Yoshlar - kelajagimiz ️️️

Диққат сўровнома! 🔘 Сизнингча, қайси туман ва шаҳар ҳокими ёшлар масаласида энг ташаббускор ҳоким? 🕔 Овоз бериш 29 декабрь соат 23:59 гача давом этади. Овоз бериш

MUROJAATNOMA: Vatan manfaati — xalqimiz manfaatidir!

... Yurtimizda hukmronlik qiladigan “Islohat islohot uchun emas, avvalo inson qadri uchun”, degan ulug‘vor g‘oya jamiyatimizning har jabhasida namoyon bo‘la boshladi. Bu borada amalga oshirilayotgan har bir katta strategik maqsadlar, davlat dasturlari va tashabbuslar xalqimiz tomonidan saylangan xalq vakillari, jamoatchilik bilan bamaslahat amalga oshirilishida ko‘rish, kuzatish mumkin. Shu ma’noda, 2025-yilning 26-dekabr kuni Oliy Majlis va butun xalqqa yo‘llangan Prezidentning Murojaatnomasi – yangi O‘zbekiston taraqqiyotining navbatdagi muhim bosqichining belgisi sifatida qabul qilindi. Xususan, 2026-yil — “Mahallani rivojlantirish va jamiyatni yuksaltirish yili” deb e’lon qilinishi ham jamoatchilik tomonidan katta umid va quvonch bilan kutib olindi.

📖 Batafsil o‘qish: Maqola Azizbek AMONOV BuxDU dotsenti, Respublika Maʼrifat targ‘ibotchilar jamiyati aʼzosi. @yoshlar_kelajagimiz_buxoro

PREZIDENT MUROJAATNOMASI – TARAQQIYOTNING YANGI BOSQICHI UCHUN DASTURILAMAL Kuni kecha biz butun O‘zbekiston xalqi bilan birga davlatimiz rahbari, muhtaram Prezidentimiz Shavkat Mirziyoyevning Oliy Majlis va xalqimizga yo‘llagan navbatdagi Murojaatnomasini katta qiziqish va chuqur hayajon bilan tingladik. Ushbu Murojaatnoma nafaqat o‘tayotgan yil sarhisobi, balki mamlakatimiz taraqqiyotining yaqin va o‘rta istiqboldagi eng muhim strategik yo‘nalishlarini belgilab beruvchi, Yangi O‘zbekistonning kelgusi taraqqiyot bosqichlari uchun poydevor qo‘yuvchi dasturiy hujjat bo‘ldi. ✔️ Batafsil Obidjon Xamidov O'zLiDeP Buxoro viloyati Kengashi raisi, Xalq deputatlari viloyat Kengashi deputati, Xalq deputatlari viloyat Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi, Buxoro davlat universiteti rektori, iqtisodiyot fanlari doktori, professor @yoshlar_kelajagimiz_buxoro

2025 yil 26 dekabr kuni O‘zbekiston Respublikasi Prezidenti tomonidan taqdim etilgan murojaatnomada yoshlar bilan ishlash masalalari mamlakatning barqaror rivojlanishini ta’minlovchi muhim omil sifatida belgilandi. Unda yosh avlodning sifatli ta’lim olishi, raqobatbardosh kasb-hunarlarni egallashi, ijtimoiy faolligini oshirish hamda bandligini ta’minlashga qaratilgan chora-tadbirlarni yanada kuchaytirish zarurligi alohida qayd etildi. Shuningdek, yoshlarning innovatsion g‘oyalari va tashabbuslarini qo‘llab-quvvatlash, ularni jamiyat hayotiga faol jalb etish orqali Yangi O‘zbekistonning mustahkam poydevorini barpo etish ustuvor vazifalardan biri sifatida ko‘rsatib o‘tildi. Mazkur murojaatnoma yoshlar siyosatini aniq amaliy natijalarga yo‘naltirgan holda izchil davom ettirishga xizmat qiladi. Mustafo Ismatov Buxoro shahar “Otbozor” mahalla fuqarolar yig‘ini yoshlar yetakchisi Xalq deputatlari shahar Kengashi huzuridagi Yoshlar maslahat guruhi a’zosi Oliy Majlis Senati huzuridagi Yoshlar parlamentining “Faollar jamoasi” a’zosi

Маҳалла – ёшлар ташаббуслари учун кенг майдон Ўзбекистон Республикаси Президенти томонидан 2026-йилнинг “Маҳаллани ривожлантириш ва жамиятни юксалтириш йили” деб эълон қилиниши мамлакатимиз ҳаётида муҳим сиёсий ва ижтимоий аҳамиятга эга бўлган қарор ҳисобланади. Ушбу ташаббус, аввало, халқимизнинг азалий қадриятлари, миллий давлатчилик анъаналари ва жамиятни қуйи бўғиндан бошлаб ривожлантириш тамойилларига тўлиқ мос келади. Маҳалла — бу фақат ҳудудий бирлик эмас, балки жамиятнинг маънавий таянчи, ижтимоий бирдамлик ва ҳамжиҳатлик мактабидир. Сўнгги йилларда давлатимиз раҳбари томонидан олиб борилаётган кенг кўламли ислоҳотлар натижасида маҳалла институтининг ваколатлари ва масъулияти сезиларли даражада кенгайди. Бугун маҳалла аҳолининг муаммоларини жойида ҳал этиш, ижтимоий ҳимояни кучайтириш, бандликни таъминлаш, ёшлар ва хотин-қизлар билан манзилли ишлашнинг энг самарали механизмига айланмоқда. 2026-йилнинг айнан маҳаллани ривожлантиришга бағишланиши жамиятимизда “инсон қадри учун” тамойилини янада мустаҳкамлашга хизмат қилади. Бу йил доирасида маҳаллаларнинг инфратузилмасини яхшилаш, уларни иқтисодий ва ташкилий жиҳатдан мустақилроқ қилиш, фуқароларнинг ташаббусларини қўллаб-қувватлаш, энг муҳими, аҳоли билан бевосита мулоқот асосида ишлаш тизимини такомиллаштириш кўзда тутилмоқда. Айниқса, ёшлар учун бу ташаббус янги имкониятлар эшигини очади. Бугун маҳалла ёшларнинг ижтимоий фаоллигини ошириш, уларни ватанпарварлик, ташаббускорлик ва масъулият руҳида тарбиялашда муҳим майдонга айланмоқда. Ёшлар муаммоларини жойида ўрганиш, уларнинг ғоя ва ташаббусларини қўллаб-қувватлаш орқали жамият тараққиётига хизмат қиладиган кучли фуқаролик позициясига эга авлод шаклланмоқда. Халқ депутатлари Бухоро вилояти Кенгаши ҳузуридаги Ёшлар маслаҳат гуруҳи сифатида биз ушбу муҳим ташаббусни тўлиқ қўллаб-қувватлаймиз. Ёшлар маҳаллаларни ривожлантириш жараёнида фаол иштирок этиши, ижтимоий лойиҳалар, волонтёрлик ҳаракатлари, маънавий-маърифий тадбирлар орқали жамият ҳаётига ўз ҳиссасини қўшиши зарур, деб ҳисоблаймиз. Зеро, маҳалланинг бугунги тараққиёти — ёшларнинг эртанги келажагидир. Ишонч билан айтиш мумкинки, “Маҳаллани ривожлантириш ва жамиятни юксалтириш йили” мамлакатимизда фуқаролик жамиятини мустаҳкамлаш, халқ билан давлат ўртасидаги ишончни янада кучайтириш ҳамда Янги Ўзбекистон тараққиёт стратегиясининг муҳим амалий босқичига айланади. Маҳалла ривожланган жойда — жамият юксалади, жамият юксалган жойда эса давлат барқарор бўлади. Рустамжон Раҳимбоев, Халқ депутатлари Бухоро вилояти Кенгаши ҳузуридаги Ёшлар маслаҳат гуруҳи раҳбари @Jamol_Nosirov

#maqola MAROMIYLIK – MILLIY QADRIYATLARNI ASRAGAN HOLDA JAMIYАT TAFAKKURINI YАNGILASh YO‘LI Har bir xalqning marosimlari jamiyatning qiyofasini namoyon qiladi. Chunki to‘y, ta’ziya, ma’raka va boshqa urf-odatlar shunchaki qadimdan qolgan an’analar emas, balki xalqning dunyoqarashi, ma’naviy qiyofasi va ijtimoiy munosabatlarining jonli ifodasidir. Qaysi jamiyatda marosimlar qanday o‘tayotganiga qarab, u yerda inson qadri qanday baholanayotganini, oilaga, jamoaga, mehnat va sarf-xarajatga qanday munosabat mavjud ekanini anglash mumkin. ... ... Maromiylik – qadimiy tamoyilning zamonaviy talqini Xo‘p “maromiylik” nima? Marosimlar jamiyatning ichki holatini ochib beradi: uning bag‘rikengligi, hamdardligi, kamtarligi yoki aksincha, isrofga moyilligi, ijtimoiy raqobat va «el nima deydi» degan stereotiplarga qanchalik bog‘lanib qolganini ko‘rsatadi. Maqolani batafsil o'qish Azizbek AMONOV, Buxoro davlat universiteti dotsenti, Respublika “Ma’rifat targ‘ibotchilari” jamiyati a’zosi

#Sarhisob #statistika 🧮 Buxoro viloyatida 2025-yil 1-dekabr holatida o‘zgalar parvarishiga muhtoj bo‘lgan yolg'iz va yolg'iz yashaydigan keksalar 1120 nafarni tashkil etadi. 🏓 O‘zbekiston Respublikasi Vazirlar Mahkamasining 2025-yil 18-iyundagi 376-sonli “O‘zgalar parvarishiga muhtoj shaxslarga vaucher asosida yangi ijtimoiy xizmatlardan foydalanish tartibini joriy etish chora-tadbirlari to‘g‘risida”gi qaroriga asosan, 2025-yil 1-iyundan boshlab “Faol hayotga qadam” dasturi doirasida "O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslar reyestrida"gi shaxslarga, "Kambag‘al oilalar reyestri"ga kiritilgan yoki “Ijtimoiy himoya yagona reyestri” axborot tizimi orqali bolalar nafaqasi yoki moddiy yordam oluvchi oilasida yashovchi o‘zgalar parvarishiga muhtoj yoki nogironligi bo‘lgan shaxslarga 5 turdagi yangi ijtimoiy xizmatlar ko‘rsatilishi yo‘lga qo‘yildi. 👨‍🦽 "Faol hayotga qadam” dasturi doirasida jami 1710 nafar fuqarolar qamrab olindi. Shundan, ✅ Kunduzgi qatnov asosida qarab turish xizmati - 142 nafar; ✅ Uy sharoitida qarab turish xizmati - 394 nafar; ✅ Uyda tibbiy-ijtimoiy reabilitatsiya xizmati - 295 nafar; ✅ Uy sharoitida ijtimoiy-maishiy yordam ko'rsatish xizmati - 851 nafar; ✅ Shaxsiy yordamchi xizmati - 28 nafar. 💵 Dastur doirasida 272 ta tadbirkorlar tomonidan ko‘rsatilgan 5 turdagi ijtimoiy xizmatlari uchun 831,6 mln.so‘m mablag‘ ijtimoiy jamg‘arma mablag‘lari hisobidan qoplab berildi. 🟢Ijtimoiy himoya milliy agentligi Buxoro viloyati boshqarmasi 📝Telegram

Zarnigor opa

БУХДУ ВОЛЕЙБОЛ ЖАМОАЛАРИ — РЕСПУБЛИКА МАЙДОНЛАРИДА МУТЛАҚ ҒОЛИБ! 🏆 Бухоро давлат университети волейбол жамоалари республика миқёсидаги нуфузли мусобақаларда тарихий натижага эришиб, қизлар ва йигитлар жамоалари бир вақтда мутлақ ғолиб бўлди. Бухоро шаҳрида бўлиб ўтган волейбол спорт тури бўйича қизлар ўртасида U20 Ўзбекистон кубоги, ўғил болалар ўртасида U21 Ўзбекистон чемпионати доирасидаги финал учрашувлари юқори савияда, кескин ва муросасиз баҳслар остида якунланди. Финал баҳсида БухДУ йигитлар жамоаси Қорақалпоғистон Республикаси терма жамоасига қарши майдонга тушиб, ишончли ўйин намойиш этди ҳамда 3:0 ҳисобида ғалаба қозониб, Ўзбекистон чемпиони бўлди. Йигитлар ўртасида U21 Ўзбекистон чемпионати якуний натижалари: 1-ўрин — БухДУ 2-ўрин — Қорақалпоғистон Республикаси 3-ўрин — Навоий вилояти БухДУ қизлар жамоаси эса U20 Ўзбекистон кубоги финалида Хоразм вилояти терма жамоасига қарши баҳс олиб бориб, 3:0 ҳисобида ғалаба қозониб, мусобақа чемпиони сифатида эътироф этилди. Қизлар ўртасида U20 Ўзбекистон кубоги якуний натижалари: 1-ўрин — БухДУ 2-ўрин — Хоразм вилояти 3-ўрин — Жиззах вилояти Мусобақалар якунига бағишланган тантанали тақдирлаш маросими кенг жамоатчилик иштирокида ўтказилди. Унда Бухоро вилояти ҳокими Ботир Зарипов, Бухоро давлат университети ректори Обиджон Хамидов, университет жамоаси, спорт мутахассислари ҳамда мухлислар қатнашди. Ғолиб спортчилар, мураббийлар ва жамоа аъзолари фахрий ёрлиқлар, кубоклар ҳамда эсдалик совғалари билан тақдирланди. Расмий нутқларда БухДУ волейбол жамоаларининг республика миқёсидаги юксак натижалари юқори баҳоланиб, келгусида халқаро мусобақаларда ҳам муносиб иштирок этишларига ишонч билдирилди. ✨ Ушбу тарихий ғалаба Бухоро давлат университетининг спорт соҳасидаги салоҳияти ва нуфузини яна бир бор намоён этиб, талаба-ёшлар учун кучли мотивация манбаи бўлиб хизмат қилмоқда. 🏐 БУХДУ ҚИЗЛАР ВА ЙИГИТЛАР ВОЛЕЙБОЛ ЖАМОАЛАРИ — ЎЗБЕКИСТОН ЧЕМПИОНЛАРИ!

🟦🟦🟦🟦 ☄️📚✅BUXDU — VOLEYBOL MAYDONLARIDA MUTLAQ YETAKCHI! 🖼️Buxoro davlat universiteti voleybol jamoalari respublika miqyosidagi nufuzli musobaqalarda yuksak natijalarga erishdi. Jumladan, qizlar o‘rtasida U20 O‘zbekiston kubogi hamda o‘g‘il bolalar o‘rtasida U21 O‘zbekiston chempionati musobaqalarida BuxDU terma jamoalari qizlar va yigitlar o‘rtasida mutlaq g‘olib bo‘ldi. ⭐️ Musobaqalar yakuniga bag‘ishlangan tantanali taqdirlash marosimi keng jamoatchilik ishtirokida o‘tkazildi. Unda Buxoro viloyati hokimi Botir Zaripov boshchiligidagi viloyat rahbariyati, Buxoro davlat universiteti rektori Obidjon Xamidov boshchiligidagi universitet jamoasi, sport mutaxassislari hamda muxlislar ishtirok etdilar. 💠Tadbir davomida g‘olib sportchilar, murabbiylar va jamoa a’zolari faxriy yorliqlar, kubok va esdalik sovg‘alari bilan tantanali ravishda taqdirlandi. Rasmiy nutqlarda BuxDU voleybol jamoalarining respublika miqyosidagi muvaffaqiyati yuqori baholanib, kelgusida xalqaro musobaqalarda ham munosib ishtirok etishlariga ishonch bildirildi. ✨Ushbu tarixiy g‘alaba Buxoro davlat universitetining sport sohasidagi nufuzi va salohiyatini yana bir bor namoyon etib, talaba-yoshlar uchun yuksak motivatsiya manbai bo‘lib xizmat qilmoqda. ✅ Ijtimoiy tarmoqlardagi sahifalarimiz: 🌐  BuxDU.uz | ✅ Telegram | 🌐 Instagram | ✅ Facebook | 📹 Youtube