arabic.uz (hikmatlar)

13288. Саодатли ҳаёт фақат дин, илм ва аҳлоқнинг устидагина қоим бўлади. Малик Идрис Аввал. @arabicuz iOS | Android Instagram | Facebook | Twitter | Tiktok | Youtube

13287. Агар банда насуҳ, чин тавба қилса, бу тавба ўзидан аввалги гуноҳларни йўқ қилиб, куйдириб юборади ва (гуноҳлар туфайли йўқ бўлган) унинг яхшиликларининг савобларини қайтаради. “Ваабилис соййиб” асаридан. @arabicuz iOS | Android Instagram | Facebook | Twitter | Tiktok | Youtube

Аллоҳнинг муҳаббати 📜Аллоҳ таоло сендан рози бўлса, сени ҳаромдан узоқлаштириб қўяди... Энди сени яхши кўрадиган бўлсачи... У ҳолда ҳаромни сендан узоқлаштириб қўяди... "Ундан ёмонлик ва фаҳшни узоқлаштириш учун шундай қилдик. Албатта, у танланган бандаларимиздандир", Юсуф сураси, 24 - оят. Аллоҳим, бизни яхши кўрган бандаларингдан этгин! @arabicuz iOS | Android Instagram | Facebook | Twitter | Tiktok | Youtube

13286. Шаъбий раҳимаҳуллоҳ: “Биз фақиҳлардан бўлмадик. Лекин биз ҳадис эшитдик ва уни ривоят қилдик. Энди, кимки билса ва билганига амал қилса, ана ўшалар ҳақиқий фақиҳлардир”, деди. @arabicuz iOS | Android Instagram | Facebook | Twitter | Tiktok | Youtube

13285. Маъсиятга етишиш осон бўлиб қолган замонда яшар экансиз, билингки бу ўринда бир ҳикмат бордир. Аллоҳ таоло айтади: “Қасамки, Аллоҳ ким Ундан ғойибона қўрқишини билиш учун...”, Моида сураси, 94 – оят. Нафсинг билан мужоҳада қилгинки, шояд Аллоҳ таоло сени ҳам шулардан этсин. @arabicuz iOS | Android Instagram | Facebook | Twitter | Tiktok | Youtube

13284. “Ла адрий”, яъни “билмайман” дейиш илмнинг ярмидир. Шаъбий раҳимаҳуллоҳ, “Сияру аъламин нубало”дан. Изоҳ: Имом Моликдан қирқ саккизта масала сўралганда, уларнинг ўттиз иккитасига «Билмайман» деб жавоб берганлар. Бир киши узоқ йўлдан келиб, саволларига «билмайман» жавобини олганида: «Одамларга Молик билмас экан, деб айтаманми?» деганида, имом Молик: «Ҳа, бориб: “Молик билмайман деди» дегин”, деб жавоб берганлар. @arabicuz iOS | Android Instagram | Facebook | Twitter | Tiktok | Youtube

13283. “Шундай қилиб Юсуфнинг фойдасига ҳийла қилдик”, Юсуф сураси, 76-оят. Бу оятнинг мазмуни, Аллоҳга чин таваккул қилган мўминга, агар халқлар ҳийла ишлатишса, Аллоҳ таоло унинг фойдасига ҳийла ишлатади ва у мўминга унинг ҳеч бир куч-қудратисиз ёрдам беради, деган огоҳлантиришдир. @arabicuz iOS | Android Instagram | Facebook | Twitter | Tiktok | Youtube

Жума 📜Анас ибн Молик розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар: «Жаннатда бир бозор бор. Жаннатийлар у ерга ҳар жума келишади. Шимол тарафдан шамол эсиб, уларнинг юзлари ва кийимларига урилади ва уларнинг ҳусну жамоллари зиёда бўлади. Сўнг улар ўз аҳлларига ўша ҳусну жамоллари зиёда бўлган ҳолларида қайтишади. Аҳллари уларга: «Аллоҳга қасам, ҳусну жамолингиз янада зиёда бўлиб келибсиз», дейишади. Улар ҳам: «Аллоҳга қасам, сизнинг ҳам ҳусну жамолингиз зиёда бўлиб кетибди», дейишади». Имом Муслим ривояти. @arabicuz iOS | Android Instagram | Facebook | Twitter | Tiktok | Youtube

13282. Дунё ярақлади, зийнатланди ва эшикларини очди. Ундан ёмон ва яхши бўлган нарсалар чиқди. Энг қийин вазифа эса қуйидагиларни сақлаб қолиш бўлди: Иймонингнинг тебраниб, завол топмаслиги; Намозингнинг зое бўлмаслиги; Қуръонингнинг унутилмаслиги; Қадриятларингнинг эриб, битмаслиги; Ахлоқингнинг ўйин бўлмаслиги; Вақтингнинг беҳуда кетмаслиги”. @arabicuz iOS | Android Instagram | Facebook | Twitter | Tiktok | Youtube

13281. Одамлар ичида бой-бадавлатроғи тинчлик, хотиржамликка ҳамда офият, соғликка эга бўлганидир. Аллоҳ таоло айтади: “У уларни очликдан тўқ қилган, хавфдан омон қилгандир”, Қурайш сураси, 4 - оят. Аллоҳим! Бизга умримиз давомида омонлик ва офиятни битгин ва бизни шукр қилувчилардан қилгин! @arabicuz iOS | Android Instagram | Facebook | Twitter | Tiktok | Youtube

13280. Суфён Саврий раҳимаҳуллоҳ «Ҳилятул авлиё» китобида: “Менга хабар берилишича, банда яширинча бир амални қилади. Шайтон ундан ғолиб келгунича тинмай васваса қилаверади ва уни ошкора амалга айлантиради. Кейин шайтон тинмай васваса қилаверади, токи у (банда) ўша амали учун мақташларини яхши кўриб қолади. Шунда ошкора амал яширин амаллардан ўчирилади ва риё амал сифатида битилади”, деди. @arabicuz iOS | Android Instagram | Facebook | Twitter | Tiktok | Youtube

13279. Суфён ибн Уяйна раҳимаҳуллоҳ: “Аллоҳ азза ва жалланинг беркитиши, сатри бўлмаса, биронтамиз бирга ўтирмаган бўлардик”, деди. Байҳақийнинг “Шуъабул иймон” асаридан. @arabicuz iOS | Android Instagram | Facebook | Twitter | Tiktok | Youtube

Саждада дуо 📜Ибн Аббос розияллоҳу анҳумодан ривоят қилинади: «Одамлар Абу Бакрнинг орқасида саф туришган эди, Расулуллоҳ соллаллоҳу алайҳи васаллам пардани очиб, шундай дедилар: «Эй одамлар! Нубувват башоратларидан мусулмон киши ўзи кўрадиган ёки у ҳақда кўриладиган солиҳ тушдан бошқа нарса қолмади. Огоҳ бўлинглар! Мен рукуъ ва саждада Қуръон ўқишдан қайтарилдим. Аммо рукуъда Робб азза ва жаллани улуғлайверинглар. Саждада эса дуога зўр беринглар, чунки мана шу (дуоингиз) ижобат қилинишга яқиндир». Имом Муслим ривояти. @arabicuz iOS | Android Instagram | Facebook | Twitter | Tiktok | Youtube

13278. Баъзи уламоларнинг туғилган ерлари Имом Абу Ҳанифа. Куфа, Ироқ. Имом Шофеъий. Ғазза, Фаластин. Имом Аҳмад ибн Ҳанбал. Бағдод (Ироқ). Имом Молик ибн Анас. Мадинаи мунаввара (Саудия Арабистони). Имом Ибн Касир. Дамашқ (Сурия). Имом Заҳабий. Дамашқ (Сурия). Имом Бухорий. Бухоро, (Ўзбекистон). Имом Термизий. Термиз, (Ўзбекистон). Имом Муслим. Нишопур, (ҳозирги Эрон). Қози Иёз. Сабта, Андалус. Ваҳб ибн Мунаббиҳ. Замар, Яман. Суфён Саврий. Хуросон*. *Хуросон ягона бир давлат эмас, балки Эрон, Афғонистон ва Туркманистоннинг катта қисмларини қамраб олган улкан тарихий минтақа ҳисобланади. @arabicuz iOS | Android Instagram | Facebook | Twitter | Tiktok | Youtube

13277. Америкада қадимдан қуллар икки қисмга бўлинган: уй қуллари ва дала қуллари. Дала қуллари мажбурлик, хорлик ва азоб-уқубатлар остида туну кун далаларда яшаб, ишлашарди. Аммо уй қуллари ўзларини маишатдаги қуллар табақасига мансуб деб ҳисоблашарди. Шунинг учун улар хўжайинларидан қолган овқат қолдиқларини ейишар, эски кийимларини кийишар ва оқ танли хўжайинларнинг уйларида хизмат қилишарди! Дала қуллари ўзларини қулликдан қутулиш мақсадида бирон (махфий) мажлис, маслаҳатга йиғилишса, уй қуллари уларга хиёнат қилишар, хўжайинларига ўзларини яхши кўрсатишга интилишарди ва уларга исён хабарлари ва режаларини етказишарди. Хўжайинлар эса дала қулларини қийноққа солишарди ва улар орзуларига ета олишмасди! Уй қуллари бу ишни аниқ ҳадаф, мақсад ёки ҳикмат билан қилишмасди. Балки улар учун овқат қолдиқлари ва эски-туски кийимлар озодликдан азизроқ эди! Уларнинг озодликка эришиш йўлидаги ҳар қандай уринишларининг муваффақиятсизлигига сабаб бўладиганлар айнан мана шулар эдилар. @arabicuz iOS | Android Instagram | Facebook | Twitter | Tiktok | Youtube

Хушбўйлик 📜Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Кимга райҳон тақдим қилинса, рад қилмасин, чунки уни олиб юриш осон, ҳиди эса хушбўйдир», дедилар». Имом Муслим ривояти. @arabicuz iOS | Android Instagram | Facebook | Twitter | Tiktok | Youtube

13276. Уйга кирганда мисвок ишлатишдан бошлаш Оиша розияллоҳу анҳодан ривоят қилинади: «Набий соллаллоҳу алайҳи васаллам уйга кирганларида мисвокдан бошлар эдилар». Имом Муслим ривояти. @arabicuz iOS | Android Instagram | Facebook | Twitter | Tiktok | Youtube

13275. Соғлом қалб Соғлом қалб ўз эгасига кўп ибодат қилишни юкламайди, тунлари бедор бўлишни ёки кўп вирд ва зикрларни талаб қилмайди. Шу билан бирга, бу қалбни ичида олиб юрган киши, дунё ва охират саодатига эришади. Чунки Аллоҳ таоло унинг озгина ибодати учун ҳам уни мукофотлайди ва Ўз розилигига эриштиради. Бунинг сабаби, соғлом қалб эгаси барча ахлоқий носозликлар ва зиддиятлардан узоқ, энг олий мақсадлар билан банддир. Энг олий мақсад эса бандалар Раббисининг розилигига эришишдир. Воиз, доктор Муҳаммад Саид Рамазон Бутий. @arabicuz iOS | Android Instagram | Facebook | Twitter | Tiktok | Youtube

13274. Ҳофиз Ибн Ражаб: “Бугун тавҳидни чуқур ўрганишга интилинг. Зеро, Аллоҳнинг азобидан фақатгина у билан нажот топилади. Сўзловчилар “Лаа илааҳа иллаллоҳ”дан гўзалроқ нарсани айтмаганлар”, деди. @arabicuz iOS | Android Instagram | Facebook | Twitter | Tiktok | Youtube

13272. Замонавий тасаввуфга зарар етказган мактаб, таниқли, шайхлари, асотирчилари, файласуфлари, назариётчилари ва қўллаб-қувватловчилари билан маълумдир! У тасаввуфни ҳақиқатлар томон эмас, балки маросимлар томон йўналтирди ва уни нафсни поклашга эмас, балки расм-русумларни бажаришга айлантирди. Шунингдек, тасаввуфни шариат аҳкомлари ва қоидаларига эмас, балки нафсларнинг ҳавоси ва шаҳватлари учун яйловга айлантирди. Бу билан одамларни жалб қилди, чунки кўпчилик нафслар бекорчилик ва ўйин-кулгига мойилдир! Улардан бири, пешқадам имом жумладан, имом Шофеъий айтган сўзга ишора қилиб, дейди: «У бизнинг йўлимиз ва услубимизда эмас, кимда-ким бизга мансубликни даъво қилса ҳам!». Тасаввуфнинг бу тури ҳақиқат аҳли наздида ҳеч қандай қийматга эга эмас, чунки у ботилни барбод қилмайди, ҳақиқатни барпо этмайди. Агар мендан: «Улардан огоҳ бўлишимиз учун улар кимлар?» деб сўрасангиз, шеърим билан жавоб бераман: “Менинг сифатлашимни олгин-у, исмни сўроқлама, Сенга унинг васфи исмлардан кўра етарлидир. Бу зот халойиқнинг энг яхшиси, расуллар саййиди, Пайғамбарлар хотами бўлган Ҳабибдир!” Доктор Муҳаммад Иброҳим Ашмавий. Азҳари шарифнинг ҳадис илмлари куллиёти устози. @arabicuz iOS | Android Instagram | Facebook | Twitter | Tiktok | Youtube