" سوادس قلبي "

استاذ هسة ذكرتنه مشتاقيلك وينك

شلونكم داداتي ؟؟؟

اخيرا خلصت اليوم من شرح الفصل الثالث كتلني كتل

للاسف وصلنا مرحلة المدرس يركض بيها ورا الطالب علمود يمتحن !

شون حظ سويت ريوك وحبز ماكو متتعرفون فرن مفتح هسه يمنا بالمنطقة متوازي🤣

سوادس قلبي اكتبولي سوالفكم واسئلتكم الغريبة

الله يقويكم ❤️❤️

#رأيي 📣 #نصيحتي بخصوص " الأنتساب ➕ " بصراحة هو سلاح ذو حدين لو يرفعك لو يسقطك وانت صاحب الإختيار. الأنتساب هو نظام ينطيك مساحة ووقت ويخليك مسؤول عن نفسك ، فإذا عرفت تسيس وترتب وضعك فأنت بهذا النظام تصير ملك والضغط يخف عليك والامور لوز. ▪️الأنتساب شنو يحب ؟ ✔️ - الأنتساب يحب طالب يضبط نفسو ويعرف يديرها بشكل صح ويعرف شنو واجبو وشنو الأولوية. ▫️ الأنتساب شيكره ؟ ❌ - الأنتساب يكره نوعية الطلاب اللي تحتاج واحد فوكها ولازم بالكوة يلا يقرون ، اذا انت من هذا النوع دير بالك تفكر اصلاً بالانتساب. #نصيحتي | ● إذا انت طالب ملتزم تعرف مصلحة نفسك وفاهم وواعي الوضع وعندك دورات خصوصي وملتزم مع اساتذتك ومتابع معاهم فيفيدك الأنتساب لأنه اذا داومت مدرسة ف مستحيل تكدر توازن بينهم. ○ إذا كنت طالب ما تمشي الا بدوام وناس على راسك وتسخت فلا تتقرب ولا تجي يم شي اسمو انتساب قطعاً زين ؟ ● اذا كنت طالب حاير أنك تسوي انتساب أو لا ف الأفضل أنك تجرب الدوام اسبوع او اسبوعين او ثلاثة بعدها تقرر شنو حيكون مصيرك زين ؟ لأنه ممكن الدوام يفيدك ممكن لا ف جرب وقرر. ○ ما انصح الطلاب اللي ماعدهم دورات يقدمون على هذا النظام ، لأنه اذا ماعندك دورات عليش تروح انتساب ؟ #بالنهاية | - كثير طلاب قبلكم جربت هذا النظام وصاروا فئتين : ● فئة نقذها هذا النظام وحققت بي نجاح كبير لأنهم كانوا ملتزمين مع نفسهم ويحاسبوها. ○ فئة دمرها الأنتساب وقضى عليها بالتسخيت لأنه هذا النظام ينطي للطالب حرية نفسو فإذا كان ضعيف النفس يضيع بي. والقرار قرارك ...👀 #ســـالـــم_ال_مــنـــصـــور #شبكة_نيوتن_التعليمية https://t.me/Newton1998

مباشر