Rasul Kusherbayev

❗️АҚШ 39 та давлат учун виза чекловларини жорий қилди Дональд Трамп фармонига кўра, АҚШга тўлиқ ёки қисман виза чекловлари қўлланиладиган давлатлар сони 39 тага етди. Тўлиқ чекловлар: Буркина-Фасо, Мали, Нигер, Жанубий Судан, Сурия, шунингдек Фаластин маъмурияти ҳужжатлари эгалари. Аввалдан чекловда бўлган давлатлар (Афғонистон, Эрон, Ливия, Сомали ва бошқалар) учун тақиқ сақланди. Қисман чекловлар: Бурунди, Куба, Того, Венесуэла ҳамда Ангола, Нигерия, Сенегал, Танзания ва яна қатор давлатлар. Туркманистон учун ноиммигрант визаларга чеклов бекор қилинди, аммо миграция визалари бўйича тақиқ қолди. 👉 @r_kusherbayev

❗️Тошкентга кириш чекланмайди Айрим ОАВ ва ижтимоий тармоқларда тарқалаётган хабарлар нотўғри талқин қилинмоқда. Пойтахтга кириш нуқталарида ташкил этилаётган тураргоҳлар шаҳарга кириш ёки автомобиль ҳаракатини чеклашни назарда тутмайди. Ушбу тураргоҳлар фақат қўшимча ихтиёрий қулайлик бўлиб, ҳайдовчилар истагига кўра автомобилни қолдириб, жамоат транспортидан фойдаланиши мумкин. 👉 @r_kusherbayev

❗️Тожикистонда электрон сигареталар тўлиқ тақиқланади Тожикистонда вейпларни ишлатиш, ишлаб чиқариш ва сотиш қонунан тақиқланади. Тегишли қонунни ишлаб чиқиш бўйича топшириқни Миллий мажлис раиси Рустам Эмомали берди. Қарор миллат генофондини, айниқса ёшлар ва ўсмирлар саломатлигини ҳимоя қилишга қаратилган. Мутахассислар вейплар нафас йўллари, юрак-қон томир ва онкологик касалликларга олиб келиши мумкинлигини таъкидламоқда. 👉 @r_kusherbayev

❗️Тошкентда сунъий кўллар, сояли сайр кўчалари ва янги боғлар барпо этилади Президент Шавкат Мирзиёев маълум қилишича, 3 ой ичида пойтахтнинг 4 та ҳудудида сунъий кўл ва ҳавзалар қуриш лойиҳалари тайёрланиб, ишлар бошланади. 1 июнгача ҳар бир туманда 3 тадан 5 кмлик сояли сайр кўчалари фойдаланишга топширилади. Ҳар 10 та маҳалла учун 1 тадан яшил боғ барпо этиш дастури йўлга қўйилади. 2026 йилда шаҳарда 18,5 км канал қирғоқлари мустаҳкамланиб, уларда сайилгоҳ ва яшил ҳудудлар ташкил этилади. 👉 @r_kusherbayev

“ҚазТрансОйл” Қирғизистонга нефть етказиб беришни оширади, Ўзбекистонга транзитни тиклайди Компания йил охиригача Қирғизистонга 30 минг тонна, декабрь ойида эса Ўзбекистонга 35 минг тонна нефть транзитини амалга оширишни режалаштирмоқда. Жами етказиб бериш ҳажми — 65 минг тонна. Нефть магистрал қувурлар орқали “Шағир” пунктигача, кейин темир йўл цистерналарида ташилади. 👉 @r_kusherbayev

🔥 Тошкентда олий таълим муассасалари талабалари ўртасида Заковат Интеллектуал олимпиаданинг финал босқичи ўтказилмоқда Олимпиадада «Заковат», «Брейн-ринг», «Эрудит-квартет», шахмат, шашка каби ўйинлар бўлиб ўтади. Ҳозирча «Эрудит-квартет» ўйинининг финали якунланиб, Бухоро давлат тиббиёт институти ғолибликни қўлга киритди. Ғолиб жамоа 100 млн сўм мукофот билан тақдирланди. Фан ва технологиялар университети иккинчи (60 млн сўм), Урганч давлат университети учинчи ўринни (40 млн сўм) қўлга киритди. Интеллектуал олимпиаднинг умумий соврин жамғармаси 5,4 миллиард сўмни ташкил қилади. 4,5 миллиард сўм Президент совғаси сифатида 1-3-ўринлар эгаллаган жамоаларга топширилади. Бундан ташқари, турнирнинг 6 та йўналишда ғолиб жамоалар учун жами 900 миллион сўмлик соврин жамғармаси ажратилган. Видеода: Ўзбекистон миллий университетини мағлуб этиб, финалга чиққан Тошкент давлат тиббиёт университети жамоаси хурсандчилиги. 👉 @r_kusherbayev

❗️Алишер Султонов лавозимидан олинди Президент фармони билан Алишер Саидаббасович Султанов Ўзбекистон Республикаси Президентининг энергетик хавфсизлик бўйича вакили лавозимидан озод этилди. 👉 @r_kusherbayev

⚡️ Toshkentdagi tibbiyot oliygohi — Profi University — talabalarni xalqaro standartlar asosida tayyorlaydi. Ta’lim jarayoni yetakchi xorijiy universitetlar bilan hamkorlikda tashkil etilgan bo‘lib, talabalar xalqaro miqyosda talab yuqori bo‘lgan zamonaviy tibbiy bilim va amaliy ko‘nikmalarga ega bo‘ladilar. Profi University’da talabalar faqat bilim emas, balki xalqaro tibbiyot madaniyatini — kasbiy etika, klinik fikrlash va shifokor-bemor o‘rtasidagi muloqot tamoyillarini ham o‘zlashtiradilar. @profiuniversity

❗️Бекободда пиёдани уриб юбориб каналга ташлаган ИИБ ходимига хотини ҳам ёрдам берган Бекобод шаҳар ИИБ катта тезкор вакили мast ҳолда Nexia’да пиёдани уриб кетиб, жабрланувчига ёрдам кўрсатмаган. У жасадни машинасига юклаб, турмуш ўртоғини чақирган ва эр-хотин Matiz’да 35 км узоқликдаги Фарҳод каналига ташлаб юборган. ⚖️ Ҳодиса 2025 йил 11 декабр куни содир бўлган. Жабрланувчи ўз вақтида тиббий ёрдам олмагани оқибатида вафот этган. Гумонланувчи 12 декабрь куни ушланиб, қамоққа олинган. Унга нисбатан ЖКнинг 266-моддаси 2-қисми ва 117-моддаси 2-қисми билан жиноят иши қўзғатилган. 👉@r_kusherbayev

❗️Тожикистон Ўзбекистондан электр энергияси импорт қилишни бошлади Тожикистон ҳозирда Ўзбекистондан суткасига 2 млн кВт·соатгача электр энергияси қабул қилмоқда. Имкониятлар кенгайса, етказиб бериш ҳажмини ошириш режалаштирилган. Шунингдек, Қозоғистон ва Туркманистондан электр энергияси етказиб бериш бўйича дастлабки келишувларга эришилган, техник масалалар муҳокама қилинмоқда. Тожикистоннинг Марказий Осиё Бирлашган энергетика тизимига тўлиқ қўшилиши 2026 йил I чорагида кутилмоқда. 👉 @r_kusherbayev

❗️Бугун Президент Юнусободга боради Президент Шавкат Мирзиёев 16 декабрь куни пойтахтнинг Юнусобод туманида амалга оширилган бунёдкорлик ишлари билан танишади ҳамда Тошкент шаҳрини ижтимоий-иқтисодий ривожлантириш бўйича келгуси вазифалар юзасидан йиғилиш ўтказади. 👉 @r_kusherbayev

Chery гибрид бизнес-класс седани — Arrizo 8 Hybrid Битта автомобилда самарадорлик, хавфсизлик ва премиум қулайлик. Асосий афзалликлари: 🔹 Ёқилғи сарфи — 3,9 л / 100 км 🔹 Юриш масофаси — 1400+ км 🔹 Электр режимида — 125 км 🔹 19 дақиқада 80% гача тезкор қувватлаш 🔹 10 та хавфсизлик ёстиқчаси 🔹 12 та Premium Sony аудио тизими 🔹 Вентиляция ва иситиш функцияли олдинги ўриндиқлар 🔹 Кафолат — 7 йил ёки 200 000 км Батафсил маълумот учун: +998555000655 Реклама

❗️9,2 млрд сўмдан ортиқ давлат харидларида қонунбузилишлар аниқланди Рақобат қўмитасининг ҳудудий органлари томонидан ўтказилган мониторинглар натижасида давлат харидларида 9,2 млрд сўмдан ортиқ маблағлар билан боғлиқ қонунбузилишлар фош этилди.

Қонунбузилишлар қуйидаги ташкилотлар харидларида аниқланди: ➖ Наманган: Маҳаллалар уюшмасининг Мингбулоқ тумани бўлими — 376 млн сўм; ➖ Қашқадарё: Ғузор туман ободонлаштириш бошқармаси — 1,2 млрд сўм, “Шаҳрисабз туман йўллардан фойдаланиш” УК — 491 млн сўм; ➖ Қорақалпоғистон: Шуманой тумани ободонлаштириш бошқармаси — 28 млн сўм, Нукус “Мурувват” аёллар интернат уйи — 893 млн сўм, “Ўздаверлойиҳа” институти ҳудудий бўлинмаси — 1 млрд сўмдан ортиқ; ➖ Самарқанд: Вилоят болалар кўп тармоқли тиббиёт маркази — 215 млн сўм; ➖ Сирдарё: Чиқинди полигонларини бошқариш дирекцияси — 180 млн сўм; ➖ Сурхондарё: Суд-тиббий экспертиза маркази филиали — 120 млн сўм, Ангор туман МТБ — 1,8 млрд сўмга яқин, Термиз туман МТБ — 50 млн сўм; ➖ Хоразм: Хива ихтисослаштирилган интернат уйи — 1,9 млрд сўм; ➖ Тошкент вилояти: “Ўзбекистон технологик металлар комбинати” АЖ — 3 та харид, 1 млрд сўмдан ортиқ.

⚖️ Текширувлар давомида «Рақобат тўғрисида»ги Қонуннинг 29-моддаси талаблари бузилгани, яъни савдоларда рақобатни чекловчи ҳаракатлар мавжудлиги аниқланди. Натижада буюртмачи ташкилотларга нисбатан ишлар қўзғатилди. Қонунбузилишларни бартараф этиш ва такрорланмаслиги учун мажбурий кўрсатмалар берилди. 👉 @r_kusherbayev

❗️Хитой Қозоғистонга мева-сабзавот экспорт қилишда Ўзбекистонни ортда қолдирди 2025 йилнинг 9 ойи якунларига кўра, Қозоғистонга мева ва сабзавот етказиб беришда Хитой етакчига айланди. Ҳисобот даврида Хитойдан импорт 39 фоизга ошиб, 181,7 млн долларни ташкил этган. Шу билан бирга, Ўзбекистондан етказиб бериш 12 фоизга камайиб, 128,6 млн долларга тушган. Натижада Хитой Қозоғистон бозорида асосий етказиб берувчи сифатида Ўзбекистон ўрнини эгаллади. Экспорт ҳажмининг ошиши Хитойдан картошка ва узум импортининг кескин кўпайиши билан изоҳланмоқда. Хитой ва Ўзбекистон улуши Қозоғистонга кириб келаётган барча мева-сабзавот импортининг қарийб 55 фоизини ташкил этади. 👉 @r_kusherbayev

❗️Сиднейда отишма пайтида қуролни тортиб олган шахс қаҳрамонга айланди Сиднейнинг Бонди-Бич пляжидаги отишмада 43 ёшли Аҳмад ал-Аҳмад ҳужумчилардан бирининг қуролини тортиб олиб, кўплаб инсонлар ҳаётини сақлаб қолди. У елкаси ва қўлидан жароҳат олиб, операция қилинган. Унинг жасорати Австралия ва халқаро миқёсда эътироф этилди. АҚШ президенти Доналд Трамп уни «жуда жасур инсон» деб атади. 👉 @r_kusherbayev

❗️ТАЙИНЛОВ: Абдулазиз Абдуллаевич Ғуломов Тошкент давлат транспорт университети ректори этиб тайинланди У тайинловга қадар мазкур олий таълим муассасасида ўқув ишлари бўйича проректор лавозимида фаолият юритган. 👉 @r_kusherbayev

❗️Зўравонлик ҳолатларига тезкор жавоб бериш тизими яратилиши шарт Саида Мирзиёева аёллар ва болаларга нисбатан зўравонликка қарши кураш масаласига бағишланган учрашув ҳақида ижтимоий тармоқларда фикр билдирди. Унинг таъкидлашича, Ўзбекистон Марказий Осиёда оилавий зўравонликка қарши қонун қабул қилган илк давлат ҳисобланади. Шунингдек, болаларга нисбатан содир этилган жинсий жиноятлар учун жавобгарлик ҳам кучайтирилган. Бироқ, Саида Мирзиёеванинг фикрига кўра, қабул қилинган қонунлар билан чекланиб қолмаслик зарур. Зўравонлик ҳолатларига нисбатан тезкор ва самарали чора кўриш тизимини ишлаб чиқиш муҳим.

“Кўпинча ҳақиқий аҳвол кўзга кўринмайди, кўп нарса яширилади. Биз ҳали ҳам статистикани ошкор қилишдан, таъна-маломатга қолишдан, обрўйимиз тўкилишидан қўрқамиз, танқидни қабул қилолмаймиз.”, — дея қайд этди у.

Саида Мирзиёева барча масъул раҳбарларни бу мулоқотдан тегишли хулосалар чиқаришга чақирди. Унинг таъкидлашича, зўравонликнинг ҳар қандай кўринишига қарши муросасиз кураш ва инсон ҳуқуқларини ҳимоя қилиш фақат сўзда эмас, амалий ҳаракатларда намоён бўлиши лозим.

“Инсон тақдири статистикадан минг карра муҳимроқ”, — дея хулоса қилди у.

👉 @r_kusherbayev

❗️Зарарли APK файллар бўйича огоҳлантириш Сўнгги пайтларда “Байрамга таклифнома”, “Сенинг расмларинг”, “Суд чақируви” каби номлар остида зарарли APK файллар тарқалмоқда. Бундай файлларни очманг ва қурилмангизга ўрнатманг! Агар шубҳали иловалар ўрнатиб юборилган бўлса: ➖интернетни ўчиринг ёки парвоз режимига ўтинг; ➖созламалар орқали иловани дарҳол ўчириб ташланг; ➖муаммо сақланса, мутахассисга мурожаат қилинг. Ҳар қандай APK файл хавфли бўлиши мумкин. 👉 @r_kusherbayev

#SPromaxPlastPremium, #HududiyRivojlanish, #ZamonaviyTexnologiyalar 🔺 Bugun S Promax Plast Premium zavodi faoliyatining tantanali ochilish marosimi bo‘lib o’tdi. ⚡️ Mazkur tadbir doirasida korxonamizga Qashqadaryo viloyati hokimi Murotjon Azimov va Ko‘kdala tumani hokimi Xurram Djurayev tashrif buyurishdi. Hurmatli mehmonlarni zavod ta’sischisi Qodirali Mamataliyev hamda korxona direktori Anvar Axmedov tantanali tarzda kutib oldilar. 💠 Tadbir davomida Qashqadaryo viloyati hokimi Murotjon Azimov zavod ochilishining ramziy lenta kesish marosimida qatnashdilar va zavodning ishga tushirilishi munosabati bilan tashabbuskorlarni samimiy qutladi hamda ularning sa’y-harakatlarini e’tirof etdi. Shundan so‘ng viloyat hokimi korxona faoliyati, ishlab chiqarish jarayonlari hamda mavjud texnologik imkoniyatlar bilan yaqindan tanishdi.

Tashrif chog‘ida Murotjon Azimov mazkur korxonaning tuman va viloyat iqtisodiyoti rivojiga qo‘shayotgan hissasi, yangi ish o‘rinlari yaratishdagi ahamiyati hamda sanoat salohiyatini oshirishdagi o‘rni alohida ta’kidlab o‘tdi. Shuningdek, kelgusida ishlab chiqarishni kengaytirish va samaradorlikni oshirish yuzasidan tegishli tavsiya va takliflar bildirildi.

⛈ S Promax Plast Premium — zamonaviy ishlab chiqarish, barqaror rivojlanish va yuksak maqsadlar sari dadil qadam! ⭐️Rasmiy sahifalarimiz: 🔹 Telegram | 🌍 Veb-sayt 🔹 Instagram | 🔹 Youtube