Islom.uz

Paygambar izidan Madina sari #yangiliklar 🕋 @islomuz

#Саҳобалар_ҳаёти Меҳрибонлик ва масъулият туйғуси Ибн Саъд Жаъфар ибн Муҳаммад розияллоҳу анҳудан, у эса ўз отасидан ривоят қиладилар: «Умар розияллоҳу анҳуга Ямандан кийимлар келди. Умар розияллоҳу анҳу уларни одамларга кийгизди. Ҳамма янги кийим кийиб юра бошлади. Умар Пайғамбар соллаллоҳу алайҳи васалламнинг қабрлари ва минбарлари орасида ўтирар, одамлар эса унинг олдига келиб, салом беришар ва ҳаққига дуо қилар эдилар. Шу пайт Ҳасан ва Ҳусайн розияллоҳу анҳумолар кела бошладилар. Икковларининг устиларида ҳалиги кийимлардан ҳеч нарса йўқ эди. Умарнинг қовоқлари осилиб, икки қоши орасида тугун пайдо бўлди. Сўнгра: «Аллоҳга қасамки, сизларга кийдирган нарсам менга татимади», деди. «Эй мўминларнинг амири, қавмингизга кийим кийдирдингиз. Яхши қилдингиз!?» дедилар. 🔗 Тўлиқ ўқиш 🕋 @islomuz

#Кун_дуоси Тўсатдан келадиган балодан сақланиш عَنْ أَبَانَ بْنِ عُثْمَانَ، عَنْ أَبِيهِ رَضِيَ اللهُ عَنْهُمَا قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: مَنْ قَالَ بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ، ثَلَاثَ مَرَّاتٍ لَمْ تُصِبْهُ فَجْأَةُ بَلَاءٍ حَتَّى يُمْسِيَ، قَالَ: فَأَصَابَ أَبَانَ الفَالِجُ، فَجَعَلَ الرَّجُلُ الَّذِي سَمِعَ عَنْهُ الْحَدِيْثَ يَنْظُرُ إِلَيْهِ، فَقَالَ لَهُ: مَا لَكَ تَنْظُرُ إِلَيَّ! فَوَاللهِ مَا كَذَبْتُ عَلَى عُثْمَانَ، وَلَا كَذَبَ عُثْمَانُ عَلَى النَّبِيِّ صَلَّى اللهُ عَلَيْهِ وَسَلَّمَ ، وَلَكِنِ الْيَوْمُ الَّذِي أَصَابَنِي فِيْهِ مَا أَصَابَنِي غَضِبْتُ فَنَسِيْتُ أَنْ أَقُولَهَا. رَوَى هَذِهِ السِّتَّةَ أَصْحَابُ السُّنَنِ. Абон ибн Усмондан, у отаси розияллоҳу анҳумодан ривоят қилинади: «Расулуллоҳ соллаллоҳу алайҳи васалламнинг «Ким «Бисмиллаҳиллазии лаа язурру маъа исмиҳи шайъун фил арзи ва лаа фис-самааи ва ҳувас-самийъул алийм»ни уч марта айтса, кеч киргунча унга тўсатдан келадиган бало етмайди», деганларини эшитдим». Абонга фалаж етди. Ундан юқоридаги ҳадисни эшитган киши унга қарай бошлади. Шунда Абон унга: «Нимага менга (бундай) қараяпсан?! Аллоҳга қасамки, мен Усмонга ёлғонни нисбат берганим йўқ. Усмон ҳам Набий соллаллоҳу алайҳи васалламга ёлғонни нисбат бергани йўқ. Аммо менга мусибат етган куни ғазабланиб, уни айтишни унутибман», деди». 🔗 Тўлиқ ўқиш 🕋 @islomuz

13. Baqara surasi (106-115-oyatlar) | "Tafsiri Hilol" kitobi Shayx Muhammad Sodiq Muhammad Yusuf hazratlarining "Tafsiri Hilol" kitoblari Qori: Shayx Mahmud Xalil Xusoriy Suxandon: Abdulqayyum Ismoil #tafsir 🌐 YouTube 🕋 @islomuz

#Мўминларга_эслатма Фаришта жавоб қайтариб турган эди! Бир киши Абу Бакр Сиддиқ розияллоҳу анҳуни ҳақорат қилди. Расулуллоҳ соллаллоҳу алайҳи васаллам ҳам ўша ерда эдилар. Абу Бакр розияллоҳу анҳу у кишига ҳеч нарса демади. Расулуллоҳ соллаллоҳу алайҳи васаллам бундан ажабланиб, табассум қилиб ўтирдилар. Ҳалиги киши сўкишни ҳаддан оширганидан сўнг Абу Бакр розияллоҳу анҳу бир нарса деб унга жавоб қайтарди. Расулуллоҳ соллаллоҳу алайҳи васаллам аччиқланиб туриб кетдилар. Шунда Абу Бакр розияллоҳу анҳу Расулуллоҳ соллаллоҳу алайҳи васалламнинг ортларидан бориб сўради: - Эй Аллоҳнинг Расули! У мени сўкканида ўтирдингиз, аммо мен жавоб қайтарганимда ғазабланиб туриб кетдингиз?! Набий алайҳиссалом дедилар: - Бир фаришта сен билан бирга бўлиб, ҳалиги сўккан кишига жавоб қайтариб турган эди. Сен жавоб қайтаришни бошлаганингда фаришта кетиб, шайтон келди. Мен шайтон билан бир жойда ўтирмайман! 🔗 Тўлиқ ўқиш 🕋 @islomuz

#Суннат_ва_замонавий_илм Ютиш ва ютилиш доимо назоратда Денгиз медузасидан сиёҳ балиққача, сазандан китгача, амёбадан сув тошбақаларигача барча жонзотларнинг ҳар бири алоҳида ўзига хос гўзал яратилиши, турли ҳимоя воситалари, ғаройиб мудофаа усуллари ҳамда турфа ҳаёт дастурлари билан Яратувчисининг буюк қудрати ва ҳикматига далолат қилади. Аслида уларнинг барчаси умумий шаклда ҳам Аллоҳнинг борлиги ва бирлигини қуёшдек равшан тарзда кўрсатиб беради. Денгизлар оламидаги кўз қамаштирувчи кўркамлик ва интизом чексиз қудрат ва илм, сўнмас ҳикмат Эгасига далолат қилишини ақл ва қалб кўзи билан кўргандан кейин, ҳикматини билмай туриб, катта балиқнинг кичик балиқни ютишини «яшаш учун «кураш», дея ҳаёт фалсафаси сифатида қабул қилиш нотўғри, албатта. 🔗 Тўлиқ ўқиш 🕋 @islomuz

#Кун_дуоси Ҳеч ким ундан кўра афзал нарса қила олмайди عَنْ أَبِي هُرَيْرَةَ رَضِي اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: مَنْ قَالَ: لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ فِي يَوْمٍ مِائَةَ مَرَّةٍ كَانَتْ لَهُ عَدْلَ عَشْرِ رِقَابٍ، وَكُتِبَتْ لَهُ مِائَةُ حَسَنَةٍ، وَمُحِيَتْ عَنْهُ مِائَةُ سَيِّئَةٍ، وَكَانَتْ لَهُ حِرْزًا مِنَ الشَّيْطَانِ يَوْمَهُ ذَلِكَ حَتَّى يُمْسِيَ، وَلَمْ يَأْتِ أَحَدٌ أَفْضَلَ مِمَّا جَاءَ بِهِ إِلَّا أَحَدٌ عَمِلَ أَكْثَرَ مِنْ ذَلِكَ. وَمَنْ قَالَ: سُبْحَانَ اللهِ وَبِحَمْدِهِ فِي يَوْمٍ مِائَةَ مَرَّةٍ حُطَّتْ خَطَايَاهُ وَلَوْ كَانَتْ مِثْلَ زَبَدِ الْبَحْرِ. رَوَاهُ الشَّيْخَانِ وَالتِّرْمِذِيُّ. Абу Ҳурайрадан ривоят қилинади: «Расулуллоҳ соллаллоҳу алайҳи васаллам: «Ким бир кунда юз марта «Лаа илааҳа иллаллоҳу, ваҳдаҳу лаа шарийка лаҳу, лаҳул мулку ва лаҳул ҳамду ва ҳува алаа кулли шайъин қодийр» деса, бу унинг учун ўнта қулни озод қилишга баробар бўлади, унга юзта ҳасана битилади ва ундан юзта ёмонлик ўчирилади. Бу унга шу кунда шайтондан ҳимоя бўлади. Ўша ҳол кеч киргунча давом этади. Ҳеч ким у қилган нарсадан афзалроқ нарса қила олмайди. Ким бундан кўпроқ қилган бўлса, мустасно. Ким бир кунда юз марта «Субҳаналлоҳи ва биҳамдиҳи» деса, унинг хатолари денгиз кўпикларича бўлса ҳам ўчирилади», дедилар». 🔗 Тўлиқ ўқиш 🕋 @islomuz

Qozog‘istonda bo‘lib o‘tgan “Ruhiy tarbiya” kitobining taqdimotidan videolavha 🎙 Samal xonim, “Ruhiy tarbiya” kitobi tarjimoni 🕋 @islomuz

#Саҳобалар_ҳаёти Нарх ҳам йўқ. Ҳисоб ҳам йўқ Усмон ибн Аффон розияллоҳу анҳу бутун имкониятларини ишга солиб, ҳамиша Аллоҳ таолонинг розилигини топиш пайида яшадилар. Пайғамбар соллаллоҳу алайҳи васалламдан ҳеч ҳам ажрамадилар. Сафардаю ҳазарда у зотнинг амрларига муштоқ бўлиб, сергак турдилар. Набий соллаллоҳу алайҳи васаллам бошлиқ Ислом жамиятининг кўзга кўринган арбоби бўлдилар. Усмон ибн Аффон розияллоҳу анҳунинг иймон, Ислом, дину диёнат, мусулмонлар оммаси учун қилган ишлари ниҳоятда кўп эди. У кишининг Аллоҳ таолонинг розилигини тилаб қилган ибодатлари, амаллари олий даражада эди. Бу ишларнинг ҳаммаси Расулуллоҳ соллаллоҳу алайҳи васалламнинг олиймақом ваъдалари билан юқори баҳоланди. Бу маънодаги баъзи ҳадиси шарифларни ўрганиб ўтдик. Яна баъзиларини ўрганишимиз бор, иншааллоҳ. 🔗 Тўлиқ ўқиш 🕋 @islomuz

Ҳалол луқма Имом Аҳмад раҳимаҳуллоҳдан: «Қалблар нима билан юмшаб, эрийди?», деб сўралганда: «Ҳалол ейиш билан», дея жавоб бердилар. «Маноқибул имами Аҳмад» асаридан 🕋 @islomuz

#Тарих Абул Аббос Саффоҳ (халифалик даври: ҳижрий 132-136; милодий 750-754) Тўлиқ исми – Абдуллоҳ ибн Муҳаммад ибн Алий ибн Абдуллоҳ ибн Аббос. У Бану Аббоснинг биринчи халифасидир. Отаси аббосийлар давлатининг биринчи мутафаккири – аббосийлар давлати тузиш фикрини ўртага ташлаган одам бўлиб, ушбу фикрни ёйиш учун кўплаб ишларни амалга оширган. Абдуллоҳ унинг кўп сирларини билар эди. Абул Аббос Саффоҳнинг акаси Иброҳим ҳижрий 129 (милодий 746) йилда умавийлар томонидан қамалишидан олдин ўз ўрнига укасини сайлаб кетган эди. У ўз жамоати билан махфий равишда Куфага келиб жойлашганди. 🔗 Тўлиқ ўқиш 🕋 @islomuz

#Уламолар Имом Абу Мансур Мотуридий раҳматуллоҳи алайҳининг шогирдлари Барча катта уламолар каби, имом Абу Мансур Мотуридий раҳматуллоҳи алайҳи ҳам кўплаб қобилиятли ва машҳур олимларни тарбиялаб етиштирдилар. Катта шайх ва устозлар даражасига етган мазкур шогирдлар Ислом оламида илм ва маърифатнинг гуллаб-яшнашига муносиб ҳисса қўшдилар. Улардан баъзиларини эслаб ўтишга ижозат бергайсиз. 1. Имом Исҳоқ ибн Муҳаммад ибн Исмоил Ҳаким Самарқандий. Абу Саъд Самъоний у киши ҳақида сўз юритар экан, «У Абдуллоҳ ибн Саҳл Зоҳиддан ва Амр ибн Осим Марвазийдан ҳадис ривоят қилган ва Абу Мансур Мотуридийда фақиҳ бўлган», дейди. «Табақотус-саниййа» китобида ҳам Имом Исҳоқ ибн Муҳаммад ибн Исмоил Ҳаким Самарқандийнинг имом Абу Мансур Мотуридий раҳматуллоҳи алайҳидан фиқҳ ва калом илмлари бўйича таҳсил олганлари айтилади. Имом Исҳоқ ибн Муҳаммад ибн Исмоил Ҳаким Самарқандий раҳматуллоҳи алайҳи узоқ вақт Самарқандда қозилик қилганлар, кўп мақтовларга сазовор бўлганлар ва ишларни ҳикмат билан битирганлари ва ҳикматли мавъизалар қилганлари учун Ҳаким лақабини олганлар. У киши раҳматуллоҳи алайҳи ҳижрий 342 сана, муҳаррам ойининг Ошуро куни Самарқандда вафот этганлар ва ўша ерга дафн қилинганлар. 🔗 Тўлиқ ўқиш 🕋 @islomuz

#Кун_дуоси Муъаввизатайнни доим ўқиб юришнинг фазилати عَنْ عَبْدِ اللهِ بْنِ خُبَيْبٍ رَضِي اللهُ عَنْهُ قَالَ: خَرَجْنَا فِي لَيْلَةِ مَطَرٍ وَظُلْمَةٍ شَدِيدَةٍ نَطْلُبُ رَسُولَ اللهِ صَلَّى اللهُ عَلَيْهِ وَسَلَّمَ لِيُصَلِّيَ لَنَا فَأَدْرَكْنَاهُ فَقَالَ: قُلْ، فَلَمْ أَقُلْ شَيْئًا، ثُمَّ قَالَ: قُلْ، فَلَمْ أَقُلْ شَيْئًا، قَالَ: قُلْ، فَقُلْتُ: مَا أَقُولُ يَا رَسُولَ اللهِ؟ قَالَ: قُلْ هُوَ اللهُ أَحَدٌ، وَالْمُعَوِّذَتَيْنِ حِينَ تُمْسِي وَحِيْنَ تُصْبِحُ ثَلَاثَ مَرَّاتٍ تَكْفِيكَ مِنْ كُلِّ شَيْءٍ. Абдуллоҳ ибн Хубайб розияллоҳу анҳудан ривоят қилинади: «Бир ёмғирли ва қоп-қоронғу кечада Расулуллоҳ соллаллоҳу алайҳи васалламни бизга намоз ўқиб беришлари учун излаб, чиқдик. Бас, у зотни топдик. Шунда у зот менга: «Айт», дедилар. Мен ҳеч нарса айтмадим. У зот яна: «Айт», дедилар. Мен ҳеч нарса айтмадим. У зот яна: «Айт», дедилар. «Нимани айтаман, эй Аллоҳнинг Расули!» дедим. «Қул ҳуваллоҳу аҳад ва муъаввизатайнни тонг оттирганингда ва кунни кеч қилганингда уч марта айтсанг, сенга ҳар бир нарсадан кифоя қилади», дедилар». 🔗 Тўлиқ ўқиш 🕋 @islomuz

Qozog‘istonda bo‘lib o‘tgan “Ruhiy tarbiya” kitobining taqdimotidan videolavha 🎙 Quttiqiz Seydmanova Ko‘bey qizi, “Ruhiy tarbiya” kitobi tarjimoni 🕋 @islomuz

#Мазҳабда_муваффақият_бор Абу Ҳанифа берган ечимлар Шуҳрати бутун дунёга етган олим, имом Таҳовий бутун умрини Абу Ҳанифа мазҳабига хизмат қилишга бағишлади. Мазҳаб илмининг мустаҳкам усулга асосланганини билгани учун шундай қилди. Биринчи, иккинчи ва учинчи асрларда бошқа мужтаҳидлар ҳам бўлган, аммо уларнинг усули бу тўрт мазҳаб имомлариникичалик кучли эмас эди. Бу биринчи масала. Иккинчи масала – мазҳаблардаги фиқҳий масалаларнинг бениҳоя кўплиги масаласи. «Нима учун Умар розияллоҳу анҳуга эмас, Абу Ҳанифага эргашамиз? Ахир ҳазрати Умар барча мужтаҳидлардан афзал-ку? Нега Абу Бакрга, нега Алийга эргашмаймиз? Тенги йўқ мужтаҳид саҳобалар турганда, нега улар билан кифояланмаймиз?» деган саволлар берилади. 🔗 Тўлиқ ўқиш 🕋 @islomuz

Amsterdamdagi Fotih masjidida «Muzeylar kechasi» o'tkazildi #yangiliklar 🕋 @islomuz

«Hadis va Hayot» silsilasining 5-juzidan #Hadis_va_Hayot 📚 @hadisislomuz

#Кун_дуоси Сенинг шеригинг йўқ, Муҳаммад Сенинг банданг ва расулингдир عَنْ أَنَسٍ رَضِي اللهُ عَنْهُ ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَنْ قَالَ حِينَ يُصْبِحُ: اللَّهُمَّ إِنِّي أَصْبَحْتُ أُشْهِدُكَ، وَأُشْهِدُ حَمَلَةَ عَرْشِكَ وَمَلَائِكَتَكَ وَجَمِيعَ خَلْقِكَ بِأَنَّكَ أَنْتَ اللهُ لَا إِلَهَ إِلَّا أَنْتَ وَحْدَكَ لَا شَرِيكَ لَكَ، وَأَنَّ مُحَمَّدًا عَبْدُكَ وَرَسُولُكَ إِلَّا غَفَرَ اللهُ لَهُ مَا أَصَابَ فِي يَوْمِهِ ذَلِكَ مِنْ ذَنْبٍ، وَإِنْ قَالَهَا حِينَ يُمْسِي غُفِرَ لَهُ مَا أَصَابَ تِلْكَ اللَّيْلَةَ. Анас розияллоҳу анҳудан ривоят қилинади: «Набий соллаллоҳу алайҳи васаллам: «Ким тонг отганда: «Аллоҳумма! иннии асбаҳту ушҳидука ва ушҳиду ҳамалата аршика ва малаикатака ва жамиъа холқика бианнака анталлоҳу лаа илааҳа иллаа анта, ваҳдака, лаа шарийка лака. Ва анна Муҳаммадан абдука ва расулука» деса, албатта Аллоҳ унинг ўша куни қилган гуноҳини мағфират қилади. Агар уларни кеч кирганда айтса, ўша кечаси қилгани мағфират қилинади», дедилар». Дуонинг маъноси: «Аллоҳим! Албатта, мен Сени, аршингни кўтариб турувчиларни, фаришталарингни ва барча махлуқларингни гувоҳ қилиб айтаманки, албатта, Сен Аллоҳсан! Сендан ўзга илоҳи маъбуд йўқ. Сен ёлғизсан! Сенинг шеригинг йўқ. Албатта, Муҳаммад Сенинг банданг ва расулингдир». 🕋 @islomuz

Qozog‘istonda bo‘lib o‘tgan “Ruhiy tarbiya” kitobining taqdimotidan videolavha 🎙 Oralxan Seydmanov Rahmatbek o‘g‘li Nur-Muborak universitetining katta o‘qituvchisi 🕋 @islomuz

12. Baqara surasi (97-105-oyatlar) | "Tafsiri Hilol" kitobi Shayx Muhammad Sodiq Muhammad Yusuf hazratlarining "Tafsiri Hilol" kitoblari Qori: Shayx Mahmud Xalil Xusoriy Suxandon: Abdulqayyum Ismoil #tafsir 🌐 YouTube 🕋 @islomuz