شعر شعبي عراقي💔

شلون احبك ؟ ‏يا طريقة التغري گلبك ‏تريد بخيوط الشَمس ‏يمتزج شعرك ‏تريد ارسملَك نجوم ‏شوية حُمرة بلون خدك ‏تحب اجيبنلك حواري ‏يحضرنّلك حتى اكلك ‏اني حاضر ؛ گُلي هسه ‏شلون احبك ؟

مَنين أجيت وبالعشك عِندك يقين مَنين أجيت وّ ياهو سوالك درب أطيني مهلة وَ خل أشوفن وضعي زين وخل أشوف أنوب هم أكدر احَب گَلبي تَيهته وَ شرد مَا أدري وين وهاي صَار سَنين مَا عندي گَلب

تعال ومُر علَّي حتى لو رمضان اشوفك عيد گبل العيد افطر حتى صيامي يفرق عن الاسلام حسب جيّتك يجوز يطوّل اشهر تعال شعطّلك ماجيتني شبيك؟ آنة وبيتنا وشارعنا ننطر كل ساعة اطلع اسمع صوت علىٰ الباب ثاري الباب ضلّ بروحة يسطر

ضِل بليل ماَكو وَميزَت ضلَك    واَندلَك واجيك    وِاَكَدر اَوصلَك اَدُورِكَ مَا اَمل وِالكاَك واَندلَك ولوِ حَبة رمِل عنوانك بصحراءاشمأ ريحتك بالكاع واوصلك

مامنكسر راح ابدي من جده وجديد راح الون كل حياتي وكل يوم يطلع عليه اعتبره عيد مامنكسر بعد عندي احلام وراح احققها وهـاي عيونك الصلفة اوعدك راح اكسرها

حِن واني أحِن غَناها ياس بكُل حِزن وانَـه أستِمع واتذَكَرك ودموعي تاكِل بالجِفِن ليش ارحَلِت من دَنيتني ؟ وسهامَك لكَلبي دِفن يَمته تحِن وترِد الي والجَسد بَعدك مِنطِعن دِنياي صارَت بَس وهَم وساعاتي صارَن بَس حِزن .

گاتبني للعَطش بس بالي مرتاح أشرب بالرمل ومَا أنذل للانهَار وي الگاع طولي ومن تچي الريح أضِل ثابت أنا وتهتَز الاشچِارَ .

جنت ضايع وشفت بعيونك الحلوات بيت وشفت بمتونك محطة لعيني لو مرة بچيت وشفت جفك حضن الجفوفي الصغيرة وبوسطها اني ارتميت وشفت صدرك مرسى الية وعلى صدرك راسي خليتة وغفيت

اشوفك بالحلم واكعد دموعي تسيل واعيش اليوم كله بحلم ماضي واحسب بالدقايق يمتى انام الليل واشوفك بس حلم هم اني راضي.

نزل عيونك الحد هسه منها اخجل بعدني اشتاقلك وبعينك اتغزل بعدني اوگف بابك رغم كل صار مثل مايوگف بضهر الصحاري التل بعدني اتخايلك زعلان وارد ارضيك گبل جنت انگل الخيرين من تزعل جان الضحك يترس وجهي قبل النوم هسه من البجي المخاد تتبلل

بيني وبين نفسي شكد افكر بيك واكول شمعنى انت الشاغل اضنوني مو اول عشكـ خاطر تشل الحاال ولاا اول جمال تشوفك عيوني شجاهه الروح يمك ذبت الاسرار وليش ارجف عليك وينخطف لوني

رمضان العشك مفطر بالدموع وبس عالنوم راح تصوم عيني سحور الصفنة يبدي بأول الليل وانسى الزاد ويبدي يأذن حنيني وكل عصرت عطش تتخاوه لضلوع واكل للموت هلمره اشتهيني واذبل وارتوي بذكرة انت وياي مسامر بيها ما بينك وبيني واحسبة الشهر يكضي الفطر شفاي وشرب عافيتي وموشل اسنيني اول يوم كون تمرلي بالعيد ثالث يوم ميته لا تجيني

حرت وياچ يا غزل يرهم على طولج ويا أغنية التكدر توصف عيونج ويا شعر يرهم على لونج حرت شحچي و شكول انت ذيج الشمعة التضوي بكل مكان انت ذيج النجمة المضوية المكان وانت ذيج الوردة التفوح بكل حديقة يا شمعتي ويا نجمتي ويا وردتي البيضة النقية الماكو منها بكل مكان

يا ام العيون البالشمس تشاف كلش شكرهه ومن يلتقن رمش بـ رمش تلكيني رايح سفرهه وحت الزعل مالج حلو من يجي الليل وما أجي وأبقى أني طالع براا يا واهسي الخلاني أحب كل الجنت ما اطيقة!. ولو ردت أكبتلج شعر اركض احط منج عطر بعدين أحط موسيقى

يَكول سبحان الـ خَلقلچ هاَي العيِون وسبحان الـ خَلقلچ هَيجِ شاَمة اليخطفچ مَنِ ه‍َلج والله معذور ومَـا يَلام ، اذا هَد بعمامه _انتِ البطريق ؟ يَشوفچ يجَوز ،ما يوصَل لبيت اهَله بسَلامه _وعذراً عذرِاً ع السؤال بداخلِي يدور نضراتچ شدعوة بلفخامة

متحطم واشوف احلامي تنهار وانا شعندي بس كلمة هضيمه اقنع نفسي واكولن باجر تهون ما تبقى عالحال احسبهه غيمه وصار سنين اكولن باجر تهون لا ميت ولا فك كلبي ضيمه سكف عندي وحبل بالبيت موجود موت الله بعد فكره قديمه

بعيوني أريدك تجي لو بس حلم عابر انطيني نسمة هوى و براحتك سافر لو گلبي ، لو خاطري ما أعرف شكاسر

- عَيناكِ كَالعَراقِ ، مُغريةُ واحَدة دجِلة والأخُرى فَرات عِند رمشَة واحِدة يلتقِيان لِـ يُنسج منهُما شَط العَرب عَيناكِ . . . بغَداد ونسائمُها واحَدة المُتنبي والأخُرى سَاحة التحَرير وأنا الثَائرِ ! الذِي يُطَالب بهُم عَيناكِ بغَداد الصُغرى بَريقهُما كَنصب الحُرية يشعُ

بروِحِك شِكم سماَ ومِا غيمت وياي عليهَ تزِخ عطشَ ومنشفَ السبعه المفارك مبِينِ عذره يمشي وِيِاه الماَ بِيه شوك طافَيةالعشك بيه لمعه بكِصايب يا حلمِ شِديِت روحك خيِط خيطك منِ يمر دخانِ ما كطعهِ ثكلِت بروحي جِثهِ وما لكت جِناز اليِفاركني شبِر أبقى ألتفتلَه سنِين واتاني بِكل جرح يا لجمه لترجعه