Kun.uz | Online

«Biz hech qanday progress ko‘rmayapmiz». Tramp Ukrainadagi urushni yakunlash masalasida Rossiyaga berilgan muhlatni nima uchun qisqartirayotganini izohladi U kutishdan ma’no yo‘qligini aytib, yangi muddat bugundan hisoblanganda 10-12 kun bo‘lishini ma’lum qildi. Bu muddat tugaganidan keyin Rossiyaga qarshi ikkilamchi sanksiyalar kuchga kiradi. 👉 @kunonline

Tramp Rossiyaga o‘t ochishni to‘xtatish uchun bergan 50 kunlik muddatni qisqartirmoqchiligini aytdi «Prezident Putindan hafsalam pir bo‘ldi. Men unga bergan 50 kunlik muddatni kamroq songa qisqartiraman, chunki menimcha nima bo‘lishini oldindan bilaman», – dedi Tramp. 👉 @kunonline

Tailand va Kambodja oʻt ochishni toʻxtatishga kelishdi Reuters nashriga koʻra, Kambodja va Tailand yetakchilari soʻnggi oʻn yillikdagi eng qonli toʻqnashuvni yakunlash maqsadida, yarim tun (soat 00:00) dan boshlab kuchga kiradigan oʻt ochishni toʻxtatish boʻyicha kelishuvga erishdi. Tailand va Kambodja rahbarlari Malayziyada, bosh vaziri Anvar Ibrohim mezbonligida — uchrashuv oʻtkazdi. Uchrashuvda tomonlar harbiy harakatlarni toʻxtatish va bevosita muloqotni tiklashga kelishib oldi. 👉 @kunonline

🔻AQSH dollarining rasmiy kursi yana pasaydi Markaziy bank 29-iyuldan xorijiy valutalarning o‘zbek so‘miga nisbatan yangi qiymatini belgiladi. 🇺🇸 USD 12 514,34 soʻm (–67,39) 🇷🇺 RUB 156,41 soʻm (–1,93) 🇪🇺 EUR 14 600,48 soʻm (–164,18) 👉 @kunonline

Dushanba kuni Sheremetevo aeroportidagi tablo qizil tusga kirdi «Aeroflot» ma’lumotiga ko‘ra, axborot tizimidagi nosozlik tufayli qariyb 50 reys bekor qilingan. Tizimga hakerlar hujumi amalga oshirilgani aytilmoqda. 👉 @kunonline

“Handala” ham qoʻlga olindi Isroil harbiylari Gʻazo sektoridagi qamalni yorib oʻtishga uringan “Handala” yordam kemasini qoʻlga olib, Ashdod portiga olib bordi. “Handala” kemasida chaqaloqlar uchun oziq-ovqat, umumiy yegulik va dorilarni olib ketayotgan tibbiyot xodimlari, huquq faollari bor. Avvalroq, Isroil Gʻazoga Madlean kemasida yordam olib kelgan faollarni ham ushlab, deport qilgan edi. 👉 @kunonline

Gʻazoning ayrim hududlarida harbiy harakatlar har kuni 10 soatga toʻxtatiladi Isroilga xalqaro bosim va tanqidlar kuchayib borayotgani fonida rasmiy Tel-Aviv Gʻazoning ayrim hududlarida harbiy harakatlarni har kuni soat 10:00 dan 20:00 gacha toʻxtatishini va yangi gumanitar yoʻlaklar ochilishini eʼlon qildi. Reuters nashrining xabar berishicha, shu bilan bir vaqtda Iordaniya va Birlashgan Arab Amirliklari Gʻazoga havo orqali 25 tonna insonparvarlik yordami tashladi. 👉 @kunonline

Denverda parvozga chiqqan samolyotda yong‘in chiqdi American Airlines aviakompaniyasining Boeing 737 Max samolyoti havoga ko‘tarilganida shassida yong‘in yuzaga keldi. Uchuvchilar darhol aeroportga qaytgan. Bortda ekipajning olti nafar a’zosi va 173 nafar yo‘lovchi bo‘lgan, ularning barchasi avariya traplari orqali evakuatsiya qilingan. Besh nafar jabrlanuvchiga voqea joyiga tibbiy yordam ko‘rsatilgan, bir kishi shifoxonaga yotqizilgan. Ushbu hodisa tufayli aeroportda 87 reys kechiktirilgan. 👉 @kunonline

Mo‘ynoqdagi konda gaz sizib chiqishi ro‘y berdi Ayni vaqtda quduqni likvidatsiya qilish va bosimni bartaraf etish ishlari olib borilmoqda. 👉 @kunonline

Saratovda koʻp qavatli turar joy binosida gaz portladi Vayronalar ostida odamlar qolib ketgan. 👉 @kunonline

🔻AQSH dollarining rasmiy kursi yana pasaydi Markaziy bank 28-iyuldan xorijiy valutalarning o‘zbek so‘miga nisbatan yangi qiymatini belgiladi. 🇺🇸 USD 12 581,73 soʻm (–71,75) 🇷🇺 RUB 158,34 soʻm (–1,41) 🇪🇺 EUR 14 764,66 soʻm (–106,98) 👉 @kunonline

Fargʻonada ommaviy bezorilik uyushtirgan Otabek Vallomov 6,5 yilga ozodlikdan mahrum qilindi Sud Fargʻona shahridagi kompyuter klubida sodir etilgan bezorilik jinoyatida Otabek Vallomovdan tashqari yana 5 yigitni aybdor deb topib, ularning barchasiga ozodlikdan mahrum qilish bilan bogʻliq jazo tayinladi. Mashhur tadbirkorning oʻgʻli ekani aytilgan Vallomov oʻshanda fuqarolarni kaltaklab, “kerak boʻlsa klubni sotib olishi”ni aytgandi. 👉 @kunonline

FVV Surxon qoʻriqxonasidagi yongʻin oʻchirilganini maʻlum qildi “Ayni vaqtda yongʻin bartaraf etilgan hududning ayrim joylarida shox-shabbalar qoldiqlaridan tutun chiqishi holatlari kuzatilmoqda. Ushbu holat yongʻinning qaytadan roʻy berishiga olib kelmaydi”, deyiladi Favqulodda vaziyatlar vazirligining bayonotida. FVVga koʻra, Chorvoqdagi kadrlarda koʻringan tutun esa shox-shabba qoldiqlaridan hosil boʻlgan. 👉 @kunonline

Federal zaxira tizimi rahbari Jerom Pauell prezident Donald Trampning xatosini aytdi AQSH Federal zaxira tizimini (AQSH Markaziy banki)ning hanuz qurilish ostida boʻlgan shtab-kvartirasida 24-iyul kuni sodir boʻlgan ushbu munozara jonli efirda yuz berdi. Tramp tashkilot shtab-kvartirasini taʼmirlash loyihasi budjetdan oshib, qiymati 3,1 milliard dollar boʻlganini aytdi. Pauell esa bunga qarshi chiqib, prezident bu summaga besh yil avval taʼmirlangan boshqa bir binoni ham qoʻshib yuborganini taʼkidladi. 👉 @kunonline

Chorvoq atrofidagi tog'larda yana yong'in boshlangani aytilmoqda 👉 @kunonline

📛 Surxondaryo oʻrmonlarida yongʻin hamon davom etmoqda Kun.uz obunachilarining xabar berishicha, 23-iyul kuni Surxondaryo viloyatida Sherobod tumanida boshlangan yongʻin hamon davom etmoqda. Guvohlar kecha va bugun ertalab ham qutqaruvchilar hamda vertolyotlar yongʻinni oʻchirishga harakat qilayotganini koʻrgan. Oldinroq, FVV hududdagi 5 gektar maydonda quruq oʻt yonganini aytgandi. 👉 @kunonline

FVV tomonidan Bo'stonliq tumanidagi o'rmonda sodir bo‘lgan yong‘inning o‘chirish ishlari jarayonlaridan kadrlar 👉 @kunonline

Tailand armiya diviziyasining maʼlum qilishicha, yana toʻrtta F-16 qiruvchi samolyotlari Kambodja armiyasiga qarshi ikkinchi zarbalarni bergan. Hujum har ikki davlat daʼvo qilayotgan bahsli hududda amalga oshirilgan. 👉 @kunonline

🔻AQSH dollarining rasmiy kursi 100 soʻmdan ortiqroqqa pasaydi Markaziy bank 25-iyuldan xorijiy valutalarning o‘zbek so‘miga nisbatan yangi qiymatini belgiladi. 🇺🇸 USD 12 653,48 soʻm (–109,05) 🇷🇺 RUB 159,75 soʻm (–2,91) 🇪🇺 EUR 14 871,64 soʻm (–106,47) 👉 @kunonline

Boʻstonliqdagi oʻrmon yongʻinlarini oʻchirish uchun vertolyotlar jalb qilindi Bugun 24-iyul kuni Chorvoq suv ombori yaqinidagi daraxtzorlarda yirik yongʻin chiqqan edi. Hozircha yongʻin sabablari haqida rasmiy maʼlumot berilmagan. Mudofaa vazirligining Kun.uzʼga maʼlum qilishicha, Harbiy havo kuchlarining Airbus Helicopters H215M oʻrta ogʻirlikdagi harbiy transporti yongʻinni oʻchirishga yordamlashmoqda. Xususan, vertolyot suv tashish uchun maxsus chelakda (Bambi Bucket) bilan suv olib yongʻin hududiga sepmoqda. 👉 @kunonline