Allaev Uz

Facebook sarhadlaridan. @allaevuzb

Twitter да мана шу муҳокамага дуч келдим. Охирги кунларда Яндекснинг Allplay’ни сотиб олиши бошқа тармоқларда ҳам баҳсларга сабаб бўлмоқда. Ман вазиятга фақат бизнес томонидан қараб жавоб бераман. Бу бошқа давлатда мумкинмиди? Албатта. Техно-гигантларнинг маҳаллий ўйинчиларни сотиб олиши — глобал тренд. АҚШда масалан яқинда Netflix HBO ни олиши эълон қилинган эди. Айрим ривожланган бозорларда (масалан, ЕИда) антимонополь органлар бундай келишувларга "микроскоп" остида қарайди. Улар компанияни айрим активларидан воз кечишга ёки алгоритмларини очишга мажбур қилиши мумкин. Уларда регуляция шунчаки ҳамма соҳада биздакидан бир неча маротаба кучли, бюрократия ҳам. Бизга эса инвестиция оқими муҳим, қаттиқ регуляцияга на бизнес, на иқтисодиёт чидайди. Тез ўсаётган иқтисодмиз ва ругаляция нисбатан камлиги катта устунлигимиздир. Қўмита назорат қила оладими? Энг катта савол шунда. Яндекс — бу шунчаки компания эмас, бу улкан алгоритмлар тўплами. Қўмита мутахассислари Яндекс қидирув тизими ёки "Алиса" ўз контентини (Allplay) рақобатчилардан устун қўяётганини техник жиҳатдан қандай аниқлайди? Бунинг учун бизда етарлича IT-экспертиза ва мониторинг тизими борми? Ҳозирча бу савол очиқ қолмоқда. Агар қўмита аралашса ҳам нима шартлар қўйиши мумкин? Аввало нархларни оширмаслик бўлиши мумкин. Яндекс умуман нархни пасайтирди, allplay обунасини Yandex Plus га қўшворди. Монопол статус ҳам бериб бўлмайди чунки бозорда мустақил ва интернет провайдерларга тегишли ўнлаб платформалар бор. Ундан ташқари Netflix ҳам солиқ тўлаб расман ишламоқда. Бошқа ҳолат, Ўзбекистонда билмадим, Европада одатда рақобатда "камситиш"га йўл қўймаслик талаби бўлиши мумкин. Лекин, бизнес тилида айтганда, "камситиш"ни исботлаш жуда қийин. Яндекс ўз экотизими ичида маълумотлар (Big Data) билан шундай ўйин қилиши мумкинқи, рақобатчилар масофадан қараб қолаверади. Хулоса ўрнида: Бу келишув — маҳаллий бозор учун яна бир имтиҳон. Энди банк, етказиб бериш, китоб, такси, маркетплейс бозорлари каби контент бозори ҳам янги халқаро рақобатга дуч келади. Бу бозор тозаланиб расмий контент кўпайиши учун яхши, текин ёки арзон қароқчи контентга ўрганганларга ёмон. Халқаро тажрибадан келиб чиқса, бу келишув табиий ва одатда бозор ютуғи деб кўрилади. Бу биринчиси ҳам эмас. Ҳали Каримов даврида Olx Torg Uz ни сотиб олган, янги даврда Yandex Express 24 ни, TBC Billz ва OLX ни олган. Яқинда Click қозоқ банкига сотилган эди. Олдинда ҳали бунақа сотувлар кўп бўлади. #yandex #allplay #biznes

АҚШ доллари расмий курси 12 021,61 сўмгача (-38,17) пастлади #kurs @allaevuzb

Chery Arrizo 8 Hybrid – бизнес-класс учун ишончли седан Chery Arrizo 8 Hybrid хавфсизлик ва премиум қулайликни уйғунлаштирган замонавий автомобилдир. Шаҳар ичида 125 км гача электр режимида сокин ҳаракатланади, узоқ сафарда эса 3,9 л / 100 км ёқилғи сарфи билан 1400+ км масофани босиб ўта олади. Бошқа қулайликлари: • 19 дақиқада 80% гача тезкор қувватланиш; • 10 та хавфсизлик ёстиқчаси; • 12 та Premium Sony аудио тизими; • Вентиляция ва иситиш функцияли олдинги ўринлиқлар. Автомобил учун кафолат муддати 7 йил ёки 200 000 км. Батафсил маълумот ва тест-драйв учун: +998 55 500 06 55 Реклама

Одатда популистик чиқишлар муаммони ечмайдиган, аксинча жорий этилса оғирлаштирадиган чиқишлар бўлади. Улар кўпинча қулоққа ёқимли, муаммони ечими оддий деб ўзини ўзи алдаш учун осон, амалда хавфли чиқишлардир. #populizm #mulohaza

АҚШ доллари расмий курси 12 059,78 сўмгача (-45,78 ) пастлади #kurs @allaevuzb

Asaxiyda yangi loyiha boshladik: Hayotimni oʻzgartirgan 3ta kitob. Unda jamoat arboblari, ziyolilar, muvaffaqiyatli hamyurtlarimiz hayotlariga taʼsir qilgan 3ta kitob haqida aytib berishadi. Bu videoda yulduz yozuvchimiz, "Qoʻrqma" muallifi Javlon Jovliyev hayotiga taʼsir qilgan 3ta kitobni aytib berdi. #kitob #asaxiybooks

АҚШ доллари расмий курси 12 105,56 сўмгача (-24,45) пастлади #kurs @allaevuzb

"Fikr yetakchilari" podkastining bu safargi mehmoni, do'stimiz Mirshakar bo'libdi. Ko'radigan, mulohaza qiladigan podcast. https://youtu.be/PuxD8ThC3-U?si=QZHqdyantzRQflDa #tavsuyu

Китобнинг тепадаги қисмини бундан бир неча йил олдин рус тилида ўқиганда пост қилган эканман. Энди ўзбек тилида ўзимиз таржима қилган китобдан шу қисмни пост қилиш учун файлдан тезкор топиш зарур бўлди. Вазифани ёзиб ChatGPTга ташладим. ChatGPT 5.2 бориб ўзинг топиб ол деди ва қидириш керак бўлган бетларида ҳам адашди. Кўнгил тўлмагач, ўша вазифа Gemini 3 Pro га ташланди. Gemini 3 Pro пивомни ушлаб тургин деб якуний натижани ажратиб берди. Мана бу бетдан ўзинг топиб ол қарол ҳам демади. Тайёр матн. Gemini эплолмаса NotebookLM га бормоқчи эдим, зарурат бўлмади. #ai #gemini #chatgpt

Китобнинг тепадаги қисмини бундан бир неча йил олдин рус тилида ўқиганда пост қилган эканман. Энди ўзбек тилида ўзимиз таржима қилган китобдан шу қисмни пост қилиш учун файлдан тезкор топиш зарур бўлди. Вазифани ёзиб ChatGPTга ташладим. ChatGPT 5.2 бориб ўзинг топиб ол деди ва қидириш керак бўлган бетларида ҳам адашди. Кўнгил тўлмагач, ўша вазифа Gemini 3 Pro га ташланди. Gemini 3 Pro пивомни ушлаб тургин деб якуний натижани ажратиб берди. Мана бу бетдан ўзинг топиб ол қарол ҳам демади. Тайёр матн. Gemini эплолмаса NotebookLM га бормоқчи эдим, зарурат бўлмади. #ai #gemini #chatgpt

Ниҳоят, бошқа муаммоларидан халос бўлган Aлександр британияликларни доғда қолдириб, Марказий Осиёга биринчи бўлиб бостириб кириш зарурати муҳимлигига ишонди. Буюк Британияда русларнинг олға боришига бўладиган ҳар қандай қаршилик ҳаракати ҳақидаги ҳадикларни Игнатьев йўққа чиқарди. Унинг таъкидлашича, Aфғонистон, Россия, Форс давлати ва Хитой билан бўлган урушлар Британияга жуда қимматга тушган (Ҳиндистондаги қонли қўзғолонни айтмаса ҳам бўлади), натижада у пассив даврга ўтганини ва бундан кейин ҳам ҳеч қандай можарога бош қўшгиси йўқлигини билдирувчи аломатлар яққол сезилиб қолганди. Aмериканинг жанубий штатлари шу пайтгача Россияга асосий пахта хом ашёсини етказиб турганди ва айнан кейинги пайтларда Aмерикада содир бўлган воқеалар рус шоҳининг Осиёни забт этиш борасида бир тўхтамга келишига туртки бўлди. Aмерикадаги фуқаролар уруши натижасида ушбу муҳим молнинг етказилиши тўхтаган ва у бутун Европага салбий таъсирини ўтказаётганди. Русларнинг, аммо бошқаларга қараганда, кўпроқ омади чопмоқда эди. Бир мунча вақтдан бери уларга Марказий Осиёнинг Қўқон хонлиги, айниқса, унумдор Фарғона водийси пахта етиштириш учун жуда қулайлиги ва бу ўсимликни катта миқдорда етиштириш имкони борлиги маълум эди. Aлександр кимнингдир у ерларга қадами етмай туриб (бу ерда айнан инглизлар назарда тутилганди), Марказий Осиёнинг пахта далаларига, ҳеч бўлмаганда, ҳосилига эга чиқишга қатъий қарор қилди. Дастлаб, хонликлар билан иттифоқ тузиш орқали алоҳида дўстона алоқалар ҳамда тижорий ҳамкорликни йўлга қўйишга умид қилинди, чунки шу йўл билан қон тўкилиши, катта харажатлар ва Британиянинг қаршилигини уйғотадиган ҳар қандай ёқимсиз хавфнинг олди олиниши мумкин эди. Aммо Игнатьев ўзининг Хива ва Бухоро борасидаги тажрибаларидан келиб чиқиб, бу шунчаки соддалик эканини таъкидлади. Унинг айтишича, Марказий Осиё ҳукмдорлари ишончсиз ва ҳар қандай келишувга амал қилишга мутлақо қодир эмасди. Бу ҳудудларни босиб олиш ишончли йўл эди ва бу инглизларни у ерлардан узоқда ушлаб туришга хизмат қиларди. Граф Милютиннинг қўллаб-қувватлаши билан унинг ғояси устун келди. 1863 йилнинг охирига келиб музокаралар орқали империализмнинг қолган барча умидлари пучга чиқди. Руслар дастлаб аста-секин бўлса ҳам, Марказий Осиёга юришга тайёр эдилар. © Питер Ҳопкиркнинг "Катта ўйин" китобидан #kitob #asaxiybooks

АҚШ доллари расмий курси 12 130 сўмгача (+32,08) кўтарилди. #kurs @allaevuzb

Kitob mundarijasi. #kitob #biznes #asaxiypro

Asaxiyda xodimlar o'qishi majburiy bo'lgan kitoblar bor. Kanalni oldindan o'qiydiganlar bu haqida bilishadi. Lekin, ayrim kitoblarni o'qib chiqishda til muammo. Har bir xodim ham ingliz yoki rus tilini bilmaydi. Bugun o'sha kitoblardan birini nihoyat "Asaxiy Pro" loyihasida o'zbek tilida chop etdik. Bu Brayan Dyumenning "Bezonomika. Amazon hayotimizni qanday o'zgartirayotgani va yetakchi kompaniyalar bundan nimani o'rganayotgani haqida" kitobidir. Bugun kichik va o'rta biznes Uzum va Yandex bilan raqobatlashishga majbur bo'layotgan holatda, bu kitob yanada aktual bo'lmoqda. Jeff Bezos shunchaki onlayn do‘kon yaratmadi, u zamonaviy biznes qoidalarini butunlay o‘zgartirib yubordi. Kitob shunchaki "Amazon" tarixi emas, balki sun’iy intellekt, katta hajmli ma’lumotlar va tinimsiz innovatsiyalar boshqaradigan yangi iqtisodiy davr tahlilidir. Muallif Brayan Dumeyn dunyoning eng qimmat kompaniyalaridan biri qanday qilib sun’iy intellekt, to‘g‘ri boshqaruv, mijozga bo‘lgan o‘ta yuqori e’tibor va uzoq muddatli strategiya orqali muvaffaqiyatga erishganini ochib beradi. Ushbu kitobda trillion dollarlik imperiyaning ichki mexanizmlari va Bezosning boshqaruv modellari batafsil yoritilgan. Undan nafaqat yirik korporatsiyalar, balki kichik biznes egalari ham o‘ziga xos saboqlar olishi mumkin. Mazkur asarni o‘qigan har bir tadbirkor yoki rahbar, u do'kon bo'ladimi yoki kichik ishlab chiqarishmi katta zamonaviy kompaniyalar bilan raqobatlashish yo‘lini tiniqroq ko‘ra boshlaydi. Raqamli asrda raqobatga dosh berish, texnologiyalarni jilovlash va bozorda yetakchiga aylanishni istagan har bir inson uchun "Bezonomika" – foydali qo‘llanma. Kitob professional yo'nalishda bo'lgani uchun tadbirkorlar, menejerlar, rahbarlar, startapchilar, iqtisodchilar, moliyachilar, marketologlar, umuman sun'iy intellekt biznes va hayotda nimani o'zgartirayotgani qiziq bo'lganlarga tavsiya qilinadi. Xarid qilish: asaxiy.uz/u/693e79fbefb2a #kitob #asaxiy #asaxiypro #premyera

Эски бир хатни қидириб, электрон почтага келган эски хатларни ўқиб қолдим. Битта нарса қоил қолдирди, ҳозир хоҳлаган одам шунчаки ChatGPT ёки бошқа LLM дан сўраб оладиган саволларга жавобларни ҳамма ўзи билган деб ўйлаган одамлардан қидириб юрган. Google бўлгану, лекин унга шахсий контекстни тушунтириб бўлмаган. Арзимаган 4-5 йилда бу ўзгарди. Энди бошқалардан сўраладиган аксар нарсалар сунъий интеллектдан сўралади. Ва бошқалар ҳам шахсни сунъий интеллектчалик яхши билмайди. Cуньий интеллект ҳаётимизни ўзгартиради эмас, аллақачон ўзгартириб бўлди. #ai #mulohaza

Шарл Леклер Ўзбекистондаги Ислом цивилизацияси марказининг навбатдаги нуфузли меҳмони бўлибди. “Formula-1” пойгачиси Марказдаги экспозицияларни томоша қилар экан, Ўзбекистон тарихининг нақадар бой ва чуқур эканига алоҳида эътибор қаратган. Қадимий қўлёзмалар, буюк алломалар мероси ва замонавий технологиялар уйғунлиги марказнинг асосий устунликларидир. Ислом цивилизацияси маркази нафақат тарихчилар ёки олимлар учун, балки бутун дунёдан келадиган ёшларни, туристларни қизиқтира оладиган замонавий маданий масканга айланмоқда.

АҚШ доллари расмий курси 12 097.93 сўмгача (+50,48) кўтарилди. #kurs