"Hududiy elektr tarmoqlari" AJ bilan muloqot

📌📌📌📌📌📌 О‘ZBEKISTONDA UGLEROD-NEYTRAL IQTISODIYOTGA О‘TISHDA GENDER JIHATLARI HISOBGA OLINMOQDA Kecha О‘zbekiston Respublikasi Energetika vazirligida “О‘zbekistonda uglerod-neytral iqtisodiyotga о‘tish bо‘yicha genderga yо‘naltirilgan va adolatli yо‘l xaritasini ishlab chiqish” loyihasi doirasida texnik davra suhbati о‘tkazildi. Ushbu tashabbus О‘zbekiston energetika, neft-gaz va geologiya xodimlari kasaba uyushmasi Respublika Kengashi hamda Energetika vazirligi tomonidan, Yevropa tiklanish va taraqqiyot banki (YETTB) moliyaviy kо‘magi hamda BMT Xotin-qizlar tuzilmasi bilan hamkorlikda amalga oshirilmoqda. Loyihaning maqsadi — О‘zbekistonning uglerod-neytral iqtisodiyotga bosqichma-bosqich о‘tishi jarayonida gender jihatlari hisobga olingan va adolatli yо‘l xaritasini tayyorlashdan iborat. Davra suhbatida dastlabki tahlil natijalari hamda yо‘l xaritasini ishlab chiqish jarayoni taqdim etildi. Ishtirokchilar hujjatga kiritilishi mumkin bо‘lgan amaliy vositalar, shuningdek, gender tengligi va inklyuziv iqlim siyosatini rivojlantirish mexanizmlarini muhokama qildilar. Shuningdek, «Hududiy elektr tarmoqlari» AJ vakili S. Ibragimova jamiyatda gender jihatlarini inobatga olgan holda amalga oshirilayotgan ishlar haqida ma’lumot berdi va о‘z tajribasi bilan о‘rtoqlashdi. Suhbat davomida mavjud muammolar va samarali amaliyotlar haqida fikr almashildi. Yig‘ilish yakunlari bо‘yicha manfaatdor tomonlar hamkorlikni kuchaytirish va yо‘l xaritasini keyingi bosqichlarda samarali amalga oshirish yо‘llarini belgilab oldilar. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 SHAVKAT MIRZIYOYEV: MARKAZIY OSIYO YANGI DAVR OSTONASIDA O‘zbekiston prezidenti Shavkat Mirziyoyevning “Yangi O‘zbekiston” gazetasining 13 noyabr kungi 234-sonida chop etilgan “Markaziy Osiyo yangi davr ostonasida” sarlavhali maqolasida ta’kidlanishicha, mintaqa mamlakatlari uzoq yillardan keyin birinchi marta birgalikda oldinga yurish, umumiy rivojlanish va barqarorlikni ta’minlashga qaratilgan yangi bosqichga kirib keldi. Davlat rahbari fikricha, bu jarayon “o‘z-o‘zidan” emas, balki Markaziy Osiyo davlatlari yetakchilari siyosiy irodasi, aniq maqsadga yo‘naltirilgan sa’y-harakatlari natijasidir. Mintaqada o‘zaro ishonch, yaxshi qo‘shnichilik va hurmat muhiti mustahkamlanib, hamkorlik keng ko‘lamdagi zaruratga aylandi. Prezident Markaziy Osiyo davlatlari rahbarlarining Maslahat uchrashuvlari yangi mintaqaviy hamkorlik arxitekturasini yaratganini, Toshkentda bo‘lib o‘tadigan navbatdagi sammit esa barqaror, o‘zaro bog‘liq va farovon Markaziy Osiyoni barpo etishda muhim bosqich bo‘lishini qayd etadi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Joriy yilda “Buxoro hududiy elektr tarmoqlari korxonasi” AJ tomonidan O‘zbekiston Respublikasi Prezidentining 2024-yil 23-sentabrdagi "Kambag‘allikdan farovonlik sari" dasturini amalga oshirish bo‘yicha birinchi navbatdagi chora-tadbirlar to‘g‘risida"gi 330-sonli qarori asosida 48 ta mahallalarda 71 dona transformator punktlari o'rnatildi va 5000 ga yaqin temir-beton tayanchlari qurilib, 244,5 km elektr uzatish tarmog’i tortildi. Shu bilan bir qatorda, Vazirlar mahkamasining tegishli qarori asosida hududlar kesimida 153 ta transformator punkti o’rnatilib, 250 km uzinlikdagi elektr uzatish tarmog’i qurildi. Kuz-qish mavsumida aholini uzluksiz energiya bilan ta'minlash maqsadida, jamiyat tarkibidagi 830 dona past kuchlanishli trasnformator punktlari, 2 900 km dan ortiq uzatish tarmoqlarida mukammal ta'mirlash ishlari amalga oshirildi. Batafsil “O'zbekiston 24" telekanalining "Ortqa qaytmas islohotlar” tahliliy dasturining navbatdagi sonida tanishishingiz mumkin. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 QIZILTEPA TUMANIDA ELEKTR TARMOQLARINI YANGILASH VA MODERNIZATSIYA QILISH ISHLARI DAVOM ETMOQDA Xususan,tumanning Bashir mahallasida belgilangan dastur doirasida 12 km uzunlikdagi yangi havo elektr uzatish tarmog'i, 2 dona transformator punktini o'rnatish ishlari olib borilmoqda. Hududdagi 214 dona simyog'och ustunlar o'rniga yangi temir-beton tayanchlar tiklandi. Ushbu amaliy ishlar Navoiy viloyatining barcha hududlarida davom etmoqda. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 ELEKTR TA'MINOTI YAXSHILANMOQDA Mamlakatimizda “Kambag‘allikdan farovonlik sari” dasturi doirasida aholining turmush sharoitini yaxshilash hamda mahallalar infratuzilmasini rivojlantirishga alohida e’tibor qaratilmoqda. Ushbu dastur bo‘yicha birgina Bulung‘ur tumanidagi Gulobod, O‘roqli, Bo‘dana mahallalarida 9 ta transformator punkti hamda 448 ta temir beton ustunlari o‘rnatilib, 24,4 kilometr yangi tarmoq tortish ishlari olib borildi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 MAXSUS REPORTAJ | AHOLINI BARQAROR ELEKTR ENERGIYASI BILAN TA'MINLASHGA QARATILGAN TADBIRLAR Toshkent shahrida elektr ta’minoti tizimini modernizatsiya qilish, mavjud tarmoqlarni yangilash, aholiga sifatli xizmat ko‘rsatishni ta’minlash hamda kuz-qish mavsumiga tayyorgarlik ko‘rish borasidagi ishlar izchillik bilan olib borilmoqda. Xususan, Yashnobod va Sergeli tumanlarida amalga oshirilayotgan ishlar yuzasidan batafsil ma’lumot «O`zbekiston 24» telekanalining «Maxsus reportaj» informatsion dasturi lavhasida. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Elektr ta’minotiga noqonuniy ulangan fermer xo‘jaligi rahbarining noqonuniy harakati uchun Sirdaryo viloyat Yangiyer shahar sudi tomonidan chora ko‘rildi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

EHTIYOJMAND OILALARGA MODDIY YORDAMLAR MANZILLI YETIB BORMOQDA! Ijtimoiy himoya milliy agentligi tomonidan ehtiyojmand aholini qo‘llab-quvvatlash maqsadida elektr energiyasi va tabiiy gaz xarajatlarini qoplash uchun 1 million so‘mdan bir martalik moddiy yordam to‘lab berildi. Shuningdek, ehtiyojmand oilalarning kommunal to‘lovlari uchun kompensatsiya to‘lovlari ham amalga oshirilmoqda. Bu yordamlar nafaqat ijtimoiy ko‘mak, balki energiya resurslaridan oqilona foydalanish madaniyatini keng targ‘ib qilishga ham yo‘naltirilgan. Videorolikda oilalar qanday qilib elektr va gazni tejamkor ishlatish, hisobni oshirmasdan qulay sharoit yaratish va kompensatsiya olish tartibi haqida sodda tarzda ko‘rsatib berilgan. Tejamkorlik har bir oilaga foyda, har bir jamiyatga esa katta hissa! 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 MAXSUS REPORTAJ | HUDUDLARDA ELEKTR ENERGIYASI TA'MINOTI YAXSHILANMOQDA “Hududiy elektr tarmoqlari” AJ Sirdaryo hududiy filiali tomonidan aholini barqaror elektr energiyasi bilan ta’minlash, kuz-qish mavsumiga tayyorgarlik ko‘rish borasidagi ishlar izchillik bilan olib borilmoqda. Bu borada viloyatda olib borilayotgan amaliy ishlar xususida “O‘zbekiston 24” telekanalining “Maxsus reportaj” tahliliy dasturining navbatdagi sonida tanishish mumkin. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 Qoraqalpog‘iston va Andijonda o‘tkazilgan o‘tkazilgan reyd tadbirlari davomida 2,5 mlrd. so‘mdga yaqin elektr energiyasidan noqonuniy foydalanish holatlatlari aniqlandi “Hududiy elektr tarmoqlari” AJ Korrupsiyaga qarshi kurashish va komplayens nazorat xizmati va bo‘lim xodimlari hamda “Energosavdo” filiali Qoraqalpog‘iston hamda Andijon bo‘linmalari tomonidan energiya resurslarini talon-toroj qilish holatlarini aniqlash yuzasidan o‘tkazilayotgan reyd tadbirlari davomida iste’molchilar tomonidan elektr energiyasidan foydalanish qoidalarini mensimasdan davlat mulkidan o‘zboshimchalik bilan noqonuniy foydalanish holatlari aniqlandi. Xususan, Qoraqalpog‘iston Respublikasi Xo‘jayli tumanida faoliyat yurituvchi “M.A.X” fermer xo‘jaligi tomonidan o‘z balansida bo‘lgan transformatordan noqonuniy foydalanib kelingani aniqlandi hamda korxonaga nisbatan 9,9 mln. so‘m zarar yetkazilganlik holatlari bo‘yicha dalolatnomalar rasmiylashtirildi. Shuningdek, Andijon viloyati Asaka shahridagi “A.T” fermer xo‘jaligiga qarashli go‘sht do‘koni faoliyati o‘rganiliganda elektr tarmoqlari korxonasi bilan shartnoma imzolamasdan o‘zboshimchalik bilan elektr energiyasidan foydalanib kelingani aniqlandi. Natijada davlat manfaatlariga 1.4 mlrd. so‘m zarar yetkazilgani aniqlandi. Aniqlangan holatlar yuzasidan qayta hisob-kitob qilingan holda to‘plangan hujjatlar huquqni muhofaza qiluvchi organlarga yuborildi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 ENERGETIKA SOHASIDAGI ISLOHOTLAR AHOLI MANFAATLARI YO‘LIDA “Hududiy elektr tarmoqlari” AJ tomonidan aholini barqaror elektr energiyasi bilan ta’minlash, kuz-qish mavsumiga tayyorgarlik ko‘rish borasidagi ishlar izchillik bilan olib borilmoqda. Bu borada viloyatda olib borilayotgan amaliy ishlar xususida “O‘zbekiston 24” telekanalining “Maxsus reportaj” tahliliy kо‘rsatuvining navbatdagi sonida tanishish mumkin. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 CHIQINDIDAN QARZI BOR ISTE’MOLCHI TO‘G‘RIDAN-TO‘G‘RI ELEKTR TA’MINOTIDAN UZILMAYDI Ijtimoiy tarmoqlarda “Musordan qarzi borlar elektrdan uzilyapti” sarlavhali xabar e’lon qilinmoqda. Tarmoqlardagi ushbu sarlavha mutlaqo noto‘g‘ri talqin qilib yozilgan. Avval xabar berganimizdek, chiqindidan qarzi bor iste’molchi to‘g‘ridan-to‘g‘ri elektr ta’minotidan uzilmaydi. Aksincha, chiqindidan qarzdor iste’molchilar “Hududiy elektr tarmoqlari” AJning “2100” qisqa raqamidan “SMS” xabarnoma orqali ogohlantirilgandan keyin 5 kun ichida qarzdorlik bartaraf etilmasa, ushbu abonentning elektr energiyasi uchun to‘lov qilish imkoniyatiga vaqtincha cheklov o‘rnatiladi. Iste’molchi tomonidan chiqindidan qarzdorlik bartaraf etilishi bilanoq vaqtinchalik cheklov darhol yechiladi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 “Hududiy elektr tarmoqlari” AJ 11 noyabr ‒ О‘zbekiston kasaba uyushmalari kuni munosabati bilan ayni yo'nalishda faoliyat olib borayotgan etakchi va faollarni, tashabbuskor xodimlarni samimiy muborakbod etadi. Soha xodimlarining himoyasini ta’minlash, ularning moddiy-ma’naviy qо‘llab-quvvatlash, huquqiy manfaatlarini ifoda etishda ijtimoiy sheriklikning barcha prinsiplariga amal qilinishini ta’minlanishida olib borayotgan fidokorona mehnatingizga ulkan muvaffaqiyatlar tilab qolamiz. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 XODIMLAR O‘RTASIDA SPORT MUSOBAQALARI O‘TKAZILDI “Hududiy elektr tarmoqlari” AJ Surxondaryo hududiy filiali tomonidan tuman va shahar elektr ta’minoti korxonalari xodimlari o‘rtasida sport musoboqalari tashkil etildi. Tadbir sog‘lom turmush tarzini targ‘ib etish, xodimlar o‘rtasida do‘stlik, birdamlik va jamoaviy ruhni mustahkamlash maqsadida o‘tkazildi. Musobaqalarda sportning futbol, shaxmat, shashka, turnikda tortilish va qo‘l kurash turlari bo‘yicha qizg‘in bellashuvlar kechdi. Ishtirokchilar o‘zining irodasi, jismoniy tayyorgarligi va jamoaviy ruhini namoyon etdilar. G‘oliblar diplom va esdalik sovg‘alar bilan taqdirlandi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 AXBOROT 24 | AHOLINING ELEKTR ENERGIYA TA’MINOTINI YAXSHILASHDA NAMANGAN VILOYATLARIDA KUZ-QISH MAVSUMIGA TAYYORGARLIK “Hududiy elektr tarmoqlari” AJ Namangan hududiy filiali tomonidan aholini barqaror elektr energiyasi bilan ta’minlash, kuz-qish mavsumiga tayyorgarlik ko‘rish borasidagi ishlar izchillik bilan olib borilmoqda. Bu borada viloyatda olib borilayotgan amaliy ishlar xususida “O‘zbekiston 24” telekanalining “Axborot 24” informatsion dasturining lavhasida tanishish mumkin. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

Ushbu nosozlik bartaraf etilib, iste’molchilarning elektr ta’minoti qayta tiklandi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

#rasmiy_xabar Mirzo Ulug‘bek tumanidagi 10 kVli elektr uzatish kabel tarmoqlariga qurilish kompaniyasi texnikasi tomonidan shikast yetkazilgan (kabel quruvchilar tomonidan uzib yuborilgan). Buning natijasida Mirzo Ulug‘bek tumanining ayrim hududlarida elektr ta’minotida uzilish kuzatilmoqda. Ayni vaqtda tezkor chiqish brigadalari tomonidan mazkur nosozlikni о‘z vaqtida bartaraf etish choralar kо‘rilmoqda. Tez orada mazkur nosozlik bartaraf etilib, ta’minot tо‘liq tiklanishini bildiramiz. Shu о‘rinda poytaxtdagi qurilish ishlari bilan shug‘ullanuvchi tadbirkorlar va quruvchilardan qazish ishlarini “Toshkent shahar elektr tarmoqlari korxonasi” MCHJ va uning tuman bо‘limlari bilan hamkorlikda tegishli ruxsatnoma olgan holda bajarishlarini sо‘raymiz. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

#rasmiy_xabar Elektr uzatish tarmog‘ida yuzaga kelgan nosozlik bartaraf etilmoqda Bugun, soat 18:13 da Toshkent shahridagi 110 kVli “L-Dok-1” elektr uzatish tarmog‘ida nosozlik yuzaga kelgan. Buning natijasida Toshkent shahrining Olmazor va Yunusobod tumanlari hamda Toshkent viloyati Toshkent tumanining ayrim hududlarida elektr ta’minotida qisqa muddatli uzilish kuzatilmoqda. Hozirgi vaqtda ushbu nosozlikni bartaraf etish ishlari olib borilmoqda. Nosozlik qisqa vaqt ichida bartaraf etilib, iste’molchilarning elektr ta’minoti qayta tiklanadi. Keltirilgan noqulayliklar uchun iste’molchilardan uzr so‘raymiz. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

“Aqlli” elektr hisoblagichlar xato hisoblamaydi Ijtimoiy tarmoqlarda “Shoshilinch xabar: О‘zbekistonda ayrim elektr schyotchiklari ortiqcha kilovatt «yozyapti»! Ehtimol, siz ham ortiqcha tо‘layapsiz!” mazmunidagi xabarlar tarqaldi. Tavsiyaviy mazmunga ega bо‘lgan xabar sarlavhasida, gо‘yoki elektr energiyasi hisobi uchun о‘rnatilgan hisoblagichlar “ortiqcha” elektr energiyasi hisoblayotganini tushinaladi. Aslida, tarqatilgan xabar mazmunida respublikamiz bо‘ylab о‘rnatilgan hisoblagichning tegishli tugmasi orqali mavjud funksiyalarni iste’molchi tomonidan aniqlash imkoniyatlari tushuntirilgan. Shu о‘rinda, “Hududiy elektr tarmoqlari” AJ iste’molchilarga о‘rnatilayotgan barcha turdagi hisobdonlar bir necha bosqichli sinov va tekshiruv jarayonlaridan о‘tishi va kamchilik aniqlanganda о‘rnatish va sotish uchun chiqarmasligi qat’iy nazorat qilinishini eslatib о‘tamiz. Shu sababli, “О‘zbekistonda ayrim elektr schyotchiklari ortiqcha kilovatt «yozyapti»!” mazmundagi xabar mutlaqo asossiz ekanligini ma’lum qilamiz. Iste’molchilardan hisoblagichlarda elektr energiyasi iste’moli hisobida qandaydir shubha bо‘lsa tuman, shahar elektr ta’minoti korxonalariga yoki 1154 qisqa raqamli Call-markazi hamda telegram ijtimoiy tarmog‘idagi @HET_admin orqali murojaat qilishlarini sо‘raymiz. Ijtimoiy tarmoq egalari hamda adminlaridan fuqarolarni chalg‘ituvchi va yolg‘on ma’lumotlarni tarqatmaslikni, iste’molchilardan esa elektr energiyasiga oid ma’lumotlarni rasmiy axborot manbalaridan kuzatishlarni sо‘rab qolamiz. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz

📌📌📌📌📌📌 KASABA UYUSHMALARI KUNI ARAFASIDA FIDOYILAR E’TIROF ETILDI 2020-yil 20-noyabrda qabul qilingan “O‘zbekiston kasaba uyushmalari kunini belgilash to‘g‘risida”gi Qonunga muvofiq, 11 noyabr – O‘zbekiston Kasaba uyushmalari kuni etib belgilangan. Shu munosabat bilan joriy yilda mamlakatimizda kasaba uyushmalari harakati tashkil topganiga 120 yil to‘lishi keng nishonlanmoqda. Shu munosabat bilan yurtimiz bo‘ylab kasaba uyushmalari faollari va fidoyi mehnat qilayotgan faxriylar e’tirof etilib, taqdirlanmoqda. Xususan, “Hududiy elektr tarmoqlari” AJ Energosavdo filiali kasaba qo‘mitasi raisi Laisheva Alfiya kasaba uyushmalari tizimidagi fidokorona faoliyati, xodimlar manfaatlarini himoya qilish va jamoada sog‘lom muhitni shakllantirishdagi hissasi uchun munosib e’tirofga sazovor bo‘ldi. “Hududiy elektr tarmoqlari” AJ rahbariyati va kо‘p sonli jamoasi jonkuyar va fidoyi hamkasbimizni ushbu e’tirof bilan samimiy muborakbod etadi. 📱 Facebook | 📱 Telegram | 📱 YouTube | 📱 Instagram | 📱 X | 📱 het.uz