Allaev Uz

"11.11" Якунлари: JD.com ва Trendyol "портлатди", Wildberries секинлади. Бутунжаҳон "11.11" халқаро шоппинг куни — бу жаҳон электрон тижорати соғлиғини ва электрон бозорларнинг ҳолатини кўрсатувчи муҳим индикатор. Дастлабки рақамлар жуда қизиқ ва бозорларнинг турлича ривожланаётганини кўрсатмоқда. Масалан, Хитойда умумий ўсиш секинлаб (18% ўсган) турган бир пайтда, JD.com ўз буюртмалари ҳажмини 60%га ошириб, ҳақиқий "портлаш" қилди. Бу, гигант рақобатга бой бозорда ҳам аниқ стратегия билан кескин ўсиш мумкинлигини кўрсатади. Россияда эса аксинча, Wildberries кутилганидан анча паст — атиги 20% ўсиш қайд этди. Бу эҳтимол мамлакатдаги умумий иқтисодий тушкунлик, бозорнинг "тўйиниши" ёки рақобатнинг кучайишидан дарак беради. Энг тез ўсаётган бозор эса Туркия бўлди, у ерда Trendyol 120 миллион дона маҳсулот сотди (ўтган йили 35М экан). Бу глобал трендлар фонида бизнинг натижаларимиз. Бугун чегирмаларнинг охирги куни. Лекин, 10-15 ноябрь натижаларини солиштирса, биз Asaxiy’да ўтган йилга нисбатан 45.6% ўсиш қайд этдик. Шу кунларда маҳаллий бошқа маркетплейслар натижалари чиқса, солиштириб кўрамиз. #asaxiy #ecommerce #marketpleys

"Asaxiy Books kitoblariga obuna" ning yangi mavsumini boshladik. 1 399 000 So'm evaziga Asaxiyning keyingi 20ta kitobiga obuna bo'lishingiz mumkin. Har bir kitob chop etilganda sizga hech qanaqa yetkazib berish xarakatlarisiz jo'natiladi. Har safar buyurtma qilib yurmiyman, uyimda eng so'nggi kitoblar bo'ladi deydiganlar uchun: https://asaxiy.uz/uz/product/asaxiy-books-kitoblariga-obuna #kitob #asaxiy

Tizimning o‘z qurolidan foydalanish — haqiqatmi yoki xayolmi? Professor davlatning pul mexanizmini o‘z foydasiga ishlatadi — bu fikr siyosiy metafora sifatida keskin va jo‘shqin. Lekin iqtisodiyot realligi bunday paper-tricklarni kechirmaydi: nazoratsiz pul — narxlarning portlashi va jamg‘arma qadrsizlanishiga olib keladi. Serial bu g‘oyani ramziy darajada taqdim etib, tizimga qarshi shaxsiy hamda jamoaviy adovatni muhokama qiladi. 🔗 To‘liq tahlil: https://youtu.be/pLRu7qd-RwU #iqtisodiyot #moliya #kino

АҚШ доллари расмий курси 12 039 сўмгача (+54,51) кўтарилди. #kurs @allaevuzb

Бугун яна бир бор солиқ босими ошса нима қилибди деган аргументга дуч келдим. «Сут солиғини сигирлар тўламайди». Французлардаги бу ажойиб мақол иқтисодиётнинг энг оддий, лекин кўпчилик унутадиган ҳақиқатини очиб беради. Одамлар кўпинча "бизнесга, катта корпорацияларга солиқни ошириш керак" деб ҳисоблайди. Улар бу пулни компания эгалари ўз чўнтагидан тўлайди деб ўйлашади. Аслида-чи? Бизнес учун солиқ — бу худди электр энергияси ёки ижара ҳақи каби оддий харажат. Солиқ юки ошса, тадбиркор бу харажатни маҳсулот ёки хизмат таннархига қўшишга мажбур бўлади. Натижада, дўкон кассасида турган оддий харидор ўша "ошган солиқни" ўз чўнтагидан тўлайди. Бизнес бу занжирда шунчаки давлат учун солиқ йиғиб берувчи воситачи, холос. Ҳақиқий тўловчи эса — ҳар доим истеъмолчи бўлган ва бўлиб қолади. #biznes #soliq

АҚШ доллари расмий курси 11 985 сўмгача (+12,75) кўтарилди. #kurs @allaevuzb

АҚШ доллари расмий курси 11 972 сўмгача (-17,65) пастлади. #kurs @allaevuzb

Kanalim mavzusi emas-u, shunchaki yosh ukalarimizga tavsiya qilib yozaman. 11.11 chegirmasi bilan band bo‘lsamda, bugun anchadan beri Asaxiy mijozi bo‘lgan, bir necha marotaba dars yoki suhbatlarga kelgan ukamiz iltimosi bilan suhbatga ozroq vaqt ajratishga majbur bo‘ldim. Yosh samimiy yigit. Kelajagi yaxshi deb o‘ylayman. Bizdan ilk xaridini qilib manga yozganda hali Universitetda endi talaba bo‘lgandi. Ruxsati bilan bir voqeani ulashib, o‘zimdan kelib chiqib tavsiya beraman. Muammo shundaki, ukamiz bir yarim yildan beri Universitetda magistraturada bir qizni sevib yurgan ekan. Hech borib aytishga o‘zida g‘ayrat topmas, odatda ma’noli qarashlardan ortmas ekan. Qiz bilan instagramda bir-ikki yozishma ham bo‘lgan. Muammo, qiz unashtirilibdi. Ota-onasi majburlab emas, qiz o‘zi qaror berib bir yigitni tanlabdi. Yangilikdan bilgandan keyin, ukamiz jur’at etib qizga yorilgan. Qiz uni qarashlarini ancha oldin payqaganini, kuzatib ko‘ngil qo‘yganini, gap ochishini bir yildan ortiq kutganini alam bilan aytib beribdi. Ukamiz hech gap ochmagach, qadriyatlariga mos to‘g‘ri inson uchraganda ongli tarzda tanlov qilibdi va endi orqaga qaytmasligini, unashtirilgan yigitni hurmat qilishini aytibdi. Avvalo, alamzada yigitni tushunaman. U qizni endi bezovta qilmaslik, faqat baxt tilashni tavsiya qildim. Undan tashqari, ukalarimizga alohida tavsiyam, agar siz kimgadir ko‘ngil qo‘ysangiz, haqiqatdan u qiz bilan kelajagingizni ko‘rsangiz, shunchaki qizdan nimadir kutib yurmang. Siz erkak sifatida birinchi qadamni tashlashga, harakat qilishga, uni ko‘nglini olishga majbursiz. Bu harakat o‘ziga sevgi izhori bo‘ladimi yoki qadriyatdan kelib chiqib boshqa harakat bo‘ladimi, unisini siz hal qilasiz. Muhimi, harakat qiling. 3-4 harakatda rad etsa, hech narsani yo‘qotmaysiz. Lekin, harakatsiz turib, keyinchalik kech bo‘lganda ukamizdek afsus qilib yurgandan foyda yo'q. Siz yoqtirgan qiz shunchaki turmushga chiqmasdan yoki kim bilandir uchrashmasdan oylab yoki yillab yuradi deb ishonmang. Harakat qilib rad javobi olgan harakat qilmasdan, kech bo'lganda uni ko'ngli borligini bilgandan yaxshiroq. Qiz bolaning yoshi 20dan oshganda vaqt sizning zararingizga o‘ynaydi. Harakat qilish, taklif berish, kurashish erkakning mas’uliyati. Singillarimizga ham kichik tavsiya, hamma yaxshi erkakni ham o‘ziga bo‘lgan ishonchi kuchli emas yoki ma’lum bir psixologik muammolari bo‘lishi, yoki boshqa nimadirlar to‘sqinlik qilishi mumkin. Agar u erta pensiya yoshida bir dasturxon atrofida maza qilib suhbatlashadigan insoningiz ekanligiga ishonsangiz, yaxshisi bir-ikki qadam tashlab ko‘ring, hech bo‘lmasa ramziy signallar bering. Afsuski, hammada ham o‘ziga ishonch yoki harakat har doim yuzda yuz yaxshi bo‘lavermaydi. Uzr, biroz mavzudan tashqari post bo'ldi. #sevgi #tavsiya #hayot

11.11 chegirmalariga juda ko‘p mahsulotlar tushdi uchun ham o‘zim juda foydali deb bilgan 10ta mahsulotlarni ajratib ko‘rsataman. 1. Xiaomi Robot Vacuum X20+ robot-changyutgichi - 5 419 000 So'm. Boshqa marketpleyslarda o'z kartasi bilan to'laganda: 6 447 000 So'm 2. Shayx Muhammad Sodiq Muhammad Yusuf: Tafsiri Hilol (6 jild) - 649 000 So'm (Chegirmasiz narxi: 799 000) 3. Huawei Watch GT5 Pro 46 mm Black smart-soati - 2 819 000 4. J.R.R. Tolkien: The Lord of the Rings Deluxe Illustrated (premium nashr) - 499 000 299 000 5. Samsung Galaxy S25 Ultra 12/256 GB Titanium Silverblue Smartfoni - 12 599 000 So'm. Boshqalarda ham 11.11ga tushgan, 12 641 000 So'm 6. Redmi Buds 5 Pro Moonlight White simsiz quloqchini - 699 000 So'm. 7. Sonifer SF-9056 dazmoli - 189 000. 8. Xiaomi Redmi Note 14S 12/512GB Aurora Purple smartfoni - 2 999 000 So'm. 128 GB variantdan ham arzon. 9. Xiaomi Mi Band 9 Pro (Global) Moonlight Silver smart-brasleti - 799 000 So'm 10. Honor 400 Lite 5G 8/256 GB Velvet Grey Smartfoni - 2 879 000 So'm Bonusiga: Ellikta mashhur kitob to'plami - 999 000 So'm. Bundan tashqari ham siz uchun qiziqarli mahsulotlar juda ko'p chiqishi mumkin. Narxlar va katalog bilan tanishishi bepul: https://asaxiy.uz/uz/product/product-list=super-price Muhimi qadriyatiga qarab ko'p joylarda haqiqiy sifatli mahsulotlarga chegirmalar ko'ryapman. Ko'ring, solishtiring va narxi qulay bo'lsa foydalanib qoling. Aytgancha, 2 dollarga quloqchin kerak bo'lsa, qayerga borishni bilasiz. Originali kerak bo'lsa kelavering. #chegirma #asaxiy

АҚШ доллари расмий курси 12 014 сўмгача (-45,33) пастлади. #kurs @allaevuzb

11 noyabr butun dunyoda shopping kuni. Biz uchun odatda yilning eng yirik chegirma beriladigan kunidir. Bu yil bu kunga har yilgidan qattiqroq tayyorgarlik ko'rdik. Qadriyatlarimizga mos tarzda, 2-3 dollarlik mahsulot bilan chegirma deb aldashni o'zimizga ep ko'rmasdan, haqiqiy talab bor, original mahsulotlarga chegirma qildik. Masalan, Xiaomi ekotizimi ayrim mahsulotlari narxi hatto oldingi optom narxidan pastga tushdi. Rasmiy kafolatga ega Huawei D16 noutbuki narxi birinchi marta 500 dollardan pastroq bo'ldi. Boshqa misol, Samsung Galaxy S25 Ultraning rasmiy tovari 12 599 000 So'mgacha tushdi. Bunaqa 300 xildan ortiq mahsulotlar bor. Xullas, chegirmalarni boshladik. Kirib tanishib chiqing: https://asaxiy.uz/uz/product/product-list=super-price 11.11, haqiqiysi!

"Busywork" бизнеснинг жиддий муаммоси. "Busywork" — бу компания ресурсларини "еб ётиш"нинг энг хавфли кўриниши. Бу — аниқ натижага олиб келмайдиган, лекин ходимни доимо банддек кўрсатадиган бекорчи фаолият. Кўп раҳбарлар ходимининг доим нимадир билан банд бўлиб ўтиришини кўриб, "иш қиляпти" деб хотиржам бўлади. Аслида эса, бу ходим бизнесингизни орқага тортаётган бўлиши мумкин. "Busywork" қиладиган ходим — бу натижа учун эмас, балки шунчаки "банд кўриниш" учун ишлайдиган одам. У доим нимадирлар билан банд бўлади, кераксиз ҳисоботлар тайёрлайди, мақсадсиз йиғилишлар ташкил қилади ёки бир соатлик ишни бир кун чўзади. У "банд бўлиш" билан "самарали бўлиш"ни адаштириб юборади. Бунинг сабаби иккита: ё ходим ўз вазифаси ва мақсадини мутлақо тушунмайди, ёки раҳбар ундан аниқ натижани (KPI) эмас, балки 8 соатлик "жараён"ни талаб қилади. Икки ҳолатда ҳам бу — бизнес учун жуда қимматга тушадиган хатодир. Баъзан "busywork" билан бандлигини ходим сезмайди ҳам. У ўзини ҳақиқатдан ҳам фойдали иш билан бандман, ҳақиқатдан муҳим шахсман деб ўйлаб қолади. Бандлик=самарадорлик эмас. Компания мақсадлари, стратегияси, натижаларига таъсир қилмайдиган ҳар қандай бандлик "busywork"дир. #biznes #menejment #hr

Элбек ва тилнинг озодлиги учун кураш Элбек ўз даврида Ўзбек тилини янгилаш мақсадида 550 га яқин соф туркий сўзларни таклиф қилган эди. “Бечора” ўрнига “бояқиш”, “асир” ўрнига “тутқун”, “дунё” ўрнига “очун” каби сўзлар тилимизни мустамлака таъсиридан тозалашга қаратилган жасоратли уриниш эди. Афсуски, кучли цензура ва мафкуравий босим туфайли бу сўзларнинг кўпи халқ орасида мустаҳкам ўрнаша олмади. Бироқ Элбек ўз қарашидан қайтмади — у тил учун курашни миллат учун кураш деб билди. 🔗Тўлиқ суҳбат: https://youtube.com/watch?v=cvVO5orkdQc&si=TpUbbNM4OvxjrAoF #podcast

Ўзбекистонда Apple Pay ва Google Pay ишлаши мумкин. Бу учун тўсиқ бўлган шахсий маълумотлар тўғрисидаги қонун қайта кўриб чиқилади. Президент Шавкат Мирзиёев Вашингтонда АҚШ компаниялари билан учрашувда Ўзбекистондаги шахсий маълумотларни сақлаш ҳақидаги қонунчилик қайта кўриб чиқилишини эълон қилди. Бу — рақамли иқтисодиёт учун ижобий сигнал. Гап 2021 йилда қабул қилинган қонун ҳақида кетмоқда. Бу қонун хорижий компаниялардан ўзбекистонликларнинг маълумотларини фақат Ўзбекистон ҳудудидаги серверларда сақлашни талаб қилар эди. Қонунга кўра Ўзбекистон фуқароларининг маълумотлари фақат Ўзбекистон ҳудудидаги серверларда сақланиши зарур. Муаммо шунда эдики, бу норма жуда ноаниқ ёзилган ва уни исталган томонга талқин қилиш мумкин эди. Шунингдек, кўплаб йирик халқаро компанияларнинг умумий стратегиясига бу талаб тўғри келмайди. Айнан шу ҳуқуқий ноаниқлик Apple Pay ва Google Pay каби глобал гигантларнинг бозоримизга кириб келишига асосий тўсиқ бўлганлиги айтилади. Бу қонунни янгилаш қарори — Google, Meta ва Nvidia каби йирик ўйинчиларга аниқ "ўйин қоидаларини" таклиф қилиш ва улар билан ҳамкорликда янги имконлар очиши мумкин. Кўпчилик сўрайдиган Ўзбекистон учун Youtube да монетизация йўқлигига ҳам асосий сабаб шу қонун эканлиги айтилган. #qonun #it #iqtisodiyot

АҚШ доллари расмий курси 12 060 сўмгача (+37,35) кўтарилди. #kurs @allaevuzb

Тадбиркорнинг пессимист бўлишга ҳаққи йўқ. У келажакдаги даромадга, катта мақсадларга аввало ўзи ишониши ва бутун жамоани ортидан эргаштириши керак. Ҳамма нарсада фақат ёмонликни кўрган одамга бизнесда қийин. Лекин, унинг кўр-кўрона, ҳаддан ташқари оптимист бўлишга ҳам ҳаққи йўқ. Бу — ресурсларни нотўғри баҳолаш, хаёлпарастлик ва муқаррар хато қадамларга олиб келади. Унда тадбиркор ким бўлиши керак? Энг тўғри тавсиф — бу "оптимистик реалист". Бу шундай мувозанатки, унда оптимистлик юксак мақсадлар қўйишга, имконсиздек туюлган чўққиларга даъво қилишга ва жамоани илҳомлантиришга ундайди. Реалистлик эса уни ердан узилиб қолишдан, хаёлпарастликдан сақлайди, хатарларни совуққонлик билан баҳолашга ва ресурсларни аниқ ҳисоблашга мажбур қилади. Оптимизм — бу двигател, реализм — бу рул. Биттасисиз иккинчиси муаммога олиб боради. #biznes #mulohaza

Alisher aka Sadullayev yangi doʻkonimizda mehmon boʻldilar va xodimlar uchun qator kitoblar ham xarid qildilar. Alisher aka endi agentlikds oʻrinbosar boʻlib tayinlangan vaqtlaridayoq yoshlar bilan uchrashuvga taklif qilgan edilar. Oʻzbek tili va adabiyoti universitetida kitob haqida yoshlar bilan suhbat qilganimiz esimda. Undan keyin "Tadbirkor" kitobini ham agentlik bilan hamkorlikda yozdik. "1000 kitob" loyihasini dastlab 100ta ilmiy kitob shaklida tashabbusi bilan ham borgan edik. Oʻtgan yili loyihada tarjima qilingan 50ta kitobdan 4tasini biz tarjima qildik, bu yilgi 50tadan ham 3tasini biz qilmoqdamiz. Agentlik bilan hamkorlik bizga doim yordam boʻlgan. Alisher akaning oʻzi ham juda kitobxon odam, koʻp kitob tavsiya qiladi. Hamkorlik uchun rahmat. #kitob #asaxiy #yoshlar

Юрист таниши борлар тушунади 👉@bahodirahmedoff👈

Collins луғати 2025-йилнинг сўзини эълон қилди: "Вайбкодинг" (Vibe coding). Бу шунчаки янги техник термин эмас. Бу — бутун бир маданий ўзгаришнинг ифодаси. "Вайбкодинг" нима? Бу — дастурлашнинг янги усули, сунъий интеллект ёрдамида дастурлашни англатади. Энди сиз мураккаб код ёзиб ўтирмайсиз, балки сунъий интеллектга (AI) оддий тилда нима хоҳлаётганингизни "тушунтирасиз" (промпт берасиз) ва AI сиз учун илова ёки веб-сайтни яратиб беради. Ташқаридан ҳаммаси чиройли кўринади. Лекин, ҳали сунъий интеллект ёзаётган код сифатига нисбатан анча саволлар бор. Бу ҳодиса иккита энг катта саволни ўртага ташламоқда: бу ҳаммага дастурлаш имконини берадиган инқилобми ёки сифатсиз ва хавфли кодлар даврини бошлаб берувчи масъулиятсизликми? Жавобидан қатъи назар, бу янги воқелик. #ai #kod

АҚШ доллари расмий курси 12 022 сўмгача (+52,25) кўтарилди. #kurs @allaevuzb