qabul qilganimizda, yalpi ichki mahsulot hajmini 2030-yilgacha 160 milliard dollarga yetkazishni belgilab olgan edik. Ko‘rib turibsizlar, mavjud salohiyatimiz, bugungi islohotlarimiz, tadbirkorlarimizning faolligi, xorijiy sheriklarimiz bilan hamkorligimiz o‘sib borayotgani hisobiga, bu marraga 2026-yilning o‘zida bemalol erisha olamiz.

👉 @xushnudbek 👈

#murojaatnoma ⚡️O‘zbekistonda 2026-yil “Mahallani rivojlantirish va jamiyatning yuksalish yili” deya e’lon qilindi. 👉 @xushnudbek 👈

#murojaatnoma ❗️145 milliard dollar Shavkat Mirziyoyev:

E’tibor bering, bundan to‘qqiz yil oldin iqtisodiyotimiz hajmini 100 milliard dollarga yetkazish biz uchun juda katta marra bo‘lib ko‘rinardi. Bu yil tariximizda birinchi marta yalpi ichki mahsulotimiz 145 milliard dollardan oshdi. Bunday yuksak natijalar xalqimizning, barchamizning qanday ulkan ishlarga qodir ekanimizni yaqqol namoyon etmoqda.

👉 @xushnudbek 👈

Murojaatnoma boshlandi Jonli efir uchun havola: https://www.youtube.com/watch?v=St1E3kxNz-w 👉 @xushnudbek 👈

HUMO POS-yechimlarni joriy etmoqda HUMO MBPM 168,2 mlrd so‘m sof foydani taqsimlab, 54,7 mlrd so‘mni davlat budjetiga dividend sifatida yo‘naltirdi. Kompaniya transformatsiya doirasida O‘zbekiston bozori uchun eksklyuziv Sunmi P3 flagman POS-terminalini sotuvga chiqardi. Qurilma naqdsiz to‘lov, chek chiqarish va shtrix-kod skanerlash imkoniyatlariga ega. POS-terminalni xarid qilish yoki ijaraga olish mumkin, tizimga ulash 1 ish kuni ichida amalga oshiriladi. 👉 @xushnudbek 👈