Allaev Uz

Retail biznes klubi bilan uchrashuvda Google Veo 3 ishlashini koʻrsatib berish uchun generatsiya qilingan video. #ai #veo3

TBC Bank Group OLX Uzbekistan компаниясининг асосий улушини (50%+1 дона акция) сотиб олмоқда. Гуруҳ бунинг учун Titan Investments билан қўшма корхона ташкил этади. Қўшма корхона OLX Uzbekistan’нинг 100%лик улушига эгалик қилади. Ҳозирча битим суммаси эълон қилингани йўқ.

АҚШ доллари расмий курси 12 413 сўмгача (-52,65) пастлади. #kurs @allaevuzb

❗️Hali ham ro’yxatdan o’tmadingizmi? Atigi 10 ta joy qoldi! 🚀 4 nafar IT giganti — bitta sahnada! Ro‘yxatdan o‘ting va imkoniyatni boy bermang!

✅Tashmuxammedov Abdukaxxor — "Smartup" asoschisi, startap arxitekturasi bo‘yicha yetakchi mutaxassis ✅ Feruzbek Allaev — "Asaxiy.uz" va "Asaxiy Books" asoschisi, raqamli savdo innovatori ✅ Rustam Rahmatov — "Iman Invest" asoschisi, fintech va texnologik yechimlar eksperti ✅ Rustam Khamdamov — "Billz" asoschisi, retail texnologiyalarini o‘zgartirayotgan visioner

🧠 Bu oddiy suhbat emas — bu real tajriba, strategiya va yutuqlarning jonli almashinuvi. 📅 23-avgust | Shanba 📍Centris Towers 🕗 09:30 - 12:30 🎫 Joylar soni cheklangan 👉 Ishtirok etish uchun hoziroq ro‘yxatdan o‘ting: https://forms.gle/7Q2y1jQ15Pxt4F9z8 @MFaktorUz

Промпт ўзи нима ва нега у бугунги куннинг энг муҳим кўникмаси? Кеча бир тадбирда сунъий интеллект (СИ) ва унинг бизнесдаги ўрни, промптлар ҳақида роса гапирибман. Якунда промпт ўзи нима деганда қовун туширганимни билдим. Шунда бизнинг кундалик луғатга кириб кетган "сеҳрли калит" — промпт (prompt) сунъий интеллектдан хабари йўқ одамлар учун ҳеч нарсани англатмаслигини тушуниб етдим. Бугунги кунда AIдан фойдалана олмаслик — бу худди компьютер ёки интернетни ишлата олмаслик билан баробар. Промптни тушунмаслик эса, бу — компьютери бор-у, лекин клавиатураси йўқ одамнинг ҳолатидир. Хўш, промпт ўзи нима? Энг содда таъриф: Промпт — бу сизнинг сунъий интеллектга берадиган буйруғингиз, саволингиз ёки топшириғингиздир. Келинг, буни эртаклардаги жин мисолида кўриб чиқайлик. Сунъий интеллект — бу ўша сиз кўзани ишқалаб чақирган қудратли, лекин сўзма-сўз ижро этувчи жин. Промпт эса — сизнинг тилагингиз. Ёмон промпт (ноаниқ тилак): "Мени бой қилиб қўй!" Жин буйруқни сўзма-сўз тушуниб, сизга бир қоп қадрсизланган пул бериши ёки сизни олтин қафасга қамаб қўйиши мумкин. Ёки Абдуллажонга ўхшаб катта пул ясаб бериши мумкин. Яхши промпт (аниқ тилак): "Менга Тошкентда ҳар ой 20 минг АҚШ доллари миқдорида соф фойда келтирадиган, "____" соҳасида компания очиш учун бизнес-режа тузиб бер." Бу аниқ топшириқ. Бизнес тилига ўгирсак, AI — бу дунёдаги ҳамма китобни ўқиган, лекин тажрибаси йўқ супер-ақлли шогирд (стажёр). Промпт эса — сиз унга берадиган техник вазифа (ТЗ). ТЗ қанчалик аниқ, батафсил ва пухта бўлса, натижа ҳам шунчалик сифатли бўлади. Нега бу муҳим? Чунки яқин келажакда рақобат "инсон vs AI" форматида бўлмайди. Ҳақиқий рақобат "СИдан яхши натижа ола оладиган инсон vs СИдан умумий жавоблар оладиган инсон" ўртасида кечади. Сизнинг мутахассис сифатидаги қийматингиз энди нафақaт нима билишингиз билан, балки ўша билимларингиз асосида СИга қанчалик тўғри вазифа қўя олишингиз билан ҳам ўлчанади. Бу — XXI асрнинг янги алифбоси. Бу тилни билмасангиз, сиз энг қудратли технологиядан шунчаки оддий ўйинчоқ сифатида фойдаланасиз. Агар уни мукаммал ўргансангиз, у сизнинг ақлий имкониятларингизни мислсиз даражада кенгайтирадиган ҳамкорга айланади. Шундай экан, промпт ёзишни ўрганинг. Бу шунчаки техник кўникма эмас. Бу — фикрларни аниқ шакллантириш, мақсад қўйиш ва дунёдаги энг қудратли ақл билан мулоқот қилиш санъатидир. #ai #prompt

Тилимиздаги муаммолар Деярли ҳар бир муассасада тил бўйича маслаҳатчи лавозими ташкил қилиняпти. Лекин нега ҳануз тилимизда бунчалик кўп муаммолар мавжуд? Кўплар саволларга жавобларни ва таҳлилни Қурултой подкастининг ушбу сонида топишингиз мумкин. 🔗 Подкастни тинглаш учун: https://youtu.be/pwMSSUwMCuM #podcast

Хитойда 16 давлатдан келганлар ўртасида робот мусобақа ўйинлари ўтказиляпти. Илонга нос чектирадиган биродарларга ташлаб қўямиз. 👉 @Zafarbek_Solijonov

АҚШ доллари расмий курси 12 466 сўмгача (-58,48 ) пастлади. #kurs @allaevuzb

“Ҳеч қандай хато қилмаслик ва барибир ютқазиш мумкин. Бу заифлик эмас. Бу — ҳаёт.” — Жан-Люк Пикар (“Star Trek”) Бизга кўпинча муваффақият формуласи сифатида "агар ҳамма нарсани тўғри қилсанг, албатта ютасан" деган ғояни сингдиришади. Бу тафаккур тарзига кўра, агар мағлуб бўлдингми, демак қаердадир хато қилгансан. Лекин ҳақиқий ҳаёт, бизнес ва карьера бу оддий мантиқдан анча мураккаб. Пикарнинг сўзлари айнан шу мураккаблик ҳақида. Сиз лойиҳани мукаммал режалаштиришингиз, бозорни тўғри таҳлил қилишингиз, энг яхши жамоани йиғишингиз ва ҳар бир қадамни аниқ босишингиз мумкин, лекин якунда барибир мағлуб бўлишингиз эҳтимоли бор. Нега? Чунки ўйинда сиз назорат қила олмайдиган кучлар ҳам иштирок этади: Ташқи муҳит: Кутилмаган иқтисодий инқироз, янги қонун ёки глобал пандемия. Кучли рақобат: Сиз ҳамма нарсани тўғри қилгандирсиз, лекин рақобатчингиз буни сиздан сал яхшироқ қилгандир. Омад омили: Баъзан шунчаки вақт нотўғри танланган ёки бозор сизнинг мукаммал маҳсулотингизга ҳали тайёр эмас бўлади. Бу фикрнинг мақсади — таслим бўлишга ундаш эмас. Аксинcha, у бизга муваффақиятни тўғри ўлчашни ўргатади. Ҳақиқий ютуқ — бу фақатгина якуний ғалаба эмас. Ҳақиқий ютуқ — бу жараённинг ўзи: қўлингиздан келган энг яхши ишни қилганингиз, принципларингизга содиқ қолганингиз ва мағлубиятдан тўғри сабоқ чиқара олганингиз. Мағлубият ҳар доим ҳам сизнинг хатоингиз белгиси эмас. Баъзан бу шунчаки ўйиннинг бир қисми эканлигини англатади. Энг муҳими — ғалаба кафолатланмаган бўлса-да, яна ўйинга қайтишга ва энг яхши юришни қилишга жазм эта олишдир. #mulohaza #biznes

АҚШ доллари расмий курси 12 524 сўмгача (+27,73 ) кўтарилди. #kurs @allaevuzb

АҚШ доллари расмий курси 12 497 сўмгача (-50,19 ) пастлади. #kurs @allaevuzb

Тадбиркорлар куни арафасида Президент томонидан Ўзбекистон бизнес ҳамжамиятининг бир қатор ёрқин вакиллари юксак давлат мукофотлари билан тақдирланди. Улар орасида Korzinka асосчиси Зафар ака Ҳошимов, Akfa Group асосчиси Жаҳонгир ака Ортиқхўжаев, TBC Uzbekistan раҳбари Ника Курдиани, DataSite асосчиси Музаффар ака Карабатыев ва Click раҳбари Улуғбек ака Рустамовлар бор. Барча мукофотланган тадбиркорларни чин дилдан табриклайман! Тўлиқ рўйхат бу ерда: https://president.uz/uz/lists/view/8385 #biznes #mukofot

Агар сизга кимдир гапни “Мен _________ эмасману, лекин...” деб бошласа, ишонинг, аксар ҳолларда у айнан ўша. Бу психологиядаги энг кенг тарқалган манипулятив усуллардан бири. Бу — ўзининг асл ниятини яширишга, айтиладиган гап учун масъулиятдан қочишга уриниш. Бу сўзлар — шунчаки риторик ниқоб ёки қалқон. “Мен ғийбатчи эмасману, лекин...” деб бошланадиган гапдан кейин энг сара ғийбат келади. “Мен миллатчи эмасману, лекин...” жумласидан кейин эса миллатчилик руҳидаги фикр янграйди. “Мен эксперт эмасману, лекин...” — бу ўз фикрини мутлақ ҳақиқат сифатида тақдим этишга тайёргарлик. “Мен руспараст эмасману, лекин...”. жумласидан кейин Украинага босқинга русларни мажбурлашгани ҳақида соловёвча фикр янграйди. Бундай ҳолатда эътиборни “лекин” сўзигача бўлган инкорга эмас, ундан кейинги тасдиққа қаратиш керак. Асл мақсад ва фикр айнан ўша ерда яширинган бўлади. Чунки самимий ва ўзига ишонган инсон ўз фикрини билдириш учун бундай “қалқон”ларга муҳтож эмас. Улар ўз позициясини очиқ ва тўғридан-тўғри баён қила олади. #mulohaza #psixologiya

🕋 Каъба ёпинчиғи – энди Ўзбекистонда! Президент ташаббуси билан муқаддас Каъба эшигининг ёпинчиғи илк бор юртимизга олиб келинибди. Ёпинчиғ Ислом Цивилизация марказида сақланар экан.

Bizda navbatdagi chegirma. "Katta o'yin" kitobiga 20%! Promokod: ALYASKA #kitob

АҚШ доллари расмий курси 12 547 сўмгача (-34,59) пастлади. #kurs @allaevuzb

Сингармонизмнинг йўқолишига нима сабаб бўлди? - Ўзбек тилида сингармонизмнинг йўқолишининг асосий сабаблари: - Тилнинг табиий ўзгариши. - Хорижий тиллардан, айниқса рус ва араб тилларидан олинган сўзлар. XX аср бошларида лотин алифбосига ўтиш. Бу ўзгаришлар сингармонизмнинг эски қоидаларини чеклаб қўйди. Қурултойнинг сингармонизм мавзусига бағишланган сонини ўтказиб юборманг: https://youtu.be/qNdtaeVPiVA #podcast

АҚШ доллари расмий курси 12 581 сўмгача (+84,22 ) кўтарилди. #kurs @allaevuzb

Келажакнинг янги алифбоси: Сунъий интеллект саводхонлиги. Яқин-яқингача ишга кириш учун чет тилини билиш катта устунлик эди. Бугун эса янги, ундан-да муҳимроқ "тил" пайдо бўлди: бу — сунъий интеллект (СИ) тили. СИ воситаларидан фойдалана олиш энди шунчаки қўшимча кўникма эмас, балки ҳар бир мутахассис учун фундаментал саводхонликка айланиб бормоқда. Лекин, энг ҳайратланарлиси, иш жараёнини ҳам осонлаштирадиган, ҳам сифатини кескин оширадиган бу технологияга нисбатан айрим ходимларнинг қанчалик кучли қаршилик кўрсатаётганидир. Ойлаб тушунтиришлар, амалий фойдасини кўрсатишга қарамай, бу "янгилик"дан қўрқиш ҳисси устунлик қилмоқда. Бу ҳолат инсон табиатидаги ўзгаришларга бўлган ибтидоий қўрқув феномени ҳақида яна бир бор чуқур ўйлашга мажбур қилади. Бу қўрқувнинг замирида бир нечта сабаб ётади: Ўрнини йўқотиш хавфи: "Агар СИ менинг ишимни қилса, менга нима керак бўлади?" деган хавотир. Номаълумликдан қўрқиш: Янги технологияни ўрганиш, ўзлаштириш ва унда "аҳмоқ" бўлиб кўринишдан чўчиш. Қулайлик зонаси: Ўн йиллар давомида шаклланган эски иш усуллари ва одатлардан воз кечишни истамаслик. Аммо бу биз учун тарихда биринчи марта содир бўлаётган ҳодиса эмас. Вақтида ҳисоб машинасидан (калькулятор) ёки компьютердан фойдаланишни рад этган ҳисобчиларни эслайлик. Улар қаерда қолди? Бугун СИга қаршилик қилаётганлар ҳам ўша тақдирни такрорлаши муқаррар. Асосий тушунишимиз керак бўлган ҳақиқат шундаки, яқин келажакда рақобат "инсон vs AI" форматида бўлмайди. Ҳақиқий рақобат "AI ишлатаётган инсон vs AI ишлатмайдиган инсон" ўртасида кечади. Сунъий интеллект — бу сизнинг ўрнингизни эгаллайдиган душман эмас. У — сизнинг ақлий имкониятларингизни кенгайтирувчи ақлли ассистент. Келажакнинг энг қимматли мутахассиси — бу ўз ақлини СИ қудрати билан бирлаштира олган "кентавр" (одам-машина гибриди) бўлади деган тахминлар бор. Буни вақт кўрсатади. Лекин, аниқки, сунъий интеллектдан унумли фойдаланган одам камроқ вақт сарфлаб, анча сифатли ва кўпроқ натижага эриша олади. Шундай экан, бугунги кундаги танлов жуда оддий: ё технологик эволюциянинг чеккасида қолиб кетиш, ёки сунъий интеллектни ўрганиб, ўз соҳасининг "супер-мутахассиси"га айланиш. Бу янги тилни ўрганмаслик энди шунчаки танлов эмас, балки профессионал ўз жонига қасд қилиш билан баробардир. #mulohaza #ai

АҚШ доллари расмий курси 12 497 сўмгача (-12,08) пастлади. #kurs @allaevuzb