Islom.uz

Диний таълим муассасалари учун қишки таътил муддати белгиланди Ўзбекистон мусулмонлари идораси тасарруфидаги олий ва ўрта махсус ислом таълим муассасалари талабаларининг қишки таътил муддатлари маълум бўлди. Унга кўра, қишки таътил 2025 йил 29 декабрдан 2026 йил 10 январгача белгиланди. Дарс машғулотлари эса 2026 йил 12 январдан давом этади. Аввалроқ, олий таълим, фан ва инновациялар вазирлигининг тегишли буйруғига мувофиқ, олий, ўрта махсус ва касбий таълим ташкилотлари (давлат, нодавлат ҳамда хорижий) ва академик лицейлар талаба ҳамда ўқувчиларининг жорий ўқув йили учун қишки таътил муддати белгиланган эди. Буйруққа мувофиқ, қишки таътил 2025 йил 28 декабрдан бошланиб, 2026 йил 10 январига қадар (шу куни ҳам) давом этади. Шунингдек, талаба ва ўқувчиларнинг қишки таътил даврида доимий яшаш ҳудудларига (Қорақалпоғистон Республикаси, вилоятлар ва Тошкент шаҳрига) бориб-келишини қулай қилиш мақсадида Транспорт вазирлиги, «Ўзбекистон темир йўллари» АЖ ҳамда «Uzbekistan Airways» АЖ билан ҳамкорликда қўшимча имкониятлар яратилади. Жумладан, 2025 йил 18 декабрдан 2026 йил 12 январига қадар (шу куни ҳам) талабалар ва ўқувчилар учун 50 фоиз чегирма асосида йўл чипталари сотуви йўлга қўйилади. 🕋 @islomuz

«Hadis va Hayot» silsilasining 5-juzidan Sharh: Demak, salomni cho‘zmay, dona-dona va ‎yengil talaffuz qilish kerak.‎ #Hadis_va_Hayot 📚 @hadisislomuz

#Кун_дуоси Аллоҳдан Унинг фазлини сўраш عَنْ عَبْدِ اللهِ رَضِي اللهُ عَنْهُ ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: سَلُوا اللهَ مِنْ فَضْلِهِ، فَإِنَّ اللهَ عَزَّ وَجَلَّ يُحِبُّ أَنْ يُسْأَلَ، وَأَفْضَلُ الْعِبَادَةِ انْتِظَارُ الْفَرَجِ. رَوَى هَذِهِ الثَّمَانِيَةَ التِّرْمِذِيُّ. Абдуллоҳ розияллоҳу анҳудан ривоят қилинади: «Набий соллаллоҳу алайҳи васаллам: «Аллоҳдан Унинг фазлини сўранг. Чунки Аллоҳ азза ва жалла Ундан сўралишини хуш кўрадир. Энг афзал ибодат кушойишни кутишдир», дедилар». Ушбу саккизтани Термизий ривоят қилган. Банда ўз Роббининг фазли кенглигини доимо эсда тутган ҳолда У Зотнинг фазлидан сўраб туриши керак. Аллоҳ бандаларига меҳрибон Зот, уларга сўраган нарсаларини беришни яхши кўради. Кушойишни кутиш дегани ўзига етган бало-офат ва хафаликка сабаб бўладиган нарсанинг кетишини кутиш деганидир. Бу ишнинг афзал ибодат экани сабрнинг Аллоҳнинг қазосига тамоман таслим бўлишдан иборатлигидандир. 🕋 @islomuz

«Din nasihatdir» kitobi 16-son 📖 Shayx Muhammad Sodiq Muhammad Yusuf rahimahullohning qalamiga mansub «Din nasihatdir» kitobi suxandon lafzida 🎙Matnni islom.uz portali suxandoni Qamariddin Bekmuhammad o‘qigan. 🌐 YouTube 🕋 @islomuz

#Мўминларга_эслатма Шуни унутмангки, одамлар уч хил бўладилар Биринчиси. У билан кўришиб-танишишда фойда бор. Сиз мана шундай одамларни асло қўлдан чиқарманг. Иккинчиси. Фойда ҳам, зарар ҳам бермай диганлар. Ундайлардан ўзингизни узоқ тутманг. Зеро, охиратда уларнинг шафоат ва дуоларидан фойдаланишингиз эҳтимоли бор. Учинчиси. Ўзларида яхшилик бўлмагани учун бошқаларга зарари тегадиганлар. Ундайлар аҳмоқ ва ёмон хулқли кимсалар бўлганлари боис улардан узоқ юриш керак. Улуғларимиз одамларни дарахтга ўхшатганлар. Баъзи дарахтлар борки, сояси бўлса-да, меваси бўлмайди. Шунга қиёсан одамларнинг ҳам баъзисидан фақатгина дунёда фойдаланилади. Дунё эса шитоб билан ўтиб кетадиган сояга ўхшайди. Баъзи дарахтлар борки, меваси бўлса-да, сояси бўлмайди. Одамларнинг ҳам баъзиларидан фақат охират учун фойдаланиш мумкин. Улардан дунёвий фойда тегмайди. 🔗 Тўлиқ ўқиш 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

#Силаи_раҳм Еб-ичгандан кейин ҳамд айтиш عَنْ أَبِي أُمَامَةَ رَضِي اللهُ عَنْهُ: أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ إِذَا رَفَعَ مَائِدَتَهُ قَالَ: الْحَمْدُ ِللهِ كَثِيرًا طَيِّبًا مُبَارَكًا فِيهِ، غَيْرَ مَكْفِيٍّ، وَلَا مُوَدَّعٍ، وَلَا مُسْتَغْنًى عَنْهُ رَبَّنَا. رَوَاهُ الْخَمْسَةُ إِلَّا مُسْلِمًا. وَلِلْبُخَارِيِّ: الْحَمْدُ ِللهِ الَّذِي كَفَانَا وَأَرْوَانَا غَيْرَ مَكْفِيٍّ وَلَا مَكْفُورٍ. وَلِمُسْلِمٍ وَالتِّرْمِذِيِّ: إِنَّ اللهَ لَيَرْضَى عَنِ الْعَبْدِ أَنْ يَأْكُلَ الْأَكْلَةَ فَيَحْمَدَهُ عَلَيْهَا أَوْ يَشْرَبَ الشَّرْبَةَ فَيَحْمَدَهُ عَلَيْهَا. وَلِأَصْحَابِ السُّنَنِ: كَانَ النَّبِيُّ r إِذَا فَرَغَ مِنْ طَعَامِهِ قَالَ: الْحَمْدُ ِللهِ الَّذِي أَطْعَمَنَا وَسَقَانَا وَجَعَلَنَا مُسْلِمِينَ. وَلِأَبِي دَاوُدَ وَالنَّسَائِيِّ: كَانَ إِذَا أَكَلَ أَوْ شَرِبَ قَالَ: الْحَمْدُ ِللهِ الَّذِي أَطْعَمَ وَسَقَى وَسَوَّغَهُ وَجَعَلَ لَهُ مَخْرَجًا. Абу Умома розияллоҳу анҳудан ривоят қилинади: «Қачон дастурхонлари йиғиштирилса, Набий соллаллоҳу алайҳи васаллам: «Аллоҳга кўп, пок, муборак ҳамд бўлсин. Ундан ўзга кифоячи йўқ. У тарк қилинган ҳам эмас. Ундан беҳожат ҳам бўлинмас. Роббимиз», дер эдилар». Бешовларидан фақат Муслим ривоят қилмаган. Бухорийнинг ривоятида: «Бизга кифоя қилган ва бизни қондирган, Ундан ўзга кифоячи йўқ ва инкор ҳам қилинмаган Аллоҳга ҳамд бўлсин», дейилган. Муслим ва Термизийнинг ривоятида: «Албатта, Аллоҳ бандасининг таомни еб, унинг учун У Зотга ҳамд айтишидан ва шаробни ичиб, унинг учун У Зотга ҳамд айтишидан рози бўлур», дейилган. «Сунан» соҳибларининг ривоятида: «Набий соллаллоҳу алайҳи васаллам қачон таомларидан фориғ бўлсалар: «Бизни едирган, ичирган ва мусулмонлардан қилган Аллоҳга ҳамд бўлсин», дер эдилар», дейилган. Абу Довуд ва Насаийнинг ривоятида: «Қачон есалар ёки ичсалар: «Едирган, ичирган уни сингдирган ва унга чиқиш йўли қилган Аллоҳга ҳамд бўлсин», дер эдилар», дейилган. 🔗 Тўлиқ ўқиш 🕋 @islomuz

✨ Har bir narsada adolatli bo‘lish – dinimiz talabi Suhbatni «Shayx Muhammad Sodiq Muhammad Yusuf» jome masjidi imom-xatibi ustoz Ismoil Muhammad Sodiq olib boradilar. 📹 Jonli efirni ko'rish #juma 🕋 @islomuz

#anons #juma #jonli_efir 📢 БУГУНГИ ОНЛАЙН МАЪРУЗАЛАР РЎЙХАТИ БИЛАН ТАНИШИНГ! 📖Бугун, 5 декабрь куни мамлакатимиз бўйлаб барча жоме масжидларда "Ҳар бир нарсада адолат бўлиши - динимиз талаби" мавзусида маърузалар бўлиб ўтади.

😎 Юртимиз таниқли ва воиз уламоларининг жума суҳбатларини қуйидаги ҳаволалар (линк) орқали тўғридан-тўғри онлайн кузатиш имкониятига эга бўласиз:

⏺1. Ҳомиджон домла Ишматбеков, Ўзбекистон мусулмонлари идораси раисининг биринчи ўринбосари 🟥https://youtube.com/live/Zf31aBFlH1Y?feature=share ⏺2. Зайниддин домла Эшонқулов, Ўзбекистон мусулмонлари идораси раиси ўринбосари 🟥https://youtube.com/live/eaGk1o4thd4?feature=share ⏺3. Жобир домла Элов, Бухоро вилояти бош имом-хатиби 🟥https://www.youtube.com/live/3TpCQArGPhY ⏺4. Мирзамақсуд домла Алимов, Андижон вилояти бош имом-хатиби 🟥https://www.youtube.com/live/7L4-Qj6CViQ?si=K0zDyUd90igLlKw- ⏺5. Ҳасан домла Қодиров, Тошкент шаҳридаги “Сирож Солиҳ” масжиди имом-хатиби 🟥https://youtube.com/live/9zkRmWDKezM?feature=share ⏺6. Раҳматуллоҳ домла Сайфуддинов, Тошкент шаҳридаги “Минор” масжиди имом-хатиби 🟥https://www.youtube.com/watch?v=8l6536Lijn0 ⏺7. Исмоил домла Муҳаммад Содиқ, Тошкент шаҳридаги “Шайх Муҳаммад Содиқ Муҳаммад Юсуф” масжиди имом-хатиби 🟥https://www.youtube.com/live/309y92BOTpE ⏺8. Яҳё домла Абдураҳмонов, Тошкент шаҳридаги “Имом Ат-Термизий” масжиди имом-хатиби 🟥https://youtube.com/live/4fJ540j3doY?feature=share ⏺9. Раҳимберди домла Раҳмонов, Тошкент шаҳри “Хўжа Аламбардор” масжиди имом-хатиби 🟥https://youtube.com/live/8ba-XHsrMFM?feature=share 🤲 Аллоҳ таоло бир-биридан гўзал жума суҳбатларини халқимиз учун хайрли ва манфаатли қилсин! ✅ Ўзбекистон мусулмонлари идораси Матбуот хизмати 🟢 MUSLIM.UZ GA 📲 OBUNA BO'LING ✅ VA ULASHING🗣 ▶️ YouTube | 📷Instagram | 🔵 Facebook

#Кун_дуоси «Субҳаналлоҳ»нинг савоби عَنْ مُصْعَبِ بْنِ سَعْدٍ رَضِي اللهُ عَنْهُ ، عَنْ أَبِيهِ قَالَ: كُنَّا عِنْدَ رَسُولِ اللهِ صَلَّى اللهُ عَلَيْهِ وَسَلَّمَ فَقَالَ: أَيَعْجِزُ أَحَدُكُمْ أَنْ يَكْسِبَ كُلَّ يَوْمٍ أَلْفَ حَسَنَةٍ؟ فَسَأَلَهُ سَائِلٌ مِنْ جُلَسَائِهِ: كَيْفَ يَكْسِبُ أَحَدُنَا أَلْفَ حَسَنَةٍ؟ قَالَ: يُسَبِّحُ مِائَةَ تَسْبِيحَةٍ فَيُكْتَبُ لَهُ أَلْفُ حَسَنَةٍ أَوْ يُحَطُّ عَنْهُ أَلْفُ خَطِيئَةٍ. Мусъаб ибн Саъд розияллоҳу анҳудан, у киши отасидан бундай ривоят қиладилар: «Расулуллоҳ соллаллоҳу алайҳи васалламнинг ҳузурларида эдик. Бас, у зот: «Сизлардан бирортангиз ҳар куни минг савоб касб қилишдан ожиз бўлурми?» дедилар. Шунда у зотнинг ҳаммажлисларидан бир киши: «Қандай қилиб бирортамиз минг ҳасана касб қилади?» деб сўради. «Юзта тасбеҳ айтади. Бас, унга мингта савоб ёзилади ва ундан мингта хато ўчирилади», дедилар». Демак, бир марта «субҳаналлоҳи» деган бандага ўнта савоб ёзилар ва ундан ўнта хато ўчирилар экан. Бундан Исломда савоб касб қилиш жуда ҳам осонлиги келиб чиқади. Ўша савобни касб қилишни ихтиёр қилганлар қани?! 🕋 @islomuz

17. Baqara surasi (142-145-oyatlar) | "Tafsiri Hilol" kitobi Shayx Muhammad Sodiq Muhammad Yusuf hazratlarining "Tafsiri Hilol" kitoblari Qori: Shayx Mahmud Xalil Xusoriy Suxandon: Abdulqayyum Ismoil #tafsir 🌐 YouTube 🕋 @islomuz

Ёмғир ёққанда ўқиладиган дуо:                اللَّهُمَّ صَيِّباً نَافِعاً    "Аллоҳумма соййибан наафиъан. Маъноси: "Парвардигоро, фойдали (хайрли) ёмғир қил" Расулуллоҳ соллаллоҳу алайҳи васаллам: «...ёмғир пайтидаги дуо рад қилинмайди», дедилар. @islomuz

#Саҳобалар_ҳаёти Усмон розияллоҳу анҳунинг сиёсатлари Усмон ибн Аффон розияллоҳу анҳу ўз халифаликларини ўта мушкул ишдан бошлашларига тўғри келди. Бу иш аввалги халифа Умар ибн Хаттоб розияллоҳу анҳуга қарши қилинган суиқасдга боғлиқ эди. Қотил Абу Луълуъа ўзини-ўзи ўлдиргани билан иш битиб қолмаган эди, балки бу қотиллик ёлғиз унинг ўзининг иши эмаслиги ошкор бўлган эди. Ундай бўлса, унинг шерикларини тутиб, жазолаш мушкул иш эмас-ку, дейишингиз мумкин. Ҳа, бу унчалик мушкул иш эмас эди. Аммо иш бошқачасига айланиб, ниҳоятда чигаллашиб кетган эди. Масалани равшан англашимиз учун уни батафсил ўрганиб чиқмоғимиз лозим бўлади. Ўша машъум куни Абу Луълуъа ҳазрати Умар розияллоҳу анҳуни, яна ўн уч саҳобийни ва ўзини ўзи пичоқлаб ташлаганидан сўнг ҳамма нима бўлгани билан қизиқа бошлади. 🔗 Тўлиқ ўқиш 🕋 @islomuz

#Кун_дуоси Фазилат сўраб дуо қилиш Абдуллоҳ ибн Амр ибн Ос розияллоҳу анҳудан ривоят қилинади: «Бир киши Расулуллоҳ соллаллоҳу алайҳи васалламдан: «Муаззинлар фазилатли бўлишда биздан ўзиб кетишяпти», деди. Шунда Расулуллоҳ соллаллоҳу алайҳи васаллам: «Сен ҳам муаззин айтганидек айт ва азон тугагандан кейин дуо қилиб сўра, сенга ҳам уникидек фазилат берилади», дедилар». Абу Довуд ривоятлари. 🔗 https://islom.uz/maqola/23271 🕋 @islomuz

Ro'zaning qazosi va kafforatni vojib qiladigan omillar bobi Hidoya 134-son Nafsni poklash va axloqni sayqallashda namoz va zakotdan keyin ro‘za ibodati keladi. Insonni yo‘ldan uradigan narsalar ichida qorin va jinsiy shahvatlar eng kuchlilaridan ekani hech kimga sir emas. Ro‘zaning foydalaridan biri xuddi o‘sha ikki shahvatni jilovlashga xizmat qilishidir. Ro‘za tutish Islom dinining besh rukni, besh asosidan biridir, Qur’on va Sunnat bilan sobit bo‘lgan. Shar’iy istilohda Ramazon oyida tong otganidan to quyosh botguncha niyat bilan ovqat yemaslik, ichimlik ichmaslik, jinsiy yaqinlik qilmaslik «ro‘za» deyiladi. Muallif: Burhoniddin Marg‘inoniy Ustoz: A’zamjon domla Qambarov Hidoya sharh bidoyatil-mubtadi ☺️☺️☺️☺️☺️ 🔗 Premyera 🕋 @islomuz

Bolgariyada Qirjali masjidi ochildi #yangiliklar 🕋 @islomuz

Туркияда халққаро симпоизум, Саудияда электрон платформа тақдимоти Ўзбекистонлик бир гуруҳ олимлар Туркия Республикасида бўлиб, қатор анжуманлар, давра суҳбатлари, тақдимот ва кўргазмаларда иштирок этишди. Сафарнинг марказий воқеаси Истанбул шаҳридаги халқаро симпозиум бўлди. Унда 37 мамлакатдан 50 дан ортиқ маърузачи ва 300 га яқин иштирокчи қатнашди, музей иши ва маданий меросни асраш бўйича замонавий ёндашувлар муҳокама қилинди. Тадбирда Президент Режеп Таййип Эрдоғаннинг видеомурожаати намойиш этилди. Вице-президент Жевдет Йилмаз, Миллий саройлар директори Ясин Йилдиз ва бошқа расмийлар иштирокчиларни қутладилар. Мазкур анжуманда Ўзбекистондан Ислом цивилизацияси маркази директори Фирдавс Абдухолиқов, Ўзбекистон тарихи давлат музейи директори Жаннат Исмоилова, «ЎзАрхив» Миллий агентлиги директори ўринбосари Шерзод Содиқов, агентлик катта илмий ходими Насриддин Мирзаев сингари ўзбекистонлик олимлар мамлакатимизда маданий меросни асраб-авайлаш ва кенг тарғиб қилиш масалалари бўйича маърузалари билан иштирок этишди. 🔗 Тўлиқ ўқиш 🕋 @islomuz

#Мазҳабда_нажот Мазҳаблар аввалдан бор бўлган Ушбу тўрт мўътараф мазҳаблардан бошқа фиқҳ ва усулда салафлардан мутавотир ва мустафиз кўринишда нақл қилинган бошқа бирор мазҳабни топа олмаймиз. Саҳобаи киром розияллоҳу анҳум даражалари нақадар улуғ ва катта бўлишига қарамай, уларнинг фиқҳлари ишончли йўл билан бизгача нақл қилинганми? Йўқ. Ҳадис китобларида нақл қилинганми? Йўқ. Фақат фиқҳий мазҳаблардагина, ишончли йўл билан нақл қилинган, деб айта оламиз, чунки биз мазҳаблар ўрганган фиқҳни саҳобаларнинг фиқҳи деб эътиборга оламиз. Ана шу фиқҳ кейинчалик ривожлантирилди, тартибга солинди, китобларга ёзилди. Масалан, Ибн Абу Шайбанинг ёки имом Абдурраззоқнинг ёзган мусаннафларида саҳобалардан жуда кўп ривоятлар келтирилган, аммо уларнинг аксари собит эмас. Агар ундаги ровийларни «рижол илми»га, яъни ровийлар ўрганиладиган илмнинг мезонига соладиган бўлсак, ривояти собит бўлганлар жуда озлигини кўрамиз. Шунингдек, саҳобалар табақанинг энг олийси бўлсалар, улардан етиб келган ривоятларнинг тагига етишни хоҳласак, буларнинг собит эканини топа олмаймиз. Шунинг учун Ибн Масъуд розияллоҳу анҳудан ривоят қилинган йўл – ҳанафий мазҳабининг улуғлари ўз мазҳабларида у зотдан ривоят қилган йўл, деб айтамиз. 🔗 Тўлиқ ўқиш 🕋 @islomuz

Жанубий Кореядаги ватандошларга маърифий суҳбатлар қилинмоқда Айни кунларда бир гуруҳ юртимиз уламолари ва имом домлалар Жанубий Кореяда хизмат сафарини давом эттирмоқда. Жумладан, Фатво маркази бош мутахассиси Саиджамол Масайитов, Тошкент шаҳридаги «Оқ уй» масжиди имом-хатиби Исроилжон домла Исмоилжонов, «Абу Сахий» масжиди имом-хатиби Зиёвуддин домла Мирсодиқов, Наманган шаҳридаги «Саид Азим Хўжа» масжиди имом-хатиби Муҳаммадбобур домла Насриддинов ва Бухоро вилояти Ромитан тумани бош имом-хатиби Отабек домла Раҳимов ватандошлар билан мулоқотлар қилмоқда. Ушбу сафарда Дин ишлари бўйича қўмита бошқарма бошлиғи Беҳзод Соипов ҳамроҳлик қилмоқда. Имом-хатиблар Жанубий Кореядаги бир неча масжидларда юзлаб ҳамюртларимизга ҳалол ризқ топишнинг фазилатлари, ёт ғоялардан сақланиш, юртга садоқат, ота-онага ҳурмат, фарзанд тарбияси, омонатга риоя қилиш каби мавзуларда маърифий суҳбатлар ўтказишмоқда. Ватандошларимиз бундай эътибор ва манфаатли маърузалардан мамнун бўлиб, ўзларини қизиқтирган саволларига жавоб олишмоқда. 🕋 @islomuz

#Кун_дуоси Офият сўраш عَنْ عَبْدِ الرَّحْمَنِ بْنِ أَبِي بَكْرَةَ رَضِي اللهُ عَنْهُ أَنَّهُ قَالَ لِأَبِيهِ: يَا أَبَتِ، إِنِّي أَسْمَعُكَ تَدْعُو كُلَّ غَدَاةٍ: اللَّهُمَّ عَافِنِي فِي بَدَنِي، اللَّهُمَّ عَافِنِي فِي سَمْعِي، اللَّهُمَّ عَافِنِي فِي بَصَرِي، لَا إِلَهَ إِلَّا أَنْتَ، تُعِيدُهَا ثَلَاثًا حِينَ تُصْبِحُ، وَثَلَاثًا حِينَ تُمْسِي، فَقَالَ: إِنِّي سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَدْعُو بِهِنَّ، فَأَنَا أُحِبُّ أَنْ أَسْتَنَّ بِسُنَّتِهِ. رَوَى هَذِهِ السَّبْعَةَ أَبُو دَاوُدَ. Абдурроҳман ибн Аби Бакрат розияллоҳу анҳудан ривоят қилинади: «У киши оталарига: «Эй отажон! Мен сизнинг ҳар куни субҳ кирганда уч марта, кеч кирганда уч марта «Аллоҳумма! офинии фии бадании, Аллоҳумма! офинии фии самъии, Аллоҳумма! офинии фии басории. Лаа илааҳа иллаа анта» деб қайтараётганингизни эшитаман», деди. «Мен Расулуллоҳ соллаллоҳу алайҳи васалламнинг ўшаларни айтиб, дуо қилаётганларини эшитганман. Мен у зотнинг суннатларига эргашишни яхши кўраман», деди». Абу Довуд ривояти. Дуонинг маъноси: «Аллоҳим! Баданимга офият бергин! Қулоғимга офият бергин! Кўзимга офият бергин! Сендан ўзга илоҳ йўқ». Ҳар куни эрталаб ва кечқурун ушбу дуони қилган киши кўп хайрли нарсаларни сўраган бўлади. Инсон бу дуода сўралган нарсаларга ҳар дамда муҳтождир. Ана ўша ўзи муҳтож бўлган нарсани Расулуллоҳ соллаллоҳу алайҳи васалламнинг суннатларига амал қилган ҳолда, у зот айтган лафзларни такрорлаб сўраганга нима етсин?! @islomuz