Sariq Dev

Orada koʻngilxushlik ham qilib turish kerak.

TechCrunch Disrupt konferensiyasining birinchi kunini yakunladik. Taassurotlar bir olam. Mohirdev va mohir.ai uchun bir nechta hamkorlar topdik. Kunni esa Halal Dastarhan restoranida Silkroad Hub va IT park tomonidan tashkil etilgan networking tushlik bilan yakunladik.

Kelajakda shu koʻrinishda boʻlar ekan, yaʼni umuman haydovchisiz, faqat yoʻlovchilar uchun.

Zoox - oʻzi yurar mashinalar startupi. San Francisco koʻchalarida yuribdi.

Oʻzbekistondan ham dunyoni zabt etadigan startuplar chiqishi uchun nima qilish kerak? Stanford bitiruvchisi va Silkroad Innovation Hub asoschisi Asror Arabjonovdan yoshlarga tavsiyalar. Toʻliq video Youtubeda.

Endi Oʻzbek startuplar ham bemalol Silikon Vodiysiga chiqishi mumkin. Qanday qilib deysizmi? Videoni koʻring.

Ha aytgancha, bularning hammasini San Franciscoda vatandoshlarimiz tomonidan ochilgan SilkRoad Innovation Hub kompaniyasi tashkil qilayapti. Kecha ularning ofisida Markaziy Osiyodan kelgan boshqa startuplar bilan tanishib, oʻz loyihalarimizni taqdim qildik.

Oʻzi Amerikaga nega keldik? 19-21 Sentabr kunlari San Franciscoda katta TechCrunch Disrupt tadbiri boʻlib oʻtadi. Tadbirda dunyo boʻylab minglab startuplar oʻz loyihalarini taqdim qiladi. Maqsad, investorlar va hamkorlar bilan aloqa oʻrnatish, tajriba almashish, IT olamida boʻlayotgan yangiliklardan xabardor boʻlish. Bu yil Silikon vodiysidagi vatandoshlarimiz Markaziy Osiyo startuplarini ham tadbirga taklif qilishdi. Tadbirda qatnashish pullik va bu harajatlar Oʻzbekiston IT park tarafidan qoplab berildi, bu uchun IT park va Raqamlashtirish vazirligiga alohida minnatdorman. Oʻzbekistondan Mohirdevdan tashqari, Workly, Iman, MyID va boshqa startuplar kelgan. Xullas, keyingi uch kun TechCrunch Disruptdamiz.

Bu kichik garaj Silikon vodiysining ilk startupining ofisi hisoblanadi. Bugungi kunda Oʻzbekistonda ham dongʻi ketgan kompaniya oʻz faoliyatini 1939 yilda aynan shu kichkina kulbada boshlagan. Topingchi, bu qaysi kompaniya? P.s. Suratdagi asl garajning nusxasi.

Bu oliygoh talabalarini “Fermaga xush kelibsiz” deb kutib olar ekan. Topingchi biz qayerda?

Google: Yana qulayliklar

Googledagi sharoitlarni koʻrganda xayolga keladigan savol “Bu yerda oʻzi ishlashadimi?”

Nonushtani Googleda qildik