POSTDA|Rasmiy kanal

Buxoro viloyatidagi 7 pir ziyoratgohlari: 1. Xoja Abdulxoliq G‘ijduvoniy 2. Xoja Orif Revgariy 3. Xoja Mahmud Anjir Fag‘naviy 4. Xoja Ali Romitaniy 5. Xoja Muhammad Boboyi Samosiy 6. Xoja Sayyid Amir Kulol 7. Xoja Bahouddin Naqshband 👉 @postdarasmiy

Yangi maskan ishga tushirildi Uchtepa tumanida xotin-qizlarni har tomonlama qo‘llab-quvvatlashga qaratilgan yangi “Oila va xotin-qizlar maskani” foydalanishga topshirildi. Mazkur maskanda xotin-qizlarning ijtimoiy faolligini oshirish, ularni kasbiy va psixologik qo‘llab-quvvatlash, shuningdek, oila qurish arafasidagi yoshlarni mustaqil hayotga tayyorlashga xizmat qiluvchi barcha zarur shart-sharoitlar yaratilgan. Yangi maskan faoliyati orqali tumandagi xotin-qizlar va yosh oilalarga ko‘mak ko‘rsatish imkoniyatlari yanada kengaydi, bu esa mahalliy jamoaning ijtimoiy barqarorligini ta’minlashga xizmat qiladi. 👉🏻 @postdarasmiy

STAFF PICK: “Haqqim bor” filmi ─ Yilning eng yaxshi loyihasi Bolalarga nisbatan zo'ravonlik, ularning huquqlari, qadr-qimmati va jamiyat mas’uliyati mavzularini o'zida aks ettirgan “Haqqim bor” filmi xalqaro ekspertlar tomonidan "Yilning eng yaxshi loyihasi" deya e'tirof etildi. “Staff Pick” — bu xalqaro ijodiy platformalarda beriladigan nufuzli tanlov belgisi bo‘lib, u loyiha yoki filmning professional muharrirlar (staff) tomonidan alohida e’tirof etilganini anglatadi. “Staff Pick”ga sazovor bo‘lgan ishlarning faqat cheklangan qismi yil yakunida “Best of the Year” (Yilning eng yaxshi loyihalari) ro‘yxatiga kiritiladi. Bu bosqich esa eng yuqori e’tirof darajasi hisoblanadi. Ushbu filmning 10 minglab nomzodlikka da'vogarlar orasida alohida e'tirofga sazovor bo'lgani filmda ko‘tarilgan masalalarning umumjahon miqyosida dolzarb ekanini yana bir bor tasdiqlaydi. Batafsil👉🏻 👉🏻 @postdarasmiy

Zehningizni sinab ko‘ring! Rossiyadan O‘shga rus savdogarlari “Filatovning OILAVIY choyi” ni olib kelib sotishgan va bu choy qirg‘izlarga yoqib qolgan. Savol: Keyinchalik bu choy xalq orasida qanday nom olgan? Ushbu savolning javobini to‘g‘ri topsangiz, bugun soat 17:00 da telegram kanalimiz orqali e’lon qilamiz. Javobni quyidagi manzilga yo‘llashingiz mumkin: https://t.me/postda_muloqot 👉 @postdarasmiy telegram kanalimizga a’zo bo‘ling.

БАЙРАМДА ЖАМОАТ ХАВФСИЗЛИГИ ТАЪМИНЛАНМОҚДА Янги йил байрами муносабати билан оммавий тадбирлар ўтказилиши режалаштирилган ҳудудларда жамоат хавфсизлигини таъминлаш масалалари доимий назоратга олинган. Шу мақсадда, Ўзбекистон Республикаси Ички ишлар вазирлиги томонидан Бухоро вилоятига бириктирилган масъул –Туризм ва транспорт объектларида хавфсизликни таъминлаш департаменти бошлиғининг биринчи ўринбосари ҳамда вилоят ИИБ раҳбари томонидан қатор ўрганиш ишлари амалга оширилди. Бундан ташқари, хизматга жалб этилган шахсий таркибга қўшимча йўриқномалар берилиб, кучайтирилган хизмат вақтида интизомга қатъий риоя қилиш, фуқаролар билан хушмуомалада бўлиш ҳамда ҳар қандай ҳуқуқбузарликка нисбатан тезкор ва қонуний чора кўриш лозимлиги алоҳида таъкидланди. У.ШУКУРЛАЕВ, майор. Бухоро вилояти. 👉🏻 @postdarasmiy

Eng namunali xotin-qizlar faoli “Obod xonadon”, “Obod ko‘cha” va “Obod mahalla” ko‘rik-tanlovlari jamiyatda obodonlashtirish madaniyatini yuksaltirish, fuqarolarda o‘z xonadoni, ko‘chasi va mahallasiga bo‘lgan daxldorlik va mas’uliyat hissini mustahkamlashga xizmat qilayotgan muhim ijtimoiy tashabbusdir. Kuni kecha mazkur tanlovning respublika bosqichi yakunlari e’lon qilinib, “Eng namunali yettilik a’zolari” yo‘nalishi bo‘yicha “Eng namunali xotin-qizlar faoli” nominatsiyasida Toshkent tumani “Qorabo‘rik” mahallasi xotin-qizlar faoli Jumagul Risbayeva g‘olib deb topildi. Батафсил ўқинг👉 👉 @postdarasmiy телеграм каналимизга аъзо бўлинг.

Maqsad – giyohvandlikka qarshi kurash O‘zbekiston Respublikasi Kriminologiya tadqiqot instituti hamda BMTning Narkotiklar va jinoyatchilik bo‘yicha boshqarmasi (UNODC) hamkorligida Toshkent shahridagi Courtyard by Marriott Tashkent mehmonxonasida “Ozodlikdan mahrum etish joylarida giyohvand moddalarni iste’mol qilish bilan bog‘liq buzilishlarga ega shaxslarning davolanishi va reabilitatsiyasi bo‘yicha xalqaro standartlar va ilg‘or tajribalar” mavzusida trening o‘tkazildi. Mazkur trening jazoni ijro etish muassasalarida sog‘liqni saqlash tizimini takomillashtirish, giyohvandlikka qarshi kurashishda kompleks va insonparvar yondashuvlarni joriy etishga xizmat qiladi. 👉🏻 @postdarasmiy

Биласизми? 👉🏻 @postdarasmiy

Гаджетларнинг салбий оқибатлари Электрон мосламалар кўпгина кўз касалликлари юзага келиши ва ривожланишининг асосий сабабидир. Гап улар таратаётган нурда эмас, экран ва ҳарфларнинг ҳажмида: у қанчалик кичик бўлса, бола шунчалик кўзига зўр беради. Фарзандларга гаджетлардан тўғри фойдаланишни ўргатиш керак. Чироғи ўчирилган қоронғу хонада планшет, смартфондан ниманидир ўқиш ёки томоша қилиш мумкин эмас. Гаджетлардан фойдаланиш 7 ёшгача болалар учун кунига 30-40 дақиқадан ошмаслиги керак. Инсон учун узлуксиз кўз зўриқиши 1,5 соатдан кўп бўлмаслиги лозим. Унутманг: кўзларни ҳам «ҳаволантириш» зарур. Кун тартибига амал қилиш ва тоза ҳавода тез-тез сайр қилиш боланинг кўриш қобилияти бузилишидан асрайди. Фарзандингиз ўз вақтида ва меъёрида ухлаб, уйқуга тўйишига аҳамият қаратинг. Бир кунда 10-12 соат ухлаши лозим. Меъёрида ухламаслик ҳолсизлик, қувватсизлик, асаб тизими фаолиятининг бузилиши ва баъзи касалликларнинг ривожланишига олиб келиши мумкин. Гулчеҳра АЗИМОВА тайёрлади.

Биласизми? Ҳар куни бир неча марта сигарета чекиш юрак-қон томир тизимига сезиларли зўриқиш келтириб чиқаради. Тамаки чиқиндилари таъсирида артериялар қисқаради, шу боис ҳар гал сигарета чекканда юрак уриши тезлашиб, пульс ўртача бир неча зарбага кўпайиши мумкин. Шунингдек, организмдаги антиоксидант моддалар, хусусан, С витамини миқдори пасайиши кузатилади. Бу эса юрак-қон томир саломатлиги ва иммун тизимига салбий таъсир кўрсатади.

Эҳтиёткорликни ошириш лозим Хатирчи ва Нурота туманларида ёғингарчилик туфайли йўлларда музламалар пайдо бўлиши, ҳайдовчиларга ноқулайлик туғдириб сирпанчиқ йўлларда йўл-транспорт ҳодисаларини содир этилиши мумкин. Шунинг учун ЙПХ ходимлари томонидан йўлларда қум-туз аралашмалари сепиб чиқилмоқда. Ҳайдовчилар билан суҳбатда эҳтиёт бўлишлари, огоҳликни оширишлари лозимлиги таъкидланди. Маҳлиё Холова, Ўз мухбиримиз, Навоий вилояти. 👉🏻 @postdarasmiy

Кулинг, умрингиз узаяди Полициячи тунда шамолдай елиб кетаётган «Феррари» русумли автомобилни тўхтатди. Қараса, рулда бир париваш. Инспектор хушмуомалалик билан деди: – Оппоқ қиз, тезликни меъёридан оширганингиз учун сизга жарима солишга мажбурман. Қиз дарҳол ўзини оқлашга тушди: – Жаноб инспектор, бунинг сабаби бор. – Хўш?... – Бугун умримда биринчи марта машина ҳайдаяпман. Шунинг учун бировни бехосдан босиб кетмай деб уйга шошилаётувдим... *** – Алло, бу полиция идорасими? – Ҳа, эшитаман, нима гап? – Мени деб икки қиз жанжаллашяпти? – Ҳаётда бўптуради... – Тўғри, лекин хунугининг қўли баланд келяпти-да... 👉 @postdarasmiy

Оилавий болалар уйига жойлаштирилди Қашқадарё вилояти ИИБ ЖХХ ҲПБ Вояга етмаганларга ижтимоий-ҳуқуқий ёрлам кўрсатиш марказига қабул қилинадиган ҳар бир бола доимий эътиборда. Қандай оила ёки муҳитда улғайган бўлмасин, унга зарур ижтимоий-ҳуқуқий ёрдам кўрсатилиб, жамиятда ўз ўрнини топишига учун зарурий чора-тадбирлар амалга оширилмоқда. Худди шундай, қаршилик вояга етмаган қиз Ч.Ч. ота-она назорати ва қарамоғидан четда қолгани учун Марказга олиб келинганди. Яқинда Марказ ходимлари ҳамкор ташкилотлар билан бирга уни Оилавий болалар ўйига жойлаштиришди. Дилафрўз МИРЗАЕВА, подполковник. Қашқадарё вилояти. 👉🏻 @postdarasmiy

70 қути "пақилдоқлар" олиб қўйилди Музработ тумани ИИБ ЖХХ ҲПБ ходимлари томонидан Ангор туманида яшовчи фуқаро Б.Х.нинг интернет ижтимоий тармоқлари орқали “Трения” номли пиротехника воситаларидан 70 қути буюртма бериб сотиб олганлиги ҳамда ушбу воситаларни ўз яшаш манзилида сақлаб келаётганлиги аниқланди. Мазкур ҳолат юзасидан Музработ тумани ИИБ инспектор-психологлари ҳамкорлигида фуқаро яшаш манзилида белгиланган тартибда текширув тадбирлари ўтказилди. Тадбир давомида фуқарога тегишли бўлган пиротехника воситалари холислар иштирокида кўздан кечирилиб, тегишли тартибда расмийлаштирилди. ИИО ходимлари пиротехника воситалари орқали содир бўлиши мумкин бўлган кўнгилсиз воқеаларнинг олдини олишди. Ўз мухбиримиз, Сурхондарё вилояти. 👉🏻 @postdarasmiy

FOTOREPORTAJ Ichki ishlar vazirligida qish tun bagʻrida oʻzining eng chiroyli libosida — oppoq qor, tungi sokinlik va yorugʻlikka choʻmilgan tabiat nafosati uygʻunlashgan goʻzal manzaralar ——— ФОТОРЕПОРТАЖ Ички ишлар вазирлигида қиш тун бағрида ўзининг энг чиройли либосида — оппоқ қор, тунги сокинлик ва ёруғликка чўмилган табиат нафосати уйғунлашган гўзал манзаралар Website | Telegram | Facebook | Instagram | Youtube | Ok | TV

21 ДЕКАБРЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР – 1891 йилда АҚШда баскетбол ўйинига асос солинган. – 1898 йилда Пьер ва Мария Кюри радийни кашф этган. – 1913 йилда “New York World” газетасида Артур Уинн томонидан тузилган дунёдаги илк кроссворд босилган. – 1953 йил Тулада болалар учун темир йўл ишга тушган. – 1958 йилда Шарл де Голл Франциядаги бешинчи республиканинг биринчи президенти этиб сайланган. – 1968 йилда Ой орбитаси бўйлаб айланувчи “Аполлон-8” космик кемаси учирилган. – 1988 йил Ан-225 катта сиғимли транспорт реактив самолётининг илк парвози амалга оширилган. – 2012 йилда YouTube тармоғидаги видеоклип кўришлари сони илк маротаба 1 миллиардга етган – бу PSYнинг “Gangnam Style” клипи эди. – АҚШда калта бўйли қизларни қадрлаш куни. – Исроилда ўқитувчилар куни. – АҚШда бошпанасиз одамларни хотирлаш куни. – АҚШда миллий коктейл куни. – Филиппинда қуролли кучлар куни. – Туркманистонда Биринчи президентни хотирлаш куни. 👉 @postdarasmiy telegram kanalimizga a’zo bo‘ling.

85 миллион сўмлик пақилдоқлар “Хавфсиз ва соғлом юрт” кенг қамровли тезкор-профилактик тадбири доирасида Қарши шаҳрида ўтказилган тезкор тадбирда фуқаро Б.Б.нинг хонадонида 22 минг 200 дона “Петард” ва 360 дона “7-ШОТС” номли, жами 84 миллион 819 минг сўмлик пиротехника воситалари борлиги аниқланиб, белгиланган тартибда ҳужжатлаштириб олинди. Ҳозирда ҳолат юзасидан терговга қадар суриштирув ҳаракатлари олиб бориляпти. Ўз мухбиримиз. Қашқадарё вилояти. 👉 @postdarasmiy

#NO_COMMENT Har qanday ob-havo sharoitida xalq xizmatida ➖➖➖ Ҳар қандай об-ҳаво шароитида халқ хизматида ➖➖➖ ✔️Telegram | 🌐Instagram |✅Facebook